خدعه اسمها البطاله

[فارس اصيل]

اذا اردت عن تبحث عن عامل فنى ماهر صعب جدا ............................. ونقول بطاله
متوسط اجر العامل العادى اليومى من 35 الى 60 جنيه ........................ ونقول بطاله
متوسط اجر العمل الفنى اليومى من 50 الى 80 جنيه يوميا....................ونقول بطاله
اذا اردت الذهاب الى اى ورشه لتصنيع اى شئ تاخذ مواعيد بعيده المدى ونقول بطاله
وللاسف هذه هى الفئه الغير متعلمه(عمال وحرفيين)
اما الفئه المتعلمه تجدها فى بيوتها بحثا عن مكتب وكرسى وواجه اجتماعيه تنتظر الحكومه فى تحقيق الاحلام من فرص العمل
هل العيب هنا فى المجتمع اللذى احتفظ بفكر الوظيفه ليقول الشخص انا اعمل فى الشركه الفلانيه او انا موظف فى شركه كذا
وتجده يخشى ان يقول انا اعمل عند فلان او اشتغل فى المحل الفلانى
هل الواجهه الاجتماعيه هى سبب البطاله ام فكر المجتمع اللذى لا يتواكب مع حجم خطر البطاله هو السبب
اذا سالت الشباب لماذا لا تنزل الى السوق بحثا عن اى عمل
يقول انا معايا بكالوريوس كذا وكذا معقول انزل اشتغل فى المحل الفلانى او الورشه الفلانيه
مع ان اى عامل جاهل للاسف يستطيع الحصول على فرصه عمل لا يستطيع صاحب اليسانس ان يحصل علها
وليس فقط الحصول على العمل انما ليس هناك قدره على العمال لا من مستوى مهنى ولا فنى

[abc]

لا إدري كيف أجيب
لكني لا أتفق معك
‏
لأني حاولت أشتغل "أي حاجة حلال" الصيف السابق دون جدوى
‏
فأين هي الوظائف ?ف

[فارس اصيل]

المشاركة الأصلية بواسطة abc

لا إدري كيف أجيب
لكني لا أتفق معك
‏
لأني حاولت أشتغل "أي حاجة حلال" الصيف السابق دون جدوى
‏
فأين هي الوظائف ?ف

انت تبحث عن وظيفه ام عن عمل
نحن ليس فى الصيف السابق نحن فى اول الصيف الجديد

والبلد تحتاج عمال كثيرين

فقط انزل وسوف ترى يافطات الحاجه الى عمال

[أحمد يونس]

عندك حق الشباب كلهم عايزين الراحة ومش عايزين التعب ولا الشقاء وعايزين يمشو بالبدل بس مشكلنتا إننا إحنا الشباب بنحب الراحة عشان شفنا أهلنا مرتاحين ومشفناهمش زمان كانو عاملين إية

[فارس اصيل]

المشاركة الأصلية بواسطة أحمد يونس

عندك حق الشباب كلهم عايزين الراحة ومش عايزين التعب ولا الشقاء وعايزين يمشو بالبدل بس مشكلنتا إننا إحنا الشباب بنحب الراحة عشان شفنا أهلنا مرتاحين ومشفناهمش زمان كانو عاملين إية

طبعا خطأ كبير ان نحب لبس البدل بدعوى اننا مرتاحين
ليست الراحه هى القضاء على همه الشباب
الراحه الحقيقيه هى اللتى تحس بها بعد التعب من العمل من اجل الحصول على المال اللازم لضروريات الحياه اما الراحه الثانيه للاسف مش هو ده اسمها

[duha]

اهلا فارس
تعرف المشكله فين
المشكله في التخطيط وفي مناهجنا التعليميه
لو انت تنزل وتسال اي طفل
انت تحب تشتغل ايه لما تكبر
الجواب هيكون
طبيب مهندس طيار
ومناهجنا التعليميه تلقينيه وبس
يعني طريقه حفظ وطبعا هذه الطريقه تقتل المواهب
المفروض اننا نكتشف مواهب وقابليات الطفل حتى نتمكن من ايجاد فرص الابداع لديه
ومن ثم نخطط لمستقبله بحيث تكون عنده الرؤيه واضحه
يعني
اليوم الطالب يخلص الثانويه العامة ولا يعرف اي اختصاص يدرس بل ينتظر التوزيع المركزي لتنسيبه لاي كليه حسب المجموع
لو هذا الطالب اعطي الفرصه منذ الطفوله كي يكتشف ميزاته وقدراته ومواهبة لعرف ما الذي يرغب ان يكون عليه في المستقبل
طيب
وبعد ما يتخرج الطالب من كليه ليس له اي رغبه في دخولها ودراستها
ولما يبقى في ملايين المهندسين وملايين الاطباء وملايين المحاسبين
اكيد هيكون في ملايين العاطلين
لان اللي خلص كليهالتجارة وهو مش عارف يبدع في اختصاصه اكيد هيكون عاطل
واللي خلص اعلام ومش عارف يبدع في اختصاصه اكيد هيكون عاطل
يعني المشكله لازم تحل من ورها الاول
والتي تبدأ مع مراحل الدراسه الاولى
شكرا فارس وعذرا على الاطاله

[فارس اصيل]

المشاركة الأصلية بواسطة duha

اهلا فارس
تعرف المشكله فين
المشكله في التخطيط وفي مناهجنا التعليميه
لو انت تنزل وتسال اي طفل
انت تحب تشتغل ايه لما تكبر
الجواب هيكون
طبيب مهندس طيار
ومناهجنا التعليميه تلقينيه وبس
يعني طريقه حفظ وطبعا هذه الطريقه تقتل المواهب
المفروض اننا نكتشف مواهب وقابليات الطفل حتى نتمكن من ايجاد فرص الابداع لديه
ومن ثم نخطط لمستقبله بحيث تكون عنده الرؤيه واضحه
يعني
اليوم الطالب يخلص الثانويه العامة ولا يعرف اي اختصاص يدرس بل ينتظر التوزيع المركزي لتنسيبه لاي كليه حسب المجموع
لو هذا الطالب اعطي الفرصه منذ الطفوله كي يكتشف ميزاته وقدراته ومواهبة لعرف ما الذي يرغب ان يكون عليه في المستقبل
طيب
وبعد ما يتخرج الطالب من كليه ليس له اي رغبه في دخولها ودراستها
ولما يبقى في ملايين المهندسين وملايين الاطباء وملايين المحاسبين
اكيد هيكون في ملايين العاطلين
لان اللي خلص كليهالتجارة وهو مش عارف يبدع في اختصاصه اكيد هيكون عاطل
واللي خلص اعلام ومش عارف يبدع في اختصاصه اكيد هيكون عاطل
يعني المشكله لازم تحل من ورها الاول
والتي تبدأ مع مراحل الدراسه الاولى
شكرا فارس وعذرا على الاطاله

حرف كثيره فى مصر والعالم العربى تكاد ان تنتهى
والسبب اجحاف الاباء ان يعلموا اولادهم اى حرفه
هذا بخلاف المصيبه الاكبر
الا وهى نظره المجتمع الى الحرفيين كانهم من قاع المجتمع
مع ان الحرفى هو من ينتج ليعيش المجتمع مستمتع بانتاجه
اذا نظرتى الى الافلام الاجنبيه تجدى ان ليس هناك فرق فى الشكل بين اى مدير واى عامل والسبب ان كل شخص له كيان اجتماعى ولا ينفر المجتمع من الحرفيين او المهنيين او حتى العملين العاديين
الاسبوع الماضى رايت زميل لى كان معى فى الثانويه العامه
تخرج هو من كليه التجاره وسافر الى السويد واشتغل هناك حاجات كثيره ورفضت زوجته ان تنزل الى مصر سنوات طويله
وماتت زوجته فى حادث سياره
جاء هو الى مصر بعد وفاه زوجته ووجدته يعمل سائق تاكسى قلت له هل هذا ما حققته بعد السفر والغربه اكثر من 20 سنه
قال لى العكس صحيح انا حققت لنفسى ان اكون انسان فى السويد وما افعله هنا هو اى عمل حتى احصل على ثمن التذكره واعود الى السويد كانسان وبلا عوده ان زوجتى السويديه كانت على حق رفضت العيش فى مصر وقالت ان هذا البلد اخذ على الاستهلاك ولا يعرف طريق الانتاج
زوجته كانت تعمل عامله فى مصبغه
مجتمعنا استورد الموضه ولا يستورد كيفيه صنعها
والسبب ارتباط الناس بالشكل العام الوظيفى

[محمد كمال على]

فارس أصيل
تحياتى على الموضوع المهم
انا لى رأى مختلف
انا من رأيى ان الشاب اللى عايز يشتغل ح يشتغل
الموضوع عايز شويه تعب ومجهود
الشركات كتير
والمصانع أكتر
واللى يرضى بحاله وهو قاعد منتظر الوظيفه تيجى لحد عنده يبقى غلطان

[!!zizo bunny]

اولا انا لا اتفق معاك من حيث المرتب
لانك مجربتش الدنيا اللى انتا بتتكلم عليها"80 جنيه لليوم" و اكبر دليل انك موصل نت
لان ال80 جنيه دول ياكلوك بس يعنى لا تسكن ولا تتجوز ولا تخلف ولا تكبر العيال و تعلمهم و تجوزهم ولا تشوف تلفزيون ولا توصل نت ولا تخش المستشفى ولا تشرب كوباية شاى

ثانيا اتفق معاك من حيث البطالة
لان تقريبا معرفش حد متخرج و مبيشتغلش

[فارس اصيل]

المشاركة الأصلية بواسطة محمد كمال على

فارس أصيل
تحياتى على الموضوع المهم
انا لى رأى مختلف
انا من رأيى ان الشاب اللى عايز يشتغل ح يشتغل
الموضوع عايز شويه تعب ومجهود
الشركات كتير
والمصانع أكتر
واللى يرضى بحاله وهو قاعد منتظر الوظيفه تيجى لحد عنده يبقى غلطان

هو ده الكلام

[فارس اصيل]

المشاركة الأصلية بواسطة !!zizo bunny

اولا انا لا اتفق معاك من حيث المرتب
لانك مجربتش الدنيا اللى انتا بتتكلم عليها"80 جنيه لليوم" و اكبر دليل انك موصل نت
لان ال80 جنيه دول ياكلوك بس يعنى لا تسكن ولا تتجوز ولا تخلف ولا تكبر العيال و تعلمهم و تجوزهم ولا تشوف تلفزيون ولا توصل نت ولا تخش المستشفى ولا تشرب كوباية شاى

ثانيا اتفق معاك من حيث البطالة
لان تقريبا معرفش حد متخرج و مبيشتغلش

انا مجربتش الدنيا ,,,,
انا بطلت اشتغل بيدى من قبل ما سعادتك تتولد
وانا عندى الان اكثر من تسعه شباب يعملون اللى كنت باعمله انا ومساعد معى
يعنى انت مش عاجبك 2400 جنيه فى الشهر
عموماالرزق ليس فى كثره المال انما هو البركه قى القليل

[NooNaa]

مممممممممممم بص يا باشا هقول لحضرتك حاجه العمل ده زي ما بيقولوا علي باب الله يوم ما يتعب ولا ميشتغلش تبقي اجرته راحت والبيت اتخرب وكمان لما يكبر في السن مفيش معاش
فكون ان اي حد بيحاول يعيش حياه كويسه محترمه في وظيفه وان كانت مجهده بس حاسس انه في امان ليه اجازات سنويه ومرضيه وتامين ومكافءه نهايه خدمه
ده حتي عمال الورش دلوقت بيدورا علي شركات من وهما صغيرين عشان النقطه دي وعشان كمان يلاقوا مهندس في الشركه دي يتعلمكوا منه حاجه متعلموهاش بره
لالا لا القياس اللي حضرتك بتقيسه في نقاط ضعف كتير
اازاي واحد درس طب سبع سنين ولا هندسه خمس سنين ولا اداب ولا تجاره ولا حقوق ولا لالا
وطلع عينه طبعا مع الفرق في طلع العين من كليه لكليه نيجي تقله معلش هنطلع عينك تاني وانزل اشتغل في ورشه طيب ما كان من الاول
الواحد من دول بيدور علي شغلانه حكوميه عشان المعاش علي الاقل يضمن حاجه بعد مايموت لعياله وعشان بيبقي الراتب ثابت
انما لو شغال حرفه في يوم وليله حيلاقي نفسه علي الرصيف

انت ممكن اللي بتقوله يكون صح شويه

يعني في ناس فعلا مش بترضي باي شغل عشان البرستيج بتاعها

بس في ناس كتيره جدا جدا

بتبقي معاها شهادات عاليا وشغاله في اوحش المهن

تلاقي اللي شغال في اونكس معاه شهاده اعلي من واحد شغال علي مكتب عشان اللي شغال علي مكتب معاه وسطه

وفي ناس بتقف في محلات وبتبيع في القطر والشارع و تشوفهم تحزن عليهم وعلي تعليمهم اللي راح هدر

البطاله موجوده بس كل واحد بيشوفها من نظرته هو

ممكن انت تكون شوفتها زي مابتقول عشان انت شايف ناس ادامك كده

ويمكن انا قولت راي ده لان كل اللي حوالين مني شهاداتهم عاليه اوي ومع ذلك مش شغالين

ولو عايزين يشتغلو شغلانه عدله يبقي لازم وسطه

[فارس اصيل]

المشاركة الأصلية بواسطة NooNaa

مممممممممممم بص يا باشا هقول لحضرتك حاجه العمل ده زي ما بيقولوا علي باب الله يوم ما يتعب ولا ميشتغلش تبقي اجرته راحت والبيت اتخرب وكمان لما يكبر في السن مفيش معاش
فكون ان اي حد بيحاول يعيش حياه كويسه محترمه في وظيفه وان كانت مجهده بس حاسس انه في امان ليه اجازات سنويه ومرضيه وتامين ومكافءه نهايه خدمه
ده حتي عمال الورش دلوقت بيدورا علي شركات من وهما صغيرين عشان النقطه دي وعشان كمان يلاقوا مهندس في الشركه دي يتعلمكوا منه حاجه متعلموهاش بره
لالا لا القياس اللي حضرتك بتقيسه في نقاط ضعف كتير
اازاي واحد درس طب سبع سنين ولا هندسه خمس سنين ولا اداب ولا تجاره ولا حقوق ولا لالا
وطلع عينه طبعا مع الفرق في طلع العين من كليه لكليه نيجي تقله معلش هنطلع عينك تاني وانزل اشتغل في ورشه طيب ما كان من الاول
الواحد من دول بيدور علي شغلانه حكوميه عشان المعاش علي الاقل يضمن حاجه بعد مايموت لعياله وعشان بيبقي الراتب ثابت
انما لو شغال حرفه في يوم وليله حيلاقي نفسه علي الرصيف

انت ممكن اللي بتقوله يكون صح شويه

يعني في ناس فعلا مش بترضي باي شغل عشان البرستيج بتاعها

بس في ناس كتيره جدا جدا

بتبقي معاها شهادات عاليا وشغاله في اوحش المهن

تلاقي اللي شغال في اونكس معاه شهاده اعلي من واحد شغال علي مكتب عشان اللي شغال علي مكتب معاه وسطه

وفي ناس بتقف في محلات وبتبيع في القطر والشارع و تشوفهم تحزن عليهم وعلي تعليمهم اللي راح هدر

البطاله موجوده بس كل واحد بيشوفها من نظرته هو

ممكن انت تكون شوفتها زي مابتقول عشان انت شايف ناس ادامك كده

ويمكن انا قولت راي ده لان كل اللي حوالين مني شهاداتهم عاليه اوي ومع ذلك مش شغالين

ولو عايزين يشتغلو شغلانه عدله يبقي لازم وسطه

من كان رزقه على الله فلا يحزن





انا معى بكالوريوس هندسه من جامعه حلوا ن عام 1985
وكان امامى فرص كثيره للعمل فى احسن الشركات انما انا ورثت العمل الحر عن والدى
وكان امامى فرصه ان اعمل بثقافه وان اطور الاعمال وقد اكرمنى الله من اوسع الابواب
واشكر الله سبحانه وتعالى اننى وصلت الى مرتبه اجتماعيه مرموقه من خلال العمل الحر
لم يتمكن لزملائى خريجى الهندسه الوصول الى عشرها

[abc]

المشاركة الأصلية بواسطة فارس اصيل

انت تبحث عن وظيفه ام عن عمل
نحن ليس فى الصيف السابق نحن فى اول الصيف الجديد

والبلد تحتاج عمال كثيرين

فقط انزل وسوف ترى يافطات الحاجه الى عمال

لا طبعا أنا لحد دلوقتي لا أبحث عن وظيفة .. لكن عن عمل ..

و الموضوع ليس سهلاا كما تصوره أخي ..

أنا مثلا في مدينتي التي أقطن ... لا يوجد شغل بتاتا إلا "سواق توك توك"

رحت الاسكندرية ... كل اللي لقيته متاح شغلانة اسمها "كابتن" في الكافتيريات , شغلانته يظبط شيشة و يقدمها للزباين ... و أنا طبعا ما بدخنش و الشيشة حرام أصلا ...

و الشغل في المطبخ قال لك عاوز واحد ليه خبره ..
ده غير انك لو ما رحتش من أول الصيف مش هتلاقي أي شغلانه فاضية ,
و الشغل في المصانع طحن طحن يعني شيل و حط و أنا مش متعود ... أنا ساعة لما بنتعب شوية في المشروع زي امبارح كده برجع البيت مش قادر ...
أقطع نفسي يعني ؟؟؟

فكرت برضه أشتغل في ورشه ... كعامل و ليس مهندس علشان آخد خبرة بالمرة ...
و في حالة إني ألاقي حد و أكلمه بيبقى أحد اتنين :

اللي يعرف اني في هندسة ما يرضاش , و اللي ما يعرفش يقول لي اشتغلت فين قبل كده , و هو أنا لسه هعلم واحد أطول مني يقعد معايا شهرين و يمشي , و أديله فلوس و أنا بعلمه ... !!!

و الحرف المتوفرة التي ذكرت زي النقاش و البناء و الحاجات دي كلها عاوزة خبرة من الصغر ... و بلاضه لازم يبقى للواحد "سكة" تدخله فيها زي واحد قريبه يبقى شغال فيها مثلا ... إنما انك تدخل تشتغل عمل حر من غير ما يبقى ليك قرايب فيه أو حد يدلك .. عمرك ما هتقدر , زائد امك مش هيبقى عندك خبرة سابقة خالص , فهتشتغل ايه ؟؟ و مين اللي هيرضى يشغل واحد "خام" كدة ؟؟؟

الموضوع ليس بهذه السهولة أخي ...

احنا في .... مصر

[فارس اصيل]

المشاركة الأصلية بواسطة abc

و الشغل في المصانع طحن طحن يعني شيل و حط و أنا مش متعود ... أنا ساعة لما بنتعب شوية في المشروع زي امبارح كده برجع البيت مش قادر ...
أقطع نفسي
و مين اللي هيرضى يشغل واحد "خام" كدة ؟؟؟

الموضوع ليس بهذه السهولة أخي ...

احنا في .... مصر

انت عندك كل الردود

للاسف الكل عاوز يشتغل قى شركه مرتاحه
كل يوم طناش ويوم الجمعه راحه