ايه ياسمسمة الحلاوة دي
ايه المواضيع النار دي قصدي العفاريتي ...
بصي ياستي
السؤال الاول:شفت عفريت قبل كدا؟
الحمد لله لا لحد الوقتي على الاقل
ماحدش عارف الزمن مخبيله ايه ؟؟؟؟
السؤال التاني:حد من اصحابك او معارفك شاف عفريت قبل كدا؟
انا هطول قوي في الاجابة على السؤال ده
واقولك اني لما كنت عايشة في السعودية كان في وادي اسمه وادي الدواسر
وهو بعد الرياض العاصمة بمسافة ساعتين تقريبا المهم الوادي ده موطن للجن
وكل الي بيجي منه بيبقى لابسه جن والدواسر الي هم بيكونوا سعودين بس
بشرتهم سوداء وشكلهم اقرب للافارقة وحتى طباعهم صعبة اغلهم بيبقوا ملبوسين بالجن
وانا كل زميلاتي في المدرسة الدواسر كانوا ملبوسين وكانوا متاقلمين مع الجن وبيقدروا يتعاملوا
معاهم بس كانت بتجيلهم حلاات زي الصرع لما الجن الي لابسهم يكون متضايق منهم وبيسموها
(الاستنزال ) وعشان يرضو الجن بيعملوا له حفلة فيها رقص وطبل فظيع بيسموه (السامري )
حاجة زي الزار عدنا بس اصعب وافظع وبيقولوا انهم بيعرفوا انهم رضوا عنهم بعد مالي لابسه العفريت يهدى وينام على الارض بعد مااصابه مس الجنون
وطبعا عاوزة اققولك ان حكايات العفاريت دي كانت زي مابنتكلم احنا عن الاكل والشرب كدة
مش حاجة تخوف خالص بالنسبة لهم لانه نادرا لما تلاقي فيهم واحدة مش ملبوسه
وانا كمان كنت بخاف في الاول من كلامهم بس بعد كدا اتاقلمت مع الوضع ومابقيتش اخاف
السؤال الثالث:اذا كنت شفته اوصف لنا شكله؟
هم الي شافوه مش بيشوفوه بصورته طبعا غالبا بيتمثل في صورة بشر
وحسب دماغ كل واحد ملبوس بيجله الجني بالشكل الي على هواه
السؤال الرابع:احكي لنا قصة عن حد من قرايبك او اصحابك مسه جني او دخل جواه؟
احد قرايبي كان مصاحب مجموعة من الدواسر دول وكان بيروح معاهم حفلات السامري دي
كتير جدا لحد مامرة لبسته عفريته بجد وكان بيقول انها بتتمثل له في صورة ادميه جميلة
في وقت قبل النوم يعني مابين النعاس واليقظة وكانت بتجيله كل يوم اربع ولو كان مضايق
طول اليوم بتاذيه لكن لو شغل اغاني وطبل بتبقى مبسوطة منه
وانا قدام عيني شفته مرة وهي متلبسه بيه كان زي ماتكون خانقاه وهو مش قادر يطلع النفس
وكان خلاص هيموت سابته قام صرخ وكشف صدره ورقبته لقينا زي اثار اصابع معلمة على رقبته وصدره
دا طبعا غير الزميلات في المدرسة الي كانت كل شوية وحدة تصرع او تصرخ لما تيجي حصة القران
يعني انا شفت كتير بصراحة 
اه وجارنا كمان كان دوسري وكان قارفنا مرة طلع لاخوه بالرشاش كان هيموته
وقعدو يهدوه ولما خرج منه العفريت قال انه كان غصب عنه العفريت هو الي كان بيتصرف مش هو
على فكرة ممكن الي يقرا كلامي يفتكرني بهزر
بس والله كل الي ذكرته حقيقة وقدام عيني فعلا 
وشكرا سيمو على الموضوع
بس انا نفسي اعرف ايه الي فكرك بالرعب ده ؟؟؟ 
مواضيع مشابهة
وانا كان حيغمى علي او حاموت
عن الدبابير
.. لم اأتأكد إنه طلع الأول أبقى أتكلم .. و هتأكد في رمضان الجاي إن شاء الله .. ادعولي !!! 
وإن طال الحزن علي ..هضغط على جرحي وأعدي
النمط الخطي
