امسك نفسك ... إوعى تبص !!!

[abc]

بسم الله الرحمن الرحيم

...
...
...

في مكان ما من العالم :

واد يا "أ" .. واد يا "ب" .. تعالوا جربوا "الزغروف" ده ... ده متعمر و جامد طحن !!!!

تعالى ياد منك له , ما تبقوش "نايتي" كده ....

و في مكان آخر ... من العالم برضه :

هاي يا "أ" , هاي يا "ب" , ايه ؟؟ ماحضرتوش الـ"session" ليه ؟؟
طب حيث كده .. تعالوا أفرجكم على حاجة على الموبايل .. إنما ايه ؟؟ ... روكس =(rocks) .. هوت قوي !!!


و في مكان تالت -ما تخلصنا بقى يا عم - :

شوف حضرتك يا أستاذ "أ" و يا أستاذ "ب" , فيه مناظرة مع أعضاء من جماعة "الاشتغالات و الفطشة" النهاردة ..
ياريت تحضروا ... و خليكوا منفتحين على الرأي الآخر , و ما تاخدوش فكرة مسبقة إنهم غلط علشان جذورهم كانوا غلط ... be open minded


خلاص ما تزعلوش , فيه أماكن تانية من العالم بس مش هنروحها .. ابقى اتفرج على عالم الحيوان و انت تزور العالم كله أمام " شاشات التلفزة "

تعالى بقى نشوف ايه اللي حصل لكل من الأسطى "أ" , و المعلم "ب" ...

بفرض إن "أ" ... خد له نفسين , أو بص بصة جريئة , أو راح يعرف "الرأي الآخر" و هو "لو يكن ذا علم" .

و .... إن "ب" .... طلع "نايتي" و ما جربش "الزغروف" , و "بيتكسف" و ما اتفرجش , و أخذ بالأحوط و لم يحضر المناظرة لأنه عارف انه ما عنوش علم كفاية ..

أولا : عمُنا "أ" بعد ما يروح :
- ياعيني على الدماغ العالية .. ده ايه الحلاوة دي ؟؟ ما كنتش أعرف إن الحاجات دي بتعلي الدماغ كده .. قشطة يا واد ....
- ياي على الصورة الهوت =(hot).. ياه لو كانت دي الـ"girlfriend" بتاعتي .. كووووووووول يا مان ..
- امممم , هو الفقرة اللي أثارها المناظر بتاعهم عن القرآن دي كانت شبه مقنعة .. أنا عارف انه أكيد غلط .. بس ... مش عارف .. مش عارف طيب أرد عليه إزاي ؟؟ طيب ما هو الراجل لم يتكلم إلا بالدليل .. أحسن يكون صح و احنا اللي غلط ... !!!

ثانيا : السيد المحترم "ب" :
- ولاد الـ**** بيقولوا علي "فرفور" علشان ما رضيتش أجرب ؟؟ لا , ده أنا جامد و أقدر أشرب قدها ميت مرة .. بس أنا اللي مش عاوز .. ما أنا عارف آخرتها إدمان و كلام فاضي ..
- ياااه .. أنا ليه بس ما بصتش ؟؟ شكلها كانت صورة جامدة ناااااار , و بعدين بصه واحدة ما كانتش هتعمل حاجة يعني .. .. لا لا يا عم الحمد لله , كان زماني متعلق بيها و لابسة في دماغي و كل شوية أتخيلها ..
- اممم .. زمانهم قالوا علي متحجر العقل و مش قد المناظرات و ضعيف الحجة .. بس افرض انهم قالوا حاجة أنا مش عارفها ؟؟ أشك بقى في ديني ؟؟ لا يا عم الحمد لله , لما أبقى أعرف أساسيات ديني بعد كده أبقى أشوف الناس التانيين بيقولوا ايه ...

.... و بعد عشرين سنـ... قصدي بعد يومين :

- الباشا "أ" نفسه في نفسين كمان , أو عاوز بصة تانية .. حاجة أجمد كده , أو عمال يفكر هو صح و لا غلط , و دينه هو الصح و لا دينهم !!
- أما "ب" , فنسى حكاية "الزغروف" دي , و حكاية الصورة كمان , لأنه ما جربهمش فلا يجد شوق إليهم , و ما فيش شك عنده في جهة دينه ...


تعالى انت بقى أما أقول لك ,لما تيجي تقارن بأمانة بين حال "أ" و "ب" , مين الأحسن ؟؟

"ب" خلاص ما فيش حاجة في دماغة , عايش في سلام .. بيس يا مان

أما "أ" فإما :عمال يدور على "قُرني" علشان يجيب له "سوجارة" تانية , أو بيسأل على "مودي" و موبايلاتك يا مودي , أو دماغة بيودي و يجيب مش عارف مين الصح و مين الغلط .
أو : ندم و تاب على اللي عمله , و قال انه هيبطل خلاص , بس كل ما يشم ريحة سيجارة "نفسه تهفه" على واحدة , أو لما يقعد لوحده يقعد يتخيل الصورة إياها , أو كل ما يفتكر الجماعة إياهم .. يقعد يشد في شعره .. هم الصح و لا احنا ؟؟


كما قال الشاعر :
تفنى اللذات ممن ذاق صفوتها *** من الحرام و يبقى الذل و العار
تبقى عواقب سوء من مغبتها *** لا خير فى لذة من بعدها النار
-ده بالنسبة لبلدياتنا بتاع السيجارة و الصورة -


و كل شوية يتمنى أنه لو ما كانش بدأ فيها كان أسهل له من انه يبدأها و بعدين يحاول يبطلها , كما يقول ابن القيم :
"الصبر على الشهوة أسهل من الصبر على ما توجبه الشهوة،
فإنها إما أن توجب ألماً وعقوبة،
وإما أن تقطع لذةً أكمل منها،
وإما أن تضيع وقتاً إضاعته حسرة وندامة،
وإما أن تثلم عرضاً توفيره أنفع للعبد من ثلمه،
وإما أن تذهب مالاً بقاؤه خير له من ذهابه،
وإما أن تضع قَدْراً وجاهاً قيامه خير من وضعه،
وإما أن تسلب نعمة بقاؤها ألذ وأطيب من قضاء الشهوة،
وإما أن تُـطَـرِّق لوضيعٍ إليك طريقاً لم يكن يجدها قبل ذلك،
وإما أن تجلب هـمّـاً وغـمّـاً وحزناً وخوفاً لا يقارب لذة الشهوة،
وإما أن تُنْسي علماً ذكره ألذ من نيل الشهوة،
وإما أن تُشَمِّت عدواً وتُحْزِن ولياً،
وإما أن تقطع الطريق على نعمة مقبلة،
وإما أن تُحْدِث عيباً يبقى صفة لا تزول.
فإن الأعمال تُـوَرِّثُ الصفات والأخلاق."

فلو الواحد "مسك نفسه" من الأول ...
و لو يرتكب ذلك الفعل ...
لكان الأمر عليه أهون من أن يرتكبه ثم يندم بعد ذلك
و يحاول تركه فيجد الأمر أصعب من لو لم يكن قد عرف هذا الذنب أصلا

و لو كان أخد باله إن الرسول -صلى الله عليه و سلم- , حين سُئل عن نظر الفجأة فقال : "اصرف بصرك" .. بسرعة , على طول , أحسن تتعلق بيه و ما تقدرش تبطله ..

و لو كان مر عليه حديث رسول الله -صلى الله عليه و سلم- : "ضرب الله تعالى مثلا صراطا مستقيما و على جنبتي الصراط سوران فيهما أبواب مفتحة و على الأبواب ستور مرخاة و على باب الصراط داع يقول: يا أيها الناس ! ادخلوا الصراط جميعا و لا تتعوجوا و داع يدعو من فوق الصراط فإذا أراد الإنسان أن يفتح شيئا من تلك الأبواب قال: ويحك لا تفتحه فإنك إن تفتحه تلجه , فالصراط الإسلام و السوران حدود الله تعالى و الأبواب المفتحة محارم الله تعالى و ذلك الداعي على رأس الصراط كتاب الله و الداعي من فوق واعظ الله في قلب كل مسلم "

و هذا الحديث من أبلغ الدلالات على أن البعد عن المعصية ابتداءا هو الطريق الأنجع للنجاة منها , و أننا إذا اقتربنا منها وقعنا فيها ..
"كالراعي يرعى حول الحمى ... يوشك أن يرتع فيه"

تلاقيه يجرب سيجارة و يقول .. أنا عارف نفسي ...
قوي و مش هدمن الحاجات دي ...
أنا بجربها بس .. لكن عمري ما هتعلق بيها ....

و فعلا يسيبها ,,,
لكن تيجي عليه مرة يبقى مخنوق , يروح رايح جايب سيجارة و "معفر" ... على الرغم انه لو ما كانش جربها مع زمايله في الأول , كان عمره ما هيجيلها و هو مخنوق لأنه كان هيبقى مش عارفها أصلا و ما تعرضش ليها قبل كده

من الآخر يعني علشان أنا طولت ...

كل اللي عاوز اقوله ... إن عدم معرفتك بالشيء ... أسهل من معرفتك إياه و محاولتك الإقلاع عنه !!!

سهله دي ؟؟

يعني في " الجهل زينة " في بعض الحاجات ...

و إياك و الفضول !!!!
لأنه هيوديك في داهية على طول
...
...

بس خلاص

تحية "رطبة" ... علشان الحر ده

[ابن شحطوطة]

الله يفتح عليك يا ( abc ) ..

قال ابن القيم في التعرُّض للفتن ::

( لا تكن الإسفنجة كلما عرض لها شيءٌ تشربته ؛ و لك كن كالزجاجة لا تحمل شيءًا مما يعرض عليها )

بالعربي :: السفنجة بتشرب كل حاجة حواليها : ماء ، لبن ، خمر ، نجاسة !!..


بينما الزجاج مسمط ؛ لا يتشرب إلا ما كان مسبوكًا داخله حال تكوينه و هو الفطرة أي الصواب و طريق الحق ..

بُور فيك ؛ بتحليني أقعد في السايبر كتير و بعدين كده هاحاسب على الفلوس دي ..

حاجة واحدة تعفيك من الفلوس دي :: تدعيلي أدخل نت ؛ الله يرحم أيام زمان ..

[BATISTA]

امسك نفسك أوعى تبص

الزغروف على راى اللمبى بداية الانحراف بكل ماتحملة الكلمة من معانى

ايضا موضة العصر والسلاح الحديث لنقل كل ماهو اباحى >بلوتوث< المشكلة لما تلاقى حد بيبعت لحد وتلاقى أكتر من 60 واحد فاتح البلوتوث بتاعة طيب فتحة لية بتهوية يعنى علشان الرطوبة والحر

مش عارف دى شوية نصايح علشان الامساك وعدم البص

وربنا يعين كل خلقة

وهناك وسائل معينة على غض البصر ، نسأل الله أن يعينك على تحقيقها :

1 - استحضار اطلاع الله عليك ، ومراقبة الله لك ، فإنه يراك وهو محيط بك ، فقد تكون نظرة خائنةً ، جارك لا يعلمها ؛ لكنَّ الله يعلمها . قال تعالى : { يعلم خائنة الأعين وما تخفى الصدور } غافر / 19 .

2- الاستعانة بالله والانطراح بين يديه ودعائه ، قال تعالى : { وقال ربكم ادعوني أستجب لكم } غافر / 60 .

3- أن تعلم أن كل نعمة عندك هي من الله تعالى ، وهي تحتاج منك إلى شكر ، فنعمة البصر من شكرها حفظها عما حرم الله ، وهل جزاء الإحسان إلا الإحسان ؟ قال تعالى : { وما بكم من نعمة فمن الله } النحل / 53 .

4- مجاهدة النفس وتعويدها على غض البصر والصبر على ذلك ، والبعد عن اليأس ، قال تعالى : { والذين جاهدوا فينا لنهدينهم سبلنا } العنكبوت / 69 .

وقال صلى الله عليه وسلم " … ومن يستعفف يعفه الله ومن يستغن يغنه الله ومن يتصبر يصبره الله … " رواه البخاري ( 1400 ) .

5 – اجتناب الأماكن التي يخشى الإنسان فيها من فتنة النظر إذا كان له عنها مندوحة ، ومن ذلك الذهاب إلى الأسواق والجلوس في الطرقات… قال – صلى الله عليه وسلم – " إياكم والجلوس في الطرقات ، قالوا : مالنا بدٌّ ، إنما هي مجالسنا نتحدث فيها ، قال : فإذا أبيتم إلا المجالس ، فأعطوا الطريق حقها ، قالوا : وما حق الطريق ، قال : غض البصر ، وكف الأذى … " رواه البخاري ( 2333 ) ومسلم ( 2121 ) .

6 – أن تعلم أنه لا خيار لك في هذا الأمر مهما كانت الظروف والأحوال ، ومهما دعاك داعي السوء ، ومهما تحركت في قلبك العواطف والعواصف ، فإن النظر يجب غضه عن الحرام في جميع الأمكنة والأزمنة ، وليس لك أن تحتج مثلاً بفساد الواقع ولا تبرر خطأك بوجود ما يدعو إلى الفتنة ، قال تعالى : { وما كان لمؤمن ولا مؤمنة إذا قضى الله ورسوله أمراً أن يكون لهم الخيرة من أمرهم ومن يعص الله ورسوله فقد ضل ضلالاً مبيناً } الأحزاب / 36 .

7- الإكثار من نوافل العبادات ، فإن الإكثار منها مع المحافظة على القيام بالفرائض ، سببٌ في حفظ جوارح العبد ، قال الله تعالى في الحديث القدسي " … وما يزال عبدي يتقرب إليَّ بالنوافل حتى أحبه ، فإذا أحببته كنت سمعه الذي يسمع به ، وبصره الذي يبصر به ، ويده التي يبطش بها ، ورجله التي يمشي بها ، وإن سألني لأعطينه ، ولئن استعاذني لأعيذنه … " البخاري ( 6137 ) .

8– تذكر شهادة الأرض التي تمارس عليها المعصية ، قال تعالى : { يومئذ تحدث أخبارها } الزلزلة / 4 .

9- تذكر الملائكة الذين يحصون عليك أعمالك ، قال تعالى : { وإن عليكم لحـافظين . كراماً كاتبين . يعلمون ما تفعلون } الانفطار / 10 –12 .

10- استحضار بعض النصوص الناهية عن إطلاق البصر ، مثل قوله تعالى { قل للمؤمنين يغضوا من أبصارهم } النور / 30 .

11– البعد عن فضول النظر ، فلا تنظر إلا إلى ما تحتاج إليه ولا تطلق بصرك يميناً وشمالاً فتقع فيما لا تستطيع سرعة التخلص منه من تأثير النظر إلى ما فيه فتنة .

12– الزواج ، وهو من أنفع العلاج ، قال – صلى الله عليه وسلم – " من استطاع الباءة فليتزوج ، فإنه أغض للبصر وأحصن للفرج ، ومن لم يستطع فعليه بالصوم فإنه له وجاء " أخرجه البخاري ( 1806 ) ومسلم ( 1400 ) .

13– الصوم ، للحديث السابق .

14– أداء المأمورات كما أمر الله ، ومنها : الصلاة قال تعالى : { إن الصلاة تنهى عن الفحشاء والمنكر .. } العنكبوت / 45 .

15– تذكر الحور العين ، ليكون حادياً لك على الصبر عن ما حرم الله طلباً لوصال الحور ، قال تعالى { وكواعب أترابا } النبأ / 33 .

وقال – صلى الله عليه وسلم - " … ولو أن امرأة من أهل الجنة اطلعت على أهل الأرض لأضاءت ما بينهما ولملأته ريحاً ، ولنصيفها على رأسها خيرٌ من الدنيا وما فيها " رواه البخاري ( 2643 ) .

16– استحضار ما في المنظور إليه من النقص وما يحمله من الأذى والقاذورات في أحشائه …؟!

17– العلو بالهمة إلى معالي الأمور .

18– محاسبة النفس بين الحين والآخر ، ومجاهدتها على غض البصر ، واعلم أن لكل جوادٍ كبوة .

19– تذكر الألم والحسرة التي تعقب هذه النظرة ، وتقدمت آثار إطلاق البصر .

20– معرفة ما لغض البصر من فوائد ، وقد تقدمت .

21– إثارة هذا الموضوع في المجالس والتجمعات ، وتبيين أخطاره .

22- إصلاح الأقارب ، ونصحهم بعدم لبس ما يثير النظر ويظهر المحاسن مثل : طريقة اللبس و الألوان الزاهية و طريقة المشي والتميع في الكلام ونحوه .

23– دفع الخواطر والوساوس قبل أن تصير عزماً ، ثم تنتقل إلى مرحلة الفعل ، فمن غض بصره عند أول نظرةٍ سَلِمَ من آفات لا تحصى ، فإذا كرر النظر فلا يأمن أن يُزرعَ في قلبه زرعٌ يصعبُ قلعه .

25 – الخوف من سوء الخاتمة ، ومن التأسف عند الموت .

26 – صحبة الأخيار ، فإن الطبع يسرق من خصال المخالطين ، والمرء على دين خليله ، والصاحب ساحب .

27 – العلم بأن زنا العين النظر ، وكفى بذلك قبحاً .

[BATISTA]

الصبر على الشهوة أسهل من الصبر على ما توجبه الشهوة،
فإنها إما أن توجب ألماً وعقوبة،
وإما أن تقطع لذةً أكمل منها،
وإما أن تضيع وقتاً إضاعته حسرة وندامة،
وإما أن تثلم عرضاً توفيره أنفع للعبد من ثلمه،
وإما أن تذهب مالاً بقاؤه خير له من ذهابه،
وإما أن تضع قَدْراً وجاهاً قيامه خير من وضعه،
وإما أن تسلب نعمة بقاؤها ألذ وأطيب من قضاء الشهوة،
وإما أن تُـطَـرِّق لوضيعٍ إليك طريقاً لم يكن يجدها قبل ذلك،
وإما أن تجلب هـمّـاً وغـمّـاً وحزناً وخوفاً لا يقارب لذة الشهوة،
وإما أن تُنْسي علماً ذكره ألذ من نيل الشهوة،
وإما أن تُشَمِّت عدواً وتُحْزِن ولياً،
وإما أن تقطع الطريق على نعمة مقبلة،
وإما أن تُحْدِث عيباً يبقى صفة لا تزول.
فإن الأعمال تُـوَرِّثُ الصفات والأخلاق."

ونعم الكلام

تسلم ايدك

تحياتى لطرحك المثمر

[بوسي احمد]

الله ينور عليك ويفتحها عليك

انا بتعمد ادخل مواضيعك والله لانها فعلا مفيدة جدا

وبعتبر اي حاجة هقرأها فهي رسالة من ربنا ليا عشان ينبهني لشيء معين

وجعلك وحعلني وجعل ناس كتيرة وسايل لبعض في النصح والارشاد

ربنا يباركلك و مستنيه المزيد

انا خلصت امتحانات وخلاص فضيت للمنتدى مليش اي حجج


السلام عليكم ورحمة الله

[abc]

المشاركة الأصلية بواسطة ابن شحطوطة

الله يفتح عليك يا ( abc ) ..

قال ابن القيم في التعرُّض للفتن ::

( لا تكن الإسفنجة كلما عرض لها شيءٌ تشربته ؛ و لك كن كالزجاجة لا تحمل شيءًا مما يعرض عليها )

بالعربي :: السفنجة بتشرب كل حاجة حواليها : ماء ، لبن ، خمر ، نجاسة !!..


بينما الزجاج مسمط ؛ لا يتشرب إلا ما كان مسبوكًا داخله حال تكوينه و هو الفطرة أي الصواب و طريق الحق ..

بُور فيك ؛ بتحليني أقعد في السايبر كتير و بعدين كده هاحاسب على الفلوس دي ..

حاجة واحدة تعفيك من الفلوس دي :: تدعيلي أدخل نت ؛ الله يرحم أيام زمان ..

الأخ العزيز قوي ابن شحطوطة

جزاك الله خيرا على الإضافة ...

رحم الله ابن القيم و كلامه القيم ...

و جزاك الله خيرا ...

....................

و إن شاء الله تدخل نت و ترجع زي زمان, و كيبوردات السايبر باينة قوي في كتابتك ...

و ادعيلي أنا كمان ... أنا ناوي أغير الراجل اللي موصل من عنده علشان النت مش موجود معظم الوقت ..

في أمان الله ...

[abc]

المشاركة الأصلية بواسطة BATISTA

امسك نفسك أوعى تبص

الزغروف على راى اللمبى بداية الانحراف بكل ماتحملة الكلمة من معانى

ايضا موضة العصر والسلاح الحديث لنقل كل ماهو اباحى >بلوتوث< المشكلة لما تلاقى حد بيبعت لحد وتلاقى أكتر من 60 واحد فاتح البلوتوث بتاعة طيب فتحة لية بتهوية يعنى علشان الرطوبة والحر

مش عارف دى شوية نصايح علشان الامساك وعدم البص

وربنا يعين كل خلقة

شكرا جزيلا على المرور يا أحمد ...
مش عارف.... على كلامك زمان بلوتوثي اتخنق .. أما أروح أهويه شوية

شكرا جزيلا يا أحمد على المرور و الإضافات القيمة ...

تحيتي لك

[abc]

المشاركة الأصلية بواسطة بوسي احمد

الله ينور عليك ويفتحها عليك

انا بتعمد ادخل مواضيعك والله لانها فعلا مفيدة جدا

وبعتبر اي حاجة هقرأها فهي رسالة من ربنا ليا عشان ينبهني لشيء معين

وجعلك وحعلني وجعل ناس كتيرة وسايل لبعض في النصح والارشاد

ربنا يباركلك و مستنيه المزيد

انا خلصت امتحانات وخلاص فضيت للمنتدى مليش اي حجج


السلام عليكم ورحمة الله

و عليكم السلام و رحمة الله و بركاته ...

جزاكِ الله خيرا على المرور و التعليق ...
نفعني الله و إياكم بما أكتب ...
و أعانني على أن أعمل بما أقول ...

وفقنا الله و إياكِ لما يحب و يرضى ..

[زهره مصر]

موضوع رائع abc
ديما كنت بستغرب من كلمة الجهل نعمة
دلوقتي اتاكدتلي انه فعلا نعمة
شكرا علي الموضوع وعلي الرساله التي يتضمنها الموضوع

[فراق84]

و إياك و الفضول !!!!
لأنه هيوديك في داهية على طول

فعلا هو الخطوة الاولى ..القاتلة
موضوع مهم جدا
تسلم ايدك
اختك فراق

[abc]

المشاركة الأصلية بواسطة زهره مصر

موضوع رائع abc
ديما كنت بستغرب من كلمة الجهل نعمة
دلوقتي اتاكدتلي انه فعلا نعمة
شكرا علي الموضوع وعلي الرساله التي يتضمنها الموضوع

زهرة مصر
شكرا على المرور

لكن الجهل ليس نعمة في جميع الأحيان ..

بل هو مذموم على الإطلاق ..
بل جهل ما لا طائل من وراءه غير الشر ..
و إن كان أحيانا يعد نعمة كما يقول المتنبي ..
ذو العقل يشقى في النعيم بعقله *** و أخو الجهالة في الشقاوة ينعم

تحيتي
و شكرا جزيلا على المرور

[abc]

المشاركة الأصلية بواسطة فراق84

فعلا هو الخطوة الاولى ..القاتلة
موضوع مهم جدا
تسلم ايدك
اختك فراق

فراق ..
فعلا .. الفضول هو الخطوة الأولى ...
بداية "الزحليقة" اللي صعب نوقف في نصف الطريق ..

جزاكِ الله خيرا ..

[روميساء]

وصلت الرساله وبجد موضوع مفيد جدا
وشكرا كمان لبتيستا علي النصايح اللي جبها
جزاكم الله خيرا