تخيل اذا استطعت

[سمبل212]

اتخيل لما إيكون عمرك 15 سنة وما شفت الحرية بعيونك ..،،

اتخيل لما ايكون عمرك 15 سنة وما ذقت طعم الفرحة بحياتك ،، ولما تضحك مرة تبكي بدلها عشرة ..،،

اتخيل لما ايكون عمرك 15 سنة واتكون شايل هموم الدنيا فوق إكتافك ..،،

عارف شو يعني الشعور لما اتكون قاعد بين أهلك وعارف بإنك رح إتموت بأي لحظة ..،،

عمرك جربت تصحى من النوم مفزوع على صوت القنابل والرصاص ..،،

عمرك إتخيلت إتشوف إشي قدامك ويكون نفسك فيه لكن ما تقدر تحصل عليه ..،،

عمرك شفت إنسان بنقتل قدامك وإنت ما تقدر تعمل إشي ..،،

جربت كيف اليهود بشحطوك بنص الليل من بيتك علشان يهدموا بيت جيرانك ،، ومن اللمسة تطلع حافي وتمشي على الحجار والله أعلم على شو كمان !!

شو شعورك لما كل شخص بتحبه إما بينقتل أو بنسجن والله أعلم شو مصيره ؟؟

دائماً خوف ورعب في المدرسة ،، في الشارع ،، وحتى داخل بيته الواحد ما في أمان ،،
وين ما إنروح الشعور بالخوف مرافقنا ..،،

شو يعني لما إيكون عمرك 10 سنين ،، قال يعني إنت طفل بهالعمر ،،
وإتشوف الجثث ممددة ،،

ولما تسأل وتستفسر ليش هدول مقتولين ،، يحكولك خاينين وطن ،، إتخاف بزيادة وتهرب لحضن أبوك ،، هالأب اللي راح ما ينقتل حوالي 3 مرات ..،،

هاي أنا وهاي حياتنا اليومية ،،

وقال لما يسألنوني عن عمري وأحكيلهم 15 سنة بشوف نظرة
الإستفهام بعيونهم ،، ليش هالنظرة يعني عشان فاهم الحياة وبحكي أكبر من عمري ،،
وقال بعرفوا إني طفلة من نظرة إعيوني البريئة الطيبة ..،،

طيب شو ذذنبي أنا إذا زماني كبرني قبل أواني ..،،

لكن بالرغم من كل هيك بعشق حياتي ،، وبعشق ريحة الخطر الممزوج بريحة الموت ،،

بعشق التحدي ،، وبحمد ربي لإنه خلقني بأطهر البقاع ،،
فلسطينية وكلي فخر ،، وإللي مش عاجبة
إيموت قهر ..
دمتم ..

[alwathek]

كلنا فخر انكي فلسطينيه وعلى هذا القدر من الوعي
وهذا قدر الشعب البطل
[center]

تقبلي مروري

[/center]

[زهر الياسمين]

يسلموا سمبل على موضوعك

وبصراحه اكبر الله يجازي اللي كان السبب بحرمان ابن الخمسة عشر عاما

من حياته التي يستحق


مشكوووور خي ودمت ولا هنت

[سمبل212]

زهرة الياسمين شكرا لرقة كلماتك هذا حال فتاه ارسلت تلك الرسالة لي تستهجن انها طفله وتقول كبرت قبل اواني هذا كلام ابنة لي اسمها شيماء

[أدهم]

.. كل من بخارج أراضيكم أنتم فخرهم .. وكلهم أيضا يخذلهم عجزهم .. لو أن ما فى العروق دم ما أجبروكم على أن تسألوهم أن يتخيلوا .. فى الدنيا والآخرة لن يفلت منا مسلم من الحساب بذنبكم .. ودوما ستكونوا أنتم الأعلون .

[المحب من فلسطين]

اخي الحبيب سنبل هذا قدرنا

ان نحمل الهم الفلسطيني منذ ان نولد

هذا قدرنا ان نتجرع كاس الخوف ونشتم راحة الموت في كل زاوية وركن

هذا قدرنا ان نقاوم اعدائنا برضاعات الاطفال

هذا قدرنا بان ترمل النساء
ويقتل الاطفال
ويذبح الشيوخ

وتهدم البيوت

والعالم احمع ينظر الينا بعين الاعمى
وقلب الميت

لكننا باذن الله
صامدون
ثابتون
صابرون

حتي ياذن الله لنا بالنصر

فايما حياة تسر الصديق واما ممات يغيظ العدي

[سمبل212]

اهلا احي المحي تعم فهذا قدرنا انما المؤمنين اشد بلوى

[نيهال]

الله يعين......مش عارفه اقول ايه

الله يجازى اى حدا قصر بواجبه وبحقه

ان شاء الله نصر الله قريب

[سمبل212]

نيهال الكل قصر في الشغب الفلسطيني شعوبنا في سبات عميق نحتاج الى انتفضات تزلزل وتوقظ من في سباتهم يعمهون