لمـــــاذا الرحيـــــــــل ..؟

[احمد13]

السلام عليكم

اهلا بجميع الاعضاء

بجد الواحد حزين لما يحدث في الاونة الاخيرة من اعضاء ابن مصر

كل عضو يزعل من حد في المنتدي يروح يقول انا ماشي وانا هنسحب

ويترك المنتدي

بحب اوجه رسالة الي جميع الاعضاء الذين يريدون ترك المنتدي لاسباب لاتستحق

هناك اناس في هذا المنتدي يحبونك وينتظرونك تدخل وتشارك وينتظرون

موضوعاتك بشغف فهل يستحقون منك ان تتركهم بسبب اسبابا لاتستحق

تحياتي ليكم

[عتاب]

معاك يا احمد في كل كلمة قلتها
اوقات كتير بتمر علينا لحظات نفقد فيها احاسيس كتير كانت معانا
داخل البيت او العمل او هنا بين اخواتنا في المنتدى
اوقات بنفكر نسيب المكان نبعد .. ظنا منا اننا لا نبعد هانرتاح
بس الراحة مش هاتيجي الا بمواجهة المشكلة
في يوم من الايام من زمن كنت في نفس الموقف ده
حسيت ان المنتدى بكل ما فيه بيضيق عليا .. بيخنقني
ظنيت ان محدش هنا عايزني لمجرد ان فيه قلة انا مش عجباهم
وقتها قررت الرحيل لفترة (تطول او تقصر .. المهم اني افكر لوحدي هل انا صح والا لا)
بس لقيت اخواتي اللي هنا اللي بيحبوني زعلانين اني هامشي
فكرت كده كام واحد زعلان من وجودي 1 ..2 ... 3 .. 4 مثلا
طيب كام واحد في المقابل عايزني افضل هنا
اكيد ولله الحمد اكتر بكتير
يومها لقيتني راجعة تانية .. اللي زعلان من وجودي يمشي هو
ممكن ابعد يوم اتنين اه بسبب ظروفي وحياتي
انما اسيب بيتي نهائي لا
اليومين اللي فاتوا كنت في ظروف ربنا وحده اللي يعلمها ولحد دلوقت
بس فكرت لو سيبت المنتدى هازود ألمي ومشاكلي
قلت عشان مايبقاش فيه عبء نفسي عليا هاسيب الاشراف (اخد اجازة عشان مابقاش مقصرة انما هافضل في المنتدى حتى لو ماشاركتش)
لقيتني باحاول وباشارك وعلى اد ما اقدر باتناسى آلامي
لو كنت بعدت كان هايحصل ايه .. كانت آلامي هاتزيد بسبب فراقي للناس اللي بحبهم هنا

ياجماعة هنا بيتكم زي بيتكم اللي في الواقع بالظبط
لو زعلت من اخوك هاتسيب البيت وتمشي ؟؟
طبعا لا
ممكن تخرج شوية وترجع لما تهدى
انما تمشي لا

[وردة النيل]

صح انا كمان لحظت الموضوع دا

ودا ديقني جدا

لان كل عضو هنا ليه مكانه

لما بيروح بتحس

ان المنتدى نقصه حاجة

يارب كل الاعضاء يرجعوا من تاني

[قمر الزمان]

انا معاكو كمان مش عارفه
هما بيمشو ليه يعني مثلا كتير بيمشو لما حد بيغلط
فيهم ولا حاجه
تب منا كتير فيه ناس غلطت فيا ليه مش مشيت
بجد كل واحد من الأعضاء اللي مشيوا
نتمنى ان يرجعلنا تاني ومش يزعل من اي حاجه
احنا هنا كلنا اخوات وبنحب بعض
تحياتي ليك يا أحمد

[فراق84]

وانا موافقة على الموضوع
انا بالنسبة لي
اللي بعزهم اهم اكتر من اي خلاف
لماذا نسمح بالخلافات بتغيير حياتنا
او ابعادنا عمن نحب
هذا المكان مش منتدى بس
هادا بيت تاني
ياريت الغايبين كلهم يشوفو الكلام دا
ويعدلو عن رأيهم
وخصوصا من تركوه وهما زعلانين
شكرا احمد للموضوع الملاحظ فعلا
وبدرجة كبيرة
كرهنا ...الفراق
اختك فراق

[ابتسامة الحياة]

موضوع تمام جدا يا احمد
فعلا مكن نتضايق من بعض
ممكن نختلف مع بعض
ممكن يكون الاختلاف دا كبير
عادى عمر ما فيه اتنين بيتفقوا على كل حاجة
من غير الطبيعى اننا نسيب مكان بنحبه وفيه ناس بتحبناعشان خاطر قلة متضايقين منها
وفى النهاية مشكلة وبتعدى
ممكن نفكر مع نفسنا شوية وبالراحة الامور هتتحل
ربنا يهدى الجميع
واللى غايبين لو بيحبوا المكان اكيد هيرجعوا