مبـــروك مـــامـــا عروســـة .. بـــابـــا عريـــس

[عتاب]

المشاركة الأصلية بواسطة duha

اهلا عتاب
يمكن ظروف بلدي تختلف
حيث الارامل اعدادهم بالملاين
كما تعلمين منذ ثمانينيات القرن الماضي وحتى الان العراق من حرب الى حرب
وطبعا ضحايا الحروب الاغلبيه من الرجال
فالوضع عندنا مختلف
تلاقي ان البنت اتزوجت من هنا ومات زوجها في حرب من هنا
وهي تكون عندها طفل او اثنين
عشان كدة اصبح موضوع زواج الارامل عادي جدا جدا
بل ان الارمله اصبحت مرغوبه اكثر لان النظام السابق كان يعوض الارمله عن فقدان زوجها ببيت ومبلغ مالي محترم
اليوم الشباب يقتل في الشوارع
والارامل عددها يزيد واكثرهن صغار السن
امر تزويجهم صار ضرورة لان كما اسسلفت كل واحدة منهم شايله طفل او 2 والاطفال اكيد محتاجين لرعايه ابويه
عشان كدة عندنا مش عيب خالص ان الست تتزوج بعد وفاة زوجها
اما المطلقات بصراحه عمري ما سمعت عن حاله طلاق لا من قريب ولا من بعيد
لانهم مابيلحقو يتخاصمو لا يتطلقو هو يتزوج من هنا يموت من هنا


في عندنا حاله ثانيه يمكن تكون غريبه لكنها دارجه جدا جدا بين الاكراد
انت تعرفين ان اكراد العراق يمثلون تقريبا 20% من سكان العراق
وهم متواجدين بكثرة في بغداد اضافه الى مكانهم الاصلي شمال العراق
ومن عادات الاكراد لو الرجل او الست ماتت زوجته او زوجها يتزوجز على طول حتى لو كان عمرهم 60 سنه
يعني تلاقي عجوز عندها 60 سنه عروسه وعريسها برضه تلاقيه عندة 70 سنه

بجد دي حاله طبيعيه جدا جدا هنا عندنا
اذن بالنسبه لي لا اتصور ان العمر ممكن يكون محدد للزواج

ربنا يكون في عونكم يا حبيبتي
وانا شايفة ان اللي بيحصل ده صح
ايه يعني لما واحدة عندها 60 سنة تتجوز
ماقولناش هاتعمل فرح وهيصة ومعازيم
وماقولناش كمان هاتتجوز واحد اصغر منها
ايه المشكلة يعني

[عتاب]

المشاركة الأصلية بواسطة فارس اصيل

ان قلت لزوجتى ان توفيت من قبل منكى تزوجى

انما هى مانعت ولا اعرف السبب الحقيقى
وان حدث هذا لامى كنت اشجعها على الزواج
لان هذا حق لكل من تتاح له ظروفه ان يتزوج
فلا يحل لاى شخص ان يحجب حياه الاخرين بالقيود الاجتماعيه
ارى ان اتيحت للمراه ان تتزوج بعد ان تطلق او يموت زوجها

وهكذا الرجل

احييك على تفكيرك ده
ياريت المجتمع كده يفكر كده
اكيد كان هايبقى حالنا افضل
ياما المجتمع بيجني على ناس مالهومش ذنب انما القدر وضعهم في الظروف دي

[عتاب]

المشاركة الأصلية بواسطة amr_miza1

هو الاوبشن دا مش موجود فى أسرتنا الحمد لله

لكن مفيش اى مانع اعتقد ,, هو مش حاجة عيب , المهم يسدو جو الاحترام بين أفراد الأسرة سواء بها عنصر جديد او مش فيها عنصر جديد ..

موضوع مهم يا عتاب

حلوة الاوبشن دي
معاك ياعمرو في رأيك ده
لك ياترى فيه سن معين تقول بعدها لا كده ماينفعش جواز والا عادي اي سن
وياترى هايكونلك رأي في الاختيار والا لا

[عتاب]

المشاركة الأصلية بواسطة زهره مصر

اهلا عتاب
لا طبعا هدخل يعني اوافق وخلاص
لزم اتقبل الشخص التاني واكون مقتنعه بيه
استحاله اوافق وخلاص ممكن تكون انانيه مني
بس لزم احس ان الشخص يستاهل المكانه اللي هيتحط فيها
فا لا مش هوافق اي كان الاختيار

معاكي ان من حقك التدخل
لانه شخص هايعيش معاكي
بس ياترى هانفتكر كده لما نيجي نتجوز
هانفتكر ان اهلنا برده من حقهم الاعتراض على اختياراتنا
بس الفرق اننا ممكن نعترض على اختياراتهم بس في النهاية الامر ليهم هما
بس قوليلي
هاتعترضي عشان دمها تقيل او دمه تقيل والا الاعترض هايكون له اسباب قوية وبس

[فراق84]

موضوع مهم فعلا اختي عتاب
يمكن رايي فيه ظلم للطرفين
انا لا اوافق ابدا الا بظروف معينة
ان كان الاولاد فعلا كبرو ومش بحاجة ماسة للام او الاب فلا يوجد هناك اي شروط ولا مانع للزواج
اما ان كان الاطفال صغار السن..فاعتقد انو لازم ياخدو بايدهم لاول طريق الاعتماد على النفس
لاني باغلب الحالات اللي شفتها
دايما بعد الزواج الثاني الاولاد ببتشرد او نفسيتهم بتتغير
اعرف انو رايي فيه من الانانية والظلم شيء كبير
ولكن ما ذنب الاطفال يتحرمو من اللي توفى ومن اللي تزوج
لانو مش دايما العنصر الجديد يتقبل الاطفال
ولكن ان قدر لهما الزواج فلا احد يستطيع منعهما اكيد وما حدش بيلومهم
وراي اي حد مش مهم في هذه الحالة
ياريت تكوني فهمتي قصدي
فراق

[عتاب]

اهلا فراق
عجبني في رأيك انه مفيش اهتمام بكلام الناس
يعني الاغلبية ممكن يقولوا يتجوزوا وهما صغيرين اه
لكن وهما كبار لا .. عشان كلام الناس يعني
بس المشكلة يافراق اننا كده بنطلب منهم يضيعوا احلى سنين عمرهم
ويمكن بعدها يكون القطر فاتهم فعلا ومايعرفوش يتجوزوا
هي مشكلة اجتماعية انا بصراحة مش عارفالها حل الا حسن الاختيار والتدقيق والتروي في اختيار الشخص الغريب اللي هايعيش مع الاولاد

[فارس اصيل]

يا جماعه كل واحد مننا له تكوين داخلى مختلف عن الاخر
اعرف قصه بصراحه تزعل

ارمله عندها 36 سنه غصب عليها اهلها الا تتزوج وتتفرغ لتربيه ابنائها
هذه المراه فى تكوينها تحتاج الى رجل فى حياتها
مش معقول حاتقف على كوبرى 6 اكتوبر وتصرح للناس بهذا الامر(انها تحتاج لرجل فى حياتها)
ومع الضغط المستمر على هذه الارمله
للاسف انحرفت مع احط الشخصيات المقربه لاهلها
لان اهلها حرموا عيها الاتتزوج
فإن من الواجب أيضا أن يتقي الله أولئك الأولياء الذين عندهم بنات يمنعونهن من الزواج إلا بمن يشاءون لا بمن يخترنه هؤلاء النساء فاتقوا الله عباد الله اتقوا الله تعالى فيمن ولاكم الله عليه من النساء لأن هذه الولاية أمانة حملكم الله إياها وسوف يسألكم عنها يوم القيامة أيها الأولياء أدوا الأمانة في هؤلاء النساء لا تتحكموا في مصيرهن ومستقبلهن لا تجعلوهن بينكم بمنزلة السلع

[عتاب]

جزاك الله خيرا على كلامك يا فارس
بالفعل فيه تحكمات كتير من الاهل ممكن تمنع الزواج التاني للمرأة
ده غير نظرة المجتمع والعادات والتقاليد
طيب فين الدين من كل ده ؟
امهات المؤمنين اغلبهم كانوا متزوجات قبل الرسول صلى الله عليه وسلم
وديننا لم يمنع المرأة من الزواج بعد الطلاق او موت الزوج كما لم يمنع الزوج
يبقى احنا نحرم ونجرم ما شرعه الله !!
حتى و لو كان صعب على نفوسنا وعاطفتنا تجاه والدينا بس الاهم احنا والا كلام ربنا !!

[وائل المصري]

اولا

حاشي لله ان نحرم الحلال او نمنع ما امر به الله عز وجل

لكن

سيدتي انا من رواد هذه المشكله توفي والدي وامي لديها ان ذاك حوالي 34 عام فقط ولم تتزوج حتي الان منذ اكثر من 15 عام تقريبا

لكن

لو كنا وضعنا في تخيلنا ان شخص اخر سيحل محل والدنا متهيلي لن نكون سنقبل بهذا الوضع

برغم ايماني الشديد بانها حلال ومن الاشياء المحلله للزجه وبرغم ذلك وعلي راي المثل

( الي ايده في الميه مش زي الي ايده في النار).
مش كدا ولا ايه

تحياتي

وائل المصري

[aamin]

اختي الكريمة عتاب

لكل حالة وضعها الخاص وظروفها

احيانا يكون الاطفال صغار ويحتاجون

لتواجد امهم بجانبهم ورعايتها لهم

والا ضاعوا .. واجب على الام ان تفكر

في مصلحة ابنائها وتضحي لاجلهم

لكن لو الظروف سمحت يكون خير

ومن حقها الزواج والعيش بسعادة

ونيل حاجاتها بطرق شرعية .

ولم يكن السن عائق في الزواج

فالقلوب المحبة لا تشيخ ..

وانما هي شباب وشباب ..

شكرا لالك سيدتي على

هذا الطرح المفيد ..

احترامي .

aamin