قبل فوات الاوان

[al_copraa]

اصحابى
نحن نخطأ كثيرا ولكن اعظم اخطائنا التى تكون فى حق من نحب
اقولكم على حاجه الموضوع ده بالذات مش محتاج لغه فصحى انا هاتكلم فيه على راحتى لأنه من وجهه نظرى اهم موضوع انا طرحته لغايه دلوقتى
نرجع تانى للموضوع
كتير اوى مننا بيغلط فى حق والده او والدته او اخوه او اخته او حتى حبيبه او صديقه ( طب وبعدين ) اوكى هاختصر
لو حد من دول لا قدر الله مات هاتسامح نفسك تخيل اعز الناس اليك ( وللاسف دايما نعاملهم بدلع اكتر من اللازم وهما بيستحملونا ) تخيل انه سابك ورحل
ساعتها وكالعاده هاتتمنى ولو دقيقه واحده تشوفى فيها وهاتقول لنفسك انك كنت مخطأ فى حقه وانه لو عاد مره تانيه هاتكون تحت رجليه انما للاسف كل ده بعد فوات الاوان
ارجوك الحق وحب على قد ما تقدر كل اللى بيحبك
عامل والديك افضل معامله ممكن واستمتع بوجودهما مع فى الدنيا
الموضوع يستحق الكتابه اكتر من كده لكن انا مش عايز اسبب ملل لأى حد ... فقط حاول تستفيد من الموضوع وفكر فيه

[عتاب]

موضوع جميل
بالفعل الانسان بطبعه لا يدرك قيمة الشيء الا بعد فقده
ربنا يحافظلنا على احبابنا ويحميهم من كل شر
شكرا على التذكرة الجميلة

[teto_g14]

موضوع جميل جدااااااااااااا

بس احنا مبنصحش الى بعد فوات الاوان

لزم نحافظ على الاشخاص الى بنحبه وبتحبنى

[al_copraa]

الاخت عتاب
الاجمل من الموضوع ردك عليه
شكرا لتشريفك الموضوع

[al_copraa]

صديقى تيتو
كلامك صح
وانت نورتنى جدا
اشكرك لردك على الموضوع

[lion of egypt]

يا أخى دايماً موضوعاتك فى الجون كل مرة هدف والمرادى جيت على الوجيعة أكيد كل واحد فينا حاسس انه مقصر فى حق حد وانا واحد من دول.............lion of egypt

[al_copraa]

المشاركة الأصلية بواسطة lion of egypt

يا أخى دايماً موضوعاتك فى الجون كل مرة هدف والمرادى جيت على الوجيعة أكيد كل واحد فينا حاسس انه مقصر فى حق حد وانا واحد من دول.............lion of egypt

والله يا عم انت اللى رافع معنوياتى
ومحسسنى ان مواضيعى ليها لازمه

[lion of egypt]

على فكرة انا مش بجاملك انت تمالى تمس المشاعر وتذكر من نسى او تناسى دوره وانا لما قولتلك جيت على الوجيعة لانى قصرت فى حق حد ومات بس ندمت.........lion of egypt

[al_copraa]

شكرا يا صديقى العزيز ويارب اكون قدرت اقدملك حاجه مفيده ولو بسيطه

[وردة النيل]

الانسان بطبعه لا يقدر قيمة الشئ الا عندما يفقده

فعلا احنا البشر ديما نزعل الناس الي بتحبنا وبتخاف علينا

واحنا مش يهمنا اننا بنجرحم

لكن كل الي همنا رضا ناس بيعانا ومش يهمها امرنا

موضوعك ضرب الجرح في القلب

واهم الناس الي بتحبنا هم

الاب والام

تقبل مروري

[al_copraa]

ورده النيل / اشكرك جدا لمتابعتك الدائمه لمواضيعى
وردك الجميل للموضوع

[فتاة مصر]

ميرسئ جدا جدا جدا وربنا يحفظلك كل حبايبك

[al_copraa]

المشاركة الأصلية بواسطة فتاة مصر

ميرسئ جدا جدا جدا وربنا يحفظلك كل حبايبك

شكرا للرد الجميل جدا جدا جدا