ايها المغتربون ...

مستكة · 23-05-2008, 12:08 AM

السلام عليكم ورحمة الله وبركاته

بقصد بالعنوان هنا كل واحد مغترب عن بلده

المغتربين داخل حدود الوطن العربي عموما

والمغتربين للدول الغربيه خصوصا

طبعا كلنا عارفين مدي الاختلافي الثقافي والحضاري ما بينا

فاي حد لما يسافر الي الدول الاوروبيه مثلا بيجيله حالة انبهار بالوضع الحضاري هناك

ويبتدي في حالة مقارنه

وطبعاالمقارنه دي بتكون في منتهي الظلم

لكن بصرف النظر المهم ايه اللي بيحصل بعد كده

لما المغترب ده تنتهي مدة غربته ويعود لارض الوطن

تبتدي حالة رفض لكل شيء

للتصرفات التقاليد وسلوكيات

بيكون رافض لكل شيء ولاي شيء

وناقد لكل التصرفات

اه مش بدافع عن حالنا وبقول ان كل تصرفاتنا صح

بس المغتربين عملو ايه لتصحيح اوضاع غلط !!

بدل ما ينفرو ويرفضو ليه مش بيصلحو

هما هنا ممكن يرموا زباله في الشارع او لا يلتزمو باشارات المرور

ممكن يعملوا اي مخالفات مع انهم نفس الاشخاص اللي بتلتزم بكل ده في بلاد اخري

سؤالي انتو فين من البلد دي

ياريت يكون الموضوع دعوة للمناقشه

رينو · 23-05-2008, 12:13 AM

فاي حد لما يسافر الي الدول الاوروبيه مثلا بيجيله حالة انبهار بالوضع الحضاري هناك

اممممممممم بيتهيئلى مثلا لو حد عايش فى دول عربيه بس نضيفه شوية ممكن مختلفش معاه حاجه لكن لو فى مصر تختلف كتير طبعا هههههههههههه

بدل ما ينفرو ويرفضو ليه مش بيصلحو

لان مش كل الناس ممكن تستمع لهم وتعمل بكلامهم
هما هنا ممكن يرموا زباله في الشارع او لا يلتزمو باشارات المرور

ممكن يعملوا اي مخالفات مع انهم نفس الاشخاص اللي بتلتزم بكل ده في بلاد اخري

لا انهم اتعودوا على كده عشان محدش بيعمل لهم حاجه او بمعنى اصح محدش بيهمه دلوقتى حاجه لا حال الدول هنا متسواش حاجه ببره بس احنا السبب فى الاول والاخر

مستكة موضوعك حلو اوى هستناكى فى فرح الحوراء بقى نفسى اشوفك

مستكة · 23-05-2008, 01:04 AM

رينو

وحشاني والله فينك من زمان

اخبارك ايه واخبار ياسمين سلميلي عليها كتييييير

إقتباس:

اممممممممم بيتهيئلى مثلا لو حد عايش فى دول عربيه بس نضيفه شوية ممكن مختلفش معاه حاجه لكن لو فى مصر تختلف كتير طبعا هههههههههههه

علي فكره اغلبية الدول العربيه حالها ميختلفش عن مصر

كمان مش بتكلم علي الشكل او السلوك بس لا كمان والنظام واسلوب الاداره

إقتباس:

لان مش كل الناس ممكن تستمع لهم وتعمل بكلامهم

علي فكره في ناس كتيره ممكن تستجيب لو حست انه ده بينفعها

المساله عايزه وعي مش اكتر

إقتباس:

لا انهم اتعودوا على كده عشان محدش بيعمل لهم حاجه او بمعنى اصح محدش بيهمه دلوقتى حاجه لا حال الدول هنا متسواش حاجه ببره بس احنا السبب فى الاول والاخر

اعذريني مفهمتش قصدك هنا ايه

إقتباس:

مستكة موضوعك حلو اوى هستناكى فى فرح الحوراء بقى نفسى اشوفك

والله وانا كمان نفسي اشوفكم

ممكن اجي لو العروسه والعريس عزموني

سوسه المفروسه · 23-05-2008, 01:50 AM

كلامك ليه ضدد المتغربين يا مستكة انا عن نفسي عايشة في السعودية وبحب مصر جدا جدا وزي مافي حجات وحشة هناك ايك في حجات وحشة هنا وشكرا على الموضوع الحلو ده

مستكة · 23-05-2008, 03:00 AM

إقتباس:

المشاركة الأصلية بواسطة سوسه المفروسه

كلامك ليه ضدد المتغربين يا مستكة انا عن نفسي عايشة في السعودية وبحب مصر جدا جدا وزي مافي حجات وحشة هناك ايك في حجات وحشة هنا وشكرا على الموضوع الحلو ده

اهلا بيكي في الموضوع

ليه فهمتي كلامي انه ضد المغترين

لا خالص

انا بتكلم عن حاله بيعاني منها كل مغترب عائد لارض الوطن

بيكون فيها ناقم علي كل شيء

انا بتسائل هنا ليه مش يحاول يغير

عشان يعرف يتعايش مع ده

وياريت كل مغترب يشارك معانا بتجربته

ويقولنا ايه بيعجبه وايه بيرفضه وبيتصرف ازاي

في انتظار مشاركتكم

amr_miza1 · 23-05-2008, 04:56 AM

مستكة ..

كنت لسه بتكلم فى الموضوع دا ..
المشكلة دى وهى خاصة بالتنظيم وتنفيذ اللوائح والقوانين .. قوانين المرور على سبيل المثال
احنا مش هيبقى علينا كل اسباب التأخر وعدم تنفيذ اللوائح وارتكاب المخالفات
انا بتكلم عن الموضوع بصرف النظر اذا كان حد سافر ورجع تانى او اذا كان مقيم بمصر اصلا
الحل فى ايد المحليات ( المسؤول ) أولا ثم ( المواطن )

مش معقول المواطن هيلاقى البلد على نظام واضح وصارم وغير ظالم وهيخالف .. الا قليل
اما فى الغالب فأكيد الرغبة فى عدم المخالفة هتكون موجودة
اما لو النظام أصلا مختل فيبقى صعب ان تقتنعى بواجبك اللى المفروض تعمليه لانك فى الاخر هتتظلمى .

فى مجالى مثلا وهو مجال العمل الأهلى وبرامج حقوق الانسان فأول شيء يتم مراعاته هو مبدأ
( الحقوق والواجبات ) وبيتم تقديم الحقوق عن الواجبات , لحتمية التزام الدولة أولا ثم المطالبة بالتزام المواطن ومن ثم يتوجب العقاب على من يخالف .

أو هكذا أرى

موضوع هام جدا
شكرا مستكة

مستكة · 26-05-2008, 11:32 PM

إقتباس:

المشاركة الأصلية بواسطة amr_miza1

مستكة ..

كنت لسه بتكلم فى الموضوع دا ..
المشكلة دى وهى خاصة بالتنظيم وتنفيذ اللوائح والقوانين .. قوانين المرور على سبيل المثال
احنا مش هيبقى علينا كل اسباب التأخر وعدم تنفيذ اللوائح وارتكاب المخالفات
انا بتكلم عن الموضوع بصرف النظر اذا كان حد سافر ورجع تانى او اذا كان مقيم بمصر اصلا
الحل فى ايد المحليات ( المسؤول ) أولا ثم ( المواطن )

اهلا عمرو

انا معاك اننا عندنا شوية قصور في المساله دي

بس الاكيد انه حتي القوانين المزبوطه مش بنلتزم بيها

مش المغتربين بس لا واحنا العايشين في البلد

تقدر تقولي كام مره كسرت اشاره او مشيت في اتجاه مخالف

احنا بطبيعتنا بنحب نخرج عن اي قانون حتي لو رادع

وبصراحه برضه الحكومه تحب تصدر قوانين

لكنها مش بتتنفذ

يعني وجهين العمله بايظين

مش معقول المواطن هيلاقى البلد على نظام واضح وصارم وغير ظالم وهيخالف .. الا قليل
اما فى الغالب فأكيد الرغبة فى عدم المخالفة هتكون موجودة

كده احنا متفقين

اما لو النظام أصلا مختل فيبقى صعب ان تقتنعى بواجبك اللى المفروض تعمليه لانك فى الاخر هتتظلمى .

بس كده عمرنا ما هنتصلح

لما كل واحد يقول النظام مختل عمرها ما هتتحل

انما لو انا بدات بنفسي وانت بدات بنفسك وكل واحد بدا بنفسه

صدقني الوضع هيختلف اكيد

غير اللي هيبدؤا ففيه اللي هيلتزم اقتدائا او احراجا

وواحده واحده هنتغير

ولا ايه

فى مجالى مثلا وهو مجال العمل الأهلى وبرامج حقوق الانسان فأول شيء يتم مراعاته هو مبدأ
( الحقوق والواجبات ) وبيتم تقديم الحقوق عن الواجبات , لحتمية التزام الدولة أولا ثم المطالبة بالتزام المواطن ومن ثم يتوجب العقاب على من يخالف .

اذا انتظرنا تقديم الحقوق علي الواجبات فاحنا بندور فيدايره مفرغه

لانه احنا عمرنا ماهناخد حق الا اذا عرفناه

ومش هنعرفه الا اذا كان عندنا وعي بيه

لذلك اري تقديم الواجبات اولي

يمكن تفرج في يوم من الايام

أو هكذا أرى

موضوع هام جدا

شكرا مستكة

شكرا جزيلا لمرورك الكريم ومناقشتك اللي اضافت للموضوع

وبما انه حضرتك تعمل في مجال حقوق الانسان

ياريت لو تعملنا موضوع تتكلم فيه عموما عنها

وشكرا لمرور حضرتك

رينو · 26-05-2008, 11:35 PM

لا انهم اتعودوا على كده عشان محدش بيعمل لهم حاجه او بمعنى اصح محدش بيهمه دلوقتى حاجه لا حال الدول هنا متسواش حاجه ببره بس احنا السبب فى الاول والاخر اعذريني مفهمتش قصدك هنا ايه

يعنى عندنا لو حد عامل حاجه غلط مش شرط يتحاسب ممكن يكون له وسطه تطلعه من مشكلته عليها اما فى بلاد بره لازم يتحاسبوا

مستكه هستناكى بجد لازم تيجى عشان اشوفك

مستكة · 26-05-2008, 11:49 PM

إقتباس:

يعنى عندنا لو حد عامل حاجه غلط مش شرط يتحاسب ممكن يكون له وسطه تطلعه من مشكلته عليها اما فى بلاد بره لازم يتحاسبوا

.
اها وصل المعني

وهو ده اللي كان بيقصده عمرو في كلامه

هي مشكله انا معاكي بس لازم برضه نبدا بنفسنا

إقتباس:

مستكه هستناكى بجد لازم تيجى عشان اشوفك

وانا كمان والله

الله المستعان

lion of egypt · 27-05-2008, 01:41 AM

تسمحيلى أسأل ماذا فعل علماء مصرالمغتربون لهذا البلد؟المشائى وزويل ويعقوب والباز وغيرهم المبدأ السائد أنا وبعدى الطوفان واذا كنت فى بلد بتعبد الجحش حش واديله واضح ان 5000 سنة تاريخ مش كفاية علينا لتصنع حضارة خليها فى سرك ويجعله عامر.........lion of egypt

مستكة · 27-05-2008, 04:25 PM

إقتباس:

المشاركة الأصلية بواسطة lion of egypt

تسمحيلى أسأل ماذا فعل علماء مصرالمغتربون لهذا البلد؟المشائى وزويل ويعقوب والباز وغيرهم المبدأ السائد أنا وبعدى الطوفان واذا كنت فى بلد بتعبد الجحش حش واديله واضح ان 5000 سنة تاريخ مش كفاية علينا لتصنع حضارة خليها فى سرك ويجعله عامر.........lion of egypt

بالنسبه لسؤال حضرتك ماذا فعل علماء مصر

في الحقيقه مش عندي فكره

ولامتابعه لمشاريعهم عموما

بس اكيدبيعملوا حاجه

ومع ذلك انا مش هستغرب ولا اندهش ابدا

لو تاكدي انهم مقدموش حاجه

بالعكس

هي البلد عملتلهم ايه اصلا ولا قدمتلهم ايه

تفتكر كان لها يد في اللي وصلوله ده !!

طبعا لا

الناس دي موصلتش للمكانه دي الا لما خرجو بره

ولاقو اللي ينميهم ويساعدهم

مش يموت عزيمتهم

بس برضه انا متاكده انهم مستحيل هيتاخرو عن البلد

سمعت انه د/ زويل بيعمل مشروعات علميه هنا

ود/ مجدي يعقوب بينزل مصر سنويا لعمل عمليات مجانيه في القلب

اما عن موضوع 5000 سنه حضاره دي بالذات هي اللي جابتنا ورا

اعدنا نغني بيها ولا عملنا ولا سوينا

جناب العمدة · 27-05-2008, 04:38 PM

ببساطة يا مستكة لان فى هناك نظام وعدل فى الثواب والعقاب
والقانون يطبق على الجميع من الرجل العادى الى رئيس الدولة
وعندنا المحسوبية وتطبيق القانون على العامة دون علية القوم
التغيير يبدأ من القائمين على البلد السادة المسئولين بتطبيق
حد القانون على الجميع بلا اى استثناءات .
فى رأيى لا العلماء ولا الغيورين على الوطن هيقدروا يغيروا شىء
طالما الفساد يضرب مؤسسة الدولة من الرأس الى أخمص القدمين .
كم من الشرفاء تعرض للبهدلة وقطع الارزاق والنقل والتوبيخ لأنه كشف
فساداً أو أشار الى اعوجاج ما فى احد مؤسسات الدولة .
المهاجرون أكثرهم على استعداد وبكل اخلاص للمساهمة فى النهوض
بالبلد فقط الحكومة يكون عندها النية الخالصة وتساعدهم فى ذلك .
احمد زويل على سبيل المثال أهدى هو وفريقه لمصر معمل أبحاث على أحدث
مستوى .. ظل فى الجمارك مركون أكثر من عام الى أن يدفع جمركه .

مش دى حاجة تجيب الشلل .

تقبلى تحياتى على الموضوع الهام .

amr_miza1 · 27-05-2008, 06:14 PM

إقتباس:

يعني وجهين العمله بايظين

معاكى حق طبعا .. مع الاسف

إقتباس:

لما كل واحد يقول النظام مختل عمرها ما هتتحل

انما لو انا بدات بنفسي وانت بدات بنفسك وكل واحد بدا بنفسه

صدقني الوضع هيختلف اكيد

ايوا بالتأكيد , وانا مقولتش اننا نخالف بحجة ان الحكومة فاشلة فى وضع وتنفيذ اللوائح والقوانين ,
انا حبيبت بس اقول ان اللى المفروض يتم اصلاح النظام اولا
وفساد النظام لا يعنى ابدا عدم احترامى للقوانين

.. وان شاء الله قريبا هعمل موضوع عن المواطنة او حقوق الانسان

شكرا مسكته للمتابعة والمناقشة

lion of egypt · 27-05-2008, 06:20 PM

هي البلد عملتلهم ايه اصلا ولا قدمتلهم ايه
كل هؤلاء تخرجوا فى كل مراحل التعليم فى مصر وتخرجوا فى الجامعة بالمجان بدون مصروفات بل على العكس اعترف بعضهم انه كان يتقاضى نقوداً امام تفوقه الدراسى صحيح يعقوب بيعمل عمليات بالمجان ولكنه اكثر من مرة رفض الاقامة فى مصر للتعليم فيهاأما زويل فكان لديه مشروع جامعة تكنولوجية يعمل فيها مع فريق عمله الامريكى ويعلم ابناء مصر ولكن لظروفنااللى كلنا عارفينها من نقص الاموال والبيروقراطية راح عملها فى الامارات وهى تعمل الانومشائى المصرى الرشح لنوبل فى الهندسة والفيزياء والذى يعيش فى المانيا من يوم تخرجه فى هندسة القاهرة وهو أفضل العلماء عندهم حصل على كل دراساته التى يفتخر بها فى مصر وهو لم يرجع اليها الا عشان يصيف فى ماريناكنا نظن ان من استطاع النجاة سيرمى لنا حبلاً ولكنهم قالوا انا وبعدى الطوفان......................lion of egypt

lion of egypt · 27-05-2008, 06:21 PM

هي البلد عملتلهم ايه اصلا ولا قدمتلهم ايه
كل هؤلاء تخرجوا فى كل مراحل التعليم فى مصر وتخرجوا فى الجامعة بالمجان بدون مصروفات بل على العكس اعترف بعضهم انه كان يتقاضى نقوداً امام تفوقه الدراسى صحيح يعقوب بيعمل عمليات بالمجان ولكنه اكثر من مرة رفض الاقامة فى مصر للتعليم فيهاأما زويل فكان لديه مشروع جامعة تكنولوجية يعمل فيها مع فريق عمله الامريكى ويعلم ابناء مصر ولكن لظروفنااللى كلنا عارفينها من نقص الاموال والبيروقراطية راح عملها فى الامارات وهى تعمل الانومشائى المصرى الرشح لنوبل فى الهندسة والفيزياء والذى يعيش فى المانيا من يوم تخرجه فى هندسة القاهرة وهو أفضل العلماء عندهم حصل على كل دراساته التى يفتخر بها فى مصر وهو لم يرجع اليها الا عشان يصيف فى ماريناكنا نظن ان من استطاع النجاة سيرمى لنا حبلاً ولكنهم قالوا انا وبعدى الطوفان......................lion of egypt