كله يجمع .. دورة حفظ القرآن

[عتاب]

بناء على طلب اخواتنا في المنتدى

قلت اعمل موضوع لحفظ القرآن

هانحفظ سوا باذن الله عشان نشجع بعض

بس عايزاكم تتفقوا الاول

هانبدأ الحفظ من جزء عم .. واللي حافظه يراجع معانا لحد ما يخلص

والا نبدأ من سورة البقرة ؟؟

اللي عايز يسجل اسمه معانا يدخل بسرعة عشان نبدأ

ها مين معانا؟

[مجرد شعووور]

انا معاكم
وان شاء الله هبدا من بكرة
من البقرة وال عمران
لاني كنت حافظة البقرة قبل كدة
بس نسيتها فهراجع عليها
واحفظ من جديد في ال عمران

على فكرة ياعتوبة الفكرة دي جميلة جدا وان شاء الله يجعله في ميزان حسناتك

تحياتي ليكي
وسجلوني معاكم

[عتاب]

اهلا حبيبتي
ربنا يتقبل يارب
في انتظار باقي اخواتنا عشان نحفظ كلنا سوا

[إبتسامة]

اهلا عتاب جزاكي الله كل خير وجعله في ميزان حسناتك

انا كنت حابه نحفظ من البقرة علشان انا برضه كنت حافظاها ونسيتها

فياريت ابدأ أراجع عليها معاكم

[dodo3]

المشاركة الأصلية بواسطة عتاب

بناء على طلب اخواتنا في المنتدى

قلت اعمل موضوع لحفظ القرآن

هانحفظ سوا باذن الله عشان نشجع بعض

بس عايزاكم تتفقوا الاول

هانبدأ الحفظ من جزء عم .. واللي حافظه يراجع معانا لحد ما يخلص

والا نبدأ من سورة البقرة ؟؟

اللي عايز يسجل اسمه معانا يدخل بسرعة عشان نبدأ

ها مين معانا؟

انا معاكي عتاب ok

[bidroo]

انا معاكم

[مصرويه]

ايوه انامعاكى ياعتاب فى الحفظ بس ياريت تعرفينى الطريقه هتكون ازاى


شكراااا جزاكى الله كل خير

[عتاب]

اهلا بيكم جميعا
اوك خلاص نبدأ من سورة البقرة
ايه رأيكم نحفظ كل يوم 3 آيات ؟؟
ونيجي نسمعهم هنا
واللي تحصله ظروف ومايدخلش المنتدى يكمل حفظ عشان لما ييجي هانمده على التأخير (اصلي مدرسة هههههه) وبرده هايسمع
ها رأيكم ايه

[amer68]

يا جماعه انا من راى انه من الخطا ان نبدا بسوره كبيره زى البقره هتبقى صعب اوى و ناس كتير هتقع فى النصف
انته لازم تبدوا بحاجه سهله هشان تتشجعوا اكتر مش سوره تلات اجزاء لوحدها

[عتاب]

انا هانتظر باقي الاراء
وفي الاخر هاناخد بالاغلبية
وبرده الرأي بتاع جزء عم افضل
لانه اسهل وهايشجعنا كلنا وبعدها ناخد الاصعب

اتمنى تشاركونا برأيكم من تاني
عشان نبدأ من بكرة بمجرد الاتفاق

[new1]

أنا رأي من رأي amer68
ايه رأيكم نبتدي من النص من سورة الاسراء
دا اقتراحي يا عتاب ... فأيه رأيك ورأي بقية الاعضاء؟

[عتاب]

new1
هو انا من رأيي نبدأ من جزء عم لانه سهل
وناس تانية رأيهم نبدأ من سورة البقرة
انما بيتهيألي صعب اننا نبدأ من النص
على العموم اللي هاتتفقوا عليه انا معاكم

بس فين الباقيين؟؟

[new1]

معاك يا عتاب بس اعتقد ان المعظم حافظ الجزئين الاخيرين دول
بالنسبة اننا نبتدي من البقرة عن تجربه صدقيني الناس هتتعب لانها طويله جدا ولما يلاقي الواحد نفسه ما انجزش لسه لحد نهاية السورة هيبدا التقاعص ودا عن خبره
لكده برجح اننا نبتدي من الاسراء ( الجزء الخامس عشر ) اولا سور سهلة وفي حدود 100 آيه وشويه نحدد مثلا حزب في اسبوع او صفحة ونص كل واحد حسب مقدرته ووقت فراغه اللي يسمحله

دي في النهاية وجهة نظر مني لو تحبوا ....

مع خالص تحياتي ليك يا قمر

[ابتسامة الحياة]

السلام عليكم ورحمة الله وبركاته
معاكم ان شاء الله
سواء بداتوا من البقرة او بدأتوا من جزء عم
لكن كان عندى رأى انا نبدأ من جزء عم عشان سهل وهيخلص بسرعة لأننا حافظينه واللى مش حافظه هيبقى سهل انه يحفظه من جديد
وكمان عشان عاوزين نحط هدف لينا يعنى نتفق لغاية رمضان نحاول نخلص كذا (انا رأيى نحدد عم-تبارك-قدسمع)
طبعا من السور دى نقدر نحفظ كل يوم صفحة وهتبقى سهلة لأنها مش هتاخد من وقتنا اكتر من ساعة
ممكن نققلهم لجزءين حسب ما تتفقوا
بس عشان نبقى داخلين رمضان حافظين ومراجعين جزءين هيبقى هدف حلو
وبعدها نبقى نغير ونبدأ من البقرة هنكون اخدنا على الحفظ وربنا يثبتنا ان شاء الله

[ابتسامة الحياة]

انا فكرت ان فاضل 3 شهور مع انى عارفة انهم شهرين بس لغاية رمضان
يبقى نحليهم جزءين بس