أخبــــــار خفيفــــــة (متجــــــدد)

[وردة النيل]

المشاركة الأصلية بواسطة عتاب

اللص المؤدب

وصفت الشرطة الكرواتية اللص بأنه أكثر اللصوص المسلحين أدبا في البلاد بعد أن اعتقلته مؤخرا وهو شاب يبلغ من العمر 25 عاما

وله طريقة مميزة في التعامل مع من حوله فهو عندما يقتحم المكان المراد سرقته يخاطب صاحبه قائلا "أنا معجب بك للغاية .. ولا أحمل ضدك أي ضغينة .. وأنا حقا آسف ولكن هذه عملية سرقة".

بل ويطلب اللص من العاملين في المكان الذي يسرقه أن يأخذوا مالا لأنفسهم أيضا.

وتمكن اللص المؤدب من سرقة 77 ألف كونا (13 ألف دولار) على مدار الأشهر الماضية. وقالت الشرطة انه كان ينادي العاملين في المتاجر التي يسرقها بصفات مثل "يا عزيزتي" أو "يا حلوتي" بينما يشهر السلاح في وجوههم لسرقة الأموال

ياسبحان الله

لا تعليق

[وردة النيل]

عتاب

بجد اخبار لزيزة ومجنوووووووووووووونة

هههههه

تسلم ايديكي

منتظرة الباقي

[duha]

اهلا عتاب
ايه الموضوع الجميل دة
عجبتني قوي حكايه مقهى البكاء
كدة الواحد يقعد يبكي براحته لا وايه يبقى تنافس مين يبكي اكتر
والجايزة بصله
فكرتني باغنيه لما كنت اسمعها اضحك
اسمها دايما دموع
دموع
دموووووع
بجد اخبار لذيذة
تسلمي عتاب

[عتاب]

المشاركة الأصلية بواسطة abc

هههههههههههه
بجد عجبتني قوي دي يا عتاب ....

طريقة حلوة بجد ..
و غالبا الناس هتحترمة و تديله كل اللي هو عاوزه ...
المفروض ناخده مثل أعلى لينا .... مش في السرقة !!! قصدي في الأدب

و ألف مبروع على الإشراف العام .. لسه واخد بالي دلوقتي , كنت سايبه في الدرج ... بالي يعني

الناس هاتديله عشان تقسم معاه
من جهة مثل اعلى فهو ممكن ييجي يتعلم من اللي هنا في مصر
السرقة مش الادب

الله يبارك فيك ويارب اكون عند حسن ظنكم

[duha]

المشاركة الأصلية بواسطة عتاب

يقطع أذن معلمة لأنها شدت أذن حفيدته

عن اذنكم اروح اقدم استقالتي قبل ما حد يقطع وداني انا كمان

عتاب
خلي بالك من ودانك يا ابله
ابقي حطي واقيات

[عتاب]

المشاركة الأصلية بواسطة abc

القاسي ... خلي بالك منه

الراجل ده المفروض يتعلم من الحرامي اللي فات ...

يقول لها الأول : لو تسمحي لي يا حلوتي أقطع ودنك ... و هي أكيد .... هتصوت و تلم عليه الناس

بس ما تخافيش يا عتاب ... عندنا في مصر ما بيقطعوش الودان ... الراس كلها مرة واحدة

الله يطمنك
كده ابقى اروح المدرسة من غير وداني
الحمد لله الحجاب بيغطيهم
عامة انا مش عنيفة
مش باشد ودان حد ... بامدهم على رجليهم بس

[زهره مصر]

المشاركة الأصلية بواسطة عتاب

اللص المؤدب

وصفت الشرطة الكرواتية اللص بأنه أكثر اللصوص المسلحين أدبا في البلاد بعد أن اعتقلته مؤخرا وهو شاب يبلغ من العمر 25 عاما

وله طريقة مميزة في التعامل مع من حوله فهو عندما يقتحم المكان المراد سرقته يخاطب صاحبه قائلا "أنا معجب بك للغاية .. ولا أحمل ضدك أي ضغينة .. وأنا حقا آسف ولكن هذه عملية سرقة".

بل ويطلب اللص من العاملين في المكان الذي يسرقه أن يأخذوا مالا لأنفسهم أيضا.

وتمكن اللص المؤدب من سرقة 77 ألف كونا (13 ألف دولار) على مدار الأشهر الماضية. وقالت الشرطة انه كان ينادي العاملين في المتاجر التي يسرقها بصفات مثل "يا عزيزتي" أو "يا حلوتي" بينما يشهر السلاح في وجوههم لسرقة الأموال

مؤدب اوي الحرامي ده
عامل زي اللي عاندينا في مصر بالظبط

[زهره مصر]

دفن هندي مع سيارته بناء على وصيته
5 أبريل 2007 الساعة 06:12 صباحا

ذكرت تقارير إخبارية يوم الاربعاء أن مزارعا بولاية تاميل نادو جنوبي الهند كان يحب سيارته لدرجة أنه أوصى بأن يدفن بجوارها وأن أسرته نفذت وصيته.

وأفادت وكالة الانباء الهندية الآسيوية بأن نارايان سوامي عمدة قرية سيفابورام توفي الاسبوع الماضي عن عمر يناهز 64عاما وقرر أقاربه ضرورة احترام وصيته في دفنه بجوار سيارته العتيقة طراز "موريس ماينور".

وحفرت مقبرة ضخمة بمساعدة آلة حفر ميكانيكية لدفن السيارة ومالكها الراحل. وزينت السيارة التي اشتراها نارايان سوامي عام 1958ووضع بها جثمانه قبل دفنها في المقبرة.

واحتشد جمهور ضخم لحضور مراسم الدفن الغريبة.

[sh3ban el said]

شكرااااااااااااااااااا جداااااااااااااااااااااليك

[الفراشة المضيئة]

المشاركة الأصلية بواسطة عتاب

مقهى للبكاء

مقهى للحزن : هي أحدث صيحات المقاهي في العالم فقد أفتتح مؤخرا في شرق الصين مقهى جديدة الصين يتيح لرواده التعبير عن حزنهم بالبكاء.


ستة دولارات هي تكلفة ارتياد المقهى أي ما يعادل50 يوان لكل ساعة مع تقديم أفضل المشروبات للزبائن الذين يذهبون للبكاء.

كما أن المقهى يوفر لزبائنه المناديل وزيت النعناع لتخفيف آلامهم كما يقدم البصل والفلفل الاحمر لمساعدة الذين يرغبون في ذرف الدموع ، كما ذكرت صحيفة (تشاينا ديلي) في هونج كونج.


كما تعزف الموسيقى الحزينة داخل المقهى الذي يوفر لأصحاب العلاقات العاطفية المنتهية، يذكر أن المقهى حقق نجاحا كبيرا ويجتذب أعدادا كبيرة من الرواد المكتئبين يوميا

احنا عايزين واحد من ده في مصر

هههههههههههههههههههههههه عالم فاضية

أنا بحب أوفر أول ما أحس أني عاوزة أعيط أجيب لي بصلتين وأشتغل عياط

وظيفتي الوحيدة في البيت تقطيع البصل

بجد يا عتاب موضوع جميل اوي ودمه خفيف تسلمي عليه

دمتي بحفظ الرحمن

[عتاب]

المشاركة الأصلية بواسطة وردة النيل

الله

حلوة الفكرة

لما اروح هناك

اعبي كوبيتين دموع

ههههههه

بعد الشر عنك من الدموع
تعالي وانا هاجيبلك شوية
نورتي الموضوع يا قمر

[عتاب]

المشاركة الأصلية بواسطة وردة النيل

ياسبحان الله

لا تعليق

المشاركة الأصلية بواسطة وردة النيل

عتاب

بجد اخبار لزيزة ومجنوووووووووووووونة

هههههه

تسلم ايديكي

منتظرة الباقي

تسلمي حبيبتي لتواجدك الجميل
خليكي معانا
مش هاتقدر تغمض عينيك

[عتاب]

المشاركة الأصلية بواسطة duha

اهلا عتاب
ايه الموضوع الجميل دة
عجبتني قوي حكايه مقهى البكاء
كدة الواحد يقعد يبكي براحته لا وايه يبقى تنافس مين يبكي اكتر
والجايزة بصله
فكرتني باغنيه لما كنت اسمعها اضحك
اسمها دايما دموع
دموع
دموووووع
بجد اخبار لذيذة
تسلمي عتاب

هاجيبلك انا البصلة هدية
وبصلة المحب خروف
ربنا يعافيكي يا حبيبتي من الدموع
نورتي يا حبيبتي

[عتاب]

المشاركة الأصلية بواسطة duha

عتاب
خلي بالك من ودانك يا ابله
ابقي حطي واقيات

ماشي يا ضحى
بتتريقي عليا
مخاصماكي
انا مش هاروح المدرسة تاني اصلا

[عتاب]

المشاركة الأصلية بواسطة زهره مصر

دفن هندي مع سيارته بناء على وصيته

5 أبريل 2007 الساعة 06:12 صباحا

سبحان الله
ما هم لو يعرفوا اننا مش هاناخد حاجة معانا
ماكنش عمل كده
شكرا لتواجدك واضافتك الجميلة يا زهرة