ماذا تفعل مع من تحب اذا كان

[sosoo_sunshine]

اذا كان من تحب لا يشعر بك
ويحب احدا غيرك ولكن الاخر الذى يحبه هو اعز اصدقائك
وقد صارحك صديقك انه يحب هذا الشخص الذى تحبه هو ايضا قبل ان تصارحه انت
ولكنك كنت تحبه قبل ان تعرف صديقك هذا وايضا وقتها لم يكن يشعر
ارجو منكم الاجابه ماذا تفعلون اذا وضعتم فى هذا الموقف؟؟؟

[سلمى عمر]

بجد انا حزينه من اجلك لكن حاولى تنسى وادعى ربنا يوفقهم وربنا معاك

[sosoo_sunshine]

شكرا لكى اختى على المرور
ولكن اذا مريتى بهذا الموقف فعلا
هل هتقدرى تنسى مع العلم بان ده كان اول شخص تحبيه فى حياتك
واكتر شخص حبتيه؟؟؟؟؟

[no one]

بصى هو الموقف صعب جدا وانا فعلا حاسه بيكى لانى فى نفس الموقف بس عرفه انا عشان بحب الاتنين جدا اتمسكت بحب الاتنين كصحاب لانى مش هينفع اخون صحبتى ومفيش حل غير كده
والله عرفه انو صعب انك تنسى بس حاولى تتأقلمى مع الوضع وانتى هتتعودى .
واهم حاجه متخسريش صحبتك حتى لو سابو بعض هما الاتنين مينفعش تدخلى انتى لانك هتخسرى صحبتك ومش هتبقى سعيده معاه .
تقبلى مرورى ويا رب تعرفى تتأقلمى .

[وردة النيل]

انا عارفة يعني ايه حزن والم

نتيجة انك تحبي

بس

لو انت بتحبيهم بجد

حتتمنلهم كل خير

يعني

الانسان الي بيحب بجد

هو الي يحب يشوف الانسان الي بيحبو سعيد

حتى لو مش معاه

بتوجع اه

لكن حيكون حبك دافع ليكي وحيقويكي

لو بجد بتحبيه وبتحبي صحبتك

تكوني ديما جنبهم تساعديهم

وتتمنلهم كل خير

مش حنكر ان دا حيكون صعب

لكن صدقيني مع الايام حتقدري

وحتفرحي بالي انت عملتيه

وربنا يفرج همك

[نسيم الورد]

بصى يا عسل

انا عرفة ان الموقف دة صعب اوى

بس انتى قلتى ان البنت اللى بيحبها هية اعز اصحابك

يبقى لازم تضحى عشنها

واللى بيحب بيضحى وبيسامح

انتى اكيد هتتعبى شوية كتار

لاكن مع الزمن هتنسى

وهتلاقى اللى يستحق قلبك

ويستحق حبك الكبير لية

اتمنى لكى السعادة

مع خالص حبى لكى

نسيم الورد

[sosoo_sunshine]

شكرا ليكم اوى يا جماعه انا بجد استفدت
وانا فعلا بعمل كده والاصعب انى كمان بسمع من صاحبتى كل الكلام اللى بتقوله عليه
والله انا حاولت كتير انى انسى وقولت ان هى صحبتى وكمان قولت لو انا بحبه بجد هتمنى له السعاده
بس صدقونى حبه مش قادر قلبى يخرجه
بس انا عرفه انه لازم
وكمان صحبتى دى مش متأكده ان هو بيحبها وانا مكنتش عارفه ابقى ازاى افرح ولا ازعل على صحبتى وده خلانى افكر فيه اكتر
بجد انا تعبت اوى
تعبت من كتر مبفكر فى الحل
تعبت من كتر مبتحايل على قلبى ينساه
تعبت من كتر مبسمع كلام صحبتى عنه
تعبت

[just egyption]

الموقف دة انا كنت فيه .. بس كان في تغير بسيط ان الي كنت بحبو كمان بيحب صديقتي .. بصراحة انا ماعملت حاجة تضرهم بالعكس انا نجحت علاقتهم مع بعض مع اني كنت بحب الشخص دة اوووووووي .. بس رغم اني ساعدتهم .. حالتي النفسية بقت حاااااااالة وكنت كل ماافتكر يغم عليا بس عدت المرحلة دي مرحلة الفراق .. وخلاص .. والقلب لما بينجرح مرة بيتعود ع الجرح ..
وانا بقيت متعودة من اخر واحد حبيتو بجد ومش عارفة ايه الي حصل وسابني فجأة .. صراحة انا كرهت الحب وكرهت فراقه وكرهت كل حياتي بس بنصحك انك تكلمي مشوارك وادامك مستقبلك بس انا مابقتش عايزة اكمل حياتي خلاص ...

[just egyption]

المشاركة الأصلية بواسطة sosoo_sunshine

شكرا ليكم اوى يا جماعه انا بجد استفدت
وانا فعلا بعمل كده والاصعب انى كمان بسمع من صاحبتى كل الكلام اللى بتقوله عليه
والله انا حاولت كتير انى انسى وقولت ان هى صحبتى وكمان قولت لو انا بحبه بجد هتمنى له السعاده
بس صدقونى حبه مش قادر قلبى يخرجه
بس انا عرفه انه لازم
وكمان صحبتى دى مش متأكده ان هو بيحبها وانا مكنتش عارفه ابقى ازاى افرح ولا ازعل على صحبتى وده خلانى افكر فيه اكتر
بجد انا تعبت اوى
تعبت من كتر مبفكر فى الحل
تعبت من كتر مبتحايل على قلبى ينساه
تعبت من كتر مبسمع كلام صحبتى عنه
تعبت

قلبي معاكي .. انا حاسة بيكي عشان انا كمان تعبت اووووووووي بس صدقيني هتنسي لو لقيتي حب تاني وجديد وف نفس الوقت لازم تتاكدي انو حب بجد .. صحيح هيبقى قلبك بيكن له مشاعر قديمة وهيبقى ف جرح .. بس مع الوقت هتنسي .. وسلامي ليكي ..

[sosoo_sunshine]

شكرا ليكى انا هحاول
للمره المليوووووووون