نادي ابن مصر للتعارف EbC النسخة الحديثة

[بنت فلسطين]

مساء الخير...

فيه مواضيع رغم بساطتها إلا أنها تترك بصمة رائعة في أنفسنا .. وتأخذ طابعا حميميا متميزا بيننا ..
كنت بعمل حملة تفتيش على آثار في ابن مصر ولقيت الموضوع دة :

http://www.ebnmasr.net/forum/t742.html

أيامنا دي أيام جميلة جدا .. ومش هتتخيلوا قد ايه الموضوع قيمته كبيرة عندنا , وكل منشوفه بيرجعنا لأيام جميلة و بسيطة و دافئة ..
من هنا أنا قلت ليه منعيدش الفكرة دي بس على نطاق أوسع ... بحيث اننا نخلي الموضوع دة كنز محفوظ لينا في ابن مصر .. نرجعله كل منحب .. و لما تمر عليه فترة نمر عليه و نتذكر جمال هذه الأيام ..

و انتو الأعضاء الجدد ... من حقكم يكون ليكم بصمة في عالم ابن مصر .. لذلك أنا أخذت الإذن أني أعمل الموضوع مرة تانية.. علشان تكون فرصة ليكم لترك أثر جميل بيننا..
وأيضا هو فرصة للتجديد لكل الأعضاء القدامى .. علشان يكون عندنا ملف متكامل عن نجوم ابن مصر مستمر باستمرار ابن مصر.

طبعا أحب ان اهدي هذا الموضوع لأخونا الغالي جدا حسوني ... لأنه هو صاحب أول فكرة لهذا الموضوع وكان اسمه نادي ابن مصر للتعارف EbC بس للأسف ملقيناهوش في الـ data الجديدة .

اذن ..
ما عليكم إلا تعبئة الخانات التالية .. وأنا سهلت عليكم الموضوع وحطيتها بخانة اقتباس .. علشان تقتبس و تكتب بسرعة ,,, شفتوا مدلعينكم ازاي ؟

الاسم :

العمر :

الجنسية:

بلد الإقامة:

الحالة الاجتماعية :

المستوى التعليمي :

الهوايات:

الانتماء السياسي ( ان وجد):

النادي الرياضي المفضل:

قدوتك في الحياة:

حلمك الذي تتمنى تحقيقه:

طموحك إلى أين يصل :

أحب :

أكره :

المواقع المفضلة:

كيف عرفت منتدى ابن مصر:

ما أكثر شيء شدك اليه:

الأعضاء الأكثر تميزا بنظرك:

أصدقائي المقربين من الأعضاء:

كلمة تقولها كمواطن عربي في ظل الظروف الراهنة:

القسم المفضل في المنتدى:

المواضيع التي تشد انتباهي:

كلمة توجهها لمراقب أو مراقبين معينين:

رأيك في منتديات ابن مصر وبكل صراحة:

اتمنى ان ارى في ابن مصر:

كلمة اتركها كذكرى:

مرة أخرى .. اتقدم بالشكر لحسوني على هذه الفكرة
وأتمنى ان تمتليء سماء ابن مصر بنجوم ساطعين , نحفظهم ككنز غالي جدا وثمين ...

دمتم بكل خير

[أحمدكمال]

الاسم :
أحمد كمال
العمر :
22 سنة
الجنسية:
مصري
بلد الإقامة:
بين مصر والسعودية
الحالة الاجتماعية :
اعزب
المستوى التعليمي :
بدرس في بكالريوس هندسة اتصالات جامعة القاهرة
الهوايات:
الكمبيوتر والقراءة وكرة القدم
الانتماء السياسي ( ان وجد):
----
النادي الرياضي المفضل:
الاهلي نادي القرن
قدوتك في الحياة:
الرسول الكريم ويليه اي عالم قدر العلم ونقله الي الاجيال من بعده
حلمك الذي تتمنى تحقيقه:
حلمي الاستقرار المريح ..وطبعا كل شوية بتحدد احلام صغيرة علشان اوصل للحلم ده
طموحك إلى أين يصل :
طموحي متجدد حسب معطيات الواقع...واحلم ان اساهم في تحسين الوضع المصري سواء اسهام سياسي او علمي او اجتماعي
أحب :
الصداقة ..والصدق
أكره :
االوحدة ..والخبث
المواقع المفضلة:
ابن مصر-في البلد-النادي الاهلي-فيس بوك
كيف عرفت منتدى ابن مصر:
ابن مصر القديم عن طريق ابن مصر المشرف العام..وابن مصر الجديد كنت من مؤسسيه
ما أكثر شيء شدك اليه:
السؤال ده للاعضاء ...بس الروح هي سر تفوق المنتدى
الأعضاء الأكثر تميزا بنظرك:
اتعلم من لونلي دوك...واهوى قراءة شعر حدوتة...وكل من يكتب باتقان فهو مميز بالنسبة لي
أصدقائي المقربين من الأعضاء:
كل المراقبين
كلمة تقولها كمواطن عربي في ظل الظروف الراهنة:
حسبنا الله ونعم الوكيل
القسم المفضل في المنتدى:
فضفضة
المواضيع التي تشد انتباهي:
مواضيع الخواطر التي تحتوى احساس صادق مشكل في قالب ادبي انيق
كلمة توجهها لمراقب أو مراقبين معينين:
اتقوا الله ...لاء طبعا ..انتم اخوتي واصدقائي استمروا على الروح التي بدأتم بها وارى فيكم جيل ذهبي جديد لابن مصر
رأيك في منتديات ابن مصر وبكل صراحة:
فين منتدى ابن مصر ده
اتمنى ان ارى في ابن مصر:
الشعب المصري والعربي كله.."يلا ان شاء الله محد حوش "
كلمة اتركها كذكرى:


عندما ولد ابن مصر..كان حلما شابا غير مشكل..شكلوه مجموعة من المخلصين..وكبر ونضج برعاية مجموعة من المحبين..واستمر باخلاص الاعضاء والمشرفين...اسأل الله وانتم تقرأون تلك الكلمات بعد زمن ..ان يكون قد اوجد لابن مصر اناس مخلصين ومحبين يكملون الطريق دون كلل ..وابقوا زروني كل سنة مرة

شكرا يا ايتها السفيرة..
وشكر خاص لجاري واخي وصديقي حسوني
واتمنى ان يتحفنا بواحدة الحقووووووووووني من بتوع زمان
تم تثبيت الموضوع بواسطتي

[عتاب]

إقتباس:

الاسم : عتاب

العمر :26 سنة

الجنسية: مصرية

بلد الإقامة: المنصورة

الحالة الاجتماعية : انسة

المستوى التعليمي : ب علوم قسم فيزياء حيوية

الهوايات: النت .. المشي .. الرغي

الانتماء السياسي ( ان وجد):

النادي الرياضي المفضل: الاهلي طبعا

قدوتك في الحياة: الرسول صلى الله عليه وسلم والصورة المثالية للفتاة التي اتخيلها

حلمك الذي تتمنى تحقيقه: تكوين اسرة مسلمة ترضي الله وتساعدني على دخول الجنة .. النجاح في عملي

طموحك إلى أين يصل : الى الجنة

أحب : الحب

أكره :الخيانة بكل انواعها

المواقع المفضلة: مفيش الا ابن مصر اللي بادخله او اسلام اونلاين

كيف عرفت منتدى ابن مصر: عن طريق مستكة

ما أكثر شيء شدك اليه:روح الاسرة

الأعضاء الأكثر تميزا بنظرك:لونلي دوك .. عمر .. عمرو .. جناب العمدة .. امرأة العزيز .. وناس كتير خايفة انسى حد

أصدقائي المقربين من الأعضاء: ماتعدش عشان ماتتعبش الحمد لله

كلمة تقولها كمواطن عربي في ظل الظروف الراهنة: حسبي الله ونعم الوكيل في كل من تهاون في حقوقنا وكل من ظلمنا

القسم المفضل في المنتدى: دهاليز المجتمع

المواضيع التي تشد انتباهي: المواضيع الجادة التي تمس قضايا المجتمع

كلمة توجهها لمراقب أو مراقبين معينين: ميسم : في انتظار رجوعك

رأيك في منتديات ابن مصر وبكل صراحة: اجمل ما فيها روحها وتحتاج منا المزيد من الاهتمام

اتمنى ان ارى في ابن مصر: اولادي

كلمة اتركها كذكرى: عندما يأتي اليوم الذي اكون فيه مجرد ذكرى .. احب ان اقول انني احببت هذا المكان بكل من فيه بلا استثناء حتى وان اختلفت مع احد فاذا جاء الوادع اذكروا انني احبكم في الله وانني سامحت كل من اساء اليّ

امضاء .. عتاب

ولا اعرفكم انا ماكتبتش حاجة

[الورد الجوري]

الاسم :
الورد الجوري
عرفتوني و عرفتكم بيه و حاباكم تفتكروني بيه دائما
العمر :
هو متوسط
بس اقدر اقولكم انه اكبر من 21

الجنسية:
مصرية ابا عن جد
بلد الإقامة:
مصر - المنصوره
الحالة الاجتماعية :
غير متزوجة
المستوى التعليمي :
بكالوريوس علوم - جامعه المنصوره
الهوايات:
النت
الاشغال اليدويه
القراءات الخفيفه
و في كمان بس كفايه دول
الانتماء السياسي ( ان وجد):
ــــــــــــــــ
النادي الرياضي المفضل:
الأهلي
قدوتك في الحياة:
رسولنا الكريم عليه الصلاه و السلام
و من ثم ابواي حفظهم الله
حلمك الذي تتمنى تحقيقه:
انال مرضاة الله
و ان اكون سببا في سعاده ابواي بتحقيق آمالهم فيا
طموحك إلى أين يصل :
اطمح دائما الى ان اكون راضيه عن نفسي
في كل المجالات بدايه من المجالات الدينيه
أحب :
الصدق و العفويه و الفطريه في التصرفات
و مراعاة مشاعر الغير و حالاتهم
أكره :
التصنع و النفاق و اللامبالاه
المواقع المفضلة:

طبعا ابن مصر
و بحب موقع الدكتور عمر عبد الكافي
كيف عرفت منتدى ابن مصر:
دعوة وصلتني في محموعه بريديه
ما أكثر شيء شدك اليه:
الروح الاسريه التي تغلف المكان
الأعضاء الأكثر تميزا بنظرك:
في كتير قوي
مهما عديت مش هجيبهم
" دكتور لونلي - ميسومه - هاف ماجيك "
دول مميزين جدا و اتعلمت منهم كتير قوي
أصدقائي المقربين من الأعضاء:
انا بعتبر اني صديقه للجميع
كلمة تقولها كمواطن عربي في ظل الظروف الراهنة:
ان الله لا يغير ما بقوم ختى تغيروا ما بانفسكم
القسم المفضل في المنتدى:
بحب الجرافيكس قوي
المواضيع التي تشد انتباهي:
اللي بيشد انتباهي المواضيع اللي عناوينها منتقاه بعنايه
ده و انا عضوة
و انا مشرفه بقى اصبح اي غلطه في العنوان دليل استنفار
و انتي عارفه بقى يارؤى
كلمة توجهها لمراقب أو مراقبين معينين:
احببت صحبتكم و العمل ضمن الفريق
و نصيحتي للجميع و انا اولكم
" لا تكن صلبا فتكسر و لا تكن لينا فتعصر "
رأيك في منتديات ابن مصر وبكل صراحة:
احبه كثيرا فهو منزلي بحق
و رايي انه كالمنزل مريح و متكامل و لكن
يحتاج دائما لرعايه و اعتناء من كل افراده و حرص عليه
اتمنى ان ارى في ابن مصر:
اتمنى ان ارى كل الاعضاء تشارك في كل الاقسام بلا
تفريق و بنفس الكم و الكيف
كلمة اتركها كذكرى:
احبكم جميعا في الله

اهلا رؤى
ميرسي حبيبتي على احياء الفكره دي
و اتمنى ان اتعرف على باقي الافراد المرافقين لنا في منزلنا
في اقرب فرصه
لك و لجميع تحيتي

[نيهال]

الاسم :
نيهال

العمر :
اكبر من الورد الجورى ب 7 شهور كامله

الجنسية:
مصريه

بلد الإقامة:
لغايه دلوقتى مصر

الحالة الاجتماعية :
انسه

المستوى التعليمي :

بكالوريوس هندسه مدنيه
دفعه 2006
جامعه الاسكندريه

الهوايات:
الاسكواش-الرسم-الكتابه

الانتماء السياسي ( ان وجد):
غير منتميه لاى حزب
ولكنى مع الحق اينما وجد

النادي الرياضي المفضل:
الزمالك( بس مش متعصبه)
ولكنى بحترم الاهلى وبحب اتفرج عليه لو فاضيه

قدوتك في الحياة:
الرسول عليه الصلاه والسلام
ومن اقرب الشخصيات لنفسى .....عمربن الخطاب رضى الله عنه

حلمك الذي تتمنى تحقيقه:
حلمى بيتغير كل شويه
الاول حلمت انى ادخل كليه الهندسه
وادينى اتخرجت
ودلوقتى بحلم ان يكون لى بصمتى الخاصه بعملى
وانى اوفى اهلى حقهم عليا

طموحك إلى أين يصل :
مش ليه حدود

أحب :السلام

اكره :الروتين والنفاق

المواقع المفضلة:ابن مصر

كيف عرفت منتدى ابن مصر:عن طريق صديقتى نجلاء

ما أكثر شيء شدك اليه:الدفء والصراحه بدون اهانه اى طرف

الأعضاء الأكثر تميزا بنظرك:
القدامى:منهم نصار وهانى ودقه قلب والورد الجورى ومحمد حسين وهاف ماجيك
الجداد:عمر وحسن عمران وترو وجناب العمده ودكتور محمد وقيصر وضحى وعمرو وابن البلد

أصدقائي المقربين من الأعضاء:
كتير
منهم نصار وهانى والورد الجورى وترو وهاف ماجيك وقيصر وسنو وايت ورؤيه

كلمة تقولها كمواطن عربي في ظل الظروف الراهنة:
انا عايزه العالم كله يمد كفوفه سلام
والسلم العربى يكون سلام مش استسلام

القسم المفضل في المنتدى:
المجتمع وفلسطين

المواضيع التي تشد انتباهي:
المواضيع اللى بتتناول اختلافاتنا المتوارثه

كلمة توجهها لمراقب أو مراقبين معينين:
عامل العضو كما تحب ان تعامل

رأيك في منتديات ابن مصر وبكل صراحة:
كلها متميزه بدون استثناء
ولكن البعض منها لا يلقى رواجا مثل البحث العلمى والكمبيوتر

اتمنى ان ارى في ابن مصر:
هناك عده اقتراحات مثل ان المنتدى لا يكون متاح سوى للمشتركين
وكمان يا ريت اللى بيمر على اى موضوع ....يتسجل انه قراه

كلمة اتركها كذكرى:
كم جميلا لو بقينا اصدقاء

اتمنى ييجى اليوم اللى اشارك اولادى كتابه اول سطور لهم
باجمل مكان عرفته
ابن مصر

مش عارفه اوصف اد ايه مرتبطه بالمكان.......
سعيده انى معاكم ووسطكم
دمتم بكل الود والسعاده

[eshoo4ever]

طبعا ً بلا شك كالعادة متميزة يارؤى

ونبتدى

الاسم :بالواقع محمد فى المنتدى وبين الاصاحاب والاكثر شيوعا ُ (إيشـو)

العمر :يعنى 20 الا شوية صغننين

الجنسية:مصرى بأذن الله

بلد الإقامة:تخيلوا مصر بردة

الحالة الاجتماعية :اعزب (بس مش ناوى ابقى كده على طول )

المستوى التعليمي :بصوا انا فى فرقه 3 نظم معلومات فى اخر سنة 3

الهوايات:النت والخروج والسواقة والكورة

الانتماء السياسي ( ان وجد):

النادي الرياضي المفضل:بطل القرن وحش افريقيا الاهلى

قدوتك في الحياة:رسول الله صلى الله عليهم وسلم

حلمك الذي تتمنى تحقيقه:اخلص درستى واكمل مسرتى ان شاء الله

طموحك إلى أين يصل :طموحى الدنيوى ليس له حدود اما طموحى الحقيقى الجنة

أحب :الصداقة والحب والالتزام والاستقرار

أكره :الكذب والخيانة جدا

المواقع المفضلة:ابن مصر ، دى فى دى فور ارب وكتير جدا وجوجل بموت فى السرش

كيف عرفت منتدى ابن مصر:بالسرش كنت بعمل بحث واكتشفت المنتدى

ما أكثر شيء شدك اليه:الترابط بين الاعضاء

الأعضاء الأكثر تميزا بنظرك:يعنى بالنسبة الى كل اصدقائى الى اعرفهم بالمنتدى والمشرفين

أصدقائي المقربين من الأعضاء:يعنى بالنسبة الى كل اصدقائى الى اعرفهم بالمنتدى

كلمة تقولها كمواطن عربي في ظل الظروف الراهنة:"حسبى والله ونعم الوكيل والبقاء لله فى الضمير العربى"

القسم المفضل في المنتدى:كل الاقسام

المواضيع التي تشد انتباهي:اى موضوع جيد م نشخص رائع

كلمة توجهها لمراقب أو مراقبين معينين:انتم رائعون كملوا واذا قررتوا الابتاعد اختاروا جيدا من يحل مكانكم

رأيك في منتديات ابن مصر وبكل صراحة:والله يعنى بخش عليه بتاع كتير فى اليوم يبقى رائى انه الاكثر من الافضل بالنسبة الى

اتمنى ان ارى في ابن مصر:اتمنى ان الاعضاء المتميزين الى غابوا يرجعوا بجد

كلمة اتركها كذكرى:تذكر انك عابر سبيل فالحياه فانكقادم اليها ومنها سترحل

والحياة لحظة عشان بجد





شكرا ليكى رؤى موضوع لذيذ ومتميز العادة

[بنت فلسطين]

مسا الخير ..

الاسم :
رؤى
العمر :
بكرة بالضبط بصير 23 سنة
الجنسية:
فلسطينية من غزة بالتحديد
بلد الإقامة:
السعودية
الحالة الاجتماعية :
آنسة ولا كل الآنسات
المستوى التعليمي :
عندي دبوم سنة بتقنية المكاتب ودبلوم سنتين ببرمجة الكمبيوتر
وحاليا بدرس بكالوريوس لغة انجليزية في جامعة القدس
الهوايات:
كتابة الخواطر , النت , الفسح مع صحباتي , والسفر
الانتماء السياسي ( ان وجد):
هو تضامن مع حركة المقاومة الإسلامية حماس في فلسطين
النادي الرياضي المفضل:
عربيا .. الاتحاد السعودي , و الأهلي المصري
ودوليا .. برشلونة و ac ميلان
قدوتك في الحياة:
رسولنا الكريم عليه الصلة والسلام
ثم والدي ربنا يخليلي اياه
حلمك الذي تتمنى تحقيقه:
بحلم أكون عيلة مترابطة مع رجل صالح وننتج ابناء صالحين يخدمون الأمة الإسلامية و القضية الفلسطينية بشكل خاص في يوم من الأيام
طموحك إلى أين يصل :
يصل الى اللا معقول .. ولا يعرف المستحيل
أحب :
الحب و الأخوة و العلاقات الأسرية الوثيقة
أكره :
الخوف , والوحدة , واسرائيل
المواقع المفضلة:
طبعا ابن مصر - facebook - شبكة فلسطين للحوار
كيف عرفت منتدى ابن مصر:
عن طريق اعلان في مجلة سعودية كانت تكتب كل اسبوع عن 3 مواقع مميزة كان ضمنها ابن مصر
ما أكثر شيء شدك اليه:
طبعا .. الروح الي بين الأعضاء .. والطاقم الإداري الراقي و المستوى الثقافي والفكري والديني فيه
الأعضاء الأكثر تميزا بنظرك:
ميسم و دكتور لونلي ومحمد حسين وابن مصر و احمد كمال وابو الدهب و احمد sql و مايا وحسوني (الله يذكرهم بالخير)
أصدقائي المقربين من الأعضاء:
كل المراقبين بلا استثناء بجد ..بس تربطني علاقة مميزة وأفخر بها مع اختي وحبيبتي عتاب و كمان مستكة
وعلاقتي اخوية جدا و متميزة بأحمد كمال وهاف ماجيك و دكتور لونلي و أدهم و هيثم حمدي
كلمة تقولها كمواطن عربي في ظل الظروف الراهنة:
اللهم لا تؤاخذنا بما فعل السفهاء منا
القسم المفضل في المنتدى:
فلسطين بكل تأكيد و دهاليز المجتمع
المواضيع التي تشد انتباهي:
الأدبية والسياسية و الاجتماعية ... اي موضوع فيه فكرة جديدة بشكل عام
كلمة توجهها لمراقب أو مراقبين معينين:
هههههههه دول بقى بالذات أقلهم ...
سيروا الى الأمام يا جند ابن مصر العظماء .. وربنا يسهل طريقكم
رأيك في منتديات ابن مصر وبكل صراحة:
والله الكلمات لا تكفي لوصفه ..
منتدى راقي و فيه كم جميل من المتعة والفائدة معا .. وهذا اكثر ما يميزه برأيي
اتمنى ان ارى في ابن مصر:
أولادي و أحفادي بجد
كلمة أتركها كذكرى:
انا أحببت كل من في هذا المكان دون استثناء , واعتبر كل من فيه يخصني بشكل او بآخر
أرجو أن لا أكون قد تركت بصمة غير التي أريد في نفوسكم جميعا
فما أردت والله غير الألفة والمحبة والصداقة والأخوة مع كل من ينتمي الى هذا المكان
أتمنى للجميع التوفيق
وأتمنى لكل أصدقائي هنا ابتداء بابن مصر واحمد كمال وحودا الى دكتور لونلي و ميسم و محمد هاف مرورا بمايا و حنين و حسوني ومحمد نصار وابن فلسطين ووافي بلال وابن لبنان و شكولاتة و نوران وانتهاء بـ عتاب ومستكة ومحمد حسين و هيثم حمدي وأدهم و حازم وهيثم وقيصر و محمد باتيستا ونرجسية وهند و الورد الجوري و سنووايت وكتائب الأقصى
كل التوفيق والسعادة في حياتهم , وأن أرى كل واحد فيهم محقق الي هو عاوزه وواصله وعايش بأحسن عيشة و أفضل ظروف تمناها , وأتمنالهم الخير دوما وأبدا لأنهم جميعا أهل لذلك بكل صدق
واسأل الله أن يعطيهم ويرضيهم ويحقق أمالهم و يرضى عنهم دنيا و أخرى.

ولكم جميعا تحياتي .. دمتم بكل الخير ... بنت فلسطين

[قمر الليل]

موضوع جميل ومهم كمان علشان نعرف تعرف على بعض اكتر

الاسم : منى نبيل محمد

العمر :20 سنه

الجنسية:مصرية

بلد الإقامة:مصر

الحالة الاجتماعية :طالبه

المستوى التعليمي :كليه

الهوايات:التمثيل والغنى

النادي الرياضي المفضل:الاهلى طبعا

قدوتك في الحياة:اختى

حلمك الذي تتمنى تحقيقه:ربنا يقوينى فى الدراسا

المواقع المفضلة:والله انا مليش غير عالم ابن مصر

كيف عرفت منتدى ابن مصر:من اختى

ما أكثر شيء شدك اليه:المواضيع الجميله ومعامله الاعضاء

الأعضاء الأكثر تميزا بنظرك:والله فى كتير

أصدقائي المقربين من الأعضاء:توتى وفراق وبرديس

كلمة تقولها كمواطن عربي في ظل الظروف الراهنة:ان يذكر الله كثير

القسم المفضل في المنتدى:حبر و ورقه

المواضيع التي تشد انتباهي:متنوعه مفيش تحديد

رأيك في منتديات ابن مصر وبكل صراحة:انا مش عارفه اقول فيه ايه بس حقول انه احلى من الروعه

اتمنى ان ارى في ابن مصر:كل جديد

كلمة اتركها كذكرى:مفيش

شكرا على الموضوع العسل ده

[وردة النيل]

الاسم :
lolo

العمر :
17 كوكو يعني

الجنسية:
مصرية

بلد الإقامة:
الكويت

الحالة الاجتماعية :
يتيمة الاب

المستوى التعليمي :
طالبة

الهوايات:
الرسم والسباحة والقراءة

الانتماء السياسي ( ان وجد):
رضيت بالله ربنا وبالاسلام دينا وبمحمد ( ص) نبي ورسول

النادي الرياضي المفضل:
لا يوجد

قدوتك في الحياة:
الرسول وزوجاته

حلمك الذي تتمنى تحقيقه:
رضى الله على ورضى والدتي ونشر الخير ومساعدة الغير والنجاح في حياتي العلمية والعملية

طموحك إلى أين يصل :
لا طموح لدي سوى ارضاء ربي

أحب :
الله ورسوله والاسلام

أكره :
الحياه

المواقع المفضلة:
ابن مصر

كيف عرفت منتدى ابن مصر:
صدفة كنت بعمل بحث مطلوب مني على الجوجل وصدفة لقيت المنتدى الرائع ابن مصر وتصفحته واعجبني فاشتركت به ولم اندم على ذلك

ما أكثر شيء شدك اليه:
روح الاخوة والمحبة وتبادل العلم والمعلومات

الأعضاء الأكثر تميزا بنظرك:
كل الاعضاء من اكبرهم الي اصغرهم , فكل عضو به ما يميزه عن غيره


أصدقائي المقربين من الأعضاء:
ليس لي اصدقاء مقربون , ولكن لي اخوة وهم اعضاء ابن مصر بيتي التاني

كلمة تقولها كمواطن عربي في ظل الظروف الراهنة:
نصر الله الاسلام والمسلمين واعزنا

القسم المفضل في المنتدى:
جميع الاقسام

المواضيع التي تشد انتباهي:
المواضيع العلمية والطريفة ,,, كلها

كلمة توجهها لمراقب أو مراقبين معينين:
ربنا يقدركم على المحافظة على بيتنا الجميل

رأيك في منتديات ابن مصر وبكل صراحة:
انا ليس لي عهد بالمنتديات عموما فاول منتدى اشترك به هو منتدى ابن مصر ولكني اظن انه الافضل وان كان بسيطا

اتمنى ان ارى في ابن مصر:
كل الاعضاء والمشرفين الي غابو والي موجودين
ويارب محدش يبعد

كلمة اتركها كذكرى:
انا بحب بيتي, وكل الاعضاء اخواتي , يارب اكون اخت لزيزة , واقدم كل مفيد

مهما غبت فانكم في البال والخاطر