|
امتى احس اني انسان
بسم الله الرحمن الرحيم.................
في الاول يا جماعة لازم اقولكم ان ده اول مشاركة ليا وانا بكتبها وانا دلوقتي مش في مصر
انا طالب في جامعة اسكندرية كنت قاعد في دولة من دول الخليج قبل الجامعة وبزور العيلة كل صيف والصيف ده زي كل صيف بنزل عادي عشان اشوف اهلي طبعا انا مش هتكلم عن مطار اسكندرية اللي هو زي مطار لندن ولا هتكلم عن نضافة المطار اللي هيا زي نضافة البيت الابيض بس هتكلم عن حاجة اول مرة تحصل معايا خلال كل اوقات سفري وانا نازل السنة ده لاهلي خدت شنطي وطالع عشان اضور على اهلي لقيت في واحد موقفني قلي اتفضل معايا قلتله في حاجة "الكلام ده في مطار الدولة الخليجية"قلي ايوة لو سمحت اقف مع الشباب اللي هناك دوا لقيتهم كلهم شباب جامعيين مصريين وطبعا في المطار ده الشنط مبتتفتش يدوي انما بجهاز اشعة الا احنا انا والشباب اللي كانوا واقفين فتشوا شنطنا يدوي واللي كان بيفتش شنطتي بيقولي انت بدخن قلتله لا قلي طيب عينك حمرة ليه قلتله عادي من الطيارة والضغط اللي فيها قعد يبهدل في الشنطة شوية وبعدين قلي حظك سعيد كنت عايز افتشك ذاتي"يعني بدون هدوم"بس انا مشغول قلتله لا انا معاك مش مشكلة رحت قفلت الشنطة ومشيت بس طبعا كن مخنوق ان كل الشباب كانوا مصريين وبيتفتشوا بالمنظر ده اما سألت اصحابي اللي في البلد ده قالولي اصل كتير من الشباب المصريين بيبيعوا مخدرات في البلد الخليجي ده فهما بيعملوا كده عشان يحموا بلدهم بصراحة معرفتش ارد اقول ايه بس والله يا جماعة الواحد بقى مش مصدق اللي بيحصل انا اتخنقت اوي من الموضوع ده يعني في دولة مجاورة يتخطف مصريين ومحدش يتكلم وفي نفس الدولة تمنع المصريين من الفيز واحنا لا وبرضه في دولة من الخليج مانعة الفيز للمصرين الا لطبقات معينة وبعدين في دولة مجاورة لمصر يروحوا المصريين للسفارة المصرية يشتكولها من تصاريح العمل المضروبة تروح السفارة جيبالهم بوليس الدولة ده يشيلوهم ليه بنتعامل مع بعض كده رغم ان احنا ولاد بلد واحدة ليه بنتعامل مع بعض كاننا بشحت من بعض ليه بنتعامل كاننا بلد مش عظيمة رغم انت مصر دولة عظيمة اوي امتى نحس بالعظمة ده ؟ امتى نحبها بجد؟ امتى نتعامل مع بعض كويس؟ امتى احس اني انسان؟امتى؟؟؟؟؟؟؟
|
مواضيع مشابهة
النمط الخطي
