طالع بلدنا وبختها 1

[hassan omran]

طالع بلدنا وبختها
وأوعى تخيب
وتضيع جواب الحقيقه
يا أبني نجيب
وأفتكرني دايما
لما صابتنى رصاصة
ومت فى حضنك شهيد
أوعى تنسى الولد اللى عبر القنال
ورفع معاك العلم
والرملة نار
وأفتكر
ليالى السمر
أيام ما كنا بنحلم ببكره
وليلة العيد
فاكر ليالى السما
لما يطلع فيه القمر
بدر
فاكر بدر لما كنا نحلم
نكون جنود فوق الجبل
ونول شرف الشهادة ويا الرسول
يومها فاكر للنهارده
لما قلنا الله وأكبر
صرخه واحده
كان معانا جنود كتير م الملايكه
بالعزيمة والتوكل
يالله عبرنا
وعبرت معانا مصرنا
حامله فى أيديها علم
علم الكرامه وعزنا
مكنتش أسمع جوه ودنى صوت أوامر
إلا أمر واحد
الله وأكبر
كان فى أدينا سلاح
ووياه حاملين سلاح
الله وأكبر
ولما مات فى قلبى حضنى
على أرض سيناالبطل
مات شهيد
سلمنى جواب
ورجعت شايله جوه جيبى
ولما قريته لقيته
كتبلى فيه
طالع بلا دنا وبختها
فيه عصابة بتتزرع فى أرضها
سرطان مخيف
ليه جذور بتاكل فى بعضها
مالوش دوا
يا تستأصله
يا تموت
فضلت أسرح
ويا فكرى وفى الجواب
العصابة
راكبه فوق قلوبنا وع الصدور
بانية بينها وبين الشعب سور
لو حد حاول يعدى
يا أما منهم
يا يتحرق جوه قطر ولا مسرح
فيه رواية تحكى تنوير العقول
ولا تغرق جوه بحر
لونه أحمر لونه أبيض
ولا حتى ف قلب شط جنب أرض
أو فى سجن عم عنتر
المشمر
واللى ماشى بأمر عبله
بدون أصول
هى دى أصل الحكاية
م البداية كان جواب
طالع بلا دنا وبختها
فى الدنيا عمرى ما شفت أختها
فى المرار والحظ اللى وجع قلبها
قول النصيب قول القدر
مش مهم أصله مين
بس أملنا فى الحرامية
الهربانيين
أشرف وطلعت وأسماعيل
يبنوا جييش
يحتل لندن
ونبقى دولة مستعمريين
يحتلوا مصر ويحرروها
وبدل الولد اللى مات شهيد
جوه سينا
يبقى ألأمل جوه
عصابة م الهربانيين
وهو ده حال بلادنا وبختها
يا حظها
***********
كتابات / حسن عمران

[aamin]

حسن عمران وثورة الشعب الاصيل

حكاية متوارثة من زمان عبر الاجيال

الابطال ضحية والمزورين للتاريخ ابطال

لكن الشعب صاحي وعارف مين هم

ورح يجي يوم يسجل للتاريخ الحقيقة

سلمت وسلم قلمك يا الشاطر حسن

[لاجئة]

اراك تجلس في حيٍّ يخصك انت وحدك لا احد فيه سواك..
ترى بلدك..
بل تبحث عنها...
او تبحث عن المثالية فيها..
وان كانت زجاجية...
في قلمك اختلاف يحثني على قراءة الكلام اكثر من مرة...
فللواقع في همسك معنى مختلف!

[alwathek]

يقول جيفارا: الثوره يفجرها عاشق لبلاده مجنون
ويموت فيها الشرفاء
ويستفيد منها الجبناء
وهذا هو السرطان يا تستئصله يا تموت
ونحن مجانين في عشق اوطاننا وان لم نستطع استئصاله فالموت شرف عظيم

[العصفور المصرى]

كل اللي هقدر أقوله يا حسن باشا هما أربع كلمات وسوري لـِ معناهم

حاكم ظالم وشعب جبان

أبدعت يا غالي وربي يحفظك ويحفظ قلمك الثورجي ، فائق أحترامي لـِ شخصك وقلمك

تحياتى

[محمدعلوان]

فكرتنا يابو على بأبطال أكتوبر العظام

واللى عملوه من أجلنا

وذكرت الحراميه واللى عملوه وبيعملوه فينا

تحياتى لك يامبدع

[زهره مصر]

من قال لا فلم يموت وظل روح ابدية

تحياتي علي ابداعك
في وصف حالنا المرير

[omarr]

حسن عمران ..

قراءت خاطرتك وعاجبتنى جدا ..


سلمت يداك ..

[امرأة العزيز]

دائما الكتابات التي تتحدث عن قضايانا تصيب اعمق اعماقنا ..

ابدعت استاذي

وبانتظارك دائما

كل الود واكثر

[فراق84]

كما اعتدنا منك اخي حسن
قلم الوطن ...قلم مصر
فكرتنا بايام زمان اللي كنا نسمع فيها
يا ترى راح تعب الناس دي هدر؟؟
ولا بكرة حيكون احسن؟؟؟
تسلم ايدك
اختك فراق

[hassan omran]

المشاركة الأصلية بواسطة aamin

حسن عمران وثورة الشعب الاصيل

حكاية متوارثة من زمان عبر الاجيال

الابطال ضحية والمزورين للتاريخ ابطال

لكن الشعب صاحي وعارف مين هم

ورح يجي يوم يسجل للتاريخ الحقيقة

سلمت وسلم قلمك يا الشاطر حسن

أخى المحترم آمين
آمين الكلمه والكلام المهذب
أنها قصة بلادنا جميعا
فلن تجد بلد عربى إلا ما جاهدت ضد المستعمر
وبعد ذلك تجد فيها سرطان لا بد أن نستأصله حتى نعود كما كنا
تقبل تحياتى وأحترامى

[hassan omran]

المشاركة الأصلية بواسطة لاجئة

اراك تجلس في حيٍّ يخصك انت وحدك لا احد فيه سواك..
ترى بلدك..
بل تبحث عنها...
او تبحث عن المثالية فيها..
وان كانت زجاجية...
في قلمك اختلاف يحثني على قراءة الكلام اكثر من مرة...
فللواقع في همسك معنى مختلف!

يا ريت أنام وأصحى أراكى من سكان ذلك الحى
حتى أصبح وامسى عليكى
أيتها المبدعه الصغيرة الكبيرة فى المقام
تقبلى تحياتى وأحترامى

[hassan omran]

المشاركة الأصلية بواسطة alwathek

يقول جيفارا: الثوره يفجرها عاشق لبلاده مجنون
ويموت فيها الشرفاء
ويستفيد منها الجبناء
وهذا هو السرطان يا تستئصله يا تموت
ونحن مجانين في عشق اوطاننا وان لم نستطع استئصاله فالموت شرف عظيم

صدقت أخى الواثق

الثورة محتاجه مجانين بحب الوطن
تقبل تحياتى وأحترامى

[hassan omran]

المشاركة الأصلية بواسطة العصفور المصرى

كل اللي هقدر أقوله يا حسن باشا هما أربع كلمات وسوري لـِ معناهم

حاكم ظالم وشعب جبان

أبدعت يا غالي وربي يحفظك ويحفظ قلمك الثورجي ، فائق أحترامي لـِ شخصك وقلمك

تحياتى

صدقت أخى البلبل المغرد

يوجد حاكم ظالم وشعب طيب
دائما الطيبين بينضحك عليهم
تقبل تحياتى وأحترامى

[hassan omran]

المشاركة الأصلية بواسطة محمدعلوان

فكرتنا يابو على بأبطال أكتوبر العظام

واللى عملوه من أجلنا

وذكرت الحراميه واللى عملوه وبيعملوه فينا

تحياتى لك يامبدع

الحمد لله يا أخ / محمد أنى فكرتك بذكرى جميله
ومعلش على النقيض كان لازم نتحدث عن الوضع الآن
تقبل تحياتى وأحترامى