كلمة صعبة اوي

[فراق84]

هي الدنيا كدة
قلابة!!
نتقابل
ونتعرف
ونعز بعض
ونحب كتير ناس
ويجي يوم بعديها
نفترق ....غصبن عننا
نبعد ..بدون ارادة
ولا حتى نقدر نقول لأ
ولا نعترض
ونفضل ندور على اللي تركناه بعدينا او تركنا بعديه
وما نلاقيهوش
لانه بقى سراب
وكأنو حلم جميل
ما كملش
ونبدا نكزب نفسنا
انو ما اعرفنهومش
عشان نخفف وجعنا
ونبدا صفحة جديدة
ونرجع لنفس الدوامة!!!

وما نتعلمش
ونتعرف
ونتقابل
ونفترق
تاني
وتالت
ومليون مرة

ونتمنى ياريت ما شفنا حد
ولا اعرفنا حد

ربنا ما يجيب لحد فراق
كلمة صعبة اوي
الحمد لله على كل شيء



مجرد فضفضة
اختكم فراق

[قمر الليل]

كلمات فيها حزن جامد جدا

واول مره اشوفك كده حزينه

اول مره نشوف فراق كده هو

زعلتنى اوى

[teto_g14]

هى دى الايام يا فراق

احنا الى بنعمل كده

وبنعيش فى عذاب

اصعب شى فى الدنيا الفراق

شكر جدا يا فراق

دمت با الود

[moon 83]

عندك كل الحق
وزي ما بيقولوا
عاشر يا ابن آدم علي اد ما تعاشر مسيرك تفارق
وهو ده حال الدنيا بنعرف ناس ويفارقونا
وناس تموت وناس بتتولد
دوام الحال من المحال
والدنيا لا تسير علي وتيرة واحدة
لازم يكون فيه الحزن والسعادة
لازم نجرب الاتنين
ما فيش حد بياخد كل حاجة
واللي بيدور علي انه ياخد كل حاجة بيخسر كل حاجة
ربنا يريح قلبك ويطمن بالك
ويجعلك دايما راضية بقضائه
دمت كما تحبين

[وردة النيل]

لازم يا قلبي الدنيا يكون فيها فراق

لان لكل انسان حياته

كل واحد بيبعد علشان يشوف حياته ومصالحه

ومش معناة كدا

ان الناس دي حتنساكي

او تنساكي معزتك عندهم

لا

حتفضلي

انت زي ما انت عندهم

غالية

جوهرة

اسمك محفور في قلوبهم

وذكرياتهم معك معفورة في ارواحهم

ادعلهم ديما بالتوفيق

تقبلي مروري

[نيهال]

ما اصعب فراق من عرفنا

وما اصعب فراق من اعتقدنا ايام وليالى باننا نعرفهم حق المعرفه


للاسف بعرف احساسك يا فراق..بس قرات جمله كتبها ترو من قبل

فمعناها لا يزال معى دوما

لا يوجد هناك من يستحق دموعى.لان من يستحقونها لن يجعلوننى ابكى

فلن اطلب منك عدم البكاء لان الامر بيكون صعب ومؤلم جدا
ولكن اطلب منك الدعاء بان ربنا يهون عليكى الفراق .........

حبيبتى..ربنا يهون عليكى وعلينا جميعا

يا ريت تطمنينى عليكى

دمتى بكل الود اختى

[ahmed643]

الفراق كلمه لها واقعها المؤلم على الطرفين كلمه كالصاعقه ولكن هيل يمكن تفادى هذا الفراق

فى امور كثيره لا يمكن تجنبها وبيكون الفراق ضرورى ولا بديل عنه

المهم اننا زى ما اتقبلنا واتعرفنا بالحب والصدق والطيبه اننا بعد بنفس هذه الصفات الجميله

لان مفيش حاجه بتدوم الى الذكرى الحلوه والسيره العطره

(((((((((( تصبح زكريات مجرد ذكريات مجرد غنوه حلوه من ضممن الاغنيات )))))))))))

عن تجربه

[مجرد شعووور]

ياه يافراق
جيتي على الجرح

جرح الفراق الي ياما قطع في قلبي وقلوب ناس كتير
قدرتي بالظبط توصفي الحالة الي بنكون فيها

وفعلا اسوا حاجة اننا مابنتعلمش
بس يمكن مابنتعلمش علشان دا طبع الانسان يالف ويؤلف
لازم نتعامل مع الناس ونحبهم ونتعلق بيهم

وبردو الحياة مش ثابتة لازم نتفرق
المشكلة ان في ناس بتبقى حساسة للمسالة دي اكتر من غيرهم
زيك وزيي كمان لاننا شفنا فراق كتير قوي في حياتنا لغاية مازهقنا
وبقينا متوقعين ان اي حد نقابله ونحبه اكيد هنفارقه

بقت كلمة فراق دي بتعملي قشعرة في جسمي
يارب مايكتب علينا فراق تاني عشان بجد تعبت

معليش يافراق طولت
بس بما انها فضفضة قلت اطلع الي جوايا

ربنا يسعدك ويحلي ايامك ومايجيب فراق تاني ابدا

تحياتي ليكي
ياقمر

[يارايارا]

الفراق بقي شي اساسي في حياتنا نقابل ناس ونفارق ناس الفراق صعب وبالاخص لما تكون اللي بتفترق عنع اعز عنك من حياتك

[طائر ليل حزين]

عزيزتي فراق هي الدنيا كده نتقابل ونتفارق بس بنقابل ناس عمرنا ما ننساهم وممكن يكون الفراق كلمة معدومه بينا وفي ناس لازم نفارقهم ونتمنى اننا منقبلهمش ودول ما نزعل يوم عليهم ولا نبكي وتنزل دمعه عليهم فراق نصيحة اوعي تندمي فيوم على ناس فقوكي واوعي فيوم تسيبي ناس حبوكي

اخوكي طائر الليل الحزين

[aamin]

لحظات فراق قاتلة ؟؟؟


سارا صامتين فوق ممر حجري

تظلله اشجار باسقة وجدول يسير

همسات نسائم تداعب احزانهما

لم ينطقا ولا ابتسما او فرحا

سكن الصمت الا من انفاسهما

ودموع تبرق بثورة البركان

اختلسا نظرات وانفجرا بكاءا

ارتميا في غيبوبة الاحزان

ضعت وضاع الامل وانهار المكان

ونشيج يعلوا ويهبط من انفاسهما

وحسرات ولوعة وفقدان الامان

ليتنا لم نعش سعادة قبل الاوان

فمن يطيق فراقا مفاجئا قاتلا

وهل الموت الا خاتمة الاحزان؟؟؟


aamin

[روما الشعنونة]

فراق كانك بتقولي الي جوايا
انا بجد حزينة جدااااااااااااا
وحاسة دلوقتي بالفراق
حاسة اني فارقت حد كنت بحبه اوي بس مش عارفة لية
ومش عارفة مين السبب
ومش انا كنت صح ولا غلط
ومش عارف ليةدةحصل مش عارفة حاجة خالص

[وائل المصري]

هكذا الحياه بين ابتسامه واه
لكن
هناك اشياء كثيره جميله في هذه الحياه ومن احلي الاشياء كلمات فراق
بالفعل كلمات جميله جدا ورائعه
وكما اقول
من خرج من القلب دخل الي صميم صميم القلب
مع تحياتي
اخوكي بالاسلام
وائل المصري

[مستر كاراتيه]

طيب ليه مش تكونى أقوى من الدنيا والأيام ..؟

.. وتخلى حياتك بدون فراق

...

[فارس اصيل]

إن هذه الدنيا لاتخلو من الأكدار ولا تصفو لأحدا أبدا ..ماهى إلا دار امتحان وابتلاء

ماسرت إلا وأحزنت ..وما أضحكت إلا وأبكت ..وما وسعت إلا وضيقت

قال الله تعالى

( لقد خلقنا الإنسان في كبد ) فهي لاتستقر على حال

وقال جل في علاه { وَلَنَبْلُوَنَّكُمْ حَتَّى نَعْلَمَ الْمُجَاهِدِينَ مِنكُمْ وَالصَّابِرِينَ وَنَبْلُوَ أَخْبَارَكُمْ } محمد31

إذ الابتلاء سنة إلهية من الله عز وجل سنة جارية ..ماضية

ولنا في رسلنا الكرام أسوة حسنة فلقد ابتلى جميع الأنبياء وابتلى خير البشرية أعظم بلاء

فما كان منهم عليهم صلوات ربي وسلامه إلا أن صبروا واحتسبوا أجرهم عند الله

فمهما كانت مصيبتنا كبيرة وبلائنا عظيم فإن أشد بلاء الأنبياء ثم الذين يلونهم ثم الذين يلونهم