يصح الكلام ده بردك يرضيكوا

[وشوشنى]

بصراحة الناس الى بالعقلية دى مينفعش تعد تحاورة لانو مهما كلمتو مش هتوصلو لبر..

[نرجسية]

الأخ كاتب الموضوع

مافهمته أن أحدهم من غير المصريين عايرك بقذارة الشوارع فى مصر
و يربط بين ذلك و بين حضارة 7 آلاف سنة
ما أراه أن لديه كامل الحق فى ذلك
فأبسط أشكال التحضر هو النظافة

نعم نحن كمصريين لا نقبل الاساءة لبلدنا حتى لو كانت شوارعها غير نظيفة

ما علينا الا أن نحسن من أنفسنا
و كل فرد يبدأ بنفسه

أن نتعلم القاء المهملات فى سلة المهملات و ليس فى الشارع

أن نرأف بحال الكناس و لا نفسد له عمله طوال اليوم بمجرد القاء ورقة أو منديل


نفعل ذلك من أجل بلدنا و من أجل أنفسنا و ليس لكى لا يعايرنا الآخرون




عايزة أقول كلمة واحدة

مش المطلوب ان كل الردود تؤيد الكاتب
و كل عضو من حقه الاعتراض على ما ورد بالموضوع
أو حتى يعبر عن عدم فهمه لكلام الكاتب
لكن ياريت لما ينتقد يكون النقد موضوعى

بس كدة
صعبة دى ؟؟؟


شكراً لكم

[amr_miza1]

المشاركة الأصلية بواسطة نرجسية

عايزة أقول كلمة واحدة

مش المطلوب ان كل الردود تؤيد الكاتب
و كل عضو من حقه الاعتراض على ما ورد بالموضوع
أو حتى يعبر عن عدم فهمه لكلام الكاتب
لكن ياريت لما ينتقد يكون النقد موضوعى

بس كدة
صعبة دى ؟؟؟


شكراً لكم

نرجسية ..

وما الفرق بين الاعتراض على ما ورد فى الموضوع وبين النقد
والمهم فى النقد ان يتم بدون تجريح لصاحب الموضوع
وهذا ما حدث فى ردى على صاحب الموضوع

__

أخى صاحب الموضوع

أقدم لك اعتذارى اذا كنتَ أخطأتَ الظن بى
أو اذا كان قد خاننى التعبير

[نرجسية]

المشاركة الأصلية بواسطة amr_miza1

نرجسية ..

وما الفرق بين الاعتراض على ما ورد فى الموضوع وبين النقد
والمهم فى النقد ان يتم بدون تجريح لصاحب الموضوع
وهذا ما حدث فى ردى على صاحب الموضوع

أن تعترض و تذكر أسباب اعتراضك بمنطقية و بدون استخفاف
هذا هو النقد الموضوعى
__

أخى صاحب الموضوع

أقدم لك اعتذارى اذا كنتَ أخطأتَ الظن بى

أو اذا كان قد خاننى التعبير

أعتقد أن هذه الجملة كافية يا عمرو

أنت من الأعضاء اللذين لا ننتظر منهم الا كل خير
وش القفص يعنى

رجاء أن تحافظ على هذه المكانة

و الواضح أن المسألة كانت خيانة تعبير

مع انك أبو التعبير

أحييك على شجاعتك بالاعتذار

فالشخص الذى يعتذر شخص واثق من نفسه

[amr_miza1]

المشاركة الأصلية بواسطة نرجسية

[/color][/b][/center]

أن تعترض و تذكر أسباب اعتراضك بمنطقية و بدون استخفاف
هذا هو النقد الموضوعى
__

أعتقد أن هذه الجملة كافية يا عمرو

أنت من الأعضاء اللذين لا ننتظر منهم الا كل خير
وش القفص يعنى

رجاء أن تحافظ على هذه المكانة

و الواضح أن المسألة كانت خيانة تعبير
مع انك أبو التعبير

مممم أحرجتينى كدا
وخصوصا ابو التعبير دى
__

وفى انتظار الأخ صاحب الموضوع ليتفهم الأمر

[al_copraa]

بصراحه ومحدش يزعل منى وارجوكم تقبلو ردى على الموضوع بصراحه
الراجل ده معاه حق
احنا لا نملك سوى الكلام عن الامجاد والاجداد واننا ( كنا ) اصل الحضاره والتعليم والثقافه والعلم و و و و و ... طب ودلوقتى فعلا بقينا فى ذيل العالم

[احمد محرم]

المشاركة الأصلية بواسطة احمد محرم

أشكر للإدارة المعالجة الواعية وتفهم الأمور ووضعها فى مكانها السليم وأنا قمت بتعديل ردى ليمضى الموضوع فى سياقه الذى وضع من أجله

وربنا المعبود ياجماعة انا قلتلكم الموضوع بالحق بس يمكن رغم انى متعلم تعليم عالى ماعرفتش اكتبه بالشوكة والسكينة انا حتى من لخبطى مابقيتش عارف انا غلطان ولا لا وغلطان فى ايه انا طلبت من صاحبى وهو اللى كان بيخلينى اقرا لمراة العزيز كتير وعرفنى المنتدى وقلتله اكتبلى حاجة لانى مش فاهم هى المفروض مخانقة مثلا ولا ايه بالظبط كتبلى الكلمتين اللى مقتبسهم دول ولغاية كده ومشكرين مش رايخ اعرف اتكلم مع حد فى الموضوع ده وكفيت عالخبر مجور ولا حد يزعل خالص وانا مفيش حاجة فى نفسى وبتجول فى المنتدى وينتقابل فى مواضيع تانية

[نرجسية]

الأخ احمد محرم
قسم فضفضة بالذات لا يحتاج الى كلام بالشوكة و السكينة
الفضفضة معناها الواحد يقول اللى فى قلبه من دون تصنع أو تكلف

و اجمل ما فى الفضفضة العفوية و الصراحة و الصدق
و ده اللى موجود فى مشاركاتك

و أى شئ بعد كدة كابس على قلبك احكيه من غير تردد فى قسم الفضفضة

و شكراً لصاحبك اللى كتب لك الكلمتين الجامدين دول
مع انه لو كانت طلعت بأسلوبك البسيط ده كنا حنتقبلها برضو

[احمد محرم]

ربنا يكرم اصلك ياست المشرفة احلى حاجة فى السوق اصلنا بشتغل من صغرى فى السوق وابويا علمنى عالى والحمد لله لكن العلام الحقيقى من السوق واحلى حاجة فى علام السوق ان محدش بيقول انه بيعلم حد صحيح الواحد بيدفع التمن لكن ماتلاقيش حد يحسس غيره انه مابيفهمش كله يقول احنا بنتعلم ومش حلو نتعالى عالناس انا ابويا كان ينزلنا من البيت قبل الغدا عشان نتغدى كلنا مع الصنايعية ولما يشوف حد منا مزمزء يقولنا الخير اللى احنا فيه فوق ده فى البيت من ايدين الناس دى فطلعنا كده والصراحة التعالى فى الفهم والمعرفة وتحسيس الناس ان كلامهم مش مفهوم بيحرج بردك ويحرق الدم ولا ايه وانا اصلا كنت عايز يعنى ابقى زى احمد رجب كده يعنى بسخرية فى الكلام لكن اللى قلته ده حصل بالملى والنعمة الشريفة وكت مخنوق من الكلام قلت اكتبه اصلى فرعى فى المهندسين وهناك جامعة الدول وزباينا كلهم من المنطقة فالى مش اجنبى اهو مصرى عايش بره بس ادى كل الموضوع وحصل خير

[نرجسية]

أنت بتشتغل ايه يا سيد أحمد محرم ؟؟
و تعليمك ايه ؟؟؟

و للا أقول لك استنى

ادخل هنا و عرفنا بنفسك

http://www.ebnmasr.net/forum/t61524.html#post678887

[احمد محرم]

بس أنا كده زعلان لوكان كل موضوع مهم وانا اعرف انه مهم ويهمكم كلكم يصل فيه سوء تفاهم مثلا يتقلب ويتهمل نبقى بنخسر مابنكسبش محدش بيعانى من الزبالة فى مصر طب يفكر فى حل المشكلة لغيره من الناس اللى التلوث بياكل فى عمرهم وربنا بنشوف حاجات تقصف عمر البنى ادمين ياجماعة اتكلمو فى حل للموضوع وانا مش جاى عشان حد يقولى موضوعك حلو ولا اسلوبك وحش انا عايز اسمعكم وباستفيد فيدونى وحتى لو ماستفدتوش