جبتى الموضوع ده منين يا سمسمة ؟؟؟ 
كلمة رخامة مش عارفة هل ليها أصل فى اللغة
و للا دى كلمة مصرية من اختراعاتنا 
بحثت عنها فى مختار الصحاح و المعجم الوجيز
لقيت أن
الرَّخَم طائر كبير لونه أبيض و فيه نقط سمراء و منقاره كبير و يشبه النسر
و بحثت أكتر لقيت انه طائر يتغذى على القاذورات
يمكن الكلمة جاية من وصف طائر الرخم و الله أعلم
لأن الكلمة مش متداولة الا عندنا فى مصر على ما أظن
احنا بنعبر بيها مش بس على الشخص اللى بيضحك فى وقت ماينفعشى فيه الضحك
لكن كمان لما يبقى الجو فيه توتر من المذاكرة أو أى حاجة و محتاجين ترويح عن النفس و تلاقى واحد من أصحابكم
يسودها و يعكنن على اللى القاعدين بنقول عليه رخم برضو
كذلك لما تلاقى واحد يفكرك بموقف انتِ بتضايقى لما تفتكريه بتبقى رخامة منه 
او الشخص اللى بيتصيد لك الخطأ و يعايرك بيه
الكلمة يندرج تحتها نوعيات كتيرة ذميمة فى المجتمع لا يتسع الوقت لسردها
لكن فى أغلب الأحوال الرخم بيبقى منبوذ و أصحابه بيتفرقوا عنه
لغاية هو ما يصلح من نفسه و يبطل رخامة
أعوذ بالله من كل رخم
شكراً يا سمسمة على الموضوع الطريف مش الرخم 
أنت رخم ولا بتتراخم...؟
