متــــــى تقــــــول لا؟؟

[عتاب]

اوقات كتير بيكون نفسنا نقول لأ
واوقات كتير بنمتنع عنها
اما خوفا على انفسنا
او على جرح مشاعر الاخرين
او محاباة لغيرنا
او
او
ويمكن بنحب نساعد غيرنا وعشان كده مش بنقول لا

ياترى بتقول لا ... بتقولها كتير ؟؟
بتخاف تزعل اللي قدامك والا بتقولها بغض النظر عن رد فعلهم؟
امتى بتقول لا بكل ثقة ؟

[**ريفيرا**]

جبتيها يا عتاب
مبعرفش اقول لا لحد ابدا
حتي لو ده هياثر علي سلبيا
ودا الي مضيعني
بقول لا بكل جراة لما اكون مثلا
واحدة طلبت مني حاجة وسببت
لاي حاجة من حاجاتي ضرر بقول لا
لكن لو هتسبب لي انا شخصيا
الضرر مش بقول لا ابدا

[True_Face]

اذا مقلتيش لا فى الاول عمرك متعرفى تقولى لا تانى

كلمة لا ، لازم تتقال بصرف النظر لمين او امتى
طالما فى ماكنها الصح والوقت المناسب

[احمد محرم]

انا بقى بيقولو عنى انى اول كلمة سمعوها منى وانا لسة بتعلم النطق لا بجد وحياة ربنا اهلى بيقولو كده لكن انا هنا اقول الحق ومن غير زعل ماحدش بيقدر يقول لا على حاجة غير ان كان عارف انها مش حتعمله مشكله يااما يودى وشه بعيد حتى لا بقت لها حساباتها وطول المطلوب ما هو فى متناول الايد الواحد منينا مابيدقش

[semsema2008]

بص خالف تعرف ده الى انا ماشيه عليه انا مسمينى الشريك المخالف مش عرفه بحب اقول لااااااااااااااااااااااااااااااااا كتير ليه

[برديس]

يعنى يا عتاب
بقولها لما اكون خلاص فعلا مش هقدر اعمل المطلوب منى
لكن اوقات كتير بكون على نفسى ومش بقولها علشان
مزعلش الاقدامى

[mostafa10]

مع اني جرئ بس مش بعرف اقولها ساعات

ساعات بتقف على لساني مش عارف ليه

بس لما برجع لنفسي بصرخ وبقولها بصوت عالي طالما انا مقتنع

[amr_miza1]

الحالة اللى بقولها وبالفم المليان .. لما يكون فيه ظلم هيقع على حد
فى الوقت دا لا أخشى فى الحق لومة لائم .

لان فى النهاية مش هخالف ضميرى ومش هقعد اتعذب ولا أأنب نفسى على موقف مقولتش فيه كلمة حق .
احساس الظلم بجد اصعب شيء تتحمله البشر
وعلشان فى المواقف دى لازم اقول لأ مهما كانت الظروف .


لكن فى اوقات تانية مش بقول لأ .. ولكن
لما يكون الموضوع لا يعنينى بشيء ولم يُطلب منى تحديد موقفى
لأن من تدخل فينا لا يعنيه , سمع مالا يرضية .

موضوع مهم يا عتاب
ليكى عندى 2 شاى فى القهوة ..

[نيهال]

اهلا بيكى يا عتاب..........
كلمه لا بتحمل الكثير والكثير من المعانى
فبتكون صعبه جدا لو كانت ل اقرب الناس لى
بحاول انى افهمهم انى عايزه ارفض بكل الطرق لانى بخاف تجرحهم

ولكنى اقولها متى وجدت ظلما لا يحتمل السكوت عنه اكثر من ذلك......

[koko15]

بقولهههههههههههههههههههههههههههههههههههههههههههها كتير اوى

[عتاب]

المشاركة الأصلية بواسطة **ريفيرا**

جبتيها يا عتاب
مبعرفش اقول لا لحد ابدا
حتي لو ده هياثر علي سلبيا
ودا الي مضيعني
بقول لا بكل جراة لما اكون مثلا
واحدة طلبت مني حاجة وسببت
لاي حاجة من حاجاتي ضرر بقول لا
لكن لو هتسبب لي انا شخصيا
الضرر مش بقول لا ابدا

كتير مننا بييجي على نفسه عشان غيره
يضغط على نفسه مرة واتنين وتلاتة ..
بس للاسف بتيجي لحظة الانفجار وقتها الموضوع بيكون صعب
اللي قدامك مش بيتقبل رفضك بسهولة لانه متعودش منك على كده
وانت نفسك بتكون انفجرت من كتر الضغط
يبقى الصح اننا مانعملش حاجة الا بارادتنا
نورتي الموضوع ياقمر

[عتاب]

المشاركة الأصلية بواسطة True_Face

اذا مقلتيش لا فى الاول عمرك متعرفى تقولى لا تانى

كلمة لا ، لازم تتقال بصرف النظر لمين او امتى
طالما فى ماكنها الصح والوقت المناسب

معاك حق
لو ماقولناش لا في الاول هايكون صعب علينا نقولها بعد كده
وهايكون صعب على الناس انها تقبلها مننا لانها جديدة عليهم
مادمنا متأكدين انها حقنا يبقى نقولها
ومانخليش خوفنا على اللي قدامنا يضغط علينا كتير
نورت الموضوع

[محمدحسين]

اعتقد بقول لا للغلط
ومايخالف دينى
واخلاقى
ومبادئ
ولااعرف اقول لا لطلب المساعده
شكرا ياعتوبه على الموضوع

[ابتسامة الحياة]

لا
كلمة موجودة اه
لكن مش فى حاجات كتير
اولا اقول لأ لأى شيئ يخالف دينى
بعد كده ممكن تتقال فى حاجات بسيطة
ممكن ما أقولش لأ لو حاجة مش هتأثر أوى
يعنى عقلى اكبر من لأ
اوقات اه بتريح ناس ومش بتأثر عليا
فعلى ايه بقى نتعبهم
عتاب موضوع حلو
ولا أقولك

لأ

[امرأة العزيز]

عارفة ان حالة الانسان النفسية بتاثر علي ردوده دايما

حقيقي عتاب انا مش عارفة امتي بقول لاء..

مش تستغربي .. لان كل موقف هو الي بيرسم نفسه وبيرسم كيفية الرد عليه ...

احيانا مبنقدرش نقول لنفسنا لاء ... بس بنتجرء نقولها لغيرنا..

حقيقي مش عارفة عتاب..

موضوع هايل وذا بعد نفسي هكذا اراه .. ولذا تخبطت..

احبك في الله واتمني ان يصل احساسي هذا اليكي..

كل الود