|
لحظات حرجه 3 ( اللص الصغير )
عدنا..........
معلش اصلى باتفرج على قنوات عربيه كتير ......... ما علينا
ندخل فى الموضوع
الاول انا مش عايز حد ياخد انطباع زفت عنى والمصحف الشريف كل اللى هاكتبه كان وانا صغير وليس له اى اثر معى الان .......... كمان ما علينا
ندخل بقه احسن كده ممكن حد يمل
كما ذكرا فى المواضيع السابقه ان طفولتى كانت مليئه بالشقاوه غير العاديه
كنت اشعر بتميز وغرور غير عادى وكنت احب ان افعل اى شيئ واجرب اى شيئ
فى يوم من الايام جاء الينا احد اقاربى وكان لديه سياره واثناء حديثه مع والدى اتفقت مع اخى الصغير على سرقه مفاتيح السياره وكان عمرى وقتها 12 سنه فعلا نجح اخى الاصغر فى سرقه المفاتيح وخرجنا مسرعين تجاه السياره ( ايه الرخامه دى هو انا بأعرف اسوق اساسا ) المهم ذهبنا الى السياره ودخلنا ثم تذكرت كلمه كان قريبى هذا قالها لى كان يقول لى ان ابنه تعلم القياده بدون معلم من مجرد النظر اليه فلما لا تتعلمها انت قلت فى نفسى بس كده ( من عنيا ) واخذت اتابع اى قائدى سيارات الاوتوبيس والميكروباصات و و المهم
جاءت الفرصه
بدأت اراجع ما كنت اشاهده ادرت السياره ثم حركت الفتيس لتتحرك بنا السياره
لحظتها فهمت ان القياده هى تقدير للمسافات فقط وعدم تسرع المهم سارت بنا السياره وانا فرح جدا انى اسير وسط السيارات بدون خوف وبلا معلم وبعد ذلك اعدت الساره كما كانت وعدنا الى البيت ليضع اخى المفاتيح مكانها ولم يشعر بنا احد
تكررت هذه السرقه كثيرا ( وكل مره كان ربنا بيسترها ) الى ان جاء يوم واخدت السياره واثناء سيرى توقفت السياره ( ينهار مش فايت ) ماعرفتش اعمل ايه كان يوم احد ( مش لاقى ولا ميكانيكى فاتح واخد الوقت يمر وانا مش عارف اعمل ايه ارسلت اخى الى المنزل لكى يرصد الاحداث ليعلم هل اكتشف قريبى اختفاء المفاتيح ام لا عاد اخى بعدها مسرعا ( تم اكتشاف ضياع المفاتيح ) سألته طب هو عرف انها معانا قال لى لا
والوقت يمر وهم فى المنزل يبحثون عن المفاتيح وبعدها بدأو فى البحث عن السياره نفسها
وذهبو الى القسم لتحرير محضر كان اخى يبلغنى اولا باول بما يحدث
وانا فى حيره مكسوف اعترف المهم اثناء عودتهم من القسم شاهدونى جالس فى السياره وكان فى ايدى سيجاره ودى كانت اول مره يعلم والدى ووالدتى بأننى مدخن
( كلت حته علقه ) حتى قريبى صاحب السياره رغم انه لم يضربنى ولكنى كنت اشعر بأنه يريد قتلى
اسف للاطاله وخدوا بالكم من عيالكم ....... ما علينا
اشكركم للمتابعه
__________________
عيش بالايمان عيش بالامل
عيش بالحب وقدر قيمة الحياة
]
|
مواضيع مشابهة
النمط الخطي
