لكل زمان ....دولة ورجال

[hassan omran]

لكل زمان ....دولة ورجال

إلا بلدنا مصر توقف فيها الزمن منذ مدة
فلم نرى غير رجل هش نخر السوس فى عظامه ومع ذلك يأبى أن يعترف
حتى لو دمر الزمن والدولة
تتبعه حكومه مشلولة لا تقوى على المشى أو حتى ركوب العجل كلما خرجت
من حفرة تعثرت بحجر
والجميع يستند الى شهادات مزورة مجروحه لا تصمد كثيرا أمام الحقيقة المره
التى تعيشها هذه الدوله
فا كل شىء مبنى على الكذب فهل هذا قدرنا نعيش جميعا بلا سند ليلتهمنا الفقر
فا اين رجال الأخوان أو رجال جيشنا المحترم أو حتى حكومة ظل أم أننا سنترك
كل شىء لينهار كل شىء عندما يزداد الفقر وتندلع ثورة عشوائية تهدم مصر
وحتى نعيد تنظيم أنفسنا بعد هروب الحكومة فسوف نقع فى مستنقع نهب وتخريب
حتى نعيد السيطرة على الدولة لآنتخاب رجال للزمن الجديد
أتمنى لهذا الزمن أن أجد دولة ورجال
ومن هنا أدعوا الأخوة المهتميين بمصلحة الدولة
بأنشاء حكومة ظل علنية استعداد لآستلام الحكم على أن تتكون من الجميع
أخوان ومعارضة ورجال الجيش حتى لا نندم على أهمالنا فى حق هذا الزمن
الموضوع محتاج تنسيق وشوية حب لمصر وليس للذات الأنانية
لنا الله ولمصر الصبر على المصايب
كتابات / حسن أرابيسك

[hend]

للاسف لو عملنا استفتاء او حتى سؤال عن افضل رجل فى مصر اليوم والذى نراه من اصلح رجالها ما تكرر اسما مرتين
وذلك لانه ويالاسف مصر اصبحت بلدا بلا رجال

[hassan omran]

المشاركة الأصلية بواسطة hend

للاسف لو عملنا استفتاء او حتى سؤال عن افضل رجل فى مصر اليوم والذى نراه من اصلح رجالها ما تكرر اسما مرتين
وذلك لانه ويالاسف مصر اصبحت بلدا بلا رجال

وعلشان أنتى سيده شجاعة

فا أنتى تساوى ألف راجل لآنك واعية ومثقفه وبتعرفى أى المواضيع
تستحق القراءة وعمرى ما شفتك هايفه ربنا يكثر من أمثالك
صدق اللى قال الناس معادن وجمع النساء والرجال
تقبلى تحياتى وأحترامى

[NooNaa]

موضوع رائع و الله و فعلاً حقيقي بجد
بس صدقوني لازم يكون لسه في رجالة مش ممكن مصر يكون مفهاش رجالة
بس..
بس.....
مسمحتلهمش الفرصة بإنهم يظهرو
عندك مثلاً أيمن نور
رشح نفسو و بجد حسيت إنو راجل فعلاً
لاكن ايه الي حصل
فسسسسسسسسسس
سجنوه مع أعمال شاقة
وعمل إضراب أكتر من مره
و طبعاً هو مسجون ظلم
و طبعاً إنتم عارفين ليه
صدقوني في رجالة في مصر كتير كتير
بس الحكومة هي الي شلاهم
هم يعملوا ايه بس
لا و ايه دلوقتي منزلين قانون الطوارئ
يعني الواحد مجرد ما يقول بم
يلاقي نفسه في السجن
أنا عندي واحد قريبي حصلوا كده
يعني الواحد بس يعمل ايه في الدنيا ده


أنا بجد تعبت

[جناب العمدة]

اخى حسن
بارك الله فيك على الموضوع
مصر لم تنضب ولن تنضب من الرجال الشرفاء كما يتوهم البعض
ولكنه زمن اشباه الرجال .
من سواد الصورة قد تحجب بعض النور وهذا لا يعنى أنه غير موجود .
لابد لهكذا حال أن يتغير ويتبدد الشعور بالظلم .. لايدوم حال الى الابد .

[عبدالله نجيب]

فعلا انا مقتنع براي اللي قالوا ان مصر فيها افذاذ لكن تمنعهم من الظهور ( سياسة القمع )
ودلوقتي احنا مستنيين اللي يبدا
احنا فعلا محتاجين نقوم بثورة لتحرير مصر
تحريرها من الظلم والقمع والذل والفقر و......

[amr_miza1]

المشكلة كلا فى سياسة التعتيم اللى احنا مش قادرين نخترقها
مين فينا عارف الرجل المناسب للدولة ..
مين فى القيادات ليه شخصية واضحة ممكن نختاره
ايمن نور اللى كان ممكن من خلال لقاءات مجلس الشعب ولكن مع الاسف علشان كان الرجل القادر على قيادة دولة بشيء من الديمقراطية تم اعتقاله
هنا الصعوبة ..
لكن مفيش شيء مستحيل

شكرا اخى حسن عمران ..

[زهره مصر]

في مصر الكثير من الرجال الذين يستطيعون حكم مصر بالطريق الديمقراطيه الصحيحه
ولكنهم معلومون من قبل الحكومه
فاما ان يعتقلو او يتم نفيهم خارج البلد
هذا حال رجال مصر

[hassan omran]

المشاركة الأصلية بواسطة NooNaa

موضوع رائع و الله و فعلاً حقيقي بجد
بس صدقوني لازم يكون لسه في رجالة مش ممكن مصر يكون مفهاش رجالة
بس..
بس.....
مسمحتلهمش الفرصة بإنهم يظهرو
عندك مثلاً أيمن نور
رشح نفسو و بجد حسيت إنو راجل فعلاً
لاكن ايه الي حصل
فسسسسسسسسسس
سجنوه مع أعمال شاقة
وعمل إضراب أكتر من مره
و طبعاً هو مسجون ظلم
و طبعاً إنتم عارفين ليه
صدقوني في رجالة في مصر كتير كتير
بس الحكومة هي الي شلاهم
هم يعملوا ايه بس
لا و ايه دلوقتي منزلين قانون الطوارئ
يعني الواحد مجرد ما يقول بم
يلاقي نفسه في السجن
أنا عندي واحد قريبي حصلوا كده
يعني الواحد بس يعمل ايه في الدنيا ده


أنا بجد تعبت

سلامتك يا نونا من التعب

أنشا الله اللى يكرهوكى

الموضوع شارف على النهاية

تقبلى تحياتى وأحترامى

[الشاكر]

مشكووووووووووووووووووووور

[hassan omran]

المشاركة الأصلية بواسطة جناب العمدة

اخى حسن
بارك الله فيك على الموضوع
مصر لم تنضب ولن تنضب من الرجال الشرفاء كما يتوهم البعض
ولكنه زمن اشباه الرجال .
من سواد الصورة قد تحجب بعض النور وهذا لا يعنى أنه غير موجود .
لابد لهكذا حال أن يتغير ويتبدد الشعور بالظلم .. لايدوم حال الى الابد .

اخونا المحترم / جناب العمده

دائما منورنا بارائك الجميلة والمفيده

ونعم مصر لن تنضب ولكن يوجد حالة تعتيم على المحترمين

تقبل تحياتى وأحترامى

[hassan omran]

المشاركة الأصلية بواسطة عبدالله نجيب

فعلا انا مقتنع براي اللي قالوا ان مصر فيها افذاذ لكن تمنعهم من الظهور ( سياسة القمع )
ودلوقتي احنا مستنيين اللي يبدا
احنا فعلا محتاجين نقوم بثورة لتحرير مصر
تحريرها من الظلم والقمع والذل والفقر و......

نعم وكلنا متفقين معك ولكن الى متى

يا أستاذ عبدالله يبقى هذا حال مصر

وصدقت فيما قلت نحن محتاجين بثورة لتحرير مصر

تقبل تحياتى وأحترامى

[hassan omran]

المشاركة الأصلية بواسطة amr_miza1

المشكلة كلا فى سياسة التعتيم اللى احنا مش قادرين نخترقها
مين فينا عارف الرجل المناسب للدولة ..
مين فى القيادات ليه شخصية واضحة ممكن نختاره
ايمن نور اللى كان ممكن من خلال لقاءات مجلس الشعب ولكن مع الاسف علشان كان الرجل القادر على قيادة دولة بشيء من الديمقراطية تم اعتقاله
هنا الصعوبة ..
لكن مفيش شيء مستحيل

شكرا اخى حسن عمران ..

صدقت أيها الأخ الكريم دائما والمحب لهذا البلد

ودائما سيعتقلوا ويقمعوا كل صوت حر

دى عصابة حاكمه مصر

تقبل تحياتى

[احساس فنان]

الاخ حسن عمران لك شكرا جزيلا موضوع اكتر من رائع

واحب اتفق مع جميع المشاركين قبل بخصوص ان مصر يوجد بها رجال ولكن اسلوب القمع هو

الذي طمرهم تحت القاع فإن طال الزمن فسوف تنكشف الغمه ولا بد من طلوع الفجر وانقضاء

الليل

الله المستعان على ما تصفون

[AFNDiNA]

مشكور اخ حسن على الموضوع المهم ده

بس انا بختلف فى الرأى معاك عمر ما هيكون فى رجل دوله بالمعنى الحقيقى طالما مافيش قاعده جماهيريه كبيره تكون وراه وبتأيده واحنا كشعب الخوف وصل بينا لدرجه ان كل واحد فينا بقا بيخاف على نفسه من الى ممكن يحصله لو قال رأيه علانيه وده بردو راجع للنظام المستبد الى بيحكمنا وعلى رأسه مبارك

مصر فيها ناس كتير حاولو ا يقولوا لا لكن النظام كان واقفلهم بالمرصاد ووكمان الشعب خذلهم وعندك امثله كتير من اول ايمن نور ونعمان جمعه لحد اسراء عبد الفتاح

وآسف على الاطاله