انتي معمولك عمل ؟؟؟؟؟؟؟؟؟؟؟؟؟؟؟

[dondon2030]

السلام عليكم ورحمة الله وبركاته

انهاردة عايزة اتكلم في موضوع يكاد احتار فيه وعايزة فيه رايكم وووجهة نظركم
ليه لما الواحدة حاالها يقف ومفيش عرسان يقولولها انتي معمولك عمل ؟
وليه لما الواحدة تبقي مخطوبة وتفشل مرة واتنين وتلاته يقولوها انتي معمولك عمل ؟
ليه بنقول علي اي حاجة وحشة تحصل في حياتنا اصابع الاتهام تشير علي العمل والسحر ؟
السحر صحيح مذكور في القران وموجود ازاي كمان نتغلب عليه .
السؤال بقه اللي محيرني في حاجة فعلا اسمها عمل او حد ياذي حد عشان مش عايزاله يفرح او مستكتر عليه تبقي في ايده حاجة كويسة .
طب لو في عمل اوسحر ليه الناس تاذي بعضها ده رب العباد حرم الظلم علي نفسه .
وانا سمعت الكتير من الحكايات عن هذا الموضوع ومن مصادر موثوقة بس ساعات بحس انها بتعدي حدود العقل وبلاقي اسئلة كتير في بالي ومش لاقيلها اجابة

انا عايزة رايكم وياريت لو حد فيكم يعرف ادعية تحصين ضد الجن والسحر يقولهالي حتي لو مواقع ارجو اضافتها

وشكرا ليكم

[emykandil]

fhfguiu

[amr_miza1]

اهلا dondon2030
موضوعك مهم جدا, وله أبعاد اجتماعية خطيرة جدا

لن أتكلم عن الناحية الدينية حيث ان السحر موجود بين البشر ( شر مستطير )

أما من الناحية الاجتماعية فالمشكلة كلها فى المعتقدات التى تظهر مع زيادة المشكلات الاقتصادية وتأخر التعليم والاستسلام للموبقات لتتحكم فى البشر .

لا نستبعد الشر أبدا حيث انها الموازنة فى الحياة بين الخير والشر فمن يعمل مثقال ذرة خيرا يره ومن يعمل مثقال ذرة شرا يره , فقط اريد أن أصل الى ان السحر دافعه الأساسى هو الشر الموجود فعلا وعملا .

اذا كانت هناك يرى البعض ان سحرا قد مسها ( معمولها عمل ) فلتفكر جيدا ولا تسمع لمن يقولون بذلك والا انحرفت الى طريق المشعوذين والدجالين ,, وبئس المصير

ولتعلم جيدا أنه " لو اجتمع الإنس والجن على أن ينفعوك بشيء لن ينفعوك إلا بشيء قد كتبه الله لك ولو اجتمعوا على أن يضروك بشيء فلن يضروك إلا بشيء قد كتبه الله عليك " .
واستعيذى بكلمات الله التامّات من شر ما خلق .


___

( بسم الله اللذي لايضر مع اسمه شئ في الأرض ولا في السماء وهو العلي العظيم ) سبع مرات
والتحصين بالمعوذتين وسورة الكرسي في بداية كل يوم .
..
بسم الله الرحمن الرحيم

( قالوا يا موسى إما أن تلقي و إما أن نكون أول من ألقى * قال بل القوا فإذا حبالهم وعصيهم يخيل إليه من سحرهم أنها تسعى * فأوجس في نفسه خيفة موسى * قلنا لا تخف إنك أنت الأعلى * والق ما في يمينك تلقف ما صنعوا إنما صنعوا كيد ساحر ولا يفلح الساحر حيث أتى )
..
( وقال فرعون ائتوني بكل ساحر عليم * فلما جاء السحرة قال لهم موسى القوا ما انتم ملقون * فلما القوا قال موسى ما جئتم به السحر أن الله سيبطله إن الله لا يصلح عمل المفسدين * ويحق الله الحق بكلماته ولو كره المجرمون )
..
وأوحينا إلى موسى أن الق عصاك فإذا هي تلقف ما يأفكون * فوقع الحق وبطل ما كانوا يعملون * فغلبوا هنالك وانقلبوا صاغرين )
..
( اللهم رب الناس اذهب البأس واشف أنت الشافي لا شفاء ألا شفاؤك شفاء لا يغادر سقماً )
..
( بسم الله أرقيك من كل شي يؤذيك ومن شر كل نفس أو عين حاسد الله يشفيك بسم الله أرقيك ) وليكرر ذلك ثلاث مرات
..
( من نزل منزلا فقال أعوذ بكلمات الله التامات من شر ما خلق ) لم يضره شي حتى يرحل من منزله .
..
( بسم الله الذي لا يضر مع اسمه شي في الأرض ولا في السماء وهو السميع العليم )

[بنـــ النيل ــت]

و الله هى الأفكار دى اللى مدمرة مجتمعنا, مع ان الحل بسيط, خليكى دايما فاكرة ربنا , و افتكرى دايما الحديث الى جزء منه بيقول, "و لو الأمة اجتمعت على ان ينفعوك بشئ لن ينفعوك الا بشئ قد كتبه الله لك , و لو اجتمعوا على ان يضروك بشئ لن يضروك الا بشئ قد كتبه الله عليك, رفعت الأقلام وجفت الصحف" ولله الأمر من قبل و من بعد

[وشوشنى]

فعلا موضوع مهم جدا لان فى ناس كتير عندها هوس بالموضوع ده ...

شكرا

[مستكة]

المشاركة الأصلية بواسطة dondon2030

السلام عليكم ورحمة الله وبركاته


وعليكم السلام ورحمة الله وبركاته

انهاردة عايزة اتكلم في موضوع يكاد احتار فيه وعايزة فيه رايكم وووجهة نظركم
ليه لما الواحدة حاالها يقف ومفيش عرسان يقولولها انتي معمولك عمل ؟
وليه لما الواحدة تبقي مخطوبة وتفشل مرة واتنين وتلاته يقولوها انتي معمولك عمل ؟
ليه بنقول علي اي حاجة وحشة تحصل في حياتنا اصابع الاتهام تشير علي العمل والسحر ؟


ممكن نعتبرها شماعه نعلق عليها اي اسباب وخلاص

كمان الناس بئت تتبع خرافات كتيره

السحر صحيح مذكور في القران وموجود ازاي كمان نتغلب عليه .

افضل طريقه لحفظ الانسان من ايييييي شر سواء سحر او غيره

هو المواظبه علي قراءة القران وخصوصا صورة البقره

مع اذكار الصباح والمساء

وشوفي لما اي حد يصلي ركعتين قبل ما ينام وينام علي وضوء مع اذكار النوم

والمواظبه علي صلاة الفجر اساسي مع الصلوات طول اليوم

والدعاء الدائم

تفتكري ممكن حد لو عمل كل ده يتاذي

واهم من كوووول ده اليقين بالله

انه لو اجمع الانس والجن علي ضرر لي لن يحدث الا باذن الله



السؤال بقه اللي محيرني في حاجة فعلا اسمها عمل او حد ياذي حد عشان مش عايزاله يفرح او مستكتر عليه تبقي في ايده حاجة كويسة .

للاسف فيه

طب لو في عمل اوسحر ليه الناس تاذي بعضها ده رب العباد حرم الظلم علي نفسه .

قلة عقل

وانا سمعت الكتير من الحكايات عن هذا الموضوع ومن مصادر موثوقة بس ساعات بحس انها بتعدي حدود العقل وبلاقي اسئلة كتير في بالي ومش لاقيلها اجابة

انصحك مش تفكري كتير في الموضوع ده

لانه بالايحاء

او علي الاقل اي ضرر هيحصل اول تبرير هيجي في بالك الموضوع ده

سبيها علي الله

انا عايزة رايكم وياريت لو حد فيكم يعرف ادعية تحصين ضد الجن والسحر يقولهالي حتي لو مواقع ارجو اضافتها

وشكرا ليكم

الايات اللي اضافها الاخ عمرو جميله جدا

هو المحافظه علي قراءة القران عموما شيء طيب جدا

بس اهم اهم حاجه

اليقين بالله

حتي لو حد تاكد ميه في الميه انه مصاب بمس او سحر

ياريت يعالج نفسه بنفسه دون اللجوء لاي وسيط

علاقتنا بربنا مش محتاج وسيط والله

محدش هيحس بحد اد صاحب المشكله

وربنا يحفظنا جميعا اللهم امين

[وردة النيل]

صباحك عسل دندن

بصي يا ستي

الجن عالم من العوالم الغيبية لا يعلم حقيقتها الا الله وسمي جنا لاجتنانهم اي استتارهم وعدم

ظهورهم للناس, والجان ابو سائر الجن وهو مخلوق من مادة النار المعروفة وكان خلقه قبل خلق

الانسان , قال تعالى ( وخلق الجان من مارج من نار ), سورة الرحمن , هناك من الجن المؤمن

والكافر والفاسق منهم المسلم والمسيحي واليهودي والملحد وعبدة الوثان والكافر وهم مكلفون

ومجازون مثل البشر , انهم مثل البشر تماما ( وما خلقت الانس والجن الا ليعبدون ) , وهم ياكلون

ويشربون , قال رسول الله ( فلا تستنجوا بهما فانهما زاد اخوانكم من الجن ) , ويتكاثرون قال تعالى

( افتتخذونه وذريته اولياء من دوني وهم لكم عدو بئس للظالمين بدلا ) سورة الكهف , وهم

يتشكلون باشكال مختلفة , والجن نوعان : شياطين لا خير فيهم البتة , والنوع الثاني : جن منهم

الصالح ومنهم الفاسد , قال تعالى ( الا ابليس كان من الجن ففسق عن امر ربه ) سورة الكهف ,

واتصال الجن بالانس ثابت بالقران والسنة غير انه اتصال ليس كاتصال الانس بالنس لان الجن كما

عرفنا عالم من العوالم الغيبية لا يعلم حقيقتها الا الله ولكنه اتصال من نوع خاص يناسب كل من

طبيعة الانس والجن وفي الحدود التي رسمتها سنن الله وقوانينه الكونية والشرعية , وهم

مسلطون على الانس بالاغواء والوسوسة والاضلال كما انهم يلبسون جسم الانسان ويعيشون فيه

بكيفية لا يعلمها الا الله فيصاب عن طريقهم الانسان بالمراض كالصرع والجنون , قال رسول الله ( اذا

دخل الرجل بيته فذكر الله عند دخوله وعند طعاهة قال الشيطان : لا مبيت لكم ولا عشاء , واذا دخل

فلم يذكر الله عند دخوله قال الشيطان ادركتم المبيت واذا لم يذكر الله عند طعامه قال ادركتم

المبيت والعشاء ) رواه مسلم في كتاب الاشربة .

وسائل الوقاية من الجن :

1- الاستعاذة بالله : ( واما ينزغنك من الشيطان نزغ فاستعذ بالله انه هو السميع العليم ) سورة فصلت .

2- قراءة المعوذتين : (قا هو الله احد )( قل اعوذ برب الناس )

3- قراءة ايه الكرسي

4- قراءة سورة البقرة كاملة

5- ذكر الله

6- الوضوء عند الغضب : لان الشيطان من نار والماء يطفئ النار فمن غضب عليه بالوضوء فانه يعصمه من الشيطان

وهناك من من البشر من يستعيذون بالجن

(وانه كان رجال من الانس يستعيذون برجال من الجن فزادوهم رهقا ) سورة الجن

في هذه الحالة ( السحر ) فانه لا يصيبنا الا ما كتب الله لنا ولو اجتمع الناس على ان يضروك بشئ

لن يضروك الا بما كتبه الله عليك وان اجتمعت الامة على ان ينفعوك بشئ لن ينفعوك الا بما كتبه

الله عليك , فالسحر مذكور في القران وهو حقيقة لا مفر منها وعندما يصاب بها الانسان فانه قدر

الله وحده وقضاؤه وهو نوع من الابتلاء والاختبار

وان من يلجأ لهذا العمل فقد ارتكب كبيرة من الكبائر والسحر لهو من السبه المبيقات

موضوعك من المواضيع المهمة

طرح مميز

تسلم ايدك

[lion of egypt]

أنزل الله الملكين هاروت وماروت على بابل فطلب منهما أهلها ان يعلماهم السحر وذكر القرآن انهما يعلمان الناس مايفرقون به بين الزوج وزوجه وغيره وقد سُحر النبى صلى الله عليه وسلم فأنزل الله عليه المعوذتين قل أعوذ برب الفلق وقل أعوذ برب الناس فانفك عنه السحر وقال الرسول صلى الله عليه وسلم لعلى رضى الله عنه لا تنام قبل أن تتصدق باربعة آلاف درهم وتقرأ القرآن كله وتضمن لك مكاناً فى الجنة وتحفظ أهلك وجيرانك فقال كيف ذلك يا رسول الله فقال اذا قرأت الفاتحة قبل نومك أربع مرات فكأنك تصدقت بأربعة آلاف درهم واذا قرأت سورة الاخلاص ثلاث مرات فكأنك قرأت القرآ ن كله واذا قلت لا اله الا الله وحده لاشريك له له الملك وهو على كل شىء قدير فقد حفظت مكانك فى الجنة واذا قرأت آية الكرسى فقد حفظت نفسك وأهلك .........فالمعوذتين وآية الكرسى سر من اسرارالقرآ ن الكريم أنزلهم الله ليحفظ بهم عباده من الجن ومن كل شر.وقد لقى الشيطان ابا ذر الغفارى قبل صلاة الفجر واستوقفه ليعطله عن الصلاة مع الرسول صلى الله عليه وسلم وقال له هل تعلم أنك لو قرأت آية الكرسى لن يقترب منك الشيطان أبدا وأمسك يده ليعطله فجذبها ابو ذر ولحق الصلاة وبعدها قال للرسول صلى الله عليه وسلم رأيت رجلا يلبس زياً أسود وقال لى كذا وكذا فقال له هو ابليس الكذاب ولكنه صدق ليعطلك عن الصلاة.........lion Of Egypt

[احزان مستديمه]

من قال لا اعلم فقد افتا الله اعلم ورسوله فى هذا الامر

[mostafa10]

هي تراكم شوية حاجات كده فوق بعض

بعد عن الدين
تخلف مجتمعي و ثقافي وعلمي
كل واحد مش عارف حاجة بيفتي ويتكلم

بس دول كفاية عشان يهدوا أمة بحالها

ربنا يستر علينا

[dondon2030]

انا بشكر كم جدا علي مروركم وردودكم

وجزاكم الله خيرا ربنا ينجينا من اي حاجة وحشة

[نيهال]

اهلا بيكى.........
بصى يا جميل
دلوقتى الاعمال بالفعل موجوده......وفيه اشخاص بيقوموا بيها
فاذا انتهت كل الاسباب المنطقيه للفشل.......فممكن يكون بالنهايه ها الامر فعلا به عمل
ولكن مش علشان حاجه بسيطه وخلاص نقول انها عمل
الطبيعى اننا بناخد بالاسباب والمنطق
دى وجهه نظرى

[ابتسامة الحياة]

وعليكم السلام ورحمة الله وبركاته
موضوع هام جدا
ويزال فيه الحديث مفتوح ومتواصل مع تتعاقب الاجيال
السحر والشعوذة والاعمال كلها ذكرت فى القرءان فعلا
وحقيقى ممكن حد يأذى حد بيها
لكن اصبحت لبانة فى فم الجميع
أن من لا يستطيع فعل شيئ يلقى أصابع الاتهام على السحر والسحرة
أهم سبب هو بعد دينى
وبعد عن تعاليم ديننا الاسلامى
الذى حثنا على ضرورة البعد عن ضرر الاخرين
ولكن اذا آمن كل منا ب الاية الكريمة
(وما هم بضارين به من أحد إلا بإذن الله)

سورة البقرة

لو أمنا بها لأرتحنا وأرحنا أنفسنا كثيرا
ولكن دائما الانسان يبحث عن التعب لنفسه
نفعل ما علينا تجاه ربنا ثم انفسنا ونترك الباقى لله
ولا نفكر فى هذا كثيرا

[برديس]

وعليكم السلام ورحمه الله وبركاته
بصى هو مفيش حد ينكر ان فى سحر
لانه مذكور فى القران
بس كما ربنا نزلنا من الايات الىتحمينا منه
زى الايات الى كتبها عمرو
وللاسف معظم الشعب العربى عنده اعتقاد تام فى الاشياء دى
خلى عندك يقين ان كل شى بامر الله وانتى ترتاحى
ومتفكريش فى اى حاجه
ولازم نكون مومنين بالقضاء والقدر