نبتدي منين ؟!!!

[روح العقل]

السلام عليكم ورحمة الله وبركاته
اهل عالمنا عالم مصر
هذا أول موضوع لي هنا
ووجدت انه من الموفق ان نبدأ به ونتناقش مع بعضنا البعض من خلاله ..


الموضوع يتحدث عن التصميم واصوله وقواعده بشكل عام من البدايه ولا يختص بأي برنامج للجرافيك او ادوات مستخدمه ، بل اسس التصميم نفسها
نستعين بالله ونبدأ

نبتدي منين ؟

عمرك طلعت دور تاني في عمارة قبل ما تمر عالدور الاول ..

طيب لما بدأت في مجال التصميم او الجرافيك

بدأت ازاي ؟

كان باستخدام ايه ... من الحاجات دي

1-مهاراتك

2-مواهبك

3-المتاح امامي

4-صدفة

او اي حاجة تانيه غير دي

اعتمدت علي كذا حاجة من دي ولا اعتمدت علي حاجة واحدة بس وبدأت ..؟!!!!

طيب اول ما قررت او قرر لك حسب الوضع فكرت هي بدايتك صح ولا لا ؟!

اختيارك انك تكمل في المشوار ده بالاسلوب المعين اللي اتبعته تمام كده ولا حاسس ان في مشكله ؟!

طيب وان كان في مشكله

فكرت تحلها ازاي ولا هو كده وان كان عاجبكم

يمكن فينا اللي فكر .. وما اهتمش يدور

وفينا اللي بدأ .. وكسل

وفينا اللي مفكرش خالص

-هو طبعا مهاراتك وموهبتك والمتاح امامك كمان كل ده مهم قوي ويفيد في الطريق ،

لكن مايكونش ده هو اول الطريق وانت ناوي تدخل في هذا المجال

او فعلا دخلت وانت في النص دلوقتي

ونرجع تاني لسؤالنا

عمرك طلعت دور تاني في عمارة قبل ما تمر عالدور الاول ..

هو ده اللي نقصده من كلامنا .. نستخدم الادوات المساعدة وننسي خالص اساس الفن اللي مفروض نتعامل علي اسسه ومبادئه

وعشان كده الخطوة الاولي ماتكونش زي ما معظمنا بدأ في مجال الجرافيك

الخطوة الاولي تكون من اول سلمة ....

زي ما بنتعلم لغه كده بنتعلم قواعدها الاول

والدراسه دي مابتجيش من خلال معرفه شوية اداوت برامج وبس

والدراسة معناها ان لكل علم او فن مباديء واسس وعناصر واحدة مانقدرش نجهلها ونشتغل باحساسنا او مهاراتنا وموهبتنا بس برغم انهم جزء مهم قوي في شغلنا ،

او بوجهه نظر شخصية ده حلو ولا وحش !!!

والناس بتقول علي شغلي حلو

لا المقياس ده مطبق الفن او العلم ده صح ولا لا وبعدها بقي يجي الفكر والمهارة والموهبه جنب لجنب للعلم نفسه

عشان كده كانت الفكرة اننا نبدأ نتناقش هنا

ونخرج بحاجة مهمة قوي مش في مجال التصميم بس.. لكن نتعلم كمان في كل حياتنا

نبتدي منين لما نكون عايزين نعمل حاجة ؟!!!

قبل ما تحط رجلك عالخطوة الاولي في اي حاجة احسبها صح ، ابتدي من الاساس

عشان تبني عليه بشكل صحيح

وافتكر دايما ان عمرك ما هتطلع الدور التاني قبل ما تمر عالاول وكمااان تعدي من البوابه

ان حد قدر يعملها يبقي يعرفني وبالتالي يكون كسر القاعدة ......

ملاحظة : ليست خبرتي عاليه جدا ، بل احاول ان اتعلم ومازلت اتعلم
نيتي ان نتعلم ولا احبس علم فيما بينكم ونرتقي ببعضنا البعض
من خلال هذا الحوار
الموضوع ليس موضوعي فقط بل موضوعنا جميعا نزيد ونضيف ونناقش ونوافق ونعترض كما نشاء

اختكم في الله

وطبعا دارسين الكليات الفنيه قد يعلموا تمام العلم هذه الاصول والقواعد والمباديء

ولكن قد يؤكدوا ان ليس كلهم موهوبيين

ان كان لديك موهبه في التصميم ولست دارس

خليك معانا

هنساعد بعضنا ونعرف مع بعض القواعد والمباديء بشكل مختصر وكمان نتناقش فيها

اختكم في الله

[محمدعادل(م.ش.م)]

موضوعك جمييييييل و كل كلمة نصيحة حلوة

[روح العقل]

اخي محمدعادل(م.ش.م)
جزاك الله خيرا
منتظرينك في النقاش والاضافة والتعديل والاعتراض
وكل الحقوق مكفوله هنا

[روح العقل]

السلام عليكم ورحمة الله وبركاته
ذكرت من المداخلة اللي فاتت اننا لازم نمر الاول عالبوابه
والنهاردة من عالبوابه الخاصه بالجرافيك

نفتكر ان الجرافيك يعتمد بشكل كبير على التعلم الذاتي ، ومحتاج ان تكون صبورا مع نفسك ؛ لأنه مهما علمك الآخرون إن هذا التخصص يعتمد على أفكارك الخلاقة وتقديم كل ما هو جذاب للناظر ، يجب ان يستكمل بدراسه ذاتيه وتعلم دائم وتطور كبير لذلك كان من الموفق البدايه من الاول


وهنبدأ من اول بوابه لنا وهي اننا نعرف
ان هناك مباديء للتصميم بشكل عام ، وهناك عناصر للتصميم
وان بحثت في الانترنت عن احداها بالانجليزي بالطبع ستجد الكثير حولها وستجد القليل جدا عربي
وما ساكتبه هنا ما فهمته من قراءات وترجمة لبعض المواقع الاجنبيه والكتب العربيه المتوفرة لدي
التي قمت بالاستفادة منها ايضا

النهاردة هنقول بشكل عام عن مباديء التصميم بشكل عام ومباديء الجرافيك بشكل خاص

الاول نقول ما هو فن الجرافيك:
هو فن الرسوم المطبوعه
بالبدايه كان هذا الفن علي الخشب والمعادن اما بالحفر الاول يقوم رسام برسمها ، ثم يقوم شخص بنحتها علي الخشب او المعدن بنفس شكل الرسم علي اكثر من قطعه لذلك سميت مطبوعه لتكرار الشكل
اما الان تطلق الجرافيك علي فن الرسوم المطبوعه ايضا ولكن ليست علي الخشب او المعادن
بل ما نقوم به من خلال الكمبيوتر الدعايه الثابتة ، الدعايه المتحركة عالانترنت ، وغيرها من اشكال الدعايه التي تنفذ بادوات كمبيوتريه الان



هذا عن تعريف الجرافيك واذا اردت معلومات اكثر من الممكن ان تبحث عن تاريخ الجرافيك وستجد بعض الاشياء ..


اما عن مباديء الجرافيك الذي سنتحدث عنها اليوم
وساذكر اهم هذه المباديء التي ذكرت بكثرة وان اختلفت الاسماء من مكان لاخر لكن المعني والمغزي واحد

The Principles of Design

الأسس العامة للتصميم

اذا راعيت هذه المباديء بقدر الامكان تساعدك علي استخدام عناصر التصميم بشكل محترف
وهذه اهم المباديء او الاسس

1- التوازن Balance
2- الايقاع (التناغم) Rhythm
3- التركيز Emphasis
4- الوحدة Unity
5- الحركة Movement

المداخلة القادمة هنبدأ من أول عنصرو هو التوازن ان شاء الله
انتظرونا

ملاحظة : الصورة من تصميمي
وخدوا لينك من احد المراجع
Graphic Design Basics Course | Principles of Graphic Design Basics

[The Caesar]

روح العقل

اهم موضوع قرائته حتي الان في قسم الجرافيك منذ فتره طويله
كنت قد بداءت اعتقد ان قسم الجرافيك ..قسم لتبادل الصور الغريبه والجديده
لكن
يبدو ان هناك امل

تحياتي علي الموضوع الرائع

وتم تثبيته لاهميته
ومنتظر بشغف ما تكتبه يداكي
تحياتي لكي

[روح العقل]

المشاركة الأصلية بواسطة The Caesar

روح العقل

اهم موضوع قرائته حتي الان في قسم الجرافيك منذ فتره طويله
كنت قد بداءت اعتقد ان قسم الجرافيك ..قسم لتبادل الصور الغريبه والجديده
لكن
يبدو ان هناك امل

تحياتي علي الموضوع الرائع

وتم تثبيته لاهميته
ومنتظر بشغف ما تكتبه يداكي
تحياتي لكي

السلام عليكم ورحمة الله وبركاته
اخي The Caesar
جزااااك الله خيرا اخي وربنا يكرمك وان شاء الله يستكمل

[Honey1900]

من المواضيع المهمة جدا و بصراحة اسلوبك رائع ف الشرح ان شاء الله متابع


و مبروك علي التثبيت

[الفنانة]

روح العقل
مرسي قوي على الموضوع الجميل دة
بجد انا انبسط جدا كملى بجد هتكون استفادة حلوة قوى على مستوايا الشخصى واكيد كتير جدا هيستفيد
وفعلا زى ما قولتى ان الجرافيك هو الرسوم المطبوعة اساسا فى الكلية مكتوب على القسم الرسوم المطبوعة وليس جرافيك
والاساسات والمبادئ دى اول حاجة علموهلنا فى الكلية وعرفونا معناها وازاى نتعامل بيها
جزاكى الله كل خير
منتظرة البقية

[روح العقل]

المشاركة الأصلية بواسطة Honey1900

من المواضيع المهمة جدا و بصراحة اسلوبك رائع ف الشرح ان شاء الله متابع


و مبروك علي التثبيت

السلام عليكم ورحمة الله وبركاته
جزاك الله خيرا عالمرور والرد
ربنا يكرمك
انتظرك دائما

[روح العقل]

المشاركة الأصلية بواسطة الفنانة

روح العقل
مرسي قوي على الموضوع الجميل دة
بجد انا انبسط جدا كملى بجد هتكون استفادة حلوة قوى على مستوايا الشخصى واكيد كتير جدا هيستفيد
وفعلا زى ما قولتى ان الجرافيك هو الرسوم المطبوعة اساسا فى الكلية مكتوب على القسم الرسوم المطبوعة وليس جرافيك
والاساسات والمبادئ دى اول حاجة علموهلنا فى الكلية وعرفونا معناها وازاى نتعامل بيها
جزاكى الله كل خير
منتظرة البقية

السلام عليكم ورحمة الله وبركاته
اختي الفنانه
جزاك الله كل الخير علي كلماتك
سعيدة جدا علي تواجدك معنا
بل سنستفيد منك كثيرا
وانتظر منك تعليقاتك ومساعداتك وتضبيطك للموضوع كما تشاءين
وان شاء الله نستكمله معا
وجميل انك تتعاملي بهذه الاسس

[نيهال]

اهلا بيكى روح العقل....

تقسيمك للموضوع مبهور وينبىئ ببدايه جميله ان شاء الله

متابعه معاكى

دمتى بكل الود

[روح العقل]

المشاركة الأصلية بواسطة نيهال

اهلا بيكى روح العقل....

تقسيمك للموضوع مبهور وينبىئ ببدايه جميله ان شاء الله

متابعه معاكى

دمتى بكل الود

السلام عليكم ورحمة الله وبركاته ردك اسعدني كثيرا
احبك في الله دمتي برضا من الله
جزاك الله خيرا

[duha]

اهلا روح العقل
بدايه جميله وبانتظار الباقي
انا مهتمة اني اتعلم جرافيكس
شكرا لحضرتك

[روح العقل]

السلام عليكم ورحمة الله وبركاته
نبدا من أول اساس من اسس التصميم او مباديء التصميم وهو التوازن

1-الاتزان Balance
-التعريف : الاتزان من الناحية اللغويه يعني (التساوي في القيمة او الثقل.) اما في مجال الفن والتصميم يعني (العلاقة بين الأوزان).

اي العلاقه بين العناصر المستخدمة داخل التصميم وتسمي وزن



-يجب ان ينقل التصميم للانسان الاحساس بالاستقرار والتوازن ،ومراعاه التوازن لا تدخل بشكل حسابي بل تنمو عند المصمم مع الخبرة والتجربه.

اي كما قلت ان الخبره والموهبه والتجربه تفيد كثيرا في استخدام هذه المباديء لنؤكد مرة تانيه ان لهم دور كبير




-يعتمد الاتزان علي وجود محور مركزي تتزن حوله كل عناصر التصميم .



اي شيء من خلاله يتم تحديد مكان العناصر الاخري في التصميم



-للاتزان ثلاث انواع يعتمد اثنان علي وجود المحور المركزي والثالث علي غيابه.
1-الاتزان المحوري
يعني وجود محور ارتكاز في المجال المرئي ،وتوزع العناصر بشكل متساو بالنسبه للمحور .
وللاتزان المحوري نوعين :
أ‌-الاتزان المتماثل:
هو أبسط انواع الاتزان وتظهر فيه العناصر علي كلا من جانبي المحور.


ب‌-الاتزان غير المتماثل التقريبي:
يبقي محور الارتكاز في مكانه رأسيا او قطريا ويتم توزيع العناصر علي جانبي المحور


كما يوجد في الفراشة محور والجناحين هما العناصر المتساوية

2- الاتزان الاشعاعي
- يعني الدوران حول نقطة مركزية تكون هي محور الارتكاز وتحقق التوازن.
-وقد تكون هذه النقطة كتلة ايجابية الشكل مثل الصورة او اطار داكن ويتم ترتيب العناصر حول هذه النقطة بشكل يجعلها اقرب ما تكون للدائرة حتي لو كانت غير منتظمة الاستدارة كأن تكون منبعجه او بيضاوية او غير كامله او مفتوحة من احد الجهات.

- الاتزان الاشعاعي يعطي التصميم حركة دائمة ويحتفظ بالعين داخل نطاقها أطول فترة ممكنة دون الهروب منها.
- يفضل وجود تباين في الاحجام الاشعاعية تجعل الجاذبيات الكبيرة تخدم الصغيرة بلفت النظر.
-وكذلك تعمل قوي التشابه في التجميع بطريفة اكثر جمالا وتأثيراً ، كأن يحدث تشابة بين عنصرين ثقليين يقعان علي الدائرة بشكل تلقائي.


كما يوجد في الزهرة المحور في المنتصف وورق الورود حولها

3- الاتزان الوهمي
-يعني التحكم في التوازن بشكل الاحساس بالمساواه داخل المجال المرئي في التصميم ولا يعتمد علي محور او مركز .
- الكتله المركزية تكون في الاتزان الوهمي في مركز الصدارة علي الصقحة وتكون اكبر حجما من سائر العناصر الأخري.

- يعطي الاتزان الوهمي مساحة حرية اكبر للمصمم ولكنه من اصعب أنواع الاتزان واكثرهم اهميه.



كما في شكل الزهرة والفروع شكلها فيه توازن ولكنها ليست متماثلة

ولخلق التوازن داخل التصميم :
1-تكرار شكل معين علي فترات منتظمة أفقياً أو رأسياً.
2-توزيع العناصر من خلال محور الارتكاز في التصميم بشكل صحيح.
3-استخدام عنصر مختلف وجعل بقية الاشكال عادية.
4-تلوين قطع النص الكبيرة بألوان مبهجة.
5-ترك مساحات فارغة كبيرة حول الكتل الكبيرة سواء من نص او صور مظلمة .
6-تعويض المساحات المظلمة او الصور المظلمة بايضاح قطع صغيرة من الاشكال او النصوص بألوان مبهجة.

ولا يعني اننا يجب ان نحفظ كل حرف ، بل نفهمه ونستوعبه ونعيه

وحتي نفعل ذلك سنقف علي كل مبدأ فترة ونأت بنماذج مطبقه هذا المبدأ بشكل جيد ونتناقش فيها

وبالتالي لن يكون هناك مشكله في استيعاب كل مبدأ علي حدة
و ممكن من يستخدموا برامج التصميم في تطبيقه في اعلان قد نحدده او لا حسب الاتفاق
وفد نتركه لابداع كل فرد فينا ونخرج بتصميمات قد تناسب المنتدي مثلا ونحتاجها حسب ما نري
تحياتي لي عودة بالطبع مع اول عنصر

ده جزء من الشرح بموقع اجنبي موضح بصورة فيها المعني

BALANCE
Balance in design is similar to balance in physics

A large shape close to the center can be balanced
by a small shape close to the edge. A large light
toned shape will be balanced by a small dark toned
shape (the darker the shape the heavier

[زهره مصر]

موضوع اكثر من رائع
وبدايه موفقه
تحياتي لكي
ومتابعه وبشغف