بكائية صعيدى حـر

[سامى عبد المنعم]

بكائية صعيدى حـر من كتاباتى وكتبت ف التسعينات

ماتعجنيش يا ما واكفى المجور
سهم انطلق ياما ولكل واحد دور
فينا اللى عاش ياما .. فينا اللى مات مقهور
اهو كلوا موت ياما .. مين بس مات مستور

ياما كنا اسياد .. كنا اكتر عدد
وولاد الخواجات يتمنولنا الهدد
و سرخنا ف العروبة مالجينا المدد
جاى الجبان ياما جومى وطفى النور

ببكى على اطفال .. ف عمر الزهور شايبين
وابكى على فتيات .. ف عمر الصبا ضايعين
ببكى على كل حبة رمل .. عايشة ف فلسطين
وعلى خيرت شباب الوطن جوا السجون مأسور

الحاج بوش ياما سروا كبير باتع
ضرب الافغـان يوما ولاكنش ليه رادع
واخد العراق يوما باشارة من صابع
فارس وسيفه جضى وسيف الفقير مكسور

لبنان بتبكى ياما .. راح الامان منها
والجولان يوما .. كان السلام دينـها
حتى ايرا يوما .. محـتاجه ندعـيلها
نفسى يعود النور .. وارجع لكى منصور

ماتعجنيش ياما واكفى الماجور
سهم انطلق ياما ولكل واحد دور
فينا اللى عاش ياما .. فينا اللى مات مقهور
اهو كلوا موت ياما .. مين بس مات مستور

سامى عبد المنعم السويسى
ملحوظه : القصيدة فى اواخر التسعينات لم تكن بهذا الشكل فانا من الفها ومن عدل فيها لتتواكب مع احداث العصر ولى نص مسرحى مجاز رقابيا ف عام 2000 بعنوان انهم يسرقون الحلم وعضوا رابطة الزجالين وكتاب الاغانى فرع السويس من عام 97 حتى 2000 وعضو فرقة السويس القوميه منذ عام 1990 حتى 2002 وعضو فرقة انغام الشباب بمسرح البالون لعام 2001 واكرمنى الله وحصلت على عدة جوائز شهادة تقدير من ادارة مهرجان الربيع المسريع عام 99 وشهاده من برنامج لقاء لقاء الادباء القناه الرابعه بعد ان حصلت على مركز اول ف القصة القصيرة لى مستوى مدن القناه .. جائزة وزارة الشباب والرياضة ف مهرجان الشعراء الشبان لعام 2001 جائزة مناصفة على هامش مهرجان بنت عروس بدولت تونس الشقيق عام 1996 عن اغنيتى مليون سلام اداء مطربة شيماء فكرى .. وهذه الكلمات ليس للتباهى والله ولكن لاثبت ان ما اكتب ليس منقولا عن احد لان اخلاقى وسنى فانا اكتب الشعر والزجل و القصة القصير منذ عام 1989 تقريبا منذ ان كنت ف المرحلة الثانوية كما اننى فرح جدا وذكرت هذا من قبل بتواجدى معكم وارجوا الا توثر هذه الكلمات على العلاقة الطيبة بيننا والله الموفق لنا جميعا .
سامى عبد المنعم

[سامى عبد المنعم]

ايه يا جماعة هى القصيده وحشة للدرجة دى
اول مره اكتب حاجة ومالقيش رد او رأى
انا شاكر للجميع
بكائية صعيدى حر
سامى عبد المنعم

[هيـــــرٍوٍوٍ]

والله حلوه
خليك واثق من نفسك
يمكن هما حاجه مش عجباهم وتعجبك انت
ويمكن العكس
المهم خليك واثق من نفسك
انا كمان صعيدى
بجد القصيده حلوه
تسلم ايدك

[محمد فياض]

رائع والله رائع

أسلوبك سلس ينم عن ثمة تشبع للعامية المصرية ولا أقول الصعيدية

أخي الغالي

برجاء تعديل جملة :

الحاج بوش ..........

ولو حتي كنت تقصد التهكم

فلا تدنس كلمة حاج " ولله علي الناس حج البيت لمن استطاع إليه سبيلا"

صدق الله العظيم

[سامى عبد المنعم]

انا متشكر جدا للاخ هيرووو
والاخ محمد فياض انا شاكر للملاحظة واتمنى ان نصبح اصدقاء
اخوكم سامى عبد المنعم

[يارايارا]

قصيده معبره وجميله اتمني لك التوفيق

[هيثم حمدي]

اهلا اخي سامي,,,

بالفعل عبرت ولهجتك عن الرجل الصعيدي
كلماتك جميلك بحييك عليها يا سامي
واتمني في المرة المقبلة الا تتعجل في ان تجد ردودا سريعة لكتاباتك الجميلة

شكرا لك,,,

[hassan omran]

المشاركة الأصلية بواسطة سامى عبد المنعم

بكائية صعيدى حـر من كتاباتى وكتبت ف التسعينات

ماتعجنيش يا ما واكفى المجور
سهم انطلق ياما ولكل واحد دور
فينا اللى عاش ياما .. فينا اللى مات مقهور
اهو كلوا موت ياما .. مين بس مات مستور

ياما كنا اسياد .. كنا اكتر عدد
وولاد الخواجات يتمنولنا الهدد
و سرخنا ف العروبة مالجينا المدد
جاى الجبان ياما جومى وطفى النور

ببكى على اطفال .. ف عمر الزهور شايبين
وابكى على فتيات .. ف عمر الصبا ضايعين
ببكى على كل حبة رمل .. عايشة ف فلسطين
وعلى خيرت شباب الوطن جوا السجون مأسور

الحاج بوش ياما سروا كبير باتع
ضرب الافغـان يوما ولاكنش ليه رادع
واخد العراق يوما باشارة من صابع
فارس وسيفه جضى وسيف الفقير مكسور

لبنان بتبكى ياما .. راح الامان منها
والجولان يوما .. كان السلام دينـها
حتى ايرا يوما .. محـتاجه ندعـيلها
نفسى يعود النور .. وارجع لكى منصور

ماتعجنيش ياما واكفى الماجور
سهم انطلق ياما ولكل واحد دور
فينا اللى عاش ياما .. فينا اللى مات مقهور
اهو كلوا موت ياما .. مين بس مات مستور

سامى عبد المنعم السويسى
ملحوظه : القصيدة فى اواخر التسعينات لم تكن بهذا الشكل فانا من الفها ومن عدل فيها لتتواكب مع احداث العصر ولى نص مسرحى مجاز رقابيا ف عام 2000 بعنوان انهم يسرقون الحلم وعضوا رابطة الزجالين وكتاب الاغانى فرع السويس من عام 97 حتى 2000 وعضو فرقة السويس القوميه منذ عام 1990 حتى 2002 وعضو فرقة انغام الشباب بمسرح البالون لعام 2001 واكرمنى الله وحصلت على عدة جوائز شهادة تقدير من ادارة مهرجان الربيع المسريع عام 99 وشهاده من برنامج لقاء لقاء الادباء القناه الرابعه بعد ان حصلت على مركز اول ف القصة القصيرة لى مستوى مدن القناه .. جائزة وزارة الشباب والرياضة ف مهرجان الشعراء الشبان لعام 2001 جائزة مناصفة على هامش مهرجان بنت عروس بدولت تونس الشقيق عام 1996 عن اغنيتى مليون سلام اداء مطربة شيماء فكرى .. وهذه الكلمات ليس للتباهى والله ولكن لاثبت ان ما اكتب ليس منقولا عن احد لان اخلاقى وسنى فانا اكتب الشعر والزجل و القصة القصير منذ عام 1989 تقريبا منذ ان كنت ف المرحلة الثانوية كما اننى فرح جدا وذكرت هذا من قبل بتواجدى معكم وارجوا الا توثر هذه الكلمات على العلاقة الطيبة بيننا والله الموفق لنا جميعا .
سامى عبد المنعم

الأستاذ / سامى المحترم

هذه القصيده التى قرأتها الآن من أجمل ما قرأتها على المنتدى
وأنا تعاملت مع كلماتك الرائعه
بدون باقى تعريفك لشخصك فهذا ما جذبنى اليك
كلماتك الرائعه واصل وعلى تواصل
ونرجوا كتابه أزجالك فى خواطر على بالى لآبن مصر

[مستكة]

قصيده جميله جدا

وبتتكلم عن واقعنا المرير

حضرتك وفقت جدا فيها

واسلوبها بيفكرني بالابنودي وخصوصا في اختيار المفردات الصعيدي

بالتوفيق دائما

[teto_g14]

قصة جميلة اوى تسلم ايدك

[فراق84]

قصيدة عبرت عن الواقع
شكرا للصعيدي الحر
اللي عبر عنا
بطريقة عجزنا عنها
اختك فراق

[جناب العمدة]

القصيدة رائعة بالفعل وتنم عن موهبة وتمكن .

سلسلة موسيقاها جميلة .

تحيتى لك أخى سامى ولا تحرمنا من المزيد .

[سامى عبد المنعم]

شاكر جدا لكل الاخوه والاخوات .. الزملاء الافاضل على كل الردود الجميلة
واشرف لى التواجد بين اسرتكم
سامى عبد المنعـم