كـــلـــمـــات .... !!!

[wesamelsamry]

بسم الله الرحمن الرحيم

السلام عليكم ورحمة الله وبركاته



الاخوة الاحباء ... أعضاء المنتدى الكرام واخوتى

بعد فترة غياب لا بأس بها ... رجعت تانى وكلى خجل للغياب الطويل ده


كنت بمر بظروف صعبة نوعاً ما ... والحمد لله مرت عليا بسلام ... بسأل ربنا عز وجل انى اكون استفدت منها كويس جدا وكمان بسال المولى عز وجل ان يعافيكم من كل سىء ان شاء الله

مش عارف انا كتبت مقال زى ده بغرض ايه بالظبط ... بس حبيت ارجع تانى واقول لناس هنا - واخص منهم الاعزاء الاحباء اللى شاركونى فى يوم من الايام النقاش الجاد المفيد - انى رجعت - او بمعنى اصح - بحاول ارجع زى الاول ...!!!


أخص بالذكر أخى الحبيب / abc

لما له من اضافات رائعة فى شخصيتى ... ولاضافاته الرائعة فى المنتدى المحترم (( وبالذات فى كلامه ازاى تقنع الناس فى فن الاقناع ))

أعتبرته اخ عزيز ليا بدون سابق معرفة لتشجيعه الدائم لى ولمساندته الجميلة


وكذلك ابلغ الاخ الحبيب / مستر كاراتيه ,, أخى فى الرياضة ,,

أشكره على كلماته الرقيقة ومتابعته الصادقة اللى فعلا كانت بتشحن طاقاتى وتعيد اطلاقها


وايضا اذكر الاخ الحبيب / تامير ,,

وانطباعى الاولى عنه الطيبة والاخلاق وحسن النيه


واذكر أخيراً الاخت العظيمة / إمرأة العزيز ,, ضمير المنتدى ,,

شعورى الدائم ناحيتها بكل تقدير واحترام لكلماتها الرائعة واسلوبها الراقى جدا والمميز جدا وان دل فإنه يدل على اتزان وكمال عقلى رهيب



الى كل هؤلاء وغيرهم من اخوتى بالمنتدى المحترم الجميل

الى ادارة المنتدى الجميل وكل القائمين على سير الامور به

الى كل زوار المنتدى ومتابعينه بدون مشاركة كتابية به


الى كل من ساهم بشكل او باخر (( ولا أنسى الاستاذ وائل المصرى قاضى المنتدى )) بشكل غير مباشر فى تغيير بعض ملامح شخصيتى


الى كل مصرى ومفتخر بكونه ابن مصرى


اهدى كامل احترام وتحياتى لكم ,,, وأهدى اليكم وعد بأنى أحاول اكون عند حسن ظن الجميع


--------------------------
-------------------
-----------


فى أعتقادى الشخصى ان الانسان اللى يمر بتجارب قاسية نوعاً ما وتمت على خير ومش حصل اى معلومة او خبرة تفيده وتفيد غيره (( هو فى نظرى من أجهل الناس ))

من أهم مراحل تجربتى كانت الفشل ... الفشل الذريع ... وطبعا على كل المستويات سواء الاجتماعى او النفسى او العاطفى او المادى والعملى (( طبعا مفيش دراسة لانى متخرج )) بس مجازاً علمياً لعدم تحصيلى لمعلومات عامة واضافات علمية جديدة

كـــلـــمـــات

الناجحون والفاشلون :-

• الناجح يفكر فى الحل ؛
o الفاشل يفكر فى المشكلة .
• الناجح لا تنضب أفكاره ؛
o الفاشل لا تنضب أعذاره .
• الناجح يساعد الاخرين ؛
o الفاشل يتوقع المساعدة من الاخرين .
• الناجح يرى حلاً فى كل مشكلة ؛
o الفاشل يرى مشكلة فى كل حل .
• الناجح يقول :- الحل صعب , لكنه ممكن ؛
o الفاشل يقول :- الحل ممكن , لكنه صعب .
• الناجح يعتبر الانجاز إلتزاماً يلبيه ؛
o الفاشل لا يرى فى الانجاز أكثر من وعد يعطيه
• الناجح لديه أحلام يحققها ؛
o الفاشل لديه أوهام وأضغاث أحلام يبددها .
• الناجح يقول :- عامل الناس كما تحب أن يعاملوك ؛
o الفاشل يقول :- إخدع الناس قبل أن يخدعوك .
• الناجح يرى فى العمل أمل ؛
o الفاشل يرى فى العمل آلم .
• الناجح ينظر للمستقبل ويتطلع لما هو ممكن ؛
o الفاشل ينظر للماضى ويتطلع لما هو مستحيل .
• الناجح يختار ما يقول ؛
o الفاشل يقول ما يختار .
• الناجح يناقش بقوة وبلغة لطيفة ؛
o الفاشل يناقش بضعف وبلغة فظة .
• الناجح يتمسك بالقيم ويتنازل عن الصغائر ؛
o الفاشل يتشبث بالصغائر ويتنازل عن القيم .
• الناجح يصنع الاحداث ؛
o الفاشل تصنعه الاحداث .



( مجلة المختار الادارى – فبراير 2003 )

كان من أهم أسباب فشلى ده (( كالمعتاد يعنى وبدون إحراج )) غبائى المعهود ,,, مش عايز حد يستغرب إنى بقول على نفسى غبى ... ممكن حد يقول ياراجل بلاش تواضع وممكن واحد يقول بابتسامة خبيثة (( انزل من على المسرح يا كابتن )) وممكن تبقى فى تعليقات اكتر واكتر

بس غبائى اللى بعترف بيه ده عادى جدا وممكن يحصل لاى بشرى فى الكون ... حتى العباقرة ,, ممكن نقول سوء تصرف أو تفكير بطىء أو اعطاء لمواضيع اقل اهمية لحيز كبير من التفكير والتركيز

مش انا اللى هقدر احكم لانى انا شخصيا اللى كنت جوه التجربة وخرجت منها على قدر المستطاع بأقل خسائر ,, اترك الحكم لغيرى من اللى عاشوا معايا اثناء التجربة ديه

بس اقدر احدد مدى استفادتى من التجربة ....

نظرة بسيطة للواقع الحالى (( مقارنة )) بالوضع اثناء وما قبل التجربة ,,, الحياة ميسورة نوعاً ما والحياة - ولله الحمد - قمة فى الجمال والراحة النفسية مع انفراج تام فى الوقت والحلقات (( كلما ضاقت واستحكمت حلقاتها ))


مش عارف لاغاية دلوقتى بردوه الهدف الرئيسى ورا الموضوع الغريب اللى انا كاتبه ده

ممكن اعتبره على سبيل الفضفضة , او على سبيل الكلمات

مجرد كلمات ,, وليست جمل وعبارات

اذا سمح لى اخوتى الاحباء (( اللى صدعوا من الرغى بتااعى ده )) انى سمحت لنفسى اخد مساحة من وقتهم ومساحة من مكان المنتدى الموقر لطرح كلمات ممكن تكون سخيفة او غير ذات معنى , بس فعلا كنت محتاج اكتب واتكلم واوقول فى الاول وحشتونى اوى (( مع ان شهرتى او معارفة فى المنتدى هنا شبه منعدمة ))

وطبعا طبعا بدون اى احراج (( انا عارف ان الموضوع هيترمى عادى جداً دون أهتمام ))


لان ده مش هدفى

كان فعلا هدفى انى اكتب

ولما رجعت اكتب مش لاقيت غير مكانى المفضل

منتدى بيحسسنى انى جوه قلب مصر

لامس جوهر بلدى

شامم نسيم الاخلاص والوفاء اللى بقيت افتقده جدا هو وبعض المبادىء الاخرى


وعلى رأى الاخت الفاضلة (( امرأة العزيز ))

[ أن اختفاء المبادىء وانعكاس الادوار ده أحد مظاهر عصر أخر الزمان وكذلك اختبار وابتلاء لمدى اخلاص وولاء العبد لربه ]

انا دخلت على المنتدى علشان اكون عضو فعال

ايجابى ... ويبقى ليا وجهة نظر فى المنتدى زى باقى الشباب المستنير هنا وعلى رأسهم (( عذراً )) ده رأى شخصى [ الاخ الحبيب / abc ]

بارك الله فيكم جميعا أحبتى فى الله

لى عودة مرة أخرى

واعتذر مرة أخرى على طول كلماتى ,,, وسخافة معظمها

[احمد13]

اهلا بيك مرة تانية في منتدي ابن مصر في انتظار مشاركاتك المتميزة

[wesamelsamry]

بسم الله الرحمن الرحيم

السلام عليكم ورحمة الله وبركاته

المشاركة الأصلية بواسطة احمد13

اهلا بيك مرة تانية في منتدي ابن مصر في انتظار مشاركاتك المتميزة

الاخ الحبيب / أحمد

بارك الله فيك وفى مرورك الطيب