مصر بتتقدم بينا ههههههههههه!!!!!!!!

سمسمة2010 · 20-05-2008, 06:45 PM

مصر الفرعونيه

بابا انا عايز اتجوز اختى حت حور
خلاص يا ابنى خليها تنقل حاجتها فى قوضتك.. وابقى هاتلها حجرين صوان
هدية.. مبروك يا تاح
............ ......... .....
مصر فى عصر الرومان
تتجوزينى يا افروديت
اتجوزك يا بانسيلوس
يللا بينا نبنى كوخ ع البحر ونعيش هناك
يللا
......... .......
مصر بعد الفتح الاسلامى
ولدى خالد يا شيخ احمد بيريد يتجوز ابنتك البكر الكريمة.. وبيبنى
خيمة.. ويقدم مهر بعير
والله خالد ولدك زين الرجال .. وايش اتمنى غير رجل صالح يكون زوج
لبنتى .. وكما قال رسول الله صلى الله عليه وسلم ' ان جاءكم من ترضون
دينه وخلقه فزوجوه ' .... قيموا الافراح
.........
مصر 1919
انت ح تتجوز بنت الحاج عبد الجليل .. انا كلمته خلاص ووافق .. وضب
قوضتك وهات خلخال .. فرحك يوم الخميس اللى جاى
طب مش اشوفها الاول يابا
انت اتجننت يا ولد تشوفها ده ايه .. انت ح تتجوز والا تخبص
حاضر يابا
......... ........
مصر 1960
بقى يا ستى بنتك آمال جالها عريس
ياألف نهار ابيض يا ألف نهار مبروك
جدع طيب وابن حلال موظف فى الحقانية .. وماهيته مش بطالة .. اهو
يبنوا حياتهم سوا بعد الجواز.. والا ايه رأيك يا أم العروسة؟
الرأى رأيك يا أبو العروسة .. والله العيال ح يعجزونا يا ابو محمد
فشر .. تدبل الوردة وريحتها فيها يا نرجوستى
......... .........
مصر فى عصر الانفتاح
اخرسى يا بنت... انا اللى يتجوز بنتى لازم يكون عنده شقة تمليك
وعربية وسوبر ماركو
بس يا ماما
ما فيش بس.. انا وابوكى قبل ما يموت فى الحرب كانت بتعدى علينا ايام
ما بنلاقيش ناكل.. انا يا بنتى مش عايزاكى تتعذبى زى ما احنا
اتعذبنا.. انتى ح تتجوزى فتحى ابن خالتك
بس انا مش بحبه يا ماما
الحب ما بيأكلش تونة فى الزمن ده يا فالحة
امرك يا ماما
........
مصر 2008
البنت: بابا ريكو حييجى يقابلك بكره وهو راجع من المول مع ديدى
متتكلمش معاه فى اى ماديات من فضلك انا بشترى راجل واحنا معانا كتير
وبعدين الكلام فى المهر والعفش والقايمه والفرح ده موضه قديمه
وحاجات بلدى ياى
انا اتفقت معاه على كل حاجه والفرح فى كافيه ماريانو فى المعادى
على الضيق كده وانا جيت اعزمك انت
ومامى
الاب: مبروك يا حبيبتى

مووووني · 20-05-2008, 07:21 PM

ههههههههههههههههههههه

ola kotb · 20-05-2008, 08:27 PM

عسل انتى عسل ربنا يكتر من امثالك

وردة النيل · 20-05-2008, 08:57 PM

هههههههههههههههههه

lion of egypt · 20-05-2008, 09:43 PM

الموضوع جميل وجامد بيرصد تطور الشعب المصرى اجتماعياً بس ياريت كانت قالتله انا هعمله فى نادى اليخوت وانا هلبس بكينى.........lion Of Egypt

lion of egypt · 20-05-2008, 09:49 PM

ايه رأيك نتخيل فرح البنت دى مع ريكو لما هيتم هتمشى الامور فيه ازاى وشكل المدعووين ايه والمجتمع من خلاله حاله ايه وممكن تعطى البنت دى اسم مثلا جىجى وتكتبى جزء واللى بعدك يكمل القصة وهكذا ايه رأيك؟.............lion Of Egypt

فتاة مصر · 21-05-2008, 04:10 PM

هههههههههههههههههههههه توحفه وميرسئ جدا يا قمر

مصرية100% · 21-05-2008, 04:55 PM

موضوع جميل
بس اعتقد ان عام 2008 ده مبالغ فيه
يا جماعة الدنيا لسه بخير برضوه
وندعي ربنا ان الدنيا متضهورش كده
احسن وقت كان بعد الفتح الاسلامي
جديخالفني في رأيي
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

سمسمة2010 · 21-05-2008, 09:00 PM

عندك حق ياlion بس على فكرة مش انا اللى كتبت القصة بس عندى استعداد اكملها وياريت تشاركونى الافكار وشكرا يا جماعة لإهتمامكم بقصتى

*ملك روحي* · 21-05-2008, 09:15 PM

ههههههههههههههههه
حلوة اوي يا سمسمة
ميرسي يا قمر

سمسمة2010 · 21-05-2008, 09:53 PM

متشكره جدا يا ملك

خيارات الموضوع
عرض نسخة للطّباعة ارسل هذه الصفحة لصديق
طريقة العرض	قيّم هذا الموضوع
النمط الخطي التحويل إلى النمط الشجري التحويل إلى النمط المتطوّر	قيّم هذا الموضوع:

مواضيع مشابهة
المواضيع	كاتب الموضوع	المنتدى	الردود	آخر مشاركة
فتاة تتحول الى سحلية..دي بلدنا بتتقدم بينا	Sinoreta	دهاليز المجتمع	2	20-05-2008 10:20 PM
خايفة ليه .... مش هقول كان بينا ايه	amr_miza1	حبر و ورقة	51	16-03-2008 08:01 PM
بلدهم بتتقدم بينا ولا بلدنا بتتاخر بيهم؟	احمد نجم	دهاليز السياسة	3	25-01-2008 02:06 PM
هترحبوا بينا ولا ناخدها من قصيرها ونمشي	بائع الورد	البيت بيتك	22	03-10-2007 03:16 PM
يالله بينا	حسين درويش	حبر و ورقة	4	05-11-2004 09:26 PM