قوانين نهب المصريين !!

[كتائب الاقصى]

وافق مجلس الشعب علي مشروع قانون الضريبة العقارية دون ان يدخل عليه أي تعديل ليؤكد للجميع بمالايدع مجالا للشك انه مجلس سلخ الشعب بقوانين ظالمة تصدر في سويعات وتستهدف جيوب المصريين الخاوية اصلا واجسادهم التي تكتوي بنار الاسعار !!
هل يعقل ان يتم اقرار مشروع قانون بهذه الاهمية ضمن عدة قوانين اخري في جلسة واحدة دون ان ياخذ حقه من المناقشة ودون ان يتم ادخال اية تعديلات عليه رغم مايحمله من اثقال واعباء لاقبل لفقراء مصر وما اكثرهم بها . لقد كان مجلس الشوري اكثر رحمة حيث قضي المشروع في لجانه شهورا ورغم ماادخلته اللجان من تعديلات عليه الا ان المجلس في جلسته العامة رفض المشروع واعاده الي الحكومة لتعديله مما اجبر الحكومة علي ادخال تعديلات جوهرية عليه حيث تم رفع حد الاعفاء 10 أضعاف من 600 جنيه فقط من القيمة الايجارية سنويا الي 6000 ألاف جنيه كما تم توسيع مظلة الاعفاء للمباني العامة لتشمل مباني الجمعيات الخيرية والاحزاب .واحال مجلس الشوري المشروع بعد عدة اشهر الي مجلس الشعب الذي يفترض انه ضلع البرلمان الاكبر..والممثل الاول للشعب باعتبار ان معظم او كل اعضائه منتخبون الا نفرا قليلا .. لكن الاخير اثبت انه مجلس حكومي مهمته الاساسية وضع بصمة " موافقة " ليس الا .. في تجسيد حي لما يوصف به من قبل معظم الكتاب والصحفيين انه مجلس التصفيق وسلق القوانين !! انني اذ اشفق علي نواب المعارضة والمستقلين بمجلس الشعب الذين تذهب اعتراضاتهم وصرخاتهم ادراج الرياح وسط سيطرة نواب الوطني علي الاغلبية .. احيي مجلس الشوري رئيسا واعضاء علي الاداء الرائع خلال الدورة البرلمانية الحالية . لقد نجح صفوت الشريف رئيس مجلس الشوري بدعم دستوري في تحويل المجلس من مجرد كيان استشاري اشبه بالمجالس القومية المتخصصة الي برلمان حقيقي يضم نخبة من خيرة ابناء مصر يقومون بدورهم البرلماني علي اكمل وجه .. من خلال منافشة المشروعات المقدمة من الحكومة ودراستها دراسة مستفيضة وادخال التعديلات اللازمة عليها بل ورفضها احيانا رغم ان عددا كبيرا من اعضاء المجلس من المعينين بقرار جمهوري !! لقد نجح الشريف في سحب البساط من تحت اقدام د.فتحي سرور ومجلس سلق القوانين الذي يرأسه .. واذا استمر الحال علي نفس المنوال سوف يأتي يوم يطالب فيه الجميع باغلاق مجلس الشعب بالضبة والمفتاح والاكتفاء بمجلس الشوري الذي لاتلمح فيه مناورات والاعيب حزبية وانما عمل جماعي من ممثلي التيارات السياسية المختلفة من اجل صالح الوطن والمواطن . تحية لصفوت الشريف وزملائه اعضاء الشوري من الخبراء واللوردات الاجلاء والف حسرة علي ماوصل اليه مجلس الشعب – الأمة سابقا – من ضعف واستسلام لرغبات الحكومة والحزب الوطني- القاتل- عفوا .. الحاكم الي الابد !!

[hend]

سلسلة القوانين الجديده اوضحت بما لا يدع مجال للشك ان العمليه اكبر من مجرد سرقه او نصبايه
وانما هى عملية ومخطط منظم لتدمير مصر وفى اسرع وقت ممكن
فالامر ليس مجرد قانون عقارات او حتى قانون طفل وانما هو سلخ وتدمير لكل شىء قيم واخلاقيات كان او ماديات

[keener]

منتظرين إيه من مجلس مزور أساسا .... مجلس لا ليه دعوة بالشعب ولا بإرادته وطلباته و أي حاجة عايزها الشعب يتعمل عكسها
دا مجلس لتدمير مصر و شعبها ماديا و معنويا بإسم الشعب !!!
المفروض يغيروا اسمه لأن (الشعب) برئ منه
تحيا مصر بلد الحرية و الديموقراطية

[AFNDiNA]

طبعا كل مصرى بيفهم عارف التوأمه الصريحه والعلنيه بين الحكومه والمجلس الموقر من ناحيه ومن ناحيه تانيه التوأمه بين المجلس ورجال الاعمال

حكومه احمد نظيف خلاص ركبت ودلدلت رجليها كمان وما بقاش هاممها اعتراضات النواب المعارضيين ولا اعتراضات معظم الشعب المصرى على الاداء الفاشل للحكومه المصريه وانا فعلا مع الرأى الى بيقول ان المجلس الحالى مجلس مش مطلوب منه غير انه يرفع ايده لما سرور او احمد عز يطلب منهم ده والاعضاء الموقريين يتحسدوا على نباهتهم المفرطه لدرجه انهم بقوا بيفهموا احمد عز بالنظره بس ...... يا ترى ايه المقابل ؟؟؟؟!!!!

[Tears in Smile]

يا جماعة عفوا يعنى بالنسبة لقانون الضرايب العقارية من وجهة نظري ان دة قد يكون الحسنةالوحيدة او شبه الحسنة الوحيدة اللى انجزتها حكومة (مصر بتتقدم بينا )
بكل بساطة اسمعوا اسعار الإيجارات دلواتى بس علشان تعرفوا الناس دى عندها حق و للا ماعندهاش حق لما تنزل المهندسين و تلاقي شقة ايجارها في الليله الواحدة ما يعادل 600 جنية مصري و أحيانا بتوصل 900 و 1000 كمان فى بعض الشوارع في المهندسين اعتقد مش من العدل ان واحد بياخد فى الشهر بس دة لو حب يأجر شقته فى الشهر الواحد مفروش بمبلغ يعادل 30 الف جنية مصري
تانى حاجة نبص على قيمة الضرايب العقارية و ازاى بتتحسب أولا القيمة بتتسحب من قيمة الايجار و من قيمة العقار و القانون بالنسبة للعقارات اللى بتبتدي اسعارها من فوق ال250 الف جنيه و اعتقد دلواتى ان مافيش محدود دخل أو واحد ظروفة مش مساعداه يكون تمن شقته او ساكن في مكان تمنه 250 الف جنيه يعنى القانون بعيد تماما عن محدودى الدخل
تالت حاجه و دى نقطة مهمة لما يكن واحد ساكن في شقة تمنها تلاتة مليون جنيه دة لانها فى شارع مكرم عبيد فى القاهرة و لما الحكومة تطلب منه ضرايب عقارية ماعتقدش دى حاجة تضايق او حاجة تزعل
لانه من المستحيل ان متخذى القرارات منيلين بستين نيلة على طول الخط و احنا تمانين مليون مظلوم على طول الخط برضة ...

الحاجة المهمة الأخيرة يعنى ان ضرايب العقارات الجديدة هاتساعد كتير جدا فى تحجيم عملية ارتفع اسعار المباني لانه بكل بساطة كل ما السعر بيزيد كل ما الضرايب بتزيد يعنى الافضل انى احافظ على ثبات الاسعار لفترة على الاقل محدودة لحد ما يتهد اللى ربنا يهده و بيغلي الحديد على الناس و يثبت اسعارة شوية هو كمان على الاقل علشان الل عايز يبني يعرف يبني ...و بالتالي اسعار الايجارات هاتقل معاها لان كل ما بيزيد الايجار كل ما بيزيد الضريبة ...

اعتقد انه من الافضل كفاية نقل اخبار و من الافضل اننا نحاول و لو بمجرد الكلمة تغيير الواقع اللى حولينا من سلوك كل يوم بينحدر لأسواء أسواء المستويات لدرجة اننا ماحصلناش دلواتى سلوكيات تشاد او نيجيريا اللى كل يوم عندهم كوارث و بلاوي ربنا راحمنا منها و افضل شيء اننا نفكر كويس جدا اننا ضعاف جدا ادام اى كارثة و دايما بنلجأ لربنا فمن باب اولي اننا نحاول تحسين سلوكيات الناس و لو على الاقل انك تكون قدوة ليهم فى سلوك كويس انت ممكن تعمله و ساعتها الجزاء و الأجر هايكون فى الدنيا و الاخرة