ياترى هاشوفك تانى ..؟

[مستر كاراتيه]

بحبك والله العظيم .. مهما كنت ساعات كتير سلبى معايا ...

مهما كتير حاجات فى حياتى حصلت مكنتش مستنيها منك

مش عارف اقولك ايه .. يمكن دخلت اكتب هنا علشان مش قادر اقولك الكلام ده بنفسى

انت بكره مسافر هاتروح الحرم .. بس يا ترى راجع تانى .. ولا زى مابتقولى مش هاشوفك تانى

اوعى مترجعش ..ربنا يشفيك ..بدعيلك فى صلاتى وفى كل خطوه بخطيها ربنا يشفيك

وربنا يقويك على مناسك العمره .. بس إرجع الله يخليك

هاتدعيلى فى الطياره .. هاتدعيلى فى الكعبه .. هاتدعيلى فى المسجد النبوى انا عارف من غير ما تقول .. بس اوعى تنسى تخلى بالك من نفسك

نفسى أقدر اقولك كلام كتير بس للأسف اتعلمت منكم انى أسكت ..

والدى العزيز ..:


ان شاء الله ترجع بالسلامه

ان شاء الله تكون أقوى من المرض فى سفرك

ربنا يرجعك لينا بالسلامه

.... لا اله الا الله

[فراق84]

ان شاء الله يرجع بالسلامة
واكيد كل الكلام دا هو عارفو
حتى لو ما قلتو بنفسك
ربنا يحميه
ويرجعو بالسلامة
ويطول بعمرو
اختك فراق

[plestine fille]

الله يرجعلك ياه بالسلامة وهو اكيد رح يدعيلك وانا متاكدة انه بحبك زي ما انت بتحبه واكتر يمكن بس طول بالك والله يشفيلك ياه

[وردة النيل]

ربنا يشفيه

واكيد هو بيحبك زي ما بتحبو

وربنا يرجعو بالسلامة يارب

تقبل مروري

[محمد كمال على]

بأذن الله تتطمئن عليه
ويقوم بالسلامه
دعواتنا كلنا له بالشفاء

[Dr.Hammood]

ان شاء الله يرجع ب الف سلامه

[نسيم الورد]

ان شاء الله يرجع بالسلامة

وربنا يشفية

واكيد هوة حاسس بكل الكلام اللى انت عايز تقولة فمتعملش كدة فى نفسك

وادعيلة

واكيد ربنا هيشفية ان شاء الله

ربنا معاك

[لقاء]

بسم الله الرحمن الرحيم

السلام عليكم


ربنا يشفيه يارب ...

و يروح ويرجع بألف سلامة ...

هو حاسس بكل كلمة عايز تقولها ...

ربنا معاه في كل خطوة يارب ...

و هون عليك يا أحمد ...


تحياتي ...

دمت بود ..

[قمر السعوديه]

الله يرجعه لك بالسلامه

واكيد هو فخور انه عنده ولد زيك وانت يامستر تستاهل كل خير ..

الله يخليكم لبعض

[مجرد شعووور]

الف مليون سلامة ليه
وان شاء الله يرجع بالف سلامة
وتتطمن عليه

وتقدر ساعتها تقوله احلى كلام

عارف قد مالواحد بيزعل مع اهله لو حس ان في اي حاجة ممكن تاذيهم
بيبقى هيتجنن عليهم ويتمنى لو كان مكانهم علشان مش يتالمو

ربنا يخليه ليك
ويحفظك ليه وتقدر تسعده دايما

وعمرة مبروكة ان شاء الله
وعقبال ماتزور انت كمان الحرم وتدعيلنا

تحياتي ليك

[مستر كاراتيه]

شكرا ليكم بجد على وجودكم معايا ... الحمد لله إخواتى لسه هنا وبينكم انا

[مستر كاراتيه]

أول يوم فى سفرك ... ولا إتصلت طمنتنا بوصولك .. ميعاد وصول الطياره كان من 12 ساعه

ياترى فى ايه .. خير ان شاء الله .. ربنا يستر ..

[وردة النيل]

متالقش يا مستر

هو في معية الرحمن

ربنا يحفظو ويرجعو بالسلامة يارب

[love_baby]

اهلا يا احمد
ان شاء الله باباك هيروح وهيرجعلك بالسلامه باذن الله
وان شاء الله ربنا هيشفيه ويعافيه
يارب تقبل من والد احمد عمرته
يارب رده اليهم معافا سالما بخير يارب
وان شاء الله ربنا هيطمنكم عليه

ربنا يخليهولك يا احمد

تحيااااتى...
خديجة...

[مستر كاراتيه]

انا بجد مش عارف أشكركم ازاى ... على دعواتكم و كل كلمه اتقالت من قلوبكم


.....

الحمد لله والدى رجع بالسلامه الحمد لله انا بجد مبسوووووووووووووط جداااااااااااااااااااااا

الحمد لله
..