موضوع يحتاج المناقشه ارجوكو ساعدوني !!

[قمر الزمان]

انا في الأول كنت حكيت على واحده صاحبتي ان هي
بتحب واحد بقالهم مع بعض خمس سنين
هي بتحبو من ساعت ماكان عندها 14 سنه وهو كان عندو
19 سنه ودلوقتي هو عندو 25 سنه وهي 20
المهم هو كلية صيدله
وعايش في السعوديه واخد الجنسيه
المهم هو قال انو مستقبلو هنا هيضيع ومش عارف يشتغل فين
فواحد صاحبو اقترح عليه انو يسافر اميركا يدرس هناك
ويشتغل ويرجع تاني على السعوديه هو وافق بعد ما أخد رأي خطيبتو
اللي هي صاحبتي
المهم اكيد انتو عارفين ردها ايه ماتبعدش عني وهتوحشني ومش هعرف
اعيش منغيرك والكلام ده يعني
بعد فين وفين قعدت اقولها ان ده مستقبلو وحرام تضيعي منو الفرصه دي
لغاية ماقتنعت وسافر
وبقالو دلوقتي حوالي شهر في اميركا
المهم هو قال انو هيدرس سنه انجلش ويرجع يجوزها
وللعلم هو خاطبها من ورا اهلو عشان اهلو مش موافقين عليها
وبعدين وهو هناك اتصل بأهلو وقالهم انو هيرجع ويجوزها
وهما طبعا مش موافقين
وهي حلفت انو لو مكانش ليه مش هتجوز غير المهم
هي كلمتو وقالتلو ان انا مش عايزه اضيعلك مستقبلك ومش عايزه اكون
انا السبب في زعلك من اهلك .. كمل دراسه باميركا واجوزلك واحده هناك عشان تقدر
تمشي امورك هناك كل ده عشان خايفه على مستقبلو
وهو دلوقتي مش كلمها ابداً بقالو يومين وهي قلقانه جداً ومش عارفه تعمل ايه
وانا قلت قبل كده انهم (( متجوزين عرفي )) ومحدش يعرف الموضوع ده الا انا وهي وهو بس
ياريت تقولولي اتصرف ازاي ولا هي تعمل ايه لأنها بجد غاليه عاليه اوي وانا بحبها جدا
وصعبانه عليا ونفسي الاقيلها حل واسفه على الأطاله ..

[رينو]

وانا قلت قبل كده انهم (( متجوزين عرفي )) ومحدش يعرف الموضوع ده الا انا وهي وهو بس











ازاى يعنى مهما كان السبب مينفعش ايكد تعمل الى هى عملته يا قمر المفرود لو هو بيحبها يتجوزها علنى اودام الناس لو بيحبها بجد او حتى لو حالته الماديه مش سامحه يخطبها يعرف اهلها انه بيحبها


وهو دلوقتي مش كلمها ابداً بقالو يومين وهي قلقانه جداً ومش عارفه تعمل ايه

لو بيحبها كان كلهما يعنى





مش عارفه والله اقولك ايه بس هى غلطانه

[قمر الزمان]

هو دلوقتي كلمها خلاص بس بقى يستهبل
وبعدين هو قال عايز يرجع عشان يجوزها
بس امو وابوه اتصلو بالبنت عشان يقولولها تكلمو وتقولو
خليه يكمل دراستو على الأقل سنه يخلص معهد انجلش
وهي لما اتصلت عليه وقالتلو كده
قالها انتي شكلك شوفتيلك واحد غيري ونسيتيني
ومش عايزاني ارجع
وشك فيها وكده
وكل ده الاهل قالولها تقولو كده عشان يبعدو عن بعض
عايزين يفرقو بينهم
وهي قالتلو خلاص تعالى وكده بس المشكله ان اهلو مش عايزين
يبعتولو تزكرة الطياره وقالولو مش هنبعتها الا لما تكمل دراستك
وهو بقى يقولها ابعتيلي فلوس من شغلك وعايز حوالي 7000 وحاجه
هي تقدر تبعتلو عادي بس بتقول انها مش عايزه مستقبلو يضيع بسببها

[عسول قوي]

################################

تحذير : الرجاء الالتزام بآداب الحوار و اختيار الألفاظ المهذبة



مشرف القسم

[قمر الزمان]

المشاركة الأصلية بواسطة عسول قوي

################
تم الحذف بواسطتى

نرجسية

حضرتك انا بشكرك على كلامك اللي كلو تهزيأ
وشتيمه ده لأنو باين فعلا انك زوق جداً
وأنا معملتش حاجه غلط
وانا كنت عايزه اسمع اراء اخواتي ومشورتهم اللي بحترمها دايما
اولا دي لو كانت مش تهمني فعلا
بجد كنت قلت على اسمها وكل حاجه عنها
بس انا حاطه الموضوع ده مجرد مناقشه
وعايزه حد يساعدني عشان اقدر اني اساعدها واعمل حاجه كويسه ليها
وده مش عيب لأن هي عارفه اني كتبت عليها كده
وانا أستأذنت منها قبل ماكتب الموضوع ده
ولو هي كانت قالتلي ماكتبش مكنتش هكتب
بس انا بشكرك على مرورك وعلى كلامك الزوق
تسلم على المرور

[حبيب الصعيدي]

بصي يا اخت قمر الزمان
كنت مترد في الكتابه والرد ااكتب ام لا؟!
لكن
دعتني حبي للنصيحه للكتابه وانت جعلتي الامر فلنجعله علنيا حتي الكل يستفيدي
اقراي اختاه وافهمي
اولا مشكلتك بصراحه (لو كانت صحيحه)
في بدايتها لعب عيال ومراهقه والظاهر الولد كان يتسلي بصاحبتك كما هو واضح لاي صاحب عقل
لكن
عندما ذكرتي الزواج العرفي اهتز كياني وتخيلتها اختي او بنتي
وصدقيني الزواج العرفي بهذه الطريقه زنا وتستطيعي ان تسالي اي احد من المشايخ لخلوه من اركان الزواج الرئيسه من ولي ومهر والاهم الاعلان!!!
فارجو الا يكون قد حدث لقاء زوجي بينهم!
وان حدث لا قدر الله فليس امامهم الا الزواج وحتي وان ضاعت عليه بعثه امريكا كلها فلا تخسر دنياها واخرتها بسبب فرد لم يضحي ولو بلقليل من اجلها
اما ان كان زواج عرفي بدون لقاء زوجي يعني لم يحدث بينهم جماع عليها ان تجلس شيخ دين عالم يحدد لها ماذا تفعل في تلك الحاله!1
والاولي اعلان خطبتهم واهله لن يعارضوا اذا فهمهم انه خطبته من هذه الفتاه تساوي تفوقه في دراسته
هذا والله اعلم..
نصيحه لكل الاخوات اياكم واياكم من الزواج العرفي بهذه الطريقه السريه فروا منه فراركم من الاسد..!

[رينو]

المشاركة الأصلية بواسطة قمر الزمان

هو دلوقتي كلمها خلاص بس بقى يستهبل

وبعدين هو قال عايز يرجع عشان يجوزها
بس امو وابوه اتصلو بالبنت عشان يقولولها تكلمو وتقولو
خليه يكمل دراستو على الأقل سنه يخلص معهد انجلش
وهي لما اتصلت عليه وقالتلو كده
قالها انتي شكلك شوفتيلك واحد غيري ونسيتيني
ومش عايزاني ارجع
وشك فيها وكده
وكل ده الاهل قالولها تقولو كده عشان يبعدو عن بعض
عايزين يفرقو بينهم
وهي قالتلو خلاص تعالى وكده بس المشكله ان اهلو مش عايزين
يبعتولو تزكرة الطياره وقالولو مش هنبعتها الا لما تكمل دراستك
وهو بقى يقولها ابعتيلي فلوس من شغلك وعايز حوالي 7000 وحاجه

هي تقدر تبعتلو عادي بس بتقول انها مش عايزه مستقبلو يضيع بسببها

لا طبعا مينفعش تبعت له 7000 وهى ايش ضمنها انه ممكن يرجع لها بصى يا قمر بصراحه انا حاسه انه الولد ده بيلعب بيها لو بيحبها ينزل يخطبها ويرجع يكمل دراسته حتى

[قمر الزمان]

المشاركة الأصلية بواسطة حبيب الصعيدي

بصي يا اخت قمر الزمان
كنت مترد في الكتابه والرد ااكتب ام لا؟!
لكن
دعتني حبي للنصيحه للكتابه وانت جعلتي الامر فلنجعله علنيا حتي الكل يستفيدي
اقراي اختاه وافهمي
اولا مشكلتك بصراحه (لو كانت صحيحه)
في بدايتها لعب عيال ومراهقه والظاهر الولد كان يتسلي بصاحبتك كما هو واضح لاي صاحب عقل
لكن
عندما ذكرتي الزواج العرفي اهتز كياني وتخيلتها اختي او بنتي
وصدقيني الزواج العرفي بهذه الطريقه زنا وتستطيعي ان تسالي اي احد من المشايخ لخلوه من اركان الزواج الرئيسه من ولي ومهر والاهم الاعلان!!!
فارجو الا يكون قد حدث لقاء زوجي بينهم!
وان حدث لا قدر الله فليس امامهم الا الزواج وحتي وان ضاعت عليه بعثه امريكا كلها فلا تخسر دنياها واخرتها بسبب فرد لم يضحي ولو بلقليل من اجلها
اما ان كان زواج عرفي بدون لقاء زوجي يعني لم يحدث بينهم جماع عليها ان تجلس شيخ دين عالم يحدد لها ماذا تفعل في تلك الحاله!1
والاولي اعلان خطبتهم واهله لن يعارضوا اذا فهمهم انه خطبته من هذه الفتاه تساوي تفوقه في دراسته
هذا والله اعلم..
نصيحه لكل الاخوات اياكم واياكم من الزواج العرفي بهذه الطريقه السريه فروا منه فراركم من الاسد..!

ميرسي كتير ليك أخي حبيب
على النصايح وكلامك اللي اكيد انا استفدت منو كتير
وربنا يخليك يارب على نصايحك الحلوه
وربنا مايحرم المنتدى منك
وبالنسبه للحكايه دي خلاص هما هيسيبو بعض
عشان هو لما سافر اميركا اتغير
ويمكن يكون شافلو واحده تانيه هناك
تحياتي

[eshoo4ever]

ازيك ياقمر الزمان

طبعا هى مشكلة انا قرات الردود

فى حاجات غلط كتير فى الموضوع بس متزعليش منى انى بقول كده

اولا الجواز العرفى

بصى طالما الجواز العرفى تم وخلاص الغلط حصل

يبقى لازم يجوزها مش تقله درستك بقى ومصلحتك

الى بيغلط لازم يصلح الغلط ده

يبقى لازم يرجع يجوزاها بس حتى لو رغم عن اهله لان خلاص ده تصليح خطا


اما عن الفلوس انا مش قادر يفهم هو مسافر امريكا

عشان يشتغل ولا ياخد كورس انجلش

وياخد ليه خريج صيدلة بيبقى معاه انجليزى كويس جدا المساله دى مش مرتاح ليها

تبعت ليه فلوس مستحيل هو لو بيحبها هيجى عشان يخلص الحوار ده ومش هيطلب منها فلوس انا مستغرب موقفة

وبعدين المفروض انوا بيشتغل

يعنى فى دخل

يبقى ياخد منها ليه

لازم البنت لو ماطل تصارح اهلها واهله


ده رائيى وانا فى الخدمة وانتى عارفه انك غاليه عندى ياقمر الزمان

متزعليش من حرارة حديثى

[قمر الزمان]

المشاركة الأصلية بواسطة eshoo4ever

ازيك ياقمر الزمان

طبعا هى مشكلة انا قرات الردود

فى حاجات غلط كتير فى الموضوع بس متزعليش منى انى بقول كده

اولا الجواز العرفى

بصى طالما الجواز العرفى تم وخلاص الغلط حصل

يبقى لازم يجوزها مش تقله درستك بقى ومصلحتك

الى بيغلط لازم يصلح الغلط ده

يبقى لازم يرجع يجوزاها بس حتى لو رغم عن اهله لان خلاص ده تصليح خطا


اما عن الفلوس انا مش قادر يفهم هو مسافر امريكا

عشان يشتغل ولا ياخد كورس انجلش

وياخد ليه خريج صيدلة بيبقى معاه انجليزى كويس جدا المساله دى مش مرتاح ليها

تبعت ليه فلوس مستحيل هو لو بيحبها هيجى عشان يخلص الحوار ده ومش هيطلب منها فلوس انا مستغرب موقفة

وبعدين المفروض انوا بيشتغل

يعنى فى دخل

يبقى ياخد منها ليه

لازم البنت لو ماطل تصارح اهلها واهله


ده رائيى وانا فى الخدمة وانتى عارفه انك غاليه عندى ياقمر الزمان

متزعليش من حرارة حديثى

اولا انا مش هزعل ولا حاجه
ده رأيك بردو يا إيشو وأنا بحترم آراء الناس كلها
وكلامكو كلكو صح والله
وبجد انا متشكره اوي لكل اللي اهتم بالموضوع
وحاول انو يساعد البنت دي
وميرسي اوي بجد لأهتمامكم
تحياتي ليكو جميعاً

[اي حد]

اولا انا مع الدكتور -اسمحيلي اقول عليه دكتور- حبيب الصعيدي لان كلامه كله بجد صح وياريت تاخدي بيه ثانيا انا مش عارفة ليه انتي نفسك ربنا ياخدك ويريحك ولما ربنا ياخدك ويريحك مين هيبقى قمر الزمان تحياتي ليكي ولصحبتك وربنا يوفقها وييسر لها الامور

[سارقة القلوب]

وبعدين صدقيني مش هيتجوزها علني لانة هيقول زي ماتجوزتني وغلطط معااااايا اكيد عملت كدة مع غيري والحل انة يتجوزها قدااااااااااااام الناااااس كلهم ويبقى جواز شرعي حتى لو اهلة رفضوا بس يكونوا عاااااارفين وميضعش شرفها

[سوسه المفروسه]

شوفي ياقمر الزمان انا بشكرك فعلا لانك نعمة الصديقة
وراي في الموضوع ده انوا صح البنت غلطانه من الاول لان علاقتهم اتبنة على غلط
وهيا الزواج العرفي بس خلاص الي حصل حصل
وبعدين والله باين جدا انوا الولد ده مش بيحبها وبيلعب بيها لانه بمجرد انوا راح امريكا اتخلى عنها
وهو لو بيحبها بجد هيعمل المستحيل عشنها حتى لو الدنيا كلها وقفة قدامه
ونصيحتي الاخيرة لها انها ترجع الى الله وحده وان شاء الله تلاقي الحل

[قمر الزمان]

المشاركة الأصلية بواسطة اي حد

اولا انا مع الدكتور -اسمحيلي اقول عليه دكتور- حبيب الصعيدي لان كلامه كله بجد صح وياريت تاخدي بيه ثانيا انا مش عارفة ليه انتي نفسك ربنا ياخدك ويريحك ولما ربنا ياخدك ويريحك مين هيبقى قمر الزمان تحياتي ليكي ولصحبتك وربنا يوفقها وييسر لها الامور

أكيد الأستاذ حبيب الصعيدي يستاهل اننا نقول عليه
دكتور لأنو كلامو كلو منطقي وصح وانا والله بجد
استفدت من كلامو جداً ومن أرآء الأعضاء
اللي دخلوا على التوبك وقالوا
أرائهم وانا بشكرك اوي
ياقمر على مرورك
الحلو والجميل ده وبالنسبه
بقى للي كنت كتباه ربنا يخدني
ويريحني بسبب النت ههههههههههههه
لأ يعني بجد كانت فتره صعبه عليا كده ومرت والحمد لله
نورتيني ياقمر والله تسلميلي يارب على زوقك
تحياتي