شرح وتعريف مبسط للوشو كونغ فو

[wesamelsamry]

[color="Blue"]

بسم الله الرحمن الرحيم

سنبدء فى هذه الصفحة أخوتى فى الله بوضع أسس وتعاريف هامة

جدا خاصة بالووشو كونج فو Wushu Kung Fu .


------------
--------
----



إن رياضة الووشو كونغ فو بأساليبها المختلفة صينية الأصل

WUSHU KUNG FU .


وتتميز بشمولها لأساليب رياضية مختلفة تناسب جميع الأعمار السنية

وتتوافق مع القدرات الداخلية للإنسان وهى أيضا تبعث على الثقة بالنفس .

كما أنها رياضة ترتقى بالمهارات البدنية وإخراج الطاقات الكامنة لدى الأنسان .

كما تسخدم بعض أساليب الوشوو فى علاج بعض الأمراض مثل ملاكمة التايجى

TAI CHI فهى تزيل القلق وتريح الأعصاب وتمنح الهدوء النفسى لكل ممارسيها .

كما تشمل رياضة الووشو على الساندا S nshou وأساليب الووشو Taolu المتعددة

لتمارس بين البنين والبنات لمختلف الأعمار .


وهذه نبذة بأختصار شديد لتعريف الووشو كونغ فو .


---------------------
----------------
---------


وأما عن البطولات لكلا القسمين قتكون على الشكل التالى :


1 - الساندا S nshou وتكون على شكل مباريات قتالية بين اللاعبين

وهى لديها بطولات محلية ودولية وتكون المبارة مكونة من جولتان فأن

حدث تعادل بين اللاعبين تكون هناك جولة ثالثة والفوز يكون بالنقاط

والضربة القاضية وعدم التكافوء بين اللاعبين .

أدوات القتال هى اليدين المغلقة وظهر اليد ومشط وسيف وبطن وكعب القدم

وقصبة الرجل فى بعض الضربات ويمنع الضرب بالفخذ أو الكوع أى المرفق

أو الرأس ويمنع الضرب فى خلف الرأس وفى القصبة الهوائية وفى الخصية

ويمنع حركات الكسر والخلع أثناء المباريات وأثناء الرمى يمنع بالأنقضاض

على اللاعب وهو على الأرض فقط أخذه رمية ثم يقف اللاعب

وتكمل المبارة عادى جدا .

والمباريات تكون فى شكل مجموعات كأى بطولة أخرى الفائز من هنا

يلاعب الفائز من هناك ألى أن نصل ألى الدور النهائى وتنتهى البطولة

بسلام بأذن الله تعالى .



2- أساليب الووشو Taolu المتعددة : وهى تنقسم ألى عدة مدارس ونذكر على سبيل

المثال لا الحصر مع نبذة بسيطة عن كل مدرسة :


( 1 ) المدرسة الشمالية : ومن أهم أساليبه الأسلوب الشمالى Chang Quan

أى الملاكمة الطويلة : وهى أحدى أشكال الملاكمة التى تكون فيها

الحركات موسعة ذات إيقاع رشيق ومتغير وسريع وعنيف وقوى كما

تتضمن أيضا مهارات وتقنيات القفزوالوثب والأستهلال والمرواغة بجانب

اللف والثنى والآستدارة والتموج .


( 2 ) المدرسة الجنوبية : ومن أهم أساليبها الأسلوب الجنوبى Nan quan

أى الملاكمة الجنوبية : هى نوع من أنواع الملاكمة التى تتميز فيه

الحركات بالسرعة والقوة والحزم والثبات كما تتميز حركات القدمين

بالثبات والرشاقة ويتميز الجسم بالأستقامة والتمركز كما أن بها أيضا

بعض التقنيات القليلة الخاصة بالساق بالإضافة إلى ذلك ومن أجل تعزيز

( تجميل ) درجة القوة فإنه يتم أحيانا إطلاق صوت معين أثناء إمداد القوة .


( 3 ) أساليب الأسلحة : وتتعدد أساليب الأسحلة فى الووشو كونج فو

ونتكلم بنبذة بسيطة جدا عن هذه الأسلحة .

ونذكر على سبيل المثال لا الحصر :

أسلوب السيف الرفيع Jian Shu : لعبة السيف هى إحدى أشكال

ألعاب السلاح التى يتم فيها اندماج تدريجى بين مهارات الضرب المتكرر

والأنحدار والميل والإشارة والضرب وبين التوازن واستدارة الجسم وتتميز

بالسرعة والخفة والحركات الإيقاعية وحركات الجسم المتغيرة .


أسلوب السيف العريض : السيف العريض هو أحد أشكال ألعاب

السلاح والتى توظف بصورة رئيسية مهارات وتقنيات الأزدواج ( Twining )

تطويق الرأس أى لف الرأس الضرب الخاطف الركل فى قصبة الرجل الضرب

القاطع من أسفل لأعلى والتفادى .

وتتميز الحركات فيها بالرشاقة والسرعة والقوة والعنف .



أسلوب الرمح Qiang Shu : هى إحدى أشكال ألعاب السلاح التى تضمن

بصورة رئيسية مهارات التفادى للخارج والتفادى للداخل والدفع والضرب

لأسفل والأنحدار ( الميل ) والتطويق ( اللف ) والشكل 8 وكما يقول القول المأثور

* إن لعبة الرمح تشبه التنين المتموج * .

ولكن الرمح يدفع فى خط مستقيم .


وهناك أساليب أسلحة أخرى كالزانا والفرمنش أى المنشاكو

أى الننشاكو والبابلو الفرمنش الثلاثى والمروحة والخطاف والعديد العديد

من أساليب الأسلحة موجود ولا يسعنى الوقت لشرحهم تباعا .



وجميع هذه الأساليب تكون شكل المسابقة هى بالعرض فقط بحيث

يدخل لاعب الأسلوب ألى البساط ويقوم بعرض أسلوبه وبعد ذلك يتم وضع

التقدير أى الدرجة ثم فى نهاية المسابقة يتم عمل المقارنة بين الأفضل

ليحدد البطل فى كل أسلوب .

والسابق شرحه كان لكل الووشو كونج فو الخاص بالأتحاد

الدولى أى الخاص بالمسابقات الدولية .


ونواصل مع ثلاث مدارس أخرى .


( 4 ) أساليب الحيوانات : وهى تتعدد فيها الأسماء والمسميات فهناك

على سبيل المثال وليس على سبيل الحصر : الأفعى والنمر والكركى والتنين

وفرس النبى والقردالثور والنسر والعديد من أساليب الحيوانات.

أسلوب القرد : نوع من أنواع المصارعة الصينية تدمج بين فن

الهجوم والفاع لمهارات الووشو مثل الركل والضرب والرمى والقبض والقفز والشقلبة .



( 5 ) أساليب الطاقة الداخلية أى الكامنة : وهى تتعدد فى المذاهب والأسماء .


( 1 ) التايجى أو التاى تشى أى Tai Chi .

هى اللجوء إلى اللين فى المصارعة من أجل التغلب على الصلابة

والأنتصار على الخصم بدهاء .

وفى نهاية القرن الثامن عشر قام ونغ تسونغ يويه الخبير الشهير فى

فنون الووشو بتلخيص منظم لهذه الملاكمة وخلع عليها الأسم الرسمى

( ملاكمة تاى جى ) وهى الأن رياضة بدنية متسمة بحركات لطيفة هادئة

تفيد الصحة والعلاج الطبيعى .

ومن خلال تطور ملاكمة تايجى ونموها تشكلت لها مدارس أربعة وهى :

- 1 - مدرسة يانغ التى تتميز بحركات رشيقة هادئة ويمثلها يانغ تشينغ فو .

- 2 - مدرسة وو المميزة بحركات متناسقة ولطيفة ويمثلها ووججيان لشيوان .

- 3 - مدرسة سون المتميزة بحركات خفيفة ويمثلها سون لوتانغ .

- 4 - مدرسة تشن التى تجمع بين الصلب واللين وتحافظ على مزيد من

الأساليب القديمة ويمسلها تشن فاكه .

وقد ذاعت مدرسة يانغ على أوسع نطاق ولاقت إقبالا واسعا لدى اللاعبين والجماهير .


( 2 ) الباجوا وهو من الأساليب الداخلية ونرى بعض العروض له بأذن الله .



ملحوظة هامة الباجوا والتايجى من الأساليب التى لها بطولات عالمية فهى معتمدة

من الأتحاد الدولى للووشو كونج فو

.
( 3 ) الديم ماك ولكن أيضا ليس له بطولة عالمية أو أختبارات فقط

عروض أستعراضية .ومن عيوب هذه المدرسة أنه ألى الأن لم نجد أى

مقاتل منها فى أى أشتباك واقعى فقط لذا لا أستطيع تقييم هذه المدرسة

سوى أنها مدرسة القول لا مدرسة الفعل وأى شخص قادرعلى أثبات العكس

فيرينا شىء من هذه المدرسة التى لم نسمع منها ألى الكلام فقط لا غير .


3 - مدرسة السان شو : وهى كما قرأت عنها هى المدرسة الأم للساندا

أى السان شوا ولم نرى لها أى أشتباك حقيقى أو بطولة ألى يومنا هذا

فهى مقننة داخل الصين فقط لا غير وكما قال البعض أن من يدرب عليها

هم رجال الشرطة الصينيون فقط .

وهى بأختصار شديد جدا كل طرق الضرب مباحة فى أى مكان تريد فى

الخصم سواء أكان على قدميه أو ملقى على الأرض لذا فهى مقننة من

الأتحاد داخل الصين فقط لا غير .


وبهذا أخوتى فى الله نكون ناقشنا أهم أسس الووشو كونج فو .

فعذرا على الأطالة عليكم .

أرجوا من الله تعالى أن أكون وفقت فى هذه النبذة المختصرة عن الووشو كونج فو .


المراجع الاساسية (( مقالات وابحاث عن مبادىء اللعبة ))
[/COLOR]

[abc]

مع إني ما ليش في الرياضة -غير الرياضة بتاعة الكلية -

بس بجد نفسي أتعلم أي رياضة علشان أوقات الفراغ و الضغوط و الصحة و حاجات كتير ...

بس متهيأ لي عجزنا خلاص D:
اللي كان عاوز يبدأ كان بدأ من وهو عنده ست سنين ... زي الأطفال اللي بييجوا يلعبوا كراتيه في سينما الأطفال ... بيقولوا كلهم كده

شكرا لك أخي وسام على الموضوع ...
و آدي الأجازة جت و الحمد لله , و مافيش امتحانات إلى الأبد ... إن شاء الله , ما فيش غير مناقشة المشروع , و أبقى فاضي أتعلم أي رياضة ... إن شاء الله حتى رياضه 2

[wesamelsamry]

بسم الله الرحمن الرحيم

السلام عليكم ورحمة الله وبركاته



اخى الحبيب / abc

وحشتنى جدا , ووحشنى تعليقاتك الجميلة المرحة دائماً , وطبعا خلصت الامتحانات وهنشوفك دايما على سطح المنتدى

اتمنالك التوفيق والنجاح الدائم يا حبى

المشاركة الأصلية بواسطة abc

مع إني ما ليش في الرياضة -غير الرياضة بتاعة الكلية -

بس بجد نفسي أتعلم أي رياضة علشان أوقات الفراغ و الضغوط و الصحة و حاجات كتير ...

بس متهيأ لي عجزنا خلاص D:
اللي كان عاوز يبدأ كان بدأ من وهو عنده ست سنين ... زي الأطفال اللي بييجوا يلعبوا كراتيه في سينما الأطفال ... بيقولوا كلهم كده

شكرا لك أخي وسام على الموضوع ...
و آدي الأجازة جت و الحمد لله , و مافيش امتحانات إلى الأبد ... إن شاء الله , ما فيش غير مناقشة المشروع , و أبقى فاضي أتعلم أي رياضة ... إن شاء الله حتى رياضه 2

بص يا صحبى , كلمة عجزنا خلاص , وكبرت , وكان لازم العب وانا صغير الخ الخ الخ

انا متوقع مليون الميه انك شخصياً مش مقتنع باى حرف من دول

ايه المانع لما تمارس رياضة تناسب جسمك ووزنك ولياقتك البدنية بشكل عام

ايه المانع لما تمارس رياضة وتكتشف فيها الجانب الفكرى او الفلسفى اللى يقدر يغذى عقلك بمعلومات جديدة

انا شخصياً , لا افقه اى شىء فى الطب او علم التشريح , ولما بدأت كونغ فو بدأت أنجذب لعلم التشريح والتكوين العضلى والعصبى للانسان

على فكرة

انا بدأت العب كونغ فو وان فى سنة 1 جامعة يعنى حوالى 2000-2001

اعتقد ان انى قبل كده مكنتش بمارس اى رياضة غير الجرى العادى او المشى لمسافات طويلة فقط لا غير

وناس كتير قعدوا يتكلموا ويعجزونى , ومنهم - المثقف والعالم ببواطن الامور - قالى يا ابنى مش هتعرف تفتح الحوض على اقل تقدير وهو واجب بالنسبة للكونغ فو

ادينى اهو الحمد لله , فاتح الحوض (( 3 مرات وكل مرة يتقفل تانى منى )) ومستوى اللياقة اتظبط عندى

وللكارثة انى تحولت من لاعب لمدرب مساعد كمان

اعتقد انه صعب تقول الرياضة مستحيلة علشان جسمك

ديه زى الاكسجين يا كابتن , مش هتقدر تمنعها عن الدخول بجسمك ولا غيرك يقدر

بس انت توكل على الله واعزم امرك , واجتهد (( ده لو بتسعى بجد لممارسة رياضة ))

ربنا يوفقك يارب ويصلحلك حالك

ليا بس تعليق صغير بس

ياريت تشيل الكلمة اللى فى التوقيع بتاعك (( انك مش هتضيف مواضيع تانى ))

اسف ديه قمة الانانية , ليه تحتكر المعلومات لنفسك لوحدك يا راجل انت

احنا لينا عليك حق بردوه

وانا من الناس اللى بستفيد جدا من اضافاتك

ياريت مش تحرمنا من كلماتك الرائعة حبيبى

نورت الموضوع حبى , وربنا يقدرنى وهضيف معلومات كتير ان شاء الله عن الكونغ فو

وخدمة ليك

هحاول اجيب تمارين بالصور والشرح للتدريبات المنزلية

وعـــــــــــــــد الـــــــــجـــــــــــمـــــــــــايـــــــــــــ ـــل

اخوك / وسام

[BATISTA]

السلام عليكم

تسلم ايدك على التعريف والشرح المبسط للرياضة الكونغ فو

التايجى أو التاى تشى أى Tai Chi

انا سمعت فيلم لجيت لى بالاسم دة

تحياتى لشخصك

وأهلا بيك فى المنتدى والقسم الرياضى
وفى انتظار جديدك

[wesamelsamry]

المشاركة الأصلية بواسطة BATISTA

السلام عليكم

تسلم ايدك على التعريف والشرح المبسط للرياضة الكونغ فو



انا سمعت فيلم لجيت لى بالاسم دة

تحياتى لشخصك

وأهلا بيك فى المنتدى والقسم الرياضى
وفى انتظار جديدك

وعليكم السلام ورحمة الله وبركاته

بارك الله فيك اخى الحبيب وجزاك الله خيراً

موضوع فيلم التايجى , ان ديه قسم من اقسام اللعبة , ومن كتر تعمق فلسفة القسم ده واتباعه اسلوب جديد يختلف بشكل كبير عن الاساليب المتبعة القديمة باللعبة ديه

فى بعض الناس فضلوا يفصلوا التايجى عن الكونغ فو اصلا واعتباره رياضة مستقلة بذاتها

ممكن تلاحظ ان بعض القنوات الصينية (( زى صباح الخير يا مصر )) بتعرض تمارين للاسترخاء يقوم بها عدد كبير من الممارسين وهى عادة تمارين خفيفة جدا وبطيئة الايقاع , وهذا هو من اصول التايجى

علشان كده الناس بدأت تعتبر التايجى رياضة استرخاء واستجمام واعادة انعاش الدورة الدموية بالجسم

اشكرك بشدة اخى الحبيب على ترحيبك بي بمنتداكم الجميل

[BATISTA]

تحية واحترام متبادل لشخصك الكريم

وفى انتظار جديدك ومشاركتك معانا

دمت بخير

تحياتى لشخصك الطيب

[abc]

المشاركة الأصلية بواسطة wesamelsamry

بص يا صحبى , كلمة عجزنا خلاص , وكبرت , وكان لازم العب وانا صغير الخ الخ الخ

انا متوقع مليون الميه انك شخصياً مش مقتنع باى حرف من دول

احم احم هو انت عرفت إزاي
أنا فعر مش مقتنع بالكلام اللي أنا قلته

ايه المانع لما تمارس رياضة تناسب جسمك ووزنك ولياقتك البدنية بشكل عام

ايه المانع لما تمارس رياضة وتكتشف فيها الجانب الفكرى او الفلسفى اللى يقدر يغذى عقلك بمعلومات جديدة

انا شخصياً , لا افقه اى شىء فى الطب او علم التشريح , ولما بدأت كونغ فو بدأت أنجذب لعلم التشريح والتكوين العضلى والعصبى للانسان

أنا الحمد لله ,
جسمي "شبه لائق" و الحمد لله برضه أني أتعلم بسرعة
المشكلة في "كيف و أين و متى" أمارس "أي" رياضة

يعني في مدينتنا الصغيرة "المحندقة" لا يوجد نوادي إلى و تكون للكافتيريات و لصالات الأفراح فقط , ما فيش غير "مركز شباب نادي الحبانية" .... مركز الشباب بتاعنا يعني , و ده ما فيهوش أنشطة , كل اللي كنت باعمله كنت بروح أنا وواحد زميلي نجري حوالين الملعب كل يوم بالليل ,
و علشان ليه قرايب مهميـ..... قصدي علشان هو خلص كليته قبلي بسنة و اشتغل ... ما بقاش يجي و أنا كمان بطلت
و بقيت أكتفي بشوية ضغط و بطن و جري في المحل في البيت

ادينى اهو الحمد لله , فاتح الحوض (( 3 مرات وكل مرة يتقفل تانى منى )) ومستوى اللياقة اتظبط عندى

وللكارثة انى تحولت من لاعب لمدرب مساعد كمان

ما شاء الله ,
ده ربنا يكرمك و تبقى زي أحمد زكي و "تتقدم ...." زي في النمر الأسود

اعتقد انه صعب تقول الرياضة مستحيلة علشان جسمك

و أنا أوافقك الرأي كليةً -و معهدا- في هذه النقطة


و ألف تحية و سلام .... لحبيبنا الباشمهندس وسام


أخيك .. أخوك .. أخاك ... abc

[wesamelsamry]

بسم الله الرحمن الرحيم

السلام عليكم ورحمة الله وبركاته


اخى الحبيب / BATISTA

ترحيبك وتشجيعك رائع

اشكرك من قلبى اخى الحبيب



--------------------------------
--------------------------
--------------------


الاخ المرح والحبيب بشدة / abc

بص يا عم

أحنا نسيبنا من نظام مركز شباب الحبانية ده ونبدا وحدة وحدة مع بعض

هنبدأ كده تمارين على القد بالصور هتبدى من الاول خالص

وللعلم

معظم التمارين فى حدود 2 ×2 متر بالعافية

يعنى ممكن تمارسها فى البيت بكل بساطة وكل هدوء

انتظرها لانى بحضرها مخصوص ليك اخى الحبيب

[abc]

المشاركة الأصلية بواسطة wesamelsamry

بص يا عم

أحنا نسيبنا من نظام مركز شباب الحبانية ده ونبدا وحدة وحدة مع بعض

هنبدأ كده تمارين على القد بالصور هتبدى من الاول خالص

وللعلم

معظم التمارين فى حدود 2 ×2 متر بالعافية

يعنى ممكن تمارسها فى البيت بكل بساطة وكل هدوء

انتظرها لانى بحضرها مخصوص ليك اخى الحبيب

عموما .. أنا مستني ...
بس يا ريت لو هتعطلك و هتاخد منك مجهود في الإعداد يبقى بلاشها ...
لأني للأسف ... ممكن أضيع مجهودك
معلش يا وسام ...

[wesamelsamry]

بسم الله الرحمن الرحيم

السلام عليكم ورحمة الله وبركاته


الاخ الحبيب جدا / abc

انت مش معطلنى ولا حاجة حبيبى

ديه هى شوية صور مع شرح بسيط قدمهم زميل حبيب اسمه (( عبده طرابيه )) لاعداد المقاتل من اول شىء لاخر شىء وتتخذ شكل سلسلة وحلقات

ومنها افادة ليك وافادة ليا ولاى شخص بيهوى الرياضات القتالية فى المنتدى هنا

المهم بس

اتمنى انها تجذبك وتبدأ تمارسها

[abc]

خلاص ,,,,
ذيع ... قصدي ضيف يا وسام ..
و أنا معاك إن شاء الله ...

و شكرا على اهتمامك

[wesamelsamry]

آحم .. آحم

بسم الله الرحمن الرحيم

السلام عليكم ورحمة الله وبركاته


أعزائى المتابعين , أعضاء منتدى ابن مصر , محدثكم الرياضى وسام السمرى معاك فى هذه الليلة الجميلة

سنبدأ بشرح بسيط جداً (( حوالى كام 100 صفحة كده ولا حاجة )) عن الكورس المراد وضعه وذلك تمهيداً للحدث العظيم جداًً

ألا وهو دخول (( اول خطوة للدخول )) العضو العزيز abc داخل عائلة الوشو كونغ فو

سيتم عرض سلسلة أقامها أخينا فى الله المقاتل العبقرى (( عبده طرايبيه ))

حيث تعتمد تلك السلسلة (( سلسلة تأهيل المقاتل )) على تقسيم الجسم البشرى الى اجزاء

1- تقويية الاصابع والاطراف والقدمين
2- تقوية عضلات البطن والزهر
3- اطالة العضلات الامامية والخلفية (( الحوض ))
4- شوية مقطتطفات كده على كام كتاب على كام حركة تفيد بعيدين

كل الكلام ده يا اخونا اهداء من اخينا (( عبده طرايبيه )) وكل طلباته الدعاء له ولوالديه بصالح الدعاء

تقبلوا تحياتى

ولك كامل شكرى وتحياتى اخى الحبيب / abc

وسيتم عرض التدريبات بموضوع مستقل بذاته

بارك الله فيك