وكانت مصر زمان !! وبقت دلوقتى !!!!!!!!!!!

[بكــار]

كانت مصر زمان واحه تعطى دون ان تبخل وتجازى من يعمل وتحمى من يخاف وتبارى من يتقرب وتهنى من يتفوق وتعزى من لا دار ولا وطن له

كانت مصر زمان بتخاف على ولادها اللى بيخافوا عليها وبيحموها لاتهدر حقوقهم ولا تطغى على حرياتهم وتقدر لكل مواطن حقه

كانت مصر زمان بر الامان وام الدنيا كانت البيت والدار والوطن والاهل والاحباب كانت الجنة والخضرة والنيل وكل حاجه حلوه ممكن تتخيلها

كانت مصر زمان محبوبة من كل عاشق لترابها ولكل آكل من خيرها ولكل ساكن فى ضواحيها

كانت مصر زمان حلم المستقبل وامله وعشق الحاضر ومراده واصل الماضى وحضارته

كانت مصر زمان مصر الكرامه والعزة والجبروت

كانت مصر زمان عمرها ما تضيع حق
ليها ولو جه واحد فى يوم وظلمها
كان الشعب كله بيقف وقفة رجاله لحد ما يرجعلها حقها
والوقتى بقت ايه مصر

مش هقول لان كل واحد فينا اصبح عارف مصر بقت ايه واللى ما يعرفش مصر بقت ايه ؟ يبقى اكيد ما بينزلش الشارع ؟
وما بيحس بالناس ؟
وما بيعانيش معناة الشعب !!! الشعب البائس الجائع اللى عاش يحلم بان مصر متتخلاش عن ابنائها وولادها اللى بيحبوها وبيخافوا عليها

يبقى مشافش الغلا والويل الى ناس عايشه فيه

يبقى مشافش الحضاره اللى كنا بنتمسك
بيها ونقول دى اصلنا وماضينا والوقتى بقت مصيبتنا وخيبتنا

يبقى مشافش المواصلات واللى بيحصل فيها من انتهاكات
يبقى مشافش الصحه ههههههههه هو احنا لسه عندنا صحه نتكلم عنها
يبقى مشافش اى حاجه باختصار يبقى ما بينزلش من بيته

والله يامصر احتارت معاكى وما بقيت عارف بحبك ولا بكرهك عايز اعيش فيكى واحميكى ولا ادور على وطن تانى وارض تانيه
ارض خيرها يبقى لناسها وامانها يتوزع على الجميع وعدلها يكون سيف على الكل
ارض ما فيهاش ذل ولا مهانه ولا ضياع حقوق ولا انتهاكات
ارض صافيه من الوحوش ارض طاهره ارض فيها الناس تموت لما تلقى حنين وحب وخير بيدفق عليها

ارض ما فيهاش ظلم مافيهاش الم مافيهاش ضياع

بس عارفه يا مصر لسه بحلم ان اشوفك زى ما انا عايز لكن امتى....................... والله ما انا عارف

[وائل المصري]

سيدي

يجب ان يكون عندنا حسن ظن ببلدنا

مصر هي مصر

في كل قلب وفي كل مكان وفي اي زمان هي مصر

لكن

الاشخاص سيدي ابحث عن الاشخاص

هم من اخلوا بالوطن خانوه واغتصبوا ارضه وكيانه

سيدي

كلنا بنحبها انت بتحبها وانا بحبها

مصر جوانا زي الدم وبرانا مثل الام

سيدي

يجب ان تحسن الظن بها وباهلها

وان شاء الله فرجه قريب

مع تحياتي

وائل المصري

[احساس فنان]

فعلا يا اخي الكريم اتفق معك مع كل حرف ذكرته وده كلام شباب كتير مثلك

ذهب دور مصر العربي والعالمي
ذهبت هيبة مصر بين الدول
ضاع الشعب واطحن
ضاعت احلام الشباب

وانا زيك بدور على مصر فينك يا مصر فينك

اخي الحبيب لو لقيت مصر ابقى قولي لقيتها فين
نفسي ارفع راسي زي زمان واقول انا المصري

لو لقيت مصر قولي ومتنسانيش

[**ريفيرا**]

اولا احب اقول لحضرتك حمدا لله علي السلامة
لاني من زمان ما شفت حضرتك
وانا مع حضرتك في كل الكلام ده
فعلا كانت مصر زمان واحة العطاء
ومنبع الخير كله
ونتمني لها ان تعود كما كانت
تحياتي لك