حاجة تفرس !!!

[abc]

المشاركة الأصلية بواسطة لؤلؤة النيل

خينارد ضفت موضوع حاجة تفرسسسسسسسسسسسسسسسسسس

هههههههههه


ممكن تعدلي المشاركة و تحطي مكانها أي حاجة .. عادي

[زهره مصر]

حاجه تفرس لم كل طلبة ومدرسين الثانويه ياكده ان
الامتحانات صعبه
ويجي الوزير وياكد علي انها سهله وفي مستوي الطالب المتوسط
الناس كلها مش بتفهم وسياته بس هو اللي عبقري
ديه حاجه تشل مش تفرس بس

[وردة الجوري]

ان الناس يغلطو على حد انت بتعرفه وعزيز أوي غلى قلبك....ويجيبو كلام وتصرفات على لسانك وانت مستحيل تعملها وتتصرف بشكل ده........حاجة تفرس

[abc]

حاجة تفرس ...

لما يكون عندك حوالي 100 رقم تليفون ....
و لما تبقى مخنوق و نفسك في حد تكلمه ...

ما تلاقيش و لا واحد ينفع تكلمه و تفضفض له !!

[عتاب]

المشاركة الأصلية بواسطة لؤلؤة النيل

خينارد ضفت موضوع حاجة تفرسسسسسسسسسسسسسسسسسس

ماتزعليش
حذفتهالك
مابقيتش تفرس اهي

[ليله]

موضوع جميل جدااااااااااااا

حاجه تفرس لما تلاقي صديقه عمرك او صديق عمرك وشه في وشك من غير كلام وكل اللي بينكم ينتهي بدون حتي كلمه وداع!!!!

[موزة الحبوبة]

السلام عليكم ورحمة الله وبركاته
طبعا موضوعك حلو جدا
وانا اللى بيغيظنى جدا المذيعات اللى فى القنوات
ياعنى مثلا كنت يوم بتفرج على برنامج اسمه صبايا فى قناة المحور
اكيد فى ناس تعرفه
المهم الحلقة دى كانت عن الحجاب والمكياج ومش عارف ايه وكده
فا فى بنت اتصل كانت تكلم المذيعة وتناقشها وبعدين المذيعة
تقولها بس انتى اصلا المفروض لما تكونى نازلة الشارع رايحة اى مكان
على طول من الحمام للهدوم وتنزلى على طول ياعنى مش بتحطى مكياج ولا تعملى شعرك
ولا كده لانك المفروض تكونى على طبيعتك صح ولالا ؟ البنت تقولها صح وبعدين مكلمت البنت خلصت المذيعة تقول ايه بقى المفروض انو مافيش حاجة اسمها مكياج او شعرك تعمليه عند الكوافير لانك تطلعى من الحمام تلبسى هدومك وتنزلى
والمشكلة ان المذيعة نفسها حاطة اتنين كيلو مكياج على وشها وشبه العفريتة من كتر المكياج
وشعرها بيسرخ من كتر المكواة والسيشوار وبعدين تقول وفى ناس دلوقتى تقول ان المذيعة تقول كده وهى بتعمله يا جماعة ده جهاد مع النفس !!!!!!!!
طيب انا من وجهة نظرى لما هو جهاد مع النفس طب ليه تقولى حاجة انها غلط وانتى بتعمليها ما تروحى تجاهدى مع نفسك بعيد عننا طب ما احنا عارفين انو حرام المكياج والحاجات دى واحنا مش بنحطة اصلا ياعنى هى بتوعظ مين اذا كانت هى اللى عاوزة الموعظة
وهو ده اللى فرسنى ونرفزنى جدا
وعاوزة رأيكم فى ده واسفة على الاطالة
فى امان الله

[abc]

حاجة تفرس ...

لما يبقى الشخص اللي المفروض إنه قدوة خاصة بيك ... مش قدوة ..
و لما يبقى كل واحد من أصدقائك عنده القدوة بتاعته اللي بيفخر بيها ..
و انت بتعمل نفسك أكنك عندك قدوة "شغالة" زيهم علشان "برستيجك" بس

تبا !!! .... على رأي ام بي سي تو

[زهره مصر]

حاجه تفرس لم شخص يهجمك لمجرد الهجوم
من غير ميفهم اي حاجه

[Ebn elbalad]

حاجة تفرس .. لما ترجع من كليتك فى عز الحر وتركب الميني باص من جامعة القاهرة وتوصل بيتك فى شارع الهرم بعد ساعة ونص وكمان تكون فى الباص بروحك .. وإيدك بس !!

[امل حياتى]

حاجه تفرس اللى انا شفته فى امتحانات الثانويه السنادى...

حاجه تفرس لما تكون المراقبه هى اللى بتبدل الورق بين الطلبه بايدها

حاجه تفرس لما يكون المراقب شايف البنات وهما بيغشو ويقوم يضحك لهم

حاجه تفرس انك تتساوى بناس بيغشوا وانت عمرك ماعملت كده

حاجه تفرس لما يكون الضمير خلاص... غاب

[dodo3]

حال المجتمع الاسلامي

[حبيب مصر]

اكتر حاجة تفرس انك تعد تفهم واحد وبعد كده تيجيي تساله فهم إيه تلاقيه فهم حاجة تانية خالص

[زهره مصر]

حاجه تفرس لما اللي يعرف دكتور او معيد في الكليه او حتي عامل في الكنترول
هو اللي يعرف يشوف نتيجه الامتحانات
واللي ميعرفش حد خلاص يستني
دي حاجه تفرس وتخنق وتشل كمان

[همس المحيط]

حاجة تفرس لما تبقى مصاحب حد اوي سنين ومتقدرش تكشف حقيقته لكن فجاه كل حاجة تبان وتكتشف انه اسوأ انسان ممكن تشوفه عنيك يعني عايش بمليون وش

وحاجة تفرس لما الطلبة تقعد تذاكر ثانوية عامة وبعدين كلية سنين واول لما تتخرج تكتشف ان مكانها محفوظ في قائمة العاطلين عن العمل اصلها ناقصة
موضوع هايل والحاجات اللي تفرس كتير اوووووووووووي