احزروا التعارف اكثر من اللازم

[al_copraa]

نعم تعرف كما شئت على اى حد بالمنتدى ولكن احزر ان تتعرف عليه اكثر من اللازم
لقد تعرفت فى احد المنتديات الاخرى التى اشارك بها على انسانه محترمه جدا جدا وبدأ تعارفنا محترما للغايه ومازال والحمد لله
ولكن المشكله اننى بدأت اشعر انى معجب بيها ازيد من اللازم على الرغم من اننا منذ بدايه التعارف اتفقنا اننا اخوات فقط واعرف ان الاخوه هى من افضل العلاقات الانسانيه على الاطلاق ولكن
صدقونى غصب عنى كل يوم يمر انتظرها واحسست اننى ادخل المنتدى والنت عموما من اجلها هى
وهى لم تعرف ذلك ولن تعرف طبعا احب احب تظل علاقه الاخوه هى التى تربطنا واحاول جاهدا ان اعتبرها كذلك ولكن لا استطيع
من له رأى فى هذا الموضوع فليتفضل بالمشاركه

[sama0]

دا احساس عادى جدا وممكن تحسه تجاه كثير من الافراد اللى انت ممكن ترتحلهم بس صدقنى مع زوال المؤثر بيزول الاثر (طبقا لقوانين الفيزياء)

انت بس متحطش فى دماغك انك داخل بس عشانها او حتى متدخلش فتره كدا النت وهتلاقة نفسك نسيتها خالص وياريت متتكلموش فى المشاعر والاحاسيس حتى لو كانت اخويه دا بيصعب الموضوع اكتر

تقبل مرورى

[al_copraa]

سما
ميرسى جدا على المشاركه وعلى رأى حضرتك المفيد بجد

[وردة النيل]

دي مشاعر عادية جدا

الانسان ممكن جدا يعجب باي حد

وكمان متنساش حضرتك انك بتكلمها

بصفة دورية

يعني في تعود على شئ معين

وهو التحدث اليها

فاذا فقده من حياتك شعرت بشئ ناقص

لكن مع مرور الايام حتنسى

لذلك يفضل دايما

انك متنساش انكم مجرد اخوات فقط

تقبل مروري

[عتاب]

للاسف المشكلة دي هي نتيجة طبيعية للي بيحصل
يبدأ التعارف عادي في المنتدى من خلال المواضيع
تعجبنا طريقة فلان وفلانة و .... واكتر من شخص
يبدأ الشيطان لعبته
البنت يعجبها طريقة شاب فتتعرف عليه او العكس
المهم انها ممكن تكون معجبة ببنت زيها وماتعبرهاش
المهم يتعرفوا ويتكلموا على الايميل ويتفقوا احنا هانبقى اخوات !!
اخوات ازاي يعني هو انتوا متحرمين على بعض؟؟ محارم لبعض ؟
طبعا اي حد بتكلمه كتير لازم تتعلق بيه والاخوة تتقلب حب او يتهيالك كده
طيب ما كان من الاول نتبع تعاليم ديننا ونبعد عن مداخل الشيطان وكفايا اوي اعجاب المنتدى داخل المواضيع
الا لو كان في نيتك الارتباط الرسمي وبرده ساعتها مش هاتتكلموا على الايميل كاخوات
انما هاتحاول توصل لمعلومات عنها وتعرف رأيها اذا كانت تقبل انك تتقدملها او لا
اذا وافقت تدخل البيت من بابه واذا رفضت يبقى الموضوع انتهى

نصيحتي ابعد فترة
اذا فعلا بتحبها يبقى تتقدملها رسمي
اما اذا كان مجرد انجذاب وتعود يبقى الموضوع منتهي وكل واحد يروح لحاله

[abc]

شكرا جزيلا أخي أبو جنة -مش كده برضه و لا أنا غلطان -

كلامك صح 100% ...

و اسأل واحد اتنيل و جرب و ما تسألش "دَكتور"

المشكلة إن الواحد غالبا بيعرف الصح لكن متأخر جدا ...

تحيتي لك

[نيهال]

حقولك حاجه صغيره لانك تعلم جيدا فين الصح وفين الخطا
حاول تبعد شويه وشوف حيحصل ايه.......حاول وقولى النتيجه

ابعد اسبوع......كان الماسنجر او مكان كلامكم محتاج صيانه وانسى خالص الرسائل الخاصه
وشوف تاثير ده بيكون ايه

الخطوه اكيد صعبه لكن خد قرار وابدا

واخيرا
ربنا يهون عليك امورك

[al_copraa]

المشاركة الأصلية بواسطة وردة النيل

دي مشاعر عادية جدا

الانسان ممكن جدا يعجب باي حد

وكمان متنساش حضرتك انك بتكلمها

بصفة دورية

يعني في تعود على شئ معين

وهو التحدث اليها

فاذا فقده من حياتك شعرت بشئ ناقص

لكن مع مرور الايام حتنسى

لذلك يفضل دايما

انك متنساش انكم مجرد اخوات فقط

تقبل مروري

شكرا ورده على كلام ومشاركت وانا الحمد لله بدأت فعلا اتراجع واعيد حساباتى
شكرا لكى

[al_copraa]

نصيحتي ابعد فترة
اذا فعلا بتحبها يبقى تتقدملها رسمي
اما اذا كان مجرد انجذاب وتعود يبقى الموضوع منتهي وكل واحد يروح لحاله
[/quote]

كل كلامك صح ولكن
اولا انا متزوج
ثانيا انا لم اقل انى احبها .. فقط مجرد اعجاب ولكنه ازيد من اللازم .. ما علينا
ثالثا انا بدأت فعلا فى مراجعه نفسى واحكمت ارادتى تجاهها
اخيرا شكرا على تشريفك الموضوع ومساهمتك فيه

[al_copraa]

المشاركة الأصلية بواسطة abc

شكرا جزيلا أخي أبو جنة -مش كده برضه و لا أنا غلطان -

كلامك صح 100% ...

و اسأل واحد اتنيل و جرب و ما تسألش "دَكتور"

المشكلة إن الواحد غالبا بيعرف الصح لكن متأخر جدا ...

تحيتي لك

لا يا صاحبى انا فعلا ابو جنه وانا مش متعود اكدب
ومتشكر على التشريد
ههههههههههههههههه

[al_copraa]

المشاركة الأصلية بواسطة نيهال

حقولك حاجه صغيره لانك تعلم جيدا فين الصح وفين الخطا
حاول تبعد شويه وشوف حيحصل ايه.......حاول وقولى النتيجه

ابعد اسبوع......كان الماسنجر او مكان كلامكم محتاج صيانه وانسى خالص الرسائل الخاصه
وشوف تاثير ده بيكون ايه

الخطوه اكيد صعبه لكن خد قرار وابدا

واخيرا
ربنا يهون عليك امورك

ميرسى جدا لذوقك وانا فعلا بافكر ابعد خالص

[abc]

المشاركة الأصلية بواسطة al_copraa

لا يا صاحبى انا فعلا ابو جنه وانا مش متعود اكدب
ومتشكر على التشريد
ههههههههههههههههه

لا لا لا يا أبو جنة ...

أنا مش قاصد أشردك انت لا سمح الله

يا عزيزي كلنا "اتشردنا" ..
أنا أقصد واحد تاني أعرفه ,,, اتشرد هو كمان ...
بس الحمد لله ربنا هداه و إن شاء الله يلاقي له "متوى" و يسيبه من التشرد ده

[al_copraa]

المشاركة الأصلية بواسطة abc

لا لا لا يا أبو جنة ...

أنا مش قاصد أشردك انت لا سمح الله

يا عزيزي كلنا "اتشردنا" ..
أنا أقصد واحد تاني أعرفه ,,, اتشرد هو كمان ...
بس الحمد لله ربنا هداه و إن شاء الله يلاقي له "متوى" و يسيبه من التشرد ده

والله يا صاحبى انا مش فاهم حاجه
انما باين كده ان الموضوع كبير