حاجه مش عاجبانى

[al_copraa]

باقى من الزمن شهور قليله ويأتى شهر رمضان فهل يأتى علينا وتصرفاتنا مثل كل عام وكأنه روتين دينى
نهمل الصلاه اللا فى رمضان
لا نغض البصر اللا فى رمضان
نواظب على الصوم فى رمضان
لا ندام على قراءه القراَن اللا فى رمضان وما اكثر ماسكى المصاحف فى المواصلات العامه والمحطات واماكن العمل وكله فى رمضان
طب ليه بعد رمضان كله بيتغير
ده الواحد بيبقى صايم لغايه اخر يوم فى رمضان وبمجرد ان يصل الى اول ايام العيد ( انسى يا عمرو ) واستنى بقه لما يجيى رمضان
يا ترى ده معناه ايه
هو احنا منافقين واللا طماعين عايزين كل حاجه.... ناخد متاع الدنيا ( قبل وبعد رمضان ) ونضمن مكان فى الاخره ( بأعمالنا فى رمضان )
انا شخصيا مش عارف
عموما ان شاء الله انا هابدأ من نفسى وهابتدى اصوم اتنين وخميس ومش هاستنى لغايه رجب وشعبان
وسأحاول ان امارس طقوس رمضان من الان
واخيرا احب ان اعرف انطبعاتكم عن وجهه نظرى

[mostafa10]

عندك حق فعلا

في ناس مبتعرفش ربنا الا في رمضان
الواحد على قد ما بيقدر بيحاول يحافظ

ربنا يعينك ويهديك ويهدي المسلمين

شكرا ليك على التذكرة

دمت بكل خير

[koko15]

كتير مننا كدة وانا اولهم على فكرة بس هحاول اصلح من نفسى اكيد

[وردة النيل]

والله معاك حق في كل كلمة

في رمضان الناس بتعمل كل مظهر ديني ( صلاة وقران ..)

بس انا في راي ان الاعمال دي لو لانسان بيعملها لنو عايز يقرب من ربنا

لانو بيحب ربنا

مستحيل بعد رمضان يتغير

لكن بعتقد ان اغلب الناس بتعمل كدا زي روتين

كانهم بيأدوا واجب وخلاص

مبيحسوش فيه بطعم الايمان

كانهم بس اتربو انهم يعملوا كدا

وكمان مش كل الناس كدا بس الاغلبية

ونقطة

ممكن يكون من الصعب ان الانسان يفضل على وتيرة العبادة طول السنة

لكن مش يسبها نهائي

والرسول عليه افضل الصلاة والسلام كان يصوم ويفطر ينام ويقوم الليل

فكل انسان وعمله

ولا تزر وازرة وزر اخرى

[al_copraa]

اسعدنى جدا ردودكم الجميله شكرا صديقى مصطفى
شكرا كوكو ( وانا مش عارف اسمك الحقيقى )
واخيرا شكرا لصديقتى دائمه الرد لكل مواضيعى ورده المنتدى .. عفوا ورده النيل

[lion of egypt]

انت عندك حق وملاحظتك فى محلها وقد امرنا ان نذكر بعضنا بعضا وهذا ما فعلته انت ان شاء الله فى ميزان حسناتك على فكرة انت جميل قوى من جواك وانا مبسوط جدا من مصطفى حكاية 2_0 للكلية عجبانى قوى وان شاء الله عتنجح يا درش انت فى كلية ايه؟
;على فكرة انا كاتب موضوع فى حوار اسلامى اسمه تعالوا نذكر تجاربنا مع القران عايز رايكم فيه............وقصة اسمها احلى من الشرف ما فيش ياريت اسمع رايكم................lion of egypt

[al_copraa]

lhon / اشكرك يا صديقى على كلماتك الجميله وانا ساتابع المواضيع التى اشرت اليها

[بوسي احمد]

وفي بنات بتلبس الحجاب في رمضان بس

وفي ناس بتبطل تشرب سجاير في رمضان بس

وفي ناس بقا ودي حاجة بتستفزني

مش بتاكل الا في رمضان

يعني رمضان عندهم شهر الوليمة والسفر الكبيرة

مش شهر الصيام والزهد

بلاقي كتير للاسف يطلعلهم كرش في رمضان

[بوسي احمد]

العلاج هو ان كل مسلم يفهم ايه رمضان؟

ويعني ايه صيام ؟

والهدف من شهر رمضان ايه ؟؟؟


انا بشجعك على فكرة صيام اتنين وخميس ...وياريت كل الشباب والبنات اللي دخلوا هنا
يجربوا يعملوا كده

لاني جربت ........وفعلا بحس بروحانية وسعادة

استمريت شهرين او اكتر بس بطلت اصوم ان شاء الله هرجع تاني



يلا كلنااااااااااااااااااااا نصوم اتنين وخمييييييييييييس

[al_copraa]

سعيد جدا جدا جدا بمشاركتك وتفاعلك مع الموضوع بجد شرفتينى جدا

[abc]

ده لأننا ضعفاء وحدنا
و حين نجد مؤازرة جماعية في رمضان فإنا نتقوى بها ...

[الليبي عاشق مصر]

من لايعرف الله الا فى رمضان فهو من عباد الشهور وليس رب الشهور فكل يوم يمر علينا كمسلمين يجب ان يكون رمضان ولكن حسبنا الله على انفسنا

[دلوووعة مصر]

فعلا كل الناس بتتدين في رمضان وترجع للمعاصي في غيره

[al_copraa]

المشاركة الأصلية بواسطة abc

ده لأننا ضعفاء وحدنا
و حين نجد مؤازرة جماعية في رمضان فإنا نتقوى بها ...

بصراحه وبدون زعل ( الرد مش مقنع )
ومع ذلك تشرفت جدا بمشاركتك فى الموضوع

[abc]

المشاركة الأصلية بواسطة al_copraa

بصراحه وبدون زعل ( الرد مش مقنع )
ومع ذلك تشرفت جدا بمشاركتك فى الموضوع

نعم نعم نعم نعم ؟؟
بهزر معاك , اوعى تخاف

طيب فسر لي انت واحد ما بيصليش غير في رمضان و هو عارف انه المفروض يصلي في رمضان و في غير رمضان ....

ده يبقى ايه ؟؟؟
مكسل !!!

طيب اشمعنى بينشط في رمضان ؟ مع انه عارف انه المفروض يبقى نشيط على طول ؟؟
لأنه بيلاقي الناس كلها بتصلي و ربنا هاديها و السبل كلها ميسرة , فبيتشجع مع الناس,

عموما هو ده تفسيري ....

لو عندك تفسير تاني قوله ...
علشان أختلف معاك برضه

تحيتي لك أخي الكريم , و لمواضيعك اللي ما شاء الله عليها ,