الي عقله كبير بس هو الي يدخل

[روما الشعنونة]

انا قولت وحشتوني كتير اوك بس بجد دلوقتي انا محتجالكو اوووووووووووووي
عندي مشكلة وبجد المشكلة دية تعباني جدااااااااااااااا
بصو ياجماعة انا خالتي بحبها جدااااااااااااااااااااااااااااااااااااا
بحس انها صحبتي هي رومانسية جداا وطيبة وجميلة جداا خالتة متجوز انسان بجد يكاد يكون شيطان بجد انسان غريب الانسان دة مش حاسس بالمسئولية خالص وزي ماتقولو كدة داخل علي طمع الانسان دة في اول الجواز خلي جدو يجبله عربية عشان يشتغل عليها وللاسف ماعرفش يعمل حاجة وخسر وبعدين طلب منه عربية تاني بردوا جدو جابله بس من غير مايقول لحد من ولادة خالص كان بس جدو وتيتة وخالتو هما الي عارفين ان العربية بفلوس جدو واحنا كنا عارفين انها بفلوس جوز خالتي لكن عرفنا بعدين ودة كان بعد وفاة جدو حبيبي لان جوز خالتي وقع في مشكلة كبيرة وكان ممكن يدخل السجن لو مدفعش مبلغ معين المهم تيتة دفعتله المبلغ دة وقالتله انه لازم بعد ماتتحل المشكلة يبيع العربية وتاخد التية الفلوس وبعد ما اتحلت المشكلة نتيتة كانت بتقولة يبيع العربية مش عايز وعمال يقول مش لاقي مشتري يعني انا اعمل اية ولو حس ان تييتة وخالتو شدو علية يقوم سايب البيت وماشي ويبات برة لانة عارف ان خالتو بتحبه ومش هترضي بجد وخالو هيتجنن منه ومش عارف يعمل معاه اية كلهم غلبو معاه وهو مش عايز يبيع وبقي مش همة حد
تفتكرو الواحد يتصرف مع انسان زي دة ازاي
ياريت بجد لو حد عندة حل يقول واسفة اني طولت عليكو

[وردة النيل]

انا اسفة اوي يا روما

بجد كان نفسي اساعدك

بس مش عندي اي نصيحة

غير ادعو ان ربنا يهديه

وربك مغير للاحوال

وربنا يهديه

[روما الشعنونة]

كفاية انك شاركتي ياورد
وبعدين بجد ربنا يهديه عشان انا خالتو بجد صعبان عليا
عارفة المشكله انهم متجوزين عن قصة حب حلوة اوي كانو زمايل في الجامعة
وخالتو اتحدت الدنيا عشانة لانة مش كان معاه فلوس
بس جدو ساعدة بس هو مش يستاهل المساعدة

[وردة النيل]

معلش

ممكن تقولي ساعة القدر يعمى البصر

وكمان ربنا مش بيرزق عبده الا بكل خير

ربنا يهديه يارب

[فارس اصيل]

وليه عاوزينه يبيع العربيه لوحده
خالو ياخد جده وتيته وزوج خالتك
وعلى الشهرالعقارى عدل وينقل العربيه باسم تيته
وهى تبيع براحتها
وخالتك لازم تعرف ان الحب يجب ان يتوفر للانسان الوفى
انما بالاسلوب ده هى بعثرت الحب واغطته لمن لا يستحقه

[BATISTA]

السلام عليكم

انتو برضة ممكن تخلى أى حد من قرايبكم أو بمعنى أخر الناس الكبيرة طبعا تقعد معاة وتقنع فية ان لازم يبيع ويرد الفلوس لجدتك دة بالذوق طبعا ومدام حجتة انة مش لاقى مشترى ممكن اى حد من اخوالك يشوف لة مشترى ويحطة قدام الامر الواقع مدام بيتحجج انة مش لاقى مشترى

[al_copraa]

فى هذه القصه الكل خاسر
وربما اكثرهم خساره هى خالتك المسكينه التى مازالت تخسر حتى الان
لن ادخل فى تفاصيل سؤ الاختيار منها لزوجها او تفاصيل الطيبه السلبيه والتسليم ومساعده من لا يستحق من جانب جدك لهذا الشخص فالكلام سيطول واعتقد ان مشكله بيع العربيه ليست هى الحل النهائى لاصلاح هذا الشخص وانه سوف يظل عاله على خالتك وجدتك مدى الحياه .... ما علينا
زى ما تفضل بعض الاصدقاء وقالوا لابد من تدخل رجال كبار فى العائله ويحسم الموقف وان كانت حجته هو عدم ايجاد شارى للسياره فلينقل ملكيتها لجدتك وهى تتصرف
بس خلاص

[وائل المصري]

اولا
اهلا بكي معنا من جديد
هناك مقوله لا اعرف مصدرها لكنها تقول
(الطيبون للطيبات والخبيسون للخبيسات).
من الممكن ان تكون هناك شواذ بالقواعد
لكن
سيدتي
خالتكي ابتلاها الله سبحانه وتعالي بهذا الشخص الذي انتي تطلقين عليه لقب شرير
لكن
من الممكن ان نقول انه ضعيف الشخصيه او بالبلدي قليل الحيله
سيدتي
من الممكن ان يكون هذا الرجل شاعر بالعجز امام زوجته لانه لا يستطيع الانفاق عليها لكنه لا يعلم ماذا يفعل
المهم
من الممكن ان تجلس خالتكي مهع حتي يتدارسون الحياة القادمه ويجب ان تتحمل ليس لانها تحبه
لكن
من اجل الاولاد الصغار وحتي لا تحصل علي لقب مطلقه
سمحيني لانني حكمه في الموضوع
لكن
من الممكن ان تكون خالتكي عصبيه بعض الشيئ
في الختام
تمنياتي بزوال الازمه علي خير
وائل المصري

[نرجسية]

مع انك بتقولى عنه انه شيطان لكن غريبة ان جدك و جدتك متعاونين معاه
الى أقصى درجة

يمكن عشان خاطر بنتهم

طيب طالما أنه فقير و خالتك متعلقة بيه و عايزة تربى عياله وسط أبوين
يبقى الحل انكم تصبروا عليه لغاية ما يشتغل و يسدد الدين

كان المفروض جدتك اخدت منه ايصلات أمانة بالمبلغ
ممكن تخلوه يكتبها دلوقتى و يسدد شهريا مبلغ

او اقتراح فارس أصيل برضو اقتراح وجهيه
لكن لا ظن أنه حيوافق عليه
لأن الله أعلم بنيته

المشاركة الأصلية بواسطة وائل المصري

هناك مقوله لا اعرف مصدرها لكنها تقول

(الطيبون للطيبات والخبيسون للخبيسات).

مصدرها القرآن الكريم فى سورة النور

((الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ وَالطَّيِّبَاتُ لِلطَّيِّبِينَ وَالطَّيِّبُونَ لِلطَّيِّبَاتِ

[فراق84]

هذه الشخصية حتفضل كدة طول عمرها
لازم يحللو قصة العربية
وبعدين يبدؤوا بالاساس
لو انسان فعلا بيحبها
لو اهلها كلهم تخللو عنها يفضل يحاول يعيشها حياة كريمة بتعبو
وازا ما كان كذلك
فهو لا يستحق كل هذا التعب
من رأيي ينهو موضوع العربية
ويتركوه لفترة يعتمد على نفسو
لانه اعتاد الاخذ دون عطاء!!!
ربنا يهديه
اختك فراق

[amer68]

على فكره انا بايد اشجع جدا فكره ان حد من الكبار و الرجاله هما اللى يتكلوموا
و فى حل حلو اوى هو انك تبعدى خالتك عنوا خالص مده كده عشان هى اللى مبوظه الدنيا مع الاعتذار ليكى
عشان هو ملاقى اللى بينفذله كل اللى هو عاوزهو يساندوا وهى ظهره
لو خالتك بعدت عنه و لقه نفسوا ملوش ظهر ومش اقولك هيبقى زى العجينه فى ايدكم و ينفذ كل حاجه

الرجل بدون المراه كانه ورقه فى مهب الريح

[dodo3]

المشاركة الأصلية بواسطة فراق84

هذه الشخصية حتفضل كدة طول عمرها
لازم يحللو قصة العربية
وبعدين يبدؤوا بالاساس
لو انسان فعلا بيحبها
لو اهلها كلهم تخللو عنها يفضل يحاول يعيشها حياة كريمة بتعبو
وازا ما كان كذلك
فهو لا يستحق كل هذا التعب
من رأيي ينهو موضوع العربية
ويتركوه لفترة يعتمد على نفسو
لانه اعتاد الاخذ دون عطاء!!!
ربنا يهديه
اختك فراق

انا معاكي فراق الموضوع صعب بس الانسان طول ماهو شايف ان الي بيحتاجله متوفر حيفضل كدة علي طول انتوا لازم تحلوا مشكلة العربية ومحدش يعطيله اي فلوس وبكدة خالتك حاتعرف شخصيته وحاتقدر تحكم علي الموضوع بشكل عقلي وشكرا dodo

[amer68]

المشاركة الأصلية بواسطة dodo3

انا معاكي فراق الموضوع صعب بس الانسان طول ماهو شايف ان الي بيحتاجله متوفر حيفضل كدة علي طول انتوا لازم تحلوا مشكلة العربية ومحدش يعطيله اي فلوس وبكدة خالتك حاتعرف شخصيته وحاتقدر تحكم علي الموضوع بشكل عقلي وشكرا dodo

على فكره انتى لو خلتى خالتك تبعد مده من الزمن و تشوفه من بره على حققته هتفرق كتير اوى فى حاجات كتير
طول ما هى جنبه بيضحك عليها بكلامه الحلو و يستغل حبها ليه ضد خالك و جددتك

[amer68]

my mail
parachutist_amer@yahoo.com
or
bme_miro68@hotmail.com

[رورو11]

عاوزة الحل الحل الوحيد ان خالتك تطلب منة الطلاق ولو مرضيش تخلعة وتدوس على قلبها لإن ازاى انسان زى دة تأتمنة على نفسها وحالها ومالها واستعوضوا ربنا فى تمن العربية