بحث لوحة التحكم مصر
خروج التسجيل مواضيع اليوم

العودة   عالم ابن مصر > ----حوارات جريئة---- > دهاليز السياسة
التسجيّل الأسئلة الشائعة قائمة الأعضاء التقويم البحث مواضيع اليوم جعل جميع المنتديات مقروءة

المشاركة في الموضوع
   
 
قديم 29-06-2008, 05:04 AM   #1 (رابط ثابت)
محمود الحجار
 
تاريخ التسجيّل: Jun 2008
المشاركات: 30
محمود الحجار is on a distinguished road
إرسال رسالة عبر MSN إلى محمود الحجار إرسال رسالة عبر بريد الياهو إلى محمود الحجار
سياسه التشتيت ( انا لا افهم ولا اصلح فلن اغير)


محدش فاهم حاجة



فى الفتره الاخيره كثرت الاصوات الى بتطالب بالتغير اخوان مسلمين وكفايه وحزب الغد و كثير من المدونين الكل بينادى للتغير وهنا تظهر مشكله كبيره وهى ان المواطن المصرى البسيط فى الشارع كل الشاغله حاليا لقمه العيش والاسعار وده طبيعى منطلبش احنا من اى انسان انه يشغل نفسه باى شئ اخر قبل ما يطمئن للقمه عيشه بس الى ظاهر ايضا ان الكثير مننا لايعلم معنى كلمه ( التغير ) مش عارفين تغير ايه الحكومه يعنى ولا سياده الرئيس ولا البلد ولا ايه؟ وحتى لو عرفوا معنى الكلمه مش عارفين ليه اصلا نغير ونغير نروح لمين؟

الحكومه والمعارضه فى وادى والشعب فى وادى تانى

قليل من الناس الى بيحاولوا يعرفوا ويفهموا ايه الى بيحصل حوليهم تجد البعد منهم مؤيد ل ( ايمن نور )
لمجرد بس انه ضد الحكومه ومعارض للحزب الوطنى واعتقل واتعذب فى السجون والغالبيه العظمى من الى بيقولوا كده ميعرفوش الراجل ده ايه فكره وبيقول ايه وعايز ايه اصلا وقليل منهم الحضر له مؤتمر وسمع كلامه ,
اما النعارضين له بقولوا عليه ( خاين ) ليه علشان امريكا بتساعدوا وكونداليزا رايس بتسال عنه ( ياااااه بقى خاين لمجرد ان كونداليزا رايس بتسال عليه ) .

وتجد البعض الاخر متعصب جدا للاخوان المسلمين ويرى ان الاخوان دول هما المسلمين الحقيقين وان المتمسك بالاخوان كالقابض على دينه وان الاخوان كثير ما عذبوا وشردوا وماتوا فى سبيل الوطن وقدموا العشرات من الشهداء فى حرب فلسطين واكتوبر ( يا سلام كده بيجبوا علينا يعنى ولا هما مش مصرين ولا ايه ما فى مصرين كتير استشهدوا مسلمين ومسحين حزب وطنى واخوان ووفد دى مصر ملهاش دعوه بالاحزاب الحكايه دى )
لكن الى انا متاكد منه ان اغلب الشباب المنضم لجماعه الاخوان ملهمش اى دور فى الجماعه غير انهم وقت اى مسيره لمرشح اخوانى تلاقيهم فى مقدمه المسيره شيلين سيوف زى اطفال كورال الاوبرا ,
سؤال اتمنى ان شباب الاخوان يجاوبونى عليه لو اى شاب منهم رايح يصوت فى الانتخابات ووقد امامه ولنفرض مثلا مرشح اخوانى ( حرامى , مرتشى باختصار لا يصلح لهذا المنصب و يعلم ذلك جيدا ) وفى المقابل اى مرشح اخر جدير بهذا المنصب هيرشح مين ؟ الاصلح ولا مرشح الاخوان ؟
لا بلاش ك مرشح الاخوان وانى اتسأل هل هذا لملحه مصر ولا الاخوان ؟ اتمنى الاجابه .

وبالتاكيد اعرف شباب كتيييييييير منضم للحزب الوطنى وده لعده اسباب
الاول : او اتمسكت فى اى كمين طلع كرنيه الحزب احسن من البطاقه القوميه
ثانيا : الحزب بيطلع معسكرات ورحلات لشرم الشيخ ببلاش
ثالثا : لو اترشحت فى اى انتخابات وانت تبع الحزب هتكسب بدايتا من انتخابات اتحاد الطلاب الى انتخابات مجلس الشعب ( وبصراحه كده مفيش حاجه اسمها انتخابات اتحاد طلاب ده اختيار بالكوسه لاى شاب منضم برده للحزب الوطنى)

اما بتوع كفايه دول انا مش فاهمهم بصراحه كل الى طالع عليهم تغير تغير تغير ياعم محدش فاهم حاجه برده نغير
كله معاه كمامته مكتوب عليه كفايه وخلاص طيب فهمونى حاجه مفيش العندهم كفايه كفايه وبس .

عايز تبقى بطل خليك قليل الأدب

بس بصفه عامه بقى اى حد يشتم فى الحزب الوطنى او الحكومه او سياده الريس على اساس او لا بقى بطل وطبعا الامن المصر ميتوصاش اليكلم يتفسح على طول حتى انا ممكن اتفسح مع انى معملتش اى حاجه خارج نظام الدوله الى المفروض انه ديمقراتى بس هو كده وخلاص وبالشكل ده بيخلقوا منى ومن غيرى ابطال على الفاضى .

اما الغالبيه العظمى من الشعب ملهومش دعوه بالسياسه ولا حتى مين الوزراء فى حكومه بلده وميعرفوش ومش عايزين يعرفوا ايه ابسط حقوقهم عايزين يمشوا جمب الحيط وخلاص مفيش شغل عادى الكل كده , فيه شغل خير وبركه واحمد ربنا على اى مرتب بقى تاخده .
بس ده م وجهه نظرى مش موضوع رضا واستحمال لا ده ناتج من انهم اصلا مش مستوعبين ان فى مشكله ومش فاهمين الفرق الكبير بين اوضاعهم واوضاع الشعوب فى الدول الاخرى ومش عرفين ايه امكانيات مصر اصلا وهل فى توزيع عادل للثوره ولا لأ .
والمتامل فى ما حدث فى الانتخابات البرلمانيه عام 2005 من تزوير اصوات الناخبين وده مش كلامى ده باعتراف اغلب القضاه المشرفين على اللجان الانتخابيه وان الاخوان المسلمين فازوا فى اغلب الدوائر الى تقدموا فيها وحصلوا على مجموع اصوات لايقل عن 1.6 مليون صوت انتخابى ( وده من وجهه نظرى مش حبا فى الاخوان لا ده كرها فى الحزب الوطنى ).
مع ربط هذه الحداث بما حدث فى انتخابات الرئاسه بعدها وكيف ان سياده الرئيس مش بس فاز لا ده اكتسح ومن غير تزوير وده مين الفاز ده سياده الرئيس زعيم الحزب الوطنى وصاحب الكلمه الاول والاخيره فيه .وترددت كلمه كتير جدا على مسامع الكل ( الى نعرفه احسن من المنعرفوش ) فعلا الشعب مش عارف حاجه بس من وقتها واكتشفت حاجه ده مش عيب فينا احنا بس لا دى سياسه سياسه بتمارس علينا علشان نفضل مش عرفين حاجه كده ده الانا حاسس بيه لو غلط عرفونى
سياسه اللا وعى سياسه التشتيت

سياسه خلتنا معندناش فكره مؤكده عن اى حاجه وخلتنا معندناش ثقه فى اى حد طيب لو حبينا بقى نغير نغير لمين ونغير ليه اصلا ما احنا مش حاسين ان فى مشكله اصلا طيب ولو غيرنا من غير وعى سياسى كده غيرنا عن جهل ده فى حد ذاته خطر جدا التغير من اجل التغير مش صح هنبقى زى الى لسه خارج من قصة حب مجروح وعلشان يداوى جرحه بسرعه هيندفع ويدخل فى اول قصة اخرى تقابله ممكن جدا الشخص الى يختاره يبقى مش مناسب ويجرحه تانى ووقتها الجرح هيبقى اعمق علشان كدة الناس كانت بتقول ( الى نعرفه احسن من الى منعرفهوش ) طيب هو احنا نعرف اى حركة او حزب فى مصر نتجمع حوله لالالالالالالالالا مقيش حزب جدير بكدة مع العلم ان الحكومة برده مش عايزنها وانا كمان مش عايزها والحزب اخطاء كتيره وواضحه
ناس تقولك ان( الحزب الى ميعرفش الناس بيه ميستحقش حبهم ولا هيبقى حزيب ناجح ) واللهى فى الجون الكلمة دى بس فيه سؤال تفتكروا الاحزاب الى مش بتوصل للناس ده بارادتها ولا فى حاجة بتمنعهم من انهم يوصلولهم !!؟

طيب بلاش احزاب ولا حركات خلينا فى الافراد فى حد فى مصر نثق فيه 90 % بس بعد سياده الريس . حاليا لا طبعا اى معارض يظهر وتبتدى الناس تحبه . تتجمع حوله يوصف بالتعامل مع جهات اجنبية وانه خاين وانه بيمول من الخارج وكثير بيتلفقله تهمه ويتفسح ومش بس الى بتحاربه الحكومه لا المعارضين كمان بيحاربوا بعض
ومفيش فى مصر اى زعامة دينية نثق فيهم بداية من شيخ الازهر والمفتى الى بنقول عليهم انهم تبع الحكومة وملهمش اى لازمة لحد اى شيخ تانى يبتدى يظهر والشباب يحبه يا اما يتقال عليه انه بيفتى او متعصب ويمنع من الدعوة فى المساجد او تحدد اقامته او يطرد بره مصر وساعات كثير بيشرف فى احسن معتقل فيكى يا مصر وبينى وبينكم بجد مبقاش عندنا ثقة فى حد حتى الاعلام دايما بيحاول يوصلنا صورة المتدين الملتحى انه دايما متطرف وارهابى وواضح للجميع ان الاخوان المسلمين والسلفيين كارهين بعض وبيتريقوا على بعض ده يقول للتانى انت عايز الحكم والثانى يرد وانت دافن نفسك ودافنا معاك فى الصلاه والطهار واتباع اولو الامر بس وخلى البلد تضرب تقلب حوالينا واحنا ملناش دعوة يا جماعة هنلاقيها من مين ولا من مين ولا شيوخ الازهر الى الحياه عندهم عنب العنب ولا فيه اى حاجة يبقى فيه اضراب او مظاهرات فى البلد ودول فى الجوامع بيتكلموا عن بر الوالدين وعمرة رمضان بس اكثر حاجة حيرتنى لما قريت حديث عن سيدنا محمد صلى الله عليه وسلم ( الإسلام دين ودنيا ) صدق رسول الله صلى الله عليه وسلم
انا كنت فاكر ان ده كلام الاخوان طلع ان طلبة الازهر وشريعة وقانون بيدرسوه وان الايمان بهذا الحديث وعدمه هو احد قضايا الايمان والكفر فى العقيدة ( يا نهار اسود يعنى الحكومة تعلم الكلام ده للناس وتقول ان الاسلام هو المصدر الاول للتشريع وبعد كدة الى تلاقيه ملتحى تزعل منه طاب ازاى ) !!!!؟
انا اعرف ان فى البلد دى المهندس ممكن يشتغل محاسب وخريج الاداب يفتح صيدلية وظابط الشرطة ملك على الارض وديكتاتور لو حب والدكتور مش لاقى شغل وان لقى يقبض 100 جنيه ميكفيهوش حتى يروح بيته عاااااااااااااادى دى مصر برده واحنا متعودين على كدة بس ان تعلمونا حاجة وتحاربونا فيها بعد كدة يبقة انتو كدة عايزنا نتلخبط

طبعا دلوقتى محدش فاهم انا عايز ايه بالظبط ولا انا تبع وين اقسم بالله انا نفسى مش فاهم حاجة انا بس شايف اننا لازم نتثقف ونعرف اوضاع البلد ونحاول يبقى عندنا شخصية وراى يا جماعه الجهل ضعف احنا معنداش ثقة فى احد ولا حتى فى نفسنا ولا عارفين فين المشكلة وطبعا مش عارفين الحل بالشكل ده هيبقى الوضع على ماهو عليه لمليون سنة قدام .
يا جماعه مينفعش نبقى فى وادى والحكومة والمعارضة فى وادى تانى خالص يلا نحاول
نقرا عن الحزب الوطنى وننضم له بس لو اقتنعنا بافكاره
ونقرا عن الاخوان وعن كفايه والغد والوفد نقرا عن كل دول اكيد وقتها لو بنحب مصر كلنا على اختلاف توجهاتنا هنتجمه فى نقطه واحدة وهنفهم فين الغلط وهمحاول نصححه كلنا علشان مصر وطنا كلنا

كل مقلاتى تجدوها على ط´ظˆظٹظ‡ ط¬ط¯ ظ…ط¹ ط§ظ„ط*ط¬ط§ط± مدونتى الخاصه
محمود الحجار is offline   الرد مع إقتباس
قديم 29-06-2008, 12:52 PM   #2 (رابط ثابت)
وائل المصري(قاضي المنتدي)
 
الصورة الرمزية لـ وائل المصري
 
تاريخ التسجيّل: May 2007
الإقامة: جمهوريه مصر العربيه(الدقهليه)
المشاركات: 2,132
وائل المصري is on a distinguished road
Post السلام عليكم ورحمه الله

سيدي
لما العجب الناس في مصر فريقين اما مؤيد واما معارض
فالمؤيد فهو هذا الذي يقف بجانب الحكمومه
والمعارض من المؤكد انه ضدها
وهناك في جميع دول العالم من يؤيد ومن يعارض
لكن
المهم ان تحدد
(انت عاوز ايه وهتكون وي مين الشمال ولا اليمين)
اقول ليك حاجه
(خلينا في الوسط بين دول وبين دول)
عارف انه نفاق بس هنعمل ايه اه ديه الحياه
مع تحياتي
وائل المصري
__________________
الدنيا كلمه
الحق الباطل العدل الظلم كلمه
اجعل كلماتك حسنات لا سيئات
وائل المصري
وائل المصري is online now   الرد مع إقتباس
قديم 01-07-2008, 04:05 AM   #3 (رابط ثابت)
محمود الحجار
 
تاريخ التسجيّل: Jun 2008
المشاركات: 30
محمود الحجار is on a distinguished road
إرسال رسالة عبر MSN إلى محمود الحجار إرسال رسالة عبر بريد الياهو إلى محمود الحجار
ارجوا ان تقرئوا هذا الموضوع بعنايه
محمود الحجار is offline   الرد مع إقتباس
قديم 01-07-2008, 03:55 PM   #4 (رابط ثابت)
مجنونه فى السرايا الصفرا
 
الصورة الرمزية لـ hend
 
تاريخ التسجيّل: Apr 2007
الإقامة: مصر ( المنصورة)
المشاركات: 5,683
hend is on a distinguished road
سيدى ايمانا بالمعارضه كان طبيعى لاننا وجدنا فيها وقتها ضالتنا
ولكن مع عدم التاثير الجدى لتلك المعارضه فى الحكومه او الرئاسه فقدنا نظرتنا وثقتنا فيها
فاليوم تطالب فئات الشعب كلها بحزب جديبد يضم المضريين بكافة طوائفهم من اجل مصرى بعد انهيار ثقتنا فى كفاية والاخوان
وليس ذلك نتيجة امر واحد وانما مستجدات جديده على الساحه المصريه داخليه وخارجيه تستدعى من المواطن ان يكون قوة فى حد ذاته
__________________


على اسم مصر التاريخ يقدر يقول ما شاء
أنا مصر عندي أحب وأجمل الأشياء
باحبها وهي مالكه الأرض شرق وغرب
وباحبها وهي مرميه جريحة حرب
باحبها بعنف وبرقة وعلى استحياء
واكرهها وألعن أبوها بعشق زي الداء
hend is offline   الرد مع إقتباس
قديم 02-07-2008, 02:35 AM   #5 (رابط ثابت)
محمود الحجار
 
تاريخ التسجيّل: Jun 2008
المشاركات: 30
محمود الحجار is on a distinguished road
إرسال رسالة عبر MSN إلى محمود الحجار إرسال رسالة عبر بريد الياهو إلى محمود الحجار
والله يا هند كلامك صح بس فى مليون حل ممكن الشعب يفكر فيه بس علشان الشعب اصلا يفكر لازم يكون امن على لقمه عيشه وعمله الاول ودى اول واهم حاجه هيفكر فيها اى انسان بسيط فى الشارع انا متكلمتش فيها فى المقال لان حلها مش عندى بس لازم تتحل
__________________
كل عين تعشق حليوة
و إنتي حلوة في كل عين
يا حبيبتي أنا قلبي عاشق
و اسمحيلي بكلمتين
كلمتين يا مصر يمكن
هما أخر كلمتين
حد ضامن يمشي آمن
أو مِـآمن يمشي فين
محمود الحجار is offline   الرد مع إقتباس
قديم 17-07-2008, 03:28 AM   #6 (رابط ثابت)
محمود الحجار
 
تاريخ التسجيّل: Jun 2008
المشاركات: 30
محمود الحجار is on a distinguished road
إرسال رسالة عبر MSN إلى محمود الحجار إرسال رسالة عبر بريد الياهو إلى محمود الحجار
تابعوا كل مقالاتى على مدونه 0 شويه جد مع الحجار)
__________________
كل عين تعشق حليوة
و إنتي حلوة في كل عين
يا حبيبتي أنا قلبي عاشق
و اسمحيلي بكلمتين
كلمتين يا مصر يمكن
هما أخر كلمتين
حد ضامن يمشي آمن
أو مِـآمن يمشي فين
محمود الحجار is offline   الرد مع إقتباس
قديم 20-07-2008, 02:59 PM   #7 (رابط ثابت)
ALEXANDRO
 
الصورة الرمزية لـ ALVARO
 
تاريخ التسجيّل: Jul 2008
الإقامة: URUGUAY
المشاركات: 22
ALVARO is on a distinguished road
والله كلام معقول

الي بيشتم الحكومه بيبقي بطل في نظر الناس

عجبتني الجمله دي اوي

فعلا الي بيشتم الحكومه بيكون بطل حتي لو هو نفسه فاسق (( والحدق يفهم ))

الاخوان = حزب بياخد من الاسلام شعار وستار فقط لجمع الاصوات حوليه

الوطني = الحزب الاجدر بحكم مصر في الفتره الحاليه ومنقدرش ننكر


تحياتي
__________________


Alvaro Recoba
The Legent
ALVARO is offline   الرد مع إقتباس
 
   
المشاركة في الموضوع


خيارات الموضوع
طريقة العرض قيّم هذا الموضوع
قيّم هذا الموضوع:

قوانين المشاركة
لا يمكنك إضافة موضوع جديد
لا يمكنك إضافة مشاركات جديدة
لا يمكنك إضافة مرفقات
لا يمكنك تعديل مشاركاتك

كود [IMG] متاح
كود HTML غير متاح
Trackbacks are متاح
Pingbacks are متاح
Refbacks are متاح

مواضيع مشابهة
المواضيع كاتب الموضوع المنتدى الردود آخر مشاركة
نفسي اغير اسمي تاني احمد ا العدوي حبر و ورقة 6 29-05-2008 02:16 PM
لو حبيت اغير اسمي اعمل ايه شمس النهار الاقتراحات 1 17-01-2008 11:13 AM
ممكن اغير اسمى ؟ رؤيه الاقتراحات 5 17-09-2007 02:45 AM
انا عايز اغير اسمي =BASSEM= الاقتراحات 3 17-09-2006 03:58 PM


جميع الأوقات بتوقيت مكة المكرمة. الساعة الآن » 02:09 PM.

ترجمة كلمات - دليل مواقع ابن مصر - مواقع صديقة - منتدى ابن مصر
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42

Powered by: vBulletin الاصدار 3.6.4
Copyright ©2000 - 2008, Jelsoft Enterprises Ltd.
SEO by vBSEO 3.2.0 RC4 ©2008, Crawlability, Inc.