تابع حوار الحفيدة مع جدها عام 2085

[ibm1000]

تانى اسبوع فى نفس العام
الحفيدة : إيه يا جدو تامر .. بقى لي زمان ما قعدتش معاك
الجد : وهو أنا عارف أتلم عليكي خالص
الحفيدة : أصل أنا وصاحبي أخدنا الولد من الحضانة
الجد : ولد!! ولد إيه اللي أخدتوه من الحضانة؟
الحفيدة : آه صحيح أنا نسيت أقول لك .. أصل أنا جبت ولد من سوسو صاحبي
الجد (وقد احولت عيناه قليلاً) : يا بنتي هو انتو اتجوزتوا لسه
الحفيدة : يا سلام عليك يا جدو .. إنت عليك تحاكيم غريبة .. طيب إيه اللي يمنع نخلف من غير جواز
الجد: ما ينفعشي يا بنتي
الحفيدة : أنا شخصياً عملتها ونفعت
الجد : مشكلتي إني ما باعرفش أزعل منك يا عكروتة ..وسميتوا المحروس إيه بقى
الحفيدة : سميناه (دوت كوم
الجد : نعم .. دوت كوم؟ .. أنعم وأكرم وده بقى لما تعوزي تنادي له تدوسي (إنتر) ولا إيه بالضبط
الحفيدة : ها ها ها ها .. إيه الخفة دي يا جدو .. والله فكرة .. لما أعوز أنده له أدوس إنتر
ولما أحب أقول له روح أودتك أدوس (ألت وإف4
الجد: وأخدتوه من الحضانة وديتوه فين بقى؟
الحفيدة : وديناه النادي الصهيوني
الجد : النادي الصهيوني؟
الحفيدة : أيوه .. ده نادي جميل معمول برعاية كبار رجال الأعمال .. وتحت رعاية وزارة الشؤون الاجتماعية
.. وده بيعلم الأطفال حاجات ظريفة خالص ومصاريفه رخيصة جداً وبعدين الولد الكويس ممكن يبعتوه يكمل تعليم في إسرائيل على نفقة وزارة الزراعة
الجد : إشمعنى وزارة الزراعة يعني .. وإيه دخلها في الموضوع ده
الحفيدة : أنا عارفة بقى يا جدو المهم حد يتكفل بالدفع وخلاص .. أصل (ميدو يوسف والي
وزير الزراعة ده راجل متفتح قوي
الجد : نعم .. قلتي مين .. ميدو يوسف والي
الحفيدة : أيوه يا جدو .. إزاي مش عارف اسم وزير الزراعة
الجد : أنا أصلي كبرت وصحتي مش مساعداني أفتكر المعلومات دي .. طيب قولي لي .. مين وزير الإعلام دلوقتي الحفيدة : قصدك وزيرة الإعلام يا جدو .. اسمها تيتي صفوت الشريف
الجد (وقد ظهرت عليه علامات التشنج والاحتقان وبدأ الزبد يسيل من فمه) : ومين وزير الثقافة
الحفيدة : نوني فاروق حسني .. إيه الأسئلة الكتيرة دي يا جدو .. ومالك بتبص حواليك كده
الجد : طيب قولي لي (يقترب منها هامساً في أذنها وهو يرتجف ويسألها سؤالاً ما .. ثم يضع
يده على فمها قبل أن تجيب قائلاً : قولي لي الإجابة في ودني
الحفيدة (مذهولة من تصرف الجد) : حاضر يا جدو (وتهمس في إذنه بالإجابة
الجد (وقد ازرق وجهه .. وتمددت أطرافه .. وأصابه التشنج والصرع ) : حسبي الله ونعمالوكيل ..حسبي الله ونعم الوكيل
الحفيدة : جدو .. جدو

Learn and Enjoy: طھط§ط¨ط¹ ط*ظˆط§ط± ط§ظ„ط*ظپظٹط¯ط© ظ…ط¹ ط¬ط¯ظ‡ط§ ط¹ط§ظ… 2085

[hossam606]

جميلة جداً

[عمااانية]

nice !!

[alwathek]

للخيال افاقه ومن حكمة الله عز وجل ان جعل المستقبل مجهول والحكمه من ذلك ان لا نجلد مرتين
يا ستي وسعي خيالك اشوي وخلي الحفيده المره القادمه تحكيلنا كيف اتحررت فلسطين والعراق
وكيف اصبح العالم العربي موحدا قوة عظمى ويحسب له الف حساب وكيف ان المواطن العربي محسود على الرغد الذي يعيش فيه وهذا كله ما كان ليحصل لولا الزعيم العظيم
جمال حسني جمال حسني
وكمان والله لو حتعبك معاي اسئلي الحفيده ازا كان الناس لسه بغنو
يا جمال يا حبيب الملايين
رائعه واشكر لك الخيال الواقعي