حاجة تفرس !!!

[abc]

بسم الله الرحمن الرحيم


أكيد كل واحد فينا كل يوم و كل ساعة بيشوف حاجات تغيظة ....

حاجات تحرق الدم .....


حاجات من الآخر كدة ......... تفرس و تشل و تجيب الخنقة ....

أنا قلت نجمعها هنا , و كل واحد يكتب الحاجة اللي غايظاه قوي و حارقة دمه .....

تحيتي لكم

[abc]

أول حاجة فرستني و حرقت دمي

امبارح ...

في قناة الجزيرة المذيعة بتقول الخبر بتاع رفض المحكمة الدستورية التركية لقانون عودة الحجاب في الجامعات ....

المذيعة يا حبة عيني ناقش تقول : المحكمة الوحشة في تركيا , العلمانية اللي مش حلوة , رفضت قانون عودة الحجاب للجامعات ....

الجدير بالذكر , إن المذيعة المحترمة , مش محجبة , و احتمال تبقى كمان لابسه بنطلون ضيق أو جيبة قصيرة ..... رغم إنها ممكن تتحجب عادي في بلدها لأن الحجاب مش ممنوع عندهم !!!!

[نيهال]

حاجه تفرس لما الاقى حد بيقول الاغانى حرام والاقيه هوه بيسمعها

[فراق84]

حاجة تفرس لما جارك اللى جنب بيتك يمشي وما يسلمش عليك
وانت طول عمرك تديه
وهو عمرو حتى ما ردها بابتسامة
ربنا يهدي
بس حاجة تفرس
شكرا اخي اي بي سي للموضوع اللي ما بيفرسش

[abc]

حاجة تفرس ....

لما تلاقية البنت من دول لابسة "على سنجة 10 " و ما تعرفش هي لبست الهدوم إزاي من شدة ضيق الملابس عليها ....

هذا غير العطر النفاذ و المشية المتمايلة و .................

ثم تتعجب إذا ما عاكسها شاب و تقول "ياي هم الشباب بقوا قلالات -قليلوا- الأدب كدة ليه ؟؟"

لييييييييييييييييه ؟؟؟؟
بلاش أقول !!!!!

[رؤيه]

حاجه تفرس وتغيظ وتشل
لما الولد يصاحب 900 بنت ويحب 7000 بنت
ويضحك على 653 بنت
ولما ييجى يتجوز يقول عاوز وحده محترمه مش عرفت حد قبلى ومكلمتش
رجاله فى حياتها غير ابوها واخوها
شكرا ع الموضوع ولسه ياما هنتفرس من الدنيا اللى عايشينها دى

[abc]

المشاركة الأصلية بواسطة نيهال

حاجه تفرس لما الاقى حد بيقول الاغانى حرام والاقيه هوه بيسمعها

احم احم
أولا شكرا على المرور يا باشمهندسة نيهال ...

بس كنت عاوز أقول حاجة
متهيأ لي ما فيهاش حاجة لو الواحد بيقول الأغاني حرام و هو بيسمعها ...
يعني هو بيقول الحكم الشرعي و يعترف أنه مقصر ...

أصلي أنا مثلا بقول إن حلق اللحية حرام و أنا حالقها ... بس أنا بقول الحكم الشرعي اللي أنا عارفه بصرف النظر إن كنت متبعه او لا , إنما العملية عملية تأصيل , و حينما أستطيع الامتثال للحكم فسأفعل ...
يعني ,,.. حبيت بس أقول وجهة نظري

[abc]

المشاركة الأصلية بواسطة فراق84

حاجة تفرس لما جارك اللى جنب بيتك يمشي وما يسلمش عليك
وانت طول عمرك تديه
وهو عمرو حتى ما ردها بابتسامة
ربنا يهدي
بس حاجة تفرس
شكرا اخي اي بي سي للموضوع اللي ما بيفرسش

عفوا أختي فراق ..

بس تتفرسي ليه ؟؟
ليس في الدنيا حمل أثقل من البر ... فمن برك فقد أوثقك و من جفاك فقد أطلقك ....

فلا عليك إنما قد استرحت من حمل برهم و إحسانهم لكِ .

[abc]

المشاركة الأصلية بواسطة رؤيه

حاجه تفرس وتغيظ وتشل
لما الولد يصاحب 900 بنت ويحب 7000 بنت
ويضحك على 653 بنت
ولما ييجى يتجوز يقول عاوز وحده محترمه مش عرفت حد قبلى ومكلمتش
رجاله فى حياتها غير ابوها واخوها
شكرا ع الموضوع ولسه ياما هنتفرس من الدنيا اللى عايشينها دى

و مكلف الأشياء ضد طباعها *** متطلب في الماء جذوة نار ...

يبقى يقابلني ...
حتى و إن رزق بزوجة صالحة , فابنته سيُرد لها الدين ... إن لم يتب !!!

عفوا ... فعلا ... طول ما احنا عايشيين هنلاقي حاجات تفرسنا

[فراق84]

المشاركة الأصلية بواسطة abc

عفوا أختي فراق ..

بس تتفرسي ليه ؟؟
ليس في الدنيا حمل أثقل من البر ... فمن برك فقد أوثقك و من جفاك فقد أطلقك ....

فلا عليك إنما قد استرحت من حمل برهم و إحسانهم لكِ .

لاول مرة انظر لهذا الموضوع من هذا المنظور
شكرا لك جدا اخي

[عمااانية]

موضوع حلو

اذا ضايقني شي بكتبه هنا على طول وليهمكم

تحياتي

^___^

[فارس اصيل]

حاجه تفرس لما الواحد يقعد يهاتى مع بشر لا يفهمونه

[رؤيه]

حاجه تفرس
لما تخلص تعليم بعد سنين طويله
وتتخرج كلك امل فى الحياه واحلام ورديه
فتلاقى كل ده وهم وانك من رابع المستحيلات تلاقى شغل من غير وسطه او فلوس كتير لو كانت معاك مكنتش دورت على شغل من اساسه
فتندم على العمر اللى ضاع فى التعليم
وتفكر قد ايه كنت غبى لما صدقت ان التعليم هو الاساس وهو اللى هيخليك بنى ادم وتلاقى شغل وتكون لك مكانه بين الناس
وقدامك حلول جميله جدا
اما تنحرف عشان تحصل على الفلوس ويكون المصير خلف القضبان
او تسافر بطريقه غير ادميه ويكون المصير الموت المشين بلا كرامه
او تكتئب وتفقد الرغبه فى الحياه
ووعجبى

[رؤيه]

حاجه تفرس
لما تفضل سنين كتير تربى ابنك وتجتهد بكل ما اوتيت من طاقه انك تزرع فيه
الدين
المبادئ
القيم
العادات والتقاليد
الاخلاق العاليه
الثقافه
احترام الجميع
ويأتى صديق له فى وقت قصير يهدم كل ما بنيته فى سنوات طوال ويتحول الابن الى النقيض
ولا عزاء للوالدين

[زهره مصر]

حاجه تفرس وتموت حصلت النهارده
لما النور يقطع من الساعه 8 ونص ويجي 11 ونص
وكل الوقت ده شركه الكهربه رقمها مشغول
وفي امتحانات