ايها المغتربون ...

[ميت العامل1]

بلاش يآس

[شذا الأمواج]

المشاركة الأصلية بواسطة رينو

لا انهم اتعودوا على كده عشان محدش بيعمل لهم حاجه او بمعنى اصح محدش بيهمه دلوقتى حاجه لا حال الدول هنا متسواش حاجه ببره بس احنا السبب فى الاول والاخر اعذريني مفهمتش قصدك هنا ايه


يعنى عندنا لو حد عامل حاجه غلط مش شرط يتحاسب ممكن يكون له وسطه تطلعه من مشكلته عليها اما فى بلاد بره لازم يتحاسبوا


مستكه هستناكى بجد لازم تيجى عشان اشوفك

فعلا صح كلامك

الفساد اللى فى مصر متمثل فى المحسوبيات والمجاملات

[انسان افتراضي]

كلام جميل وطبعا انا مقدر احساسك او وطنيتك لمصر وللمصريين لكن انا هقول نقطتين واسيب لحضرتك القرار بعد كدا

الاول ان حاله الانبهار طبيعية جدا لاي انسان يسافر من مصر الي اي دوله فيها ديموقراطيه حقيقيه
طبيعي لانه بشوف معامله مختلفه شكلا وموضوعا سواء في العمل او التعامل

النقطه التانيه هي سؤالك هما عملوا ايه لمصر بدل ما يرجعو من بره يقولوا مصر وحشه مصر كخه
طيب فعلا صحيح هما عملوا ايه لمصر ؟ صدقيني والله العظيم كل مصر ساف ر بره بلده بيكون نفسه يرجع

ويعمل حاجات كتيره لبده اللي اتربي فيها واتعلم فيها وشرب من نيها واكيد غنيلها بس المشكله في الهامات العاليه الظالمه اللي بتحكم مصر بكل ما اوتت من فساد وظلم وتشريد وتعذيب للناس

فاي رجل اعمال او شاب سافر بره مصر ورجع وعنده طموحات كبيره اوي لمصر ها يمنعوه
يا اما يشارك الحكومه برأس المال وبالمقابل يحصل علي منصب سياسي او حمايه سياسيه
اللي عايز اقوله ان اللي بيسافر بره وبيرجع ما بيلاقيش غير الفساد وبيكون قدامه حل من اتنين يا اما يشترك في اللعبة يا اما يرجع من مكان ما جه
والناس الشريفه هي اللي بترجع من غير تفكير

[نيهال]

موضوع مهم بالفعل يا مستكه..........
للاسف الاغلبيه ناقمه على الوضع اللى اتصدمت واحتك بيه اخيرا
من بعد النظام والسلوك الحضارى
لحد سلوك لا يرقى للادميه باى صفه........اى انسان طبيعى حيكون ناقم على الوضع اللى حيشوفه
ولكن الفرق بيكون بين انسان عايزه يطور بلده وبين انسان تانى رجع وحيحط ايده على خده
ده الفرق
ومش اتمنى ابدا ان حد اعرفه يكون كده

[مستكة]

المشاركة الأصلية بواسطة جناب العمدة

ببساطة يا مستكة لان فى هناك نظام وعدل فى الثواب والعقاب
والقانون يطبق على الجميع من الرجل العادى الى رئيس الدولة
وعندنا المحسوبية وتطبيق القانون على العامة دون علية القوم
التغيير يبدأ من القائمين على البلد السادة المسئولين بتطبيق
حد القانون على الجميع بلا اى استثناءات .
فى رأيى لا العلماء ولا الغيورين على الوطن هيقدروا يغيروا شىء
طالما الفساد يضرب مؤسسة الدولة من الرأس الى أخمص القدمين .
كم من الشرفاء تعرض للبهدلة وقطع الارزاق والنقل والتوبيخ لأنه كشف
فساداً أو أشار الى اعوجاج ما فى احد مؤسسات الدولة .
المهاجرون أكثرهم على استعداد وبكل اخلاص للمساهمة فى النهوض
بالبلد فقط الحكومة يكون عندها النية الخالصة وتساعدهم فى ذلك .
احمد زويل على سبيل المثال أهدى هو وفريقه لمصر معمل أبحاث على أحدث
مستوى .. ظل فى الجمارك مركون أكثر من عام الى أن يدفع جمركه .

مش دى حاجة تجيب الشلل .

تقبلى تحياتى على الموضوع الهام .

جناب العمده اهلا وسهلا بحضرتك في الموضوع

كلام حضرتك واقعي جدا وبيحصل لا شك

لكن خلينا نرجع لورا شويه

للتاريخ مثلا

معروف انه اي امه بتقوم علي تلات مراحل

مرحلة النهوض ومرحلة التقدم ومرحلة التدهور

واكيد بلاد كتيره اوي مرت بالمراحل المختلفه دي اكتر من مره

بس كانت بتقوم تاني

بس بعد ايه بعد مابتوصل لقمة التدهور وانتشار الفساد علي جميع المجالات

تفتكر حضرتك الناس اللي بيقومو تاني عشان ينهضوا بالبلاد كانوا في يأس واحباط

ولاعندهم اصرار للاستمرار

انا بحس انه علي الرغم من اننا كلنا شباب بس معندناش اي امل في بكره

انا كده مش هنكر

بس ده غلط ولا زم يتغير

عشان لو متغيرناش احنا اللي هنضيع والبلد هضيع

بس مش علي طول عشان هيجي غيرنا ويرجعها زي ماكانت

بس الاكيد لو استمرينا كده مش هيكون علي ايدنا احنا

مش عارفه قصدي وصل حضرتك ولا لا


لكن عموما لما اتكلمت علي المغتربين كنت بقصد السلوكيات العاديه اللي بتكون في مجرد زياره

اصلي شفت كذا موقف من اصدقاء او اقرباء وادايقت جدا

ياتري انتو زيي ولا انا اللي مكبره الموضوع !

مش عارفه

[مستكة]

ايوا بالتأكيد , وانا مقولتش اننا نخالف بحجة ان الحكومة فاشلة فى وضع وتنفيذ اللوائح والقوانين ,

انا حبيبت بس اقول ان اللى المفروض يتم اصلاح النظام اولا

النقطه دي عايزه موضوع لوحده


وفساد النظام لا يعنى ابدا عدم احترامى للقوانين

.. وان شاء الله قريبا هعمل موضوع عن المواطنة او حقوق الانسان

شكرا مسكته للمتابعة والمناقشة

شكرا لمتابعتك الموضوع

وفي انتظار حقوق الانسان والمواطنه ان شاء الله

لان دي تحديدا فيها كلام لا ينتهي

حقوق الانسان بين الواقع والمأمول

[مستكة]

هي البلد عملتلهم ايه اصلا ولا قدمتلهم ايه
كل هؤلاء تخرجوا فى كل مراحل التعليم فى مصر وتخرجوا فى الجامعة بالمجان بدون مصروفات بل على العكس اعترف بعضهم انه كان يتقاضى نقوداً امام تفوقه الدراسى صحيح يعقوب بيعمل عمليات بالمجان ولكنه اكثر من مرة رفض الاقامة فى مصر للتعليم فيهاأما زويل فكان لديه مشروع جامعة تكنولوجية يعمل فيها مع فريق عمله الامريكى ويعلم ابناء مصر ولكن لظروفنااللى كلنا عارفينها من نقص الاموال والبيروقراطية راح عملها فى الامارات وهى تعمل الانومشائى المصرى الرشح لنوبل فى الهندسة والفيزياء والذى يعيش فى المانيا من يوم تخرجه فى هندسة القاهرة وهو أفضل العلماء عندهم حصل على كل دراساته التى يفتخر بها فى مصر وهو لم يرجع اليها الا عشان يصيف فى ماريناكنا نظن ان من استطاع النجاة سيرمى لنا حبلاً ولكنهم قالوا انا وبعدى الطوفان......................lion of egypt

اظن بعد جناب العمده وضح العقبات اللي واجهوها هنا

بصراحه بحس ان بلدنا لامكان فيها للعلم

وانا اسفه جدا وانا بقول كده

لكن دي حقيقه

بلدنا طارد للعلماء

جاذب لمجالات اخري لا اسفهه منها

ولكن لسنا في حاجه لها مثل حاجتنا الشديده للعلم والعلماء

[مستكة]

بلاش يآس

بنحاول

[مستكة]

فعلا صح كلامك

الفساد اللى فى مصر متمثل فى المحسوبيات والمجاملات

رينو انتي غيرتي اسمك ولا عملتي يوزر تاني

[مستكة]

المشاركة الأصلية بواسطة انسان افتراضي

كلام جميل وطبعا انا مقدر احساسك او وطنيتك لمصر وللمصريين لكن انا هقول نقطتين واسيب لحضرتك القرار بعد كدا

الاول ان حاله الانبهار طبيعية جدا لاي انسان يسافر من مصر الي اي دوله فيها ديموقراطيه حقيقيه
طبيعي لانه بشوف معامله مختلفه شكلا وموضوعا سواء في العمل او التعامل

هي ديموقراطيه مزعومه

صحيح هي اوسع من عندنا

بس مش كتير صدقني

وخصوصا للمغتربين

النقطه التانيه هي سؤالك هما عملوا ايه لمصر بدل ما يرجعو من بره يقولوا مصر وحشه مصر كخه
طيب فعلا صحيح هما عملوا ايه لمصر ؟ صدقيني والله العظيم كل مصر ساف ر بره بلده بيكون نفسه يرجع

ويعمل حاجات كتيره لبده اللي اتربي فيها واتعلم فيها وشرب من نيها واكيد غنيلها بس المشكله في الهامات العاليه الظالمه اللي بتحكم مصر بكل ما اوتت من فساد وظلم وتشريد وتعذيب للناس

فاي رجل اعمال او شاب سافر بره مصر ورجع وعنده طموحات كبيره اوي لمصر ها يمنعوه
يا اما يشارك الحكومه برأس المال وبالمقابل يحصل علي منصب سياسي او حمايه سياسيه
اللي عايز اقوله ان اللي بيسافر بره وبيرجع ما بيلاقيش غير الفساد وبيكون قدامه حل من اتنين يا اما يشترك في اللعبة يا اما يرجع من مكان ما جه
والناس الشريفه هي اللي بترجع من غير تفكير

انا معنديش امل يعملو حاجه لمصر

لانهم ببساطه لما بيرجعو من بره

ممكن يكون معاهم فلوس

بس تعمل ايه الفلوس مع البيروقراطيه واشياء اخري

انا كان قصدي وانا بقول عملوا ايه

اني بتكلم في مجرد سلوكيات

حضرتك فاهمني !

[مستكة]

ولكن الفرق بيكون بين انسان عايزه يطور بلده وبين انسان تانى رجع وحيحط ايده على خده
ده الفرق

هو ده

بس علي فكره يانيهال

انا بعذر الناس الناقمه

لان اللي شافوه مش قليل برضه

[The Pink Rose]

اولا: انا متغربة في بلد عربية و بحس بالحنين جدا لبلدي وانا بعيدة عنها وبحس اني فعلا عايزة اعمل حاجة لمصر بس بعتقد ان الشخص اللي قادر على التغيير الكبير هو المقيم في البلد لان صوته بيكون مسموع اكتر. صحيح ان المغتربين ليهم دور بس متهيئلي انه المغترب مش هيكون عايش المشكلةزي اللي في البلد.
ثانيا: بخصوص العلماء المغتربين انا اعتقد ان لو كان متوفر لهم الامكانات العلميه في مصر ما كنوش طلعوا بره البلد وحتى وهم بره بيعملوا حاجات كتير لمصر وعمرهم ما نسوا البلد اللي اتعلموا وكبروا فيه مثال على كده الدكتور احمد زويل.
"موضوع جميل يا مستكة"

[مستكة]

كويس ان فيه حد فاكرنا ان شالله بالطريقة دي
هو اصلا الانسان الكويس, بيكون كويس فين ماكان,اما الكويس غصب عنه ده سيبك منه
وبعدين مصر مالها, انا نزلت قعدت فيها ولقيتها زي الفل,كفايه تبص في وشوش الناس تحس بدفيء ماتلاقيهوش عندنا في الغربة

حضرتك اثرت نقطة جميله اوي

انه الكويس كويس في كل مكان

السؤال بئه

ياتري ياهل تري

لسه في حد كويس

وبخصوص زي الفل و الوشوش دي بصراحه مش عارفه

هو حضرتك متاكد انك كنت في مصر


بخصوص ان المغتربين منسيين

فدي مقوله غير صحيحه بالمره

صدقني ان كنتم بتتعذبو من الغربه في الخارج

فاحنا بنتعذب ببعدكم في الداخل

وربنا يجيب الناس كلها بالسلامه يارب