لكل من يهمه الامر

[**ريفيرا**]

انا والله يا جماعة مش فاهمة ايه المشكلة اصلا
بس يا رب يرجع المنتدي زي ما كان واحسن
ونفضل اسرة واحدة ما نتفرق ابدا
دمتم جميعا في حفظ الله ورعايته

[احمد13]

كلمة واحدة بحب اوجهها للجميع

احنا هنا اسرة واحدة كلنا


بتمني من الجميع التكاتف وعدم الدخول في الاحزاب


لاننا كلنا اخوات ومشكلة وعدت وليها حل


وبضم صوتي مع عتاب


الاعضاء اللي بتتركنا في ناس هنا بتحبهم

فكده بيظلموا انفسهم وبيظلمونا معاهم

[Dr.Hammood]

بصي يا عتاب


المنتدى بقاله فتره بيخسر اعضاء


والاسباب كتير


اهمها ان اغلب المشرفين همهم الكبير انهم يثبتوا شخصيتهم


ودي حاجه غريبه وبيطبقوها ب طريقه اغرب


الطريف بقى ان الاساليب بقت همجيه


منتهى الاستهترار


الطابع المصري العريق


اول ما نحس ان في ايدنا سلطه او زعامه


لازم وحتما ولابد اننا نكسر عين المرئوس


فرصه وجت


بعض النظر بقى عن اي اعتبارات اخلاقيه او سنيه او اي اعتبار


معقول دي معامله ناس اخوات في كل حاجه


معقوله الديكتاتوريه والساديه دي


حقيقي سائني الوضع جدا


وكنت اتمنى ان الطريقه تكون افضل من كدا


عجبي بجد علينا شعب


بنتكلم عن الحريه والديموقراطيه ليل نهار


وتخطينا ادنى حقوق بعض في الحريه


مش عاوز حد يجي يرد عليا بخطبه طويله عريضه


وياريت الطبع الغريب في اغلاق المواضيع ومسح المشاركات يقل عن كدا


لما الناس تتكتف ازاي هيكونوا سعداء وبراحتهم ومبدعين


في قوانين في المنتدى ممتازه


وفي اساليب اقل ما يقال عنها انها شوارعيه


مش بتكلم عن حد بعينه


تقدري تقولي دا تنبيه او جرس انذار


الحياه مش نت بس


و كما تدين تدان


ربنا يهدينا جميعا

كوني بخير


كونوا بخير

[teto_g14]

ولو انها مش كبيرة بس احنا اللي كبرناها


هى دا المشكله

[mostafa10]

السلام عليكم

ازيكم جميعا

بصراحة انا مش هعرف اضيف حاجة على الكلام دا

بس بجد انا فاكر من شهر وانا لسه مشترك جديد المنتدى كان في قمة الروعة

غبت اسابيع عشان الامتحانات رجعت لقيت الحال كما ترون

بجد انا حزين ﻷن المنتدى نشاطه قل كتير

وفي اعضاء كتير مشت

انا كمان بعترف اني قصرت كتير بعد نشاطي

بس يمكن السبب انشغالي في الاجازة بدورات وكلام كتير كده

عموما انا بتنمنى من كل قلبي ان المنتدى يتحسن ويرجع زي زمان بجد ﻷني حبيته وحبيت الناس اللي فيه في الله

ربنا يبارك فيكم

دمت بخير

[eshoo4ever]

محدش معصوم من الخطا

وكلنا انسان

كلنا بشر ولازم نخطئ عشان نتعلم

ربنا اعطنا نعمت النسيان لننسى الاخطاء بعد ان تعلمنا


منها نبدا من جديد كلنا اخوة مشرفين وادرين واعضااااااااء

اضم اعتراضى للوضع مع اعتراض عتاب

[dmo3_el2amar]

السلام عليكم
طبعا بضم صوتى لصوت اسرة متزعليش ياعتاب انتي عندك حق
بس
واضح ان الازمة كبيرة بجد
واحنا معرفناش نثبت اننا اخوات
احنا مجرد اعضاء في منتدى وبس !!

احنا هنا اسرة واحدة يا عتاب طبع
دي مشكله دايما بتبقي موجوده مش معني الاختلاف في الراي يعني اننا بنكره بعض طبعا
ولاننا كلنا اخوات حنواجه لازم بعقل
ويرجع المنتدي زي ما كان واحسن

[فارس اصيل]

السلام عليكم
اخوانى واحبابى
عالم ابن مصر منتدى خص فى عنوانه انه ابن مصر وليس ابناء مصر
يعنى المفروض كلنا شخص واحد الا وهو ابن مصر
انا فعلا لا اعرف اسباب اى خلاف ولم يصلنى اى تنويه عن اى خلاف بين ابناء المنتدى
انما اسمحوا لى ان اقول وانا والله العظيم لا اعرف اى سبب لاى خلاف
انه عيب علينا ان نختلف على وجهات نظر لان كل الى بيننا حتى الان هى وجهات نظر
علىفكره انا مستغرب ان هناك اختلاف بين الاعضاء وبعضها مع انى لم ارى فى المنتدى عضو واحد (شرانى )ههههه
ربنا يخليكم لبعض وبلاش الهجر وتمسكوا ده احنا مالناش غير بعض علشان نفضفض مع بعض عن كل احوالنا
وزمان كان هناك نقاش حاد جدا جدا بينى وبين الاخت شذا وماسبناش المنتدى وعلاقتنا ببعض جيده جدا جدا
ونتكلم مع بعض بكل ود واحترام
عاوز اقول لكل اخوتى واخوانى اللى فى المنتدى لو اى حد زعلان من اى موضوع يعتبر نفسه زعلان منى انا شخصيا اللى بيحب حد لازم يعاتبه اذا زعل منه
وانا مستنى منكم جميعا حتى لو رسائل وكل منكم يحكى لى ليه هو زعلان
وانا فعلا فعلا ماقدرش على زعل حبايبى
وارجو من الجميع ان يعتبرنى حتى لو اخ اكبر لكم
وعموما كلكم حقكم على انا شخصيا
مستنيكم جميعا وخلى قلوبكم بيضاء

[مصطفى خالد]

السلام عليكم ورحمة الله وبركاته

يمكن محدش يعرفني هنا بس احنا كلنا اهل طبعا ومفيش اي مشكلة يا عتاب بس مشكلتنا

اننا مبقناش زي الاول كل واحد يخاف على التاني كل واحد يحس بالتاني وفعلا بدل ما نكون

اسرة واحدة في بيتنا اتفرقنا لحزبين انا معرفش ليه يعني وليه المنتدى بقى كده ومن مين

المهم انا نفسي والله نرجع زي زمان مش هو ده المنتدى الي دخلته عشلان حاسس انهم

عيلة واحدة عتاب الموضوع ده كان لازم يتعمل والحمد لله انك عملتيه ووالله انا مش حاسس خالص

ولا بفكر في الاعضاء والمشرفين كلنا هنا واحد وحكاية عمر ان شاء الله تتحل ويرجع للمنتدى تاني

ونرجع كلنا اهل زي الاول بس باين ولا هيحصل حاجة خالص لان الناس مبيتسامحوش زي الاول

عتاب انا معاكي في رأيك الجميل ده ومع كل كلمة حق

اخوكم / مصطفى

[عتاب]

المشاركة الأصلية بواسطة وردة النيل

معاكي حق في كل كلمة قولتيها

ومش حضيف غير

اننا نسينا الروح الحلوة الي جمعتنا

ونسينا العيش والملح الي اتقسمناه يوم ما اجتمعنا

واقسمنا بعض

واحنا عارفين ان دا مش صح

واخترنا الحرب ضد الاهل

اتمنى المنتدى يرجع زي مكان

ونرجع لروح التسامح والحب الي كان

عماد هذا المكان

اهو ده اللي انا عايزاه
اننا نرجع نتسامح تاني
نشوف بعض زي الاول اخوة
عضو غلط مش معناه الاعضاء كلهم غلط
مشرف غلط مش معناه ان المشرفين كلهم غلط
وعفا الله عما سلف ونبدأ صفحة جديدة
لمصلحة مين يعني المنتدى يفضل في المشاكل دي
معتقدش حد مننا يحب كده

[جناب العمدة]

السلام عليكم ورحمة الله وبركاته
تحياتى لك يا عتاب ومتزعليش
كلنا فعلاً اخوات وبما انى تطرقت للكلام عن الموضوع فـ أحب توضيح
أنى لم أنقض الادارة والاشراف عامة ولكنى تحدثت عن الخطأ وما أدى إليه
والمتسببين فيه من باب النصح والحفاظ على المنتدى كما الفناه بشكله الرائع
ومساحة الود بين رواده ومن باب حق الرد مكفول بلا تجريح .
لومى كان لأشخاص فى الادارة إخوة كرام لكنهم أخطأوا وخطأهم جاء بصفتهم
فى الادارة ومطالبون بالحياد الكامل وكان من نتيجة هذا الخطأ انسحاب
أحد الاخوة المميزين فى المنتدى كله ولم أعمم وأسحب حكمى على الادارة ككل
لأنه ببساطة فى الادارة مشرفين واداريين نعترف لهم بحسن تصرفهم وبقيامهم بواجبهم
الاشرافى على أكمل وجه وبشكل يشرفنا جميعاً .
سبب كثرة اللغط حول الموضوع وكبر المشكلة والاخذ والرد واعطائه أكبر من حجمه
اسمحيلى أن أقول رايي فى أن السبب فى ذلك وما آلت إليه الأمور هو غياب دور الادارة أو قصره .
كان من المفترض من الادارة أن تقوم بالدور المنوط بها فى تقريب وجهات النظر
وازالة سوء التفاهم الحاصل وتقوم بارضاء الاطراف ولكن للآن لم يحدث .
وللأسف دخلت الادارة طرف فى الخلاف وسببه . وعندما قلنا لأخوتنا أخطأتم لم يعترفوا بذلك .
ونحن نأمل خيراً فى الإدارة وفى انتظار بيان يرضى جميع الأطراف والذين هم اخوتنا وجمعتنا
صلة الصداقة والأخوة وأدعو الله أن تدوم .

[aamin]

اتمنى على ادارة المنتدى

ان تشكل لجنة دائمة لفض

الخلافات وان يكون قبول

الاعضاء والمشرفين بقراراتها

جزء من شروط العضوية هنا

والا كما قالت اختي عتاب

سنتفرق والنفوس مجروحة

اذا شعر العضو انه سينصف

نسبيا فسوف يرتاح لاي قرار

تصدره اللجنة المعنية .

شكرا اختي عتاب على لطف

اهتمامك وروعة وفائك .

احترامي

[Lonely Doc]

المشاركة الأصلية بواسطة Dr.Hammood

بصي يا عتاب


المنتدى بقاله فتره بيخسر اعضاء


والاسباب كتير


اهمها ان اغلب المشرفين همهم الكبير انهم يثبتوا شخصيتهم


ودي حاجه غريبه وبيطبقوها ب طريقه اغرب


الطريف بقى ان الاساليب بقت همجيه


منتهى الاستهترار


الطابع المصري العريق


اول ما نحس ان في ايدنا سلطه او زعامه


لازم وحتما ولابد اننا نكسر عين المرئوس


فرصه وجت


بعض النظر بقى عن اي اعتبارات اخلاقيه او سنيه او اي اعتبار


معقول دي معامله ناس اخوات في كل حاجه


معقوله الديكتاتوريه والساديه دي


حقيقي سائني الوضع جدا


وكنت اتمنى ان الطريقه تكون افضل من كدا


عجبي بجد علينا شعب


بنتكلم عن الحريه والديموقراطيه ليل نهار


وتخطينا ادنى حقوق بعض في الحريه


مش عاوز حد يجي يرد عليا بخطبه طويله عريضه


وياريت الطبع الغريب في اغلاق المواضيع ومسح المشاركات يقل عن كدا


لما الناس تتكتف ازاي هيكونوا سعداء وبراحتهم ومبدعين


في قوانين في المنتدى ممتازه


وفي اساليب اقل ما يقال عنها انها شوارعيه


مش بتكلم عن حد بعينه


تقدري تقولي دا تنبيه او جرس انذار


الحياه مش نت بس


و كما تدين تدان


ربنا يهدينا جميعا

كوني بخير


كونوا بخير

موضوع جميل من اخت فاضلة وعزيزة علينا جميعا وهى عضوة قبل ان تكون مشرفة

هدفه كما فهمت هو لم الشمل وتصفية النفوس وعودة روح الاسرة الواحدة كما عهدناها دوما

فلم يكن هناك اى داع لهذا الهجوم على المشرفين ووصفهم اساليبهم بالهمجية وانهم فى منتهى الاستهتار !!!!

ويمضى وصف المشرفين بالديكتاتورية والسادية !!

ولا تريد منا يا اخى الكريم ان نرد بخطبة طويلة وعريضة,, ونحن لن نفعل ذلك فعلا لانه ليس هذا مجالها ولا الموضوع موضوعها

وما دام ردك جله عن المشرفين فلقد فهمت ان الاساليب التى اقل ما يقال عنها انها شوارعية تخصهم !!!

ساترك للاعضاء وكل من تكرم بالرد فى دعوة عتاب لعودة الروح الحكم على ردك هذا

واشكر لك نيابة عن الاشراف طيب ردك

المشرف العام لونلى دوك

[Lonely Doc]

المشاركة الأصلية بواسطة جناب العمدة

السلام عليكم ورحمة الله وبركاته
تحياتى لك يا عتاب ومتزعليش
كلنا فعلاً اخوات وبما انى تطرقت للكلام عن الموضوع فـ أحب توضيح
أنى لم أنقض الادارة والاشراف عامة ولكنى تحدثت عن الخطأ وما أدى إليه
والمتسببين فيه من باب النصح والحفاظ على المنتدى كما الفناه بشكله الرائع
ومساحة الود بين رواده ومن باب حق الرد مكفول بلا تجريح .
لومى كان لأشخاص فى الادارة إخوة كرام لكنهم أخطأوا وخطأهم جاء بصفتهم
فى الادارة ومطالبون بالحياد الكامل وكان من نتيجة هذا الخطأ انسحاب
أحد الاخوة المميزين فى المنتدى كله ولم أعمم وأسحب حكمى على الادارة ككل
لأنه ببساطة فى الادارة مشرفين واداريين نعترف لهم بحسن تصرفهم وبقيامهم بواجبهم
الاشرافى على أكمل وجه وبشكل يشرفنا جميعاً .
سبب كثرة اللغط حول الموضوع وكبر المشكلة والاخذ والرد واعطائه أكبر من حجمه
اسمحيلى أن أقول رايي فى أن السبب فى ذلك وما آلت إليه الأمور هو غياب دور الادارة أو قصره .
كان من المفترض من الادارة أن تقوم بالدور المنوط بها فى تقريب وجهات النظر
وازالة سوء التفاهم الحاصل وتقوم بارضاء الاطراف ولكن للآن لم يحدث .
وللأسف دخلت الادارة طرف فى الخلاف وسببه . وعندما قلنا لأخوتنا أخطأتم لم يعترفوا بذلك .
ونحن نأمل خيراً فى الإدارة وفى انتظار بيان يرضى جميع الأطراف والذين هم اخوتنا وجمعتنا
صلة الصداقة والأخوة وأدعو الله أن تدوم .

الاخ العزيز جناب العمدة

فى اعتقادى ان الهدف الاساسى من هذا الموضوع هو تصفية النفوس ولم الشمل وعودة روح الاسرة وتنقيه الاجواء مما شابهها

ومعظم الاخوة الافاضل الذين ردوا هنا ادركوا ذلك

وحفاظا منى على هدف الموضوع فلن اتناقش فى ردك حتى لا يخرج الموضوع عن مساره الاصلى,, فكما يقولون لكل مقام مقال

وانا ارحب بعودة عمر او اى اخ او اخت رحل عن بيتنا,, فنحن بلا شك نفتقدهم جميعا ونذكرهم دوما,,, وابن مصر لايكون كاملا الا بهم

تحياتى

[hend]

طبعا ياعتاب محدش فينا عجبه الوضع خالص
واى ترك للاعضاء للمنتدى غير مقبول مهما كانت الاسباب وانقسام المنتدى ما بين اشراف واعضاء برضه غير مقبول
انا محبش انى اكون فى اى حزب او قسم حتى لو كان القسم دا فى ايده سلطه
انا احب انى اكون فى منتدى بتعامل فيه على انى عضوة
واحب كمان انى ما اكونشى استسلاميه ابدا
يعنى لو حضل خلاف او رد مش عاجبنى مش سبب ابدا انى اسيب المنتدى
يمكن قليلين اللى يعرفوا ان تانى موضوع ليا فى المنتدى كانت لى فيه مشكله كبيرة ووقتهاوفكرت انى اسيب المنتدى بجد ومش هقول ان كلام حد رجعنى عن قرارى بقدر ماهو اقتناعى الخاص انه مهما حصل محدش هيكون سبب فى اى قرار لى غيرى انا
ويوم ما احب اسيب اى منتدى هيكون رغبتى انا ومش قرار ناتج عن اى ظروف اخرى
وطبعا بقى السهل عند الجميع انهم يسيبوا المنتدى وكانه فقد مكانته دالخل نفوسهم يعنى المشكله مش بس مشكله افرا ياعتاب وانما المشكله اكبر من كده