شاب يفاجأ في ليلة الدخلة بأن عروسته رجل

[amr_miza1]

لا حول ولا قوة الا بالله
بس مش دا الغريب فى الموضوع ..

الغريب ان محافظة جنوب سينا عاصمتها شرم الشيخ
اما الغردقة عاصمة محافظة البحر الاحمر ..
المهم ان الموضوع حصل فى مكان سياحى وخلاص
بس برضه
هى .. قصدى هو يعنى .. المهم هم رجل وست فى انسان واحد زى برت بلس كدا

اللهم احفظنا

[عتاب]

المشاركة الأصلية بواسطة amr_miza1

بس برضه
هى .. قصدى هو يعنى .. المهم هم رجل وست فى انسان واحد زى برت بلس كدا

اللهم احفظنا

مش قادرة امسك نفسي من الضحك

شكرا يا محمد على الموضوع

[al_copraa]

بجد انا مش قادر اصدق

[جناب العمدة]

محمد ...
الموضوع على طرافته له دلالة . وهو النظرة القاصرة الى تكوين اسرة
وأصبح الهدف منها بالنسبة لامثال هذا الانسان حاجة جنسية فقط وتغاضى أو تعامى
عن باقى الاهداف السامية من تكوين أسرة تنشأ جيل صالح والاستقرار والسكن .
الرجل قبل بالشكل والكلام المعسول ونسى أهم أركان الزواج الناجح
ذات الدين ـ الاصل الطيب (الاسرة) ـ وأشياء أخرى .
ودا كله يأتى من السؤال عنها وعن أهلها والمحيطين بيها
الباشا ده تغاضى عن كل ذلك وطبعا حتى معرفش أهلها مين وعايشة فين ...
الله ... طب ازاى حتى خطبها وكتب الكتاب .. فين الاهل .
يبقى أهبل وعبيط ويستاهل اللى جرى له .
ولو كنت اقدر اساله كنت قلتله .
اللى يهمك الشكل ونغمة الرومانسية الكدابة .. ولو طلع سلوكها سىء ؟
ولو طلع أهلها أرباب سوابق ومجرمين عتاه ؟
لو طلعت منحرفة وبنت ليل وتعرف كتير غيرك ؟
ولادك كانوا هيطلعو أيه ؟؟؟؟؟؟
شكلك قدام الناس كان هيكون أيه والهانم طالعة وداخلة وانت طروبش ـ يعنى جردل ـ ؟

[مصريه والفخرليه]

السلام عليكم دي آخرت المكالمات الغلط (مفيش أحسن من الجواز التقليدي)
شكرا على الموضوع..
تحياتي...,

[amr_miza1]

المشاركة الأصلية بواسطة عتاب

مش قادرة امسك نفسي من الضحك

شكرا يا محمد على الموضوع

هههههههههههههه
طيب اقول ايه والنبى

[نيهال]

اهلا بيك يا محمد......
بد ده انسان غريب قوى
انه ياخد قرار الارتباط بتهور.........بس يستاهل
هههههههه

[فارس اصيل]

المشاركة الأصلية بواسطة محمدحسين

دبلة شهدت مدينة الغردقة المصرية واقعة غريبة، حيث فوجئ شاب في ليلة الدخلة بأن عروسه رجل وذلك بعد قصة حب استمرت أكثر من عام تبادل خلالها العروسان المكالمات الغرامية وعاشا قصة حب طويلة، فقام بإبلاغ الشرطة وتولت النيابة التحقيق.
كانت مديرية الأمن بمحافظة جنوب سيناء قد تلقت بلاغا من الشاب الذي يعمل بمدينة الغردقة في إحدى القرى السياحية بأنه تعرف على فتاة من خلال اتصال تليفوني خاطئ وتعددت بعدها المكالمات الهاتفية وقرر الشاب الزواج من الفتاة التي اتضح أنها رجل عمره "29سنه" ويدعي بأنه فتاة.
وبعد سنة أتفق العروسان على الزواج وتم عقد القران وتمكن المتهم من التنكر وارتداء باروكة وعمل ماكياج وأحضر المتهم بطاقة شقيقته، وتم عقد القران وليلة الزفاف فوجئ العريس بأن عروسة رجل.

غريب امر الشباب الجديد
هل من المعقول ان هناك شباب لا يفرقون بين الرجل والمرأه
او من اللى عامل مرأه
للاسف هذا العريس يبقى كان عامل راجل

[محمدحسين]

المشاركة الأصلية بواسطة فراق84

معقولة!!!!!!!!!!!
الله اعلم من اللي جاي!!!!!
دنيا غريبة
شكرا لك

اختك فراق

حقيقى انا أنبهرت من الخبر يافراق ولو الخبر مش مكتوب فيه انه من سنه يعرفها قصدى يعرفه كنت قلت انها فرقها علشان يشتهر بس

[محمدحسين]

المشاركة الأصلية بواسطة sheleep

على فكرة الغردقة عاصمة محافظة البحر الاحمر ومش موجود خالص فى جنوب سيناء
الظاهر انك تقصد شرم الشيخ

انا لاحظت هذا ولكن قد يكون ورد فى الخبر بالخطأ

[محمدحسين]

المشاركة الأصلية بواسطة koko15

يالهوى ربنا يستر علينا

أهلا ياكوكو
لك حق ربنا يستر علينا

[محمدحسين]

المشاركة الأصلية بواسطة لقاء

بسم الله الرحمن الرحيم

السلام عليكم

أستاذ محمد

والله الواحد مصدوم ....

مش عارفة أرد بإيه ...

احنا في زمن لا يؤتمن ...

لا حول ولا قوة إلا بالله ...

نسأل الله العفو والعافية ...

ألف شكر على الموضوع ...

تحياتي

دمت بود

أى واحد يقرأ الخبر يصاب بالدهشه ويفجع الى ماورد فيه من كذب وخداع واندفاع الزوج المزعوم كمان يوضح شئ هام أنه لابد ان تكون علاقات الزواج تسير وفق الطقوس العائليه
ولو كانت تمت وفق العادات والطقوس الطبيعيه ماكان شئ من هذا حدث

[محمدحسين]

المشاركة الأصلية بواسطة لاجئة

اكيد اكيد اكيد..
الناس اللي عايشين وسطهم مش بشر طبيعين..
يمكن بحطوا لنا في المياه او بالاكل حاجة تخلي الواحد هنا ومش هنا!!
هو عبيط ده..
طب مفكرش ولو للحظة انه ممكن ينكشف بسهولة وتحصل كارثة..
بعدين هو استفاد ايه؟؟؟
عبيط مفيش كلام..
واحد يعمل حاجة مش طبيعية وعارف ان مفيش فايدة من وراها..
وكأن حد ضربه وغصبه يعملها!

والله ناس بتفكر بطريقة رهيبة مش عجيبة بس!

شكرا محمد على الموضوع "الصدمة".

انا أعتقد انه الزوج المخدوع طيب جدا وأنه مع أكتشاف الامر قد يقنع الزوج المزعوم بعد الاعلان بسبب الفضيحه وان سيتحول الى مصدر للسخريه لمده طويله

[محمدحسين]

المشاركة الأصلية بواسطة sandrella2008

فعلا موضوع غريب قووي

أرسل مهدي عاكف سكرتيره مسعود السبحي ( 70 سنة ) ليخفف من حدة ما حدث حتي يقنعها بالتنازل عن المحضر؟..

هو حصل إيه فالدنيا يا ناس

ربنا يرحمنا برحمته

*******

أخويا / محمد

ألف شكر على الموضوع

لك تحياتي..

أتفق معك فى كل كلمه ياسندريلا
وانا نقلت الخبر لانه فعلا نادره غريبه على مجتماعتنا

[محمدحسين]

المشاركة الأصلية بواسطة حنين الشوق

معقوووووووووول
ده حلم ده ولا ايه
وبعدين ايه الغباء ده يعني مكتشفش مثلا من الصوت اكيد بيبان يعني
طيب والراجل الي عمل نفسه ست استفاد ايه يعني

والله الدنيا دي فيها حاجات غريبة والله

هههههههههههههه
لك حق والله ياحنين
ده حلم ولا ايه
طبعا هو لم يستفد الا الفضيحه ولكن الغريبه فعلا كيف غير صوته وشكله بشكل يقنع الزوج المزعوم ؟؟؟؟