عاوز أبطل ... ما تبطلشي!!!

[abc]

بسم الله الرحمن الرحيم
عاوز أبطل ... ما تبطلشي!!!


بتقرقض ضوافرك ؟؟
مدمن شم شرابات ???
بتشرب سجاير ?? طب هات نفسين
بتسمع أغاني ؟؟
عايش على أطلال الذكريات و "غدر الحبيب" ؟؟

فيه أي أفكار غلط في راسك و انت عارف انها غلط
و عاوز تتخلص منها


من الآخر كدة ... بتعمل أي حاجة و نفسك تبطلها ؟؟
طيب ما تبطلها !!!! ايه المانع ؟؟؟

مش قادر
مش قادر
مش قادر
مش عارف أبطل خالص
كل ما أبطل أرجع تاني
أقول مش هعمل كذا ... و أرجع أعمله
أقول مش هفكر في كذا و أرجع أفكر فيه و "الشوق ياخدني "

إيه الحل يا عموا فؤاد ؟؟

النهاردة إن شاء الله سنتناقش -كأسرة مع بعتشينا - في كيفية الإقلاع عن العادات ..... السيئة طبعا و لا انتوا عاوزين تقلعوا عن العادات الحسنة كمان ؟؟

بصوا .. أن هقول اللي عندي , و طبعا مستني إضافاتكم و إسهاماتكم في الموضوع , اللي بجد الموضوع مش هيكمل إلا بيها ,
لأن موضوع الإقلاع ده -و الهبوط - بيتطلب خبرة و تجربه أكثر منه نظريات و خلافه ...

"اتفجنا" ؟؟

وجب يا معلمي

بسم الله

أول حاجة طبعا في أي حاجة هي الأعمال الروحية , و اللي معظم الناس بتطنشها... أنا هتكلم فيها بسرعة , و لو مش عاوزها ... انت و رغبتك ,
عديها , و اعمل scroll down لحد ما تعديها ..

أول حاجة طبعا .... الدعاء : ببساطة جدا ربنا بيقول (ادعوني أستجب لكم) , عاوز حاجة اطلبها من ربنا وهو يحققها لك , شفتم البساطة ؟؟

أي حاجة , طبعا مش هنفصّل و نقول انه سلاح المؤمن و نشرحأهمية الدعاء و مكانته .. أنا هضيف أحاديث بس بدون تعليق علشان التطويل ,,,

قال رسول الله صلى الله عليه و سلم :

"ادعوا الله وأنتم موقنون بالإجابة، واعلموا أن الله لا يقبل دعاء منقلب غافل لاهٍ" خلي بالك من "وأنتم موقنون بالإجابة" دي , و برضه من "لا يقبل دعاء من قلب غافل لاه" اعملهم الاتنين مع بعض علشان تلاقي النتيجة .

" يستجاب لاحدكمما لم يعجليقول دعوت فلم يستجب لي" ما تستعجلش , المهم تواظب على الدعاء حتى لو مش لاقي النتيجة دلوقتي .

" ما على الأرض مسلم يدعو الله بدعوة إلاآتاه الله إياهاأوصرف عنه من السوء مثلهاما لم يدع بإثم أو قطيعة رحم" و ممكن تكون النتيجة جت بس في صورة أخرى انت مش واخد بالك منها "أو صرف عنه من السوء مثلها" !!!
...
...
...

تاني حاجة بقى انت تستفيد من اللي انت فيه
يعني تحتسب على الله المشقة اللي انت فيها و انت بتحاول تقلع عن الحاجة دي ,
قال رسول الله : "ما يصيب المسلم مننصبو لاوصبو لاهمو لاحزنو لاأذىو لاغمحتى الشوكة يشاكها إلا كفر الله بها من خطاياه" , و أظنما فيش هم و لا غم و لا تعب و نصب أكثر من اللي بيحاول يجاهد نفسه و شيطانه و شهوته و أفكاره الغلط ... و لا فيه ??


تالت "هام " ... قناعاتكيا "سيدنا الأفندي" ,
يعني انت من جواكمقتنع انتك تقدر تبطلأغاني مثلا ؟؟؟
انك تبطل تقعد تبكي على "الحبيب الأولِ " ؟؟
عاوز تغير طريقة تفكيرك اللي "جايباك ورا" دي ؟؟

مقتنع و لا لأ ؟؟؟
ممكن يكون صعب أو صعب قوي , أو صعب جدا , أو صعب خالص .... بس مش مستحيل ,
طالما ربنا أمرك بالحاجة دي , يبقى أكيد جنابك تقدر تعملها , لأنه -اللي أمرك- و هو الله عز و جللا يكلف نفسا إلا وسعها)و هو اللي خلقك و عارف قدراتك ايه .... صح و لا لأ ؟؟
و بدل ما الناس بتقول الآية دي فيسياق العجز , يعني يقول أنا مش هقدر و ( لا يكلف الله نفسا إلا وسعها) !!!!
ليما ما تقولهاش فيسياق المقدرة , يعني تقول أنا هقدر علشان ربنا (لا يكلف الله نفسا إلا وسعها) يبقى طالما كلفني بالأمر فهو في وسعي و أقدر أعمله !!

و اسمع كلام ابن القيم كده بيقول لك ايه : "ولو توكل العبد على الله حق توكلهفي إزالة جبل من مكانهوكانمأموراً بإزالته...... لأزاله " !!!
سمعت حاجة زي دي قبل كده ؟؟
أول حاجة التوكل و طلب المعونةمن الله عز و جل , لو حتى هتزحزح جبل , لأنه ربنا أمرك بكده يبقى هو عارفانك تقدرتعمل كده و أنت هتعمل كده إن شاء الله .. اجمد انت بس و شد حيلككده

ولو ما قدرتش من أول مرة عادي , أو لو بطلت و رجعت عادي برضه , طالما انت بتحاول ... يبقى انت ماشي في الطريق الصح , يقول تعالى (و الذين جاهدوا فينا لنهدينهم سبلنا و إن الله لمع المحسنين )
يعني لازم جهاد , مش بالساهل كده ,


و الحديث المشهور "إنعبدا أصاب ذنبا فقال: رب أذنبت فاغفره فقال ربه: أعلم عبدي أن له ربا يغفرالذنب و يأخذ به ؟ غفرت لعبدي ثم مكث ما شاء الله ثم أصاب ذنبا فقال: ربيأذنبت آخر فاغفر لي قال: أعلم عبدي أن له ربا يغفر الذنب و يأخذ به ؟ غفرتلعبدي ثم أصاب ذنبا فقال: رب أذنبت آخر فاغفر لي قال: أعلم عبدي أن له ربايغفر الذنب و يأخذ به ؟ قد غفرت لعبدي فليعمل ما شاء" يعني ليعمل ما شاءطالما يستغفر و يتوب , يذنب تحت وطأة الشهوة و النفس الأمارة و الشيطان و الحاجات الكتيرة دي , لكن يعود مرة أخر ليستغفر و يتوب ...


و الحديث الآخر "ما منعبد مؤمنإلا وله ذنبيعتاده الفينة بعد الفينة أوذنب هو مقيم عليهلا يفارقه حتى يفارق الدنيا إن المؤمن خلقمفتنا توابا نسياإذا ذُكِّر ذَكَر" الحديث مش معناه ان الواحد "يتفق" مع ذنب يبقى ده بقى الذنب بتاعي طول عمري !!! لكن يعني المؤمن ممكن يقعد يجاهد نفسهطول عمره في ذنب مش عارف يبطله طول عمرهخلي بالك من "إذا ذُكِّر ذَكر " !! و اتكلمنا عن حاجة زي دي قبل كدة في موضوع قديم ,,

..
..

يَُتَبع >>>>

[محمد كمال على]

والله أنت راجل سكر
وزى ما قال عادل امام فى مدرسه المشاغبين
المنطلق الفكرى بتاعنا لازم ينبع من احساسنا المنعكس فى الألتزام بقضايا معاصرة





شكرا

[abc]

المشاركة الأصلية بواسطة محمد كمال على

والله أنت راجل سكر
وزى ما قال عادل امام فى مدرسه المشاغبين
المنطلق الفكرى بتاعنا لازم ينبع من احساسنا المنعكس فى الألتزام بقضايا معاصرة





شكرا

شكرا على مرورك أستاذ محمد ....

بس كان عندي سؤال صغنون

هو فيه "أي جزئية" مش مفهومة

أصل حاسس انت "لاسمح الله" مش فاهم حاجة أو مستطول الموضوع أو فيه حاجة مش مريحاك ,
إوعى يكون شكي في محله

[وشوشنى]

مرسييييييييييييى للتوبيك الرائع..هههبجد حلو تسلم ايدك

[amr_miza1]

ايه .. بجد الموضوع اكتر من رائع والاسلوب كمان قريب جدا وخصوصا ان المتلقى معظمه من الشباب الصغير اللى كتير بيستتقل الفصحى ..
لكن همسة صغيرة ,, الموضوع طويل الى حد ما , كان ممكن تتقسم الافكار المدرجة الى اجزاء منفصلة او تندرج مع ردود الأعضاء .

بخصوص مجاهدة النفس واللى هى تقريبا الفكرة الرئيسية للموضوع فوجدت الحديث الشريف فى موضوعك وهو
"ادعوا الله وأنتم موقنون بالإجابة، واعلموا أن الله لا يقبل دعاء منقلب غافل لاهٍ"
وبصراحة مقدرش اقول حاجة بعد الحديث الشريف والبلاغة النبوية .

موضوع متميز جدا ..
الف شكر أخى الكريم .. ايه

[koko15]

الموضوع طويل جداااااااااااااااااااااااااا ياريت تقصرو شويتين

[mostafa10]

ولو ما قدرتش من أول مرة عادي , أو لو بطلت و رجعت عادي برضه , طالما انت بتحاول ... يبقى انت ماشي في الطريق الصح , يقول تعالى (و الذين جاهدوا فينا لنهدينهم سبلنا و إن الله لمع المحسنين )
يعني لازم جهاد , مش بالساهل كده ,

بروزي دي الله يخليك
وهحاسبك عليها ان شاء الله متخافش - في القسم وعليك خير -

لو عايز التعليق
ابقى قابلني ورا المنتدى وانا هقولك على اللى انا عايزة

بس بص
بصراحة الموضوع طويل وعايز تركيز جامد
اﻷفكار عايزة تتنظم شوية
الاسلوب

مستنيك هناك بقى ورا

بيس يامان

[عتاب]

موضوع اكثر من رائع
واسلوب عرضه جميل جدا
وانا بصراحة الموضوع فرق معايا كتير وهانفذه
اكيد طبعا مش هابطل السجاير لاني مبطلاها ههههههه
هابطل حاجات تانية
هغير حاجات في شخصيتي وهابعد عن حاجات مش عايزاها معايا
باذن الله هقدر
هاحاول مرة واتنين وتلاتة وماله هو احنا ورانا حاجة !!
وهادعي بقلب جامد ماهو ربنا باذن الله هايستجيب

[AL-KING]

موضوع رائع جدا

" مع انه ما كلمت القراءة لطول الموضوع "

ولكن باذن الله راح اطلع علية كامل في وقت ثاني

اشكرك عزيزي على هذا الابداع

و الاقلاع عن العادات السئيه امر جدا صعب ولكن يجب الاقلاع عنه

" لانك لابد في يوم من الايام انك تكون قدوه لطفلك او اي احد "

فلازم تصلح نفسك اذا مو عشان نفسك فعشان الي بيقتدي بيك

وكم من شاب اعرفهم يدخنون و السبب ان اباه يدخن !!

والامر ان اباه يعلم و لاكنه لا يستطيع ان يعاتبه من مبداء

" لا تنهى عن خلق و تاتي بمثله عار عليك ان فعلت عظيم "

و النصائح الي فوق جدا رائعه

و الله يوفقنا لكل خير

احترامي لك عزيزي

Al-king

[abc]

تابع >>>

النقطة اللي بعد كدة -لأني سرحت و مش عارف أنا فين بالضبط - هي زي ما بيقول بتوع التنمية البشرية ... "الروابط الذهنية" !!!

يعني انك تربط الحاجة اللي عاوز تبطلها دي بحاجة وحشة في دماغك,
يعني مثلا , لو بتشرب سجاير , كل ما تبص على السيجارة افتكر صورة رئتيك الحلوين هيبقى شكلهم ايه -زي ما عملوا في علب السجاير دلوقتي- و افتكر الحاجة الحلوة برضه -لأن فيه نفوس ما بتجيش بالترهيب, لازم الترهيب و الترغيبمع بعض- افتكر انت لو ما شربتش صحتك هتبقى بمب و "تروح تشيل حديد" مع شعبولا ...
و دي حاجة مش جديدة يعني , فقد نبه إليها سلفنا الصالح منذ آلاف السنين ...
ففي موضوع النساء مثلا قال ابن مسعود رضي الله عنه: "إذا أعجبت أحدكم امرأة فليذكر مناتنها!!" , يعني تذكر الحاجات الوحشة في أي امرأة علشان تكرهها , دي طبعا المرأة المحرمة عليك و ليست زوجتك ...

و ابن القيم بيقول برضه :
"الصبر على الشهوة أسهل من الصبر على ما توجبه الشهوة،
فإنها إما أن توجب ألماً وعقوبة،
وإما أن تقطع لذةً أكمل منها،
وإما أن تضيع وقتاً إضاعته حسرة وندامة،
وإما أن تثلم عرضاً توفيره أنفع للعبد من ثلمه،
وإما أن تذهب مالاً بقاؤه خير له من ذهابه،
وإما أن تضع قَدْراً وجاهاً قيامه خير من وضعه،
وإما أن تسلب نعمة بقاؤها ألذ وأطيب من قضاء الشهوة،
وإما أن تُـطَـرِّق لوضيعٍ إليك طريقاً لم يكن يجدها قبل ذلك،
وإما أن تجلب هـمّـاً وغـمّـاً وحزناً وخوفاً لا يقارب لذة الشهوة،
وإما أن تُنْسي علماً ذكره ألذ من نيل الشهوة،
وإما أن تُشَمِّت عدواً وتُحْزِن ولياً،
وإما أن تقطع الطريق على نعمة مقبلة،
وإما أن تُحْدِث عيباً يبقى صفة لا تزول.
فإن الأعمال تُـوَرِّثُ الصفات والأخلاق."

قعد يقول لك حاجات تكرهك فيها أصلا ,,,
علشان كده لازم تربط الحاجة اللي انت عاوز تبطلها برابط يكرهك فيها ,
و تربط اقلاعك عنها برابط محب لنفسك ..
بس ملحوظة كنت سمعتها
لما تيجي تكلم نفسك عن الحاجة الوحشة خليها بالإثبات و لما تتكلم عن الحلو ما تخليهوش بالنفي !!! ؟؟؟
و لا يهمك ...أنا نفسي مش فاهم الكلمتين اللي كتبتهم دول

يعني مثلا في الرابط السيء : التدخين هيبوظ الرئتين , التدخين هيخليني ضعيف و "راجل مسوس"
و فيالرابط الحلو ما تجيبش سيرة التدخين و لا النفي بتاعه : يعني ما تقولش لما ما أدخنشهبقى قوي , لما ما أدخنش هبقى زي الحمـ.... قصدي زي الحصان


إنما تخلي إثبات مع الصفة الحلوة مثلا : لما أقلع هبقى أقوى , لما أقلع هكون أحسن , يعني ما تجيبش سيرة الصفة اللي انت الوحشه مع الصفاتالحلوة , لأنهم بيقولوا قال ايه العقل اللاواعي ممكن يتلخبط لأنه بيدخل المعلومات و البيانات من غير ما يفهمها, زي مثلا لو قلت لك : ما تفكرش في وردة حمراء!!! أكيد انت فكرت في وردة حمرة هي دي النظرية

النقطة اللي بعد كدة و شكلها و الله أعلم الأخيرة لأني أنا شكلي اللي ناوي أبطل كتابه ,
انك زي ماقلنا ما ينفعش تقول "ما تفكرش في وردة حمراء" , إنما تقول "فكر في وردة صفراء مثلا "
يعني ما ينفعش تعمل delete لحاجة في دماغك
إنما ممكن تعمل replace علشان مخك لازم هيفضل يدور و "يدعبس" عن الحاجة اللي هو كان بيعملها و انتبطلتها , فلازم تحط له بديل علشان يهدى و يسكت , بدل ما يرجعك ليها تاني ,


آخر نقطة بقى علشان الناس اللي زهقت - بيني و بينكم أنا شخصيا زهقت - ..

الذكريـــــــــــــــــــــــــــــــــــ ـات ...

يعني لو متعود تقعد على قهوة "حميدو مرسال" أيام السجاير , يبقى لما تبطل ما تقعدش عليها تاني علشان ما تفتكرش .. اقعد في "صالون مشمش الثقافي" مثلا

و لو مثلا خطيبك السابق أهدى لك عروسة المولد مثلا في "عيد الفلاح" يبقى لازم "تاكلي" العروسة دي علشان ما تفتكريش الأيام اللي انتي عاوزة تنسيها كل ما تشوفي العروسة –و كمان قبل النمل ما ياكلها –

كل حاجة بتفكرك بالحاجة اللي انت عاوز تبطلها , حاول تتخلص منها .. تبتعد عنها .. تتهلى في حاجة تانية ,
علشان الحاجات دي هي بداية السلم ...-أو الزحليقة -

لأن الفكرة هي بداية الفعل ..

وقال ابن القيم –رحمه اللهتعالى -: " والنظر أصل عامة الحوادث التي تصيب الإنسان فإن النظرة تولدخطرة ثم تولد الخطرة فكرة ثم تولد الفكرة شهوة ثم تولد الشهوة إرادة ثمتقوى فتصبر عزيمة جازمة فيقع الفعل ولا بد ما لم يمنع منه مانع وفي هذاقيل : الصبر على غض البصر أيسر من الصبر على ألم ما بعده " .

الشاهد من كلامه "النظرة تولد خطرة ثم تولد الخطرة فكرة ثم تولد الفكرة شهوة ثم تولد الشهوة إرادة ثمتقوى فتصبر عزيمة جازمة فيقع الفعل ولا بد ما لم يمنع منه مانع وفي هذاقيل : الصبر على غض البصر أيسر من الصبر عل