بسم الله الرحمن الرحيم
السلام عليكم ورحمه الله وبركاته
انا فى مشكله وحاسه انى تايهه ومش عارفه افكر جيت هنا قولت ممكن اخد رئيكم فى مشكلتى
انا مرتبطه بشخص حوالى 3 سنين بس كنا بنحب بعض من غير ما نعترف لبعض انا كنت بستناها كل تصرفاته كانت بتثبت انه بيحبنى المهم كنت كل ما اقوله احنا زى الاخوات علشان اشوف ايه رد فعله وكان رده احنا اكتر من الاخوات فيزود حرتى هو على فكره جارى يعنى الباب فى الباب
المهم انا قررت السفر بره مصر خالص علشان ابعد عن الشكوك اللى فى دماغى
المهم لما قولتله انى مسافره اضايق بعدها بيومين شجع سفرى وسافرت
ولما سفرت والده توفى وبعد وفاه ابوه حوالى 6 شهور كلمنى نت
فكلمته عادى ازيك وايه اخبارك وكده لقيته بيقولى انا لازم اعترفلك بحاجه قولتله خير قالى انا بحبك وعايز اتجوزك
انا طبعا مكنتش مصدقه كل اللى عملته انى طفيت الكمبيوتر وقومت اعيط فى اوضتى مش عارفه ليه وعلشان ايه المهم ربع ساعه ودخلت لقيته لسه قاعد قالى انتى رحتى فين قولتله لا اصل الكونيكت فصل قالى مش مهم قالى رئبك ايه قولتله طيب وده فجاه كده طب ما انا كنت قدامك محلتش فى عنيك الا لما بعدت
قالى والله ما انتى عارفه حاجه انا بحبك من زمان اوى بس مكنتش عايز اربطك معايا
بيقول انا اول ما حبيتك قولت لابويا الله يرحمه وهو وافق وقالى يازين ما اخترت بس باباه قال ان هو لسه له اختين اكبر منه مخطوبين ويتجوزوا الاول وهو يخلص كليته وبعدين باباه كان مستعد يجى يخطبنى لابنه بس هو طبعا توفى قبلها الله يرحمه
المهم هو كان عايز يعرف ردى قولتله سيبلى وقت افكر
ولما عرف رئى راح كلم عمى مؤقتا لحد ما ولدى رجع مصر بس من غيرى
بس هو كان لسه فى اخر سنه فى الكليه وبابا معجبهوش الموضوع لان مكانشى فى ايده شغل ثابت وكان لسه بيدرس كمان بابا كان مضايقه ان سننا قد بعض هو من رئيه ان الراجل لازم يكون اكبر من اللى هيتجوزها على الاقل 7 او 8 سنين علشان البينت بتكبر قبل الولد وكمان بابا كان خايف انه يكون طمعان فى السفر مع انه مش كده خالص بس المهم بابا رفض الموضوع وسافر
الكلام ده من حوالى 6 شهور
واحنا مازلنا على اتصال بس كده كده انا لسه مقولتش المشكله
ان بدات اعرف عنه حاجات بضايقنى يعنى عرفت انه متصاحب ناس مش كويسين فى منهم بيتعاطوا مخدرات ولما واجهته اعترفلى وعدنى انه هيبعد عنهم وقالى انه جرب لمجرد فضوله وان ده مش هيتعاد ووافقت مع العلم ان اخته خى اللى قالتلى وطلبت منى انى اواجه وانى اهدده انه لو مبعدش عن الناس دى انا هسيبه
وموضوع السجاير ده كمان ضايقنى اوى بس قولت دى كلها امور عاديه
وانا عارفه انه من جواه انسان كويس وانه هيبعد كل حاجه زى دى علشان خاطرى
المشكله هى ..
انى اكتسفت انه بيتفرج على افلام جنسيه انا عرفت عن طريق الصدفه انا كان معايا بصورد بتاع ايمل له فجربته على ايميلاته التانيه وبجد اتصدمت يعنى انا قدرت اسامح فى كل اللى فات
بس كده كتير انا متاكده ان لو اتجوز ملكه جمال مش هيقتنع فيها بعد اللى شافه ده
المشكله انى مش عارفه اواجهه ومش عارفه اعمل ايه اواجهه ولا انسى ولا اعمل ايه مع العلم ان انا واهلى نازلين مصر فى خلال اسبوعين وهو كان ناوى يتقدم تانى بعد ما بقى معاه عقد عمل فى السعوديه وخلص كليته بتقدير جيد جدا وبقى عنده مصنع شركه هو وخاله يعنى كل الامور اتصلحت بس انكسرت ثقتى فيه انا عارفه انى مش هقدر ابعد عنه بس مش قادره اعيش معاه كده
مش عارفه اعمل ايه ارجوكم شوفولى حل
واسفه بجد بجد بجد على الاطاله بس كان لازم اقول كل التفاصيل علشان تقدرو تساعدونى
ميرسى ليكو اوى
ارجوكم ساعدووووووونى
كل عـــــــــــــام وانتم بخير جميعا