فانله ابو تريكه فى وجه الحكومه المصريه

[محمود الحجار]

فانله ابو تريكه فى وش الحكومه

( ان تصدير الغاز المصرى لاسرائيل هو القهر بعينه للشعب المصرى ولباقى شعوب العالم الاسلامى وهذا القهر مرفوض لانه يؤدى الى الانفجار)

دى كانت كلمات الداعيه الاسلاميه الدكتوره ( عبله الكحلاوى) عميده كليه الدراسات
الاسلاميه سابقا والتى اضافت ( لا يمكن لاى انسان صاحب عقل ولديه كرامه ان يوافق او حتى يفكر فى تصدير الغاز المصرى للاسرائلين الذين يقتلون ويشردون اشقائنا يوميا )وكان راى الكنيسه واقباط مصر ممثلين فى كلام القص( اكرام لمعى) رئيس مجلس الاعلام فى الكنيسه الانجيليه عندما صرح ( لم تستفد اسرائيل من اى دوله عربيه مثلما استفادت من مصر بعد اخراجنا من معادله الحرب وتوقيع اتفاقيه السلام وهذا ساهم من زياده قوه اسرائيل)

اما فى مجال السياسى والشعبى فكان راى نواب مجلس الشعب المصرى كالاتى
النائب المستقل طلعت السادات قال : يجب سحب الثقه من هذه الحكومه

النائب الاخوانى احمد البلتاجى قال : ان كلام الحكومه يوحى بانه يجب علينا تقبيل يد اسرائيل على موافقتها على استيراد الغاز من مصر
والنائب الوفدى احمد ناصر قال: احنا كده بنشجع اسرائيل علىاللى بتعمله فى فلسطين ولبنانوده معناه ان الشعب المصرى بكل طوائفه و بكل توجهاته يحرموا و يرفضوا تصدير الغاز المصرى لاسرائيل وطبعا كالعاده الحكومه ضربت بكلامهم عرض الحائط والغاز المصرى وصل اسرائيل .تفتكروا ده معناه ايه ؟

سؤال محرج

هو ليه كل المصرين وكل رجال الدين وكل رجال السياسه بكل انتمائتهم شايفين حاجه والحكومه شايفه حاجه تانيه خالص وكلامها هو اللى بيمشى؟

تيجى تقولنا هى شايفه الموضوع ازاى او تقولنا انها نسيت المأساه اللى بيعشها الشعب الفلسطينى من سنه 1948 لحد دلوقت تقولنا ان ملايين الفلسطينين المحاصرين فى غزه ومش لاقيين اكل ولا دواء ولا نور ولا بنزين نسيت اللى حصل فى بيروت وجنوب لبنان وفى مدرسه بحر البقر فى مصر كل ده يعنى اتنسى علشان خاطر مين؟؟


بعنا خاطر اهلنا واشترينا خاطر مين ؟؟؟وياريت كان بفلوس ده ببلاش

فاكرين الدول العربيه عملت ايه معانا فى حرب اكتوبر؟ رفضوا يصدروا البترول للدول اللى بتساند اسرائيل وشاه ايران بعتلنا سفينه مليانه بترول وفى دول بعتتلنا فلوس والكل وقف جمبنا جمعناهم علشان كنا كبار ولينا كرامه

دلوقت احنا عملنا عكس اللى اتعمل معانا تماما ادينا الغازلليهود بنقولهم اقتلوا كمان وادبحوا
ياترى كده حد هيثق فينا تانى ؟ انا بسال

هو احنا كده خونه

حد يرد عليا احنا كده خونه؟ لو واحد فلسطينى او لبنانى قالى انت خاين علشان انا مصرى علشان بلدك بتصدر للدوله اللى بتدبحه غاز علشان تكمل مجازرها اقوله ايه ارد اقوله ايه؟
هحط وشى فى الارض اه وهقولها تانى (احنا كلنا وشنا فى الارض لحد ما نتخلص من الاتفاقيه السوده دى ) وانا بحزر ده هيبقى مبرر كبير لكل اصحاب الافكار المتطرفه للقيام باعمال ارهابيه هنا فى مصر .

سيناريوهات حمضانه

وهتسمع وقتها كلام كتير حمضان وتفاصيل تعبانه احنا منفهمهاش ومش عايزين نفهمها احنا اللى متاكدين منه انه عيب وحرام الكلام ده وان مفيش مبرر فى الدنيا كلها يخلينا ندى بادينا الغاز لليهود علشان يقتلونا
هتلاقى الى يقولك ده الشريك الاجنبى وملناش فيه
هتقوله وليه شريك اجنبى ومفيش ليه مصرى ؟ هيقولك امكانيتنا والنظام الراس مالى والبزنس ملوش وطن ولا دين

(و انتوا عرفين طبعا مين الى ملوش وطن ولادين ) والله عيب
واللى يقولك اصلها اتفاقيه دوليه دا كدب ودا مش كلامى دا كلام سياده السفير ابراهيم يسرى قال : الاتفاقيه ليست دوليه كما زعمت الحكومه لتتهرب من عرضها على مجلس الشعب شايف التضليل
وان كانت حتى دوليه ولا كونيه انا مالى ومال الكلام ده الغاز ده بتاعنا كلنا مش بتاع الحكومه تديه لاى حد كده وده حق اخواتنا العرب علينا
انا اللى عايز اعرفه بصراحه كده دى ضغوط على الحكومه ولا حب فى اليهود

انا واثق انها مش حب فى اليهود المصرى مهما كان مش خاين
بس هى اكيد ضغوط وعارف انها مش سهله اننا نلغيها وده هيدخلنا فى مواجهه اكيده مع اسرائيل ومن خلفها امريكا واحتمال يفرضوا علينا عقوبات واحنا متعاقبين خلقه مش ناقصه بس انا عايز اقول حاجه لحكومتنا

( يا حكومتنا ارمى حمولك علينا وكلنا وراكى ومعاكى) عايزين يفرضوا عقوبات عادى مستحملين لاننا رجاله وغلطنا والراجل لما بيغلط بيتحمل نتيجه غلطه سعتها الواحد مننا حتى لو مش ياكل هيدفع عمره فدى اى وزير فى حكومتنا0جربونا بس انتوا وهتلاقونا معاكوا الشعب مش ضدكوا احنا ضد اسرائيل ضد اى حد يحاول يسرقنا ولا احنا داخلين على تطبيع ولا ايه؟

لن ننسى

انا كده قولت الى عندى بس عايز افتكر معاكوا موقفين نوصلهم لحكومتنا
الاول لما النجم المحبوب محمد ابو تريكه فى غانا قلع فانله المنتخب لتظهر تحتها فانله مكتوب عليها ( تعاطفا مع غزه) انا من رايى الفانله دى مكانها مش فى غانا مكانها امام مجلس الوزراء فى مصر مش فى غانا

الموقف التانى لما حدث الاجتياح الفسطينى لمعبر رفح مئات الالاف من الفلسطنين دخلوا رفح المصريه انا شوفت على الشاشه راجل فلسطينى بيجرى واشترى كرتونه شبسى شيفين اى حاجه اى حاجه باى سعر كيلوا السكر اللى بيتباع ب3 جنيه اتباع لهم ب25 جنيه ومقلوش لا. اشتروا لانهم مش لاقين مش لاقين دواء ولا اكل ولا شرب ياريت الموقف ده يرقق قلبنا عليهم شويه. سلام

[محمد كمال على]

اللهم أرفع مقتك وغضبك عنا

[dodo3]

المشاركة الأصلية بواسطة محمد كمال على

اللهم أرفع مقتك وغضبك عنا

البلد دي عايزة صاروخ يولع فيها وفي حكومتها هودة اخر كلام اقدر افيدك بيةةةةةةةةة ولا ايةةةةة يا شباب احسن حاجة فعلا محمد كتبها مش كدة

[محمود الحجار]

يا جماعه فى اخطاء بس مساله اننا نعد نلعن بس فى الحكومه وخلاص ملهاش لزمه اكيد يعنى الحكومه مش خونه ومش كرهنا محدش مسلطهم علينا يعنى اه فى اخطاء لاى حكومه والحكومه دى اخطائها كترت احنا واجبنا الاول اننا نحب الوطن بجد وما ضاع حق ورائه مطالب بس علشام مش تفهمونى غلط ياريت يكون مطالب فى حدود الادب والى ميدرش بمصلحه البلد مش اضراب بقى وتفجير وقتل لا فى مليومن طريقه نوصل بيه احتجاجتنا واكيد فاهمين كلامى

[Tears in Smile]

عزيزي المحتج محمود الحجار ....

حقيقة كلامك جميل جدا و منطقي جدا وواقعي جدا ... بس لا تضع وجهك فى الأرض فكل العرب تأمروا على ذبح فلسطين و لبنان ... و أولهم الفلسطينيين أنفسهم و اللبنانيين أنفسهم ..

مسألة تصدير الغاز لإسرائيل دى حاجة في واقع الأمر مانلمش فيها الحكومة المصرية بس احنا كمان نلوم فيها السعودية و العراق و الكويت و قطر لأنه بكل بساطة الكويت ابار البترول مفتوحة للأمريكان على مصراعيها و بالنسبة لقطر شركات كتير جدا قطرية الغاز بيروح لإسرائيل عن طرق مختلفة و العراق ابسط الأمور اتفاقية النفط اللى وقعوها من ايام بس مع أمريكا اللى هاتخلي شركة شل تكون مسئولة عن معظم ابار البترول فى العراق و بكل بساطة السودان مغضوب عليها الان لانها مش عايزة تبيع بترول لإسرائيل و أمريكا و اللى مسئول عن الموضوع دلواتى شركات صينية و كان قبلها ليبيا من المغضوب عليهم الى ان فتحت شركة ايني فرع ليها هناك و بدأت بتصدير الغاز الليبي لإيطاليا مباشرة و من خلالها الله اعلم السفن بتروح فين بعد ما بتخرج من المياة الإقليمية للدولة نفسها ................( مش محتاجة توضيح)
طبعا فضايح مصر كتيرة لان العين عليها كتير...لكن فضايح الدول التانية مدارية علشان ما بتاخدش مواقف صريحة زينا...احنا بعنا العرب من زمان و تصريحات المسئولين بتقول كده علنا..
بالنسبة بأة للفلسطنيين عندك اقرب مثال صريح على ان فيه منهم اللى باع نفسه زي محمودعباس اللى لا يكاد يخلو جدول زياراته الاسبوعية من زيارة او اتنين لأولمرت و لما بيشوف كونداليزا رايس ( اللهم لا اعتراض على خلقك و الحمد لله الذي عافانا و شفانا ) بينزل فيها ( بوس و أحضان ) و اسف على استخدام اللفظ دة لكن هذا الشخص فلسطيني قبل أن يكون حاكم فلسطيني و باع نفسه مقابل ...................(الله اعلم)
نيجي للبنان ... أول من انساق وراء الغرب و كلنا عارفين ان الغرب هما الدرع الواقي لإسرائيل بعد أمريكا الراعي الرسمي لقيام الدولة اليهودية و طبعا لا شك فى تصريحات جنبلاط و الحريري اللى كل ما تسمعها تحس ان سوريا هى اللى ضربت لبنان فى 2006 و هى اللى كانت بتحرك كتيبة شارون فى اشهر مجازرة فى لبنان فى التمانينات و لصالح مين الخلاف بين سوريا و لبنان و مش برضة هى دى سوريا اللى واجهت الجيش الاسرائيلي فى لبنان ؟؟ و مش سوريا دى كانت برضة المفر لكل اللبنانيين اللى هربوا من الحرب و دلواتى اصبحت هى الممول الرئيسي لحزب الله و هى اللى بتمول الارهاب و هى اللى قتلت الحريري ....

عزيزي محمود الموضوع ماهواش موضوع بترول و غاز و بس الموضوع اكبر من كده بكتير
اللبناني اللى انت خايف انه يقولك انك خاين و تحط وشك فى الارض منه لو وقفت ادامة انت و معاك شخص أمريكي هايرحب بالأمريكي عنك و هتلاقى التعامل معاك بكبرياء وتعالى لانه بس قاعد مع شخص أجنبي ...
ومش مقصود اللبناني فقط بعينه او بشخصة المقصود ان العرب اقوياء على بعضهم البعض ما بنعرفش نتشطر الا على بعض ... تلاقيى المصري يقول انا اللى عملت و سويت فى الدولة الفلانية و احنا اللى بنينا و احنا اللى عملناو تلاقى العرب يقولك احنا اللى عملنا و سوينا فى البلد الفلانية و احنا اللى بنأكلهم و بنشربهم .........................اما الى الغزاويين دول ليهم رب كريم يحميهم و ابتلائهم على قدر إيمانهم علشان الناس دى صبرت على البلاء فربنا كرمهم بالنصر و اللى عملته حماس دة اكبر انتصار و اكبر فخر لكل مسلم ان فى الاسلام جنود زي حماس وقفوا فى وش احتلال بيبيد فيهم و صبروا على حصار من الشقيق قبل العدو علشان كده ربنا كافئهم بالانتصار في انهم لما حبوا يعملوا هدنه كانوا هم الاعلون و كانت ايديهم هى العليا مش السفلي..

[ya$men]

موضوع اكتر من روووووووووووووووووووووووووووووعه
بس عندي تعليق صغير
ليه ماتقلش ان الحكومه صدرت الغاز لأسرائيل
خوفا منها واكدي اول حاجه حطتها الحكومه في دماغها
قبل ماتصدر الغاز ان لو احنا رفضنا هايعملو فينا زي ماعملو
في بقيه الدول ده خوف ولا مش خوف نسيو كل حاجه عملوها
فينا الاسرائلين اليهود اللي لعنتهم على كل لسان نسيو
هما عملو ايه في بغداد وبيروت والعرق وفلسطين العظمى
وفكرو في نفسهم وبس ليه هما خايفين يتأذوا ماهو احنا اتأذينا من زمان
لما كل يوم يموت فينا واحد مالهوش اي ذنب كل ذنبه ان هو بيدافع عن نفسه
ويدافع عن نفسه ليه,....؟ هو عمل حاجه يدافع عن عيالو عن بيته عن لقمه عيشو
والله حرام اللي عملو الحكومه ده ادو سلاحنا للمايستهلوهوش للكلاب
دول بياكلو فينا كلنا اخوة هو ده اللي خلى اسرائيل تكون بقلب قويه وتدخل
وتفجر وتضرب وتموت لما لاقيتنا كلنا متفرقين مالقتناش ايد واحده لقيت المسلمين اللي هم المسلمين بيتخانقول ويضربو ويموتو ويهدمو بعض شافتهم وهما بيهدمو بلدهم بأديهم حد فيهم شاف بلد اسرائيل انا اقسم بالله ان مفيش احلى واحسن وانظف منها
وعاوزة اظيف حاجه ان يوم لما ابو تريكه رفع بلوزته اتحاكم عليها والكل بقى ضدو
حتى اخواته اللي في بلده
بس كل اللي اقدر اقوله
حسبي الله ونعم الوكيل عليهم ربنا لايكسبهم في دنيا ولا اخره ويدخلهم جهنم
شكرا موضوعك جميل اوي وياريت تقبل رايي

[السمكه البرونز]

تكون فاكر ده كلام جامد جدا ومقنع وعايزين ما شكل تانيه نقول فيها راينا وياريت ان تكون بره مصر يا محمود

[محمود الحجار]

يا جماعه اولا شكرا لكل القره موضوعى وشكرا لكل الردوا عليا ورالنسبه لتيرز بجد كلامك روعه وتمام التمام بس انا القولته اننا الكبار وهفكرك ببيت شعر بيقول( اذا كان رب البيت بالدف ضارب فشيمه اهل البيت الرقص ) اكيد فهمتنى بس بجد ميرسى على كلامك وردى على ياسمين هى مش مساله خوف وجبن طيب ما احنا ممكن نحسبها انها خوفا على الشعب بس هى مش مساله خوف فى حسابات كتيره حسبوها وفى ضغوط كتيره بس يا جماعه الكره للحكومه بقى وندعى عليها وكده مش ده الحل والاضراب البيحصل ده مش حل خالص ومش انا الهقول الحل ازاى بس اكيد لو فى حل لازم الحكومه والمعارضه والشعب هيكون ليهم دور فيه وردى على السمكه البرونز هههههههههه انت دماغ بس عادى والله تصدق كل اصحابى بيقولولى هتوحشنا يا حجار وكلام ن كده بس لو حد عملى حاجه هستخيب اوى الحكايه اكتر ما هحس بالظلم ليه يعنى انا بكلم بالعقل ومش بقول بقى اضراب والخونه وشتايم ايه يعنى المفروض اننا ننكتم خالص وبعدين لو كل واحد اتكلم اتبعت كده فى ظرف سنتين يا كلنا هيجلنا تخلف عقلى يا هندخل المعتقل ومش هنلاقى بقى حد يجلنا يزورنا علشان الشعب كله هيبقى جوه وناجر بقى ناس من بره يجوا يشتغلونا ويعملوا نفسهم قريبنا ههههههههه لالالالا مش كده خالص بس انت عندك حق برده حصلت ابل كده بس تصدق سعتها هعيش بقى دور انى مكافح وبطل قومى زى فتحى فريد بتاع مدونه المجنون لما طلع من المعتقل وقت الاضراب كتب موضوع عن قصه حياته فى المعتقل وعربيه الترحيلات وشويه هيقول الزنزانه 45 بتاعه السادات ياسيدى يلا سلام

[ميت العامل1]

العرب نفعونا في ايه

[محمود الحجار]

طبعا وقتها نفعونا ومكنوش يقدروا يعمولوا غير كده ايه يعنى هيدونا اسله ولا جنود مكنوش متطورين اوى فى السلاح سعتها ولا احنا نقصنا جنود النقصنا بترول وفلوس واخدناهم وبعدين ده اى حد فى البلد دى ميلقيش شغل يطلع على الدول العربيه خلينا نكلم بصراحه اه الواحد هناك بيتمرمط سعات بس بيجيب فلوس وهو اصلا بيبقى طالع عايز كده بصراحه فتحين بيوت ناس كتير هنا اه مش مليكه دلوقت طبعا وفى قواعد عسكريه امريكيه وبلاوى هناك بس انا بكلم انهم وقت الحرب نفعونا ومحدش ينكر كده

دى مدونتى www.al-ahagar.blogspot.com

[نسيمه]

السلام عليكم الموضوع حلو جدا بس فكره ان احنا المصريين خونه احنا مش خونه لان لمصريين من بدايه التاريخ واحنا بنقاوم وبنحارب الاحتلال ومش ممكن ييجى على المصريين وقت يتقال عليهم خونه لانهم ناس عملوا تاريخهم وحضارتهم بنفسهم يمكن اتالمنا وتعبنا بس حاربنا ووقفنا لما حررنا ارضنا بالدم والسلام اما مساله ان الحكومه خايفه او عملت احنا المصريين بقولها ومحدش يزعل المصريين المعاصريين اتهاونا فى حقنا كتير سواء حقوقنا الداخليه او الخارجيه لما بدا ييجى علينا الوقت الى بقينا متواكلين مستهلكين علشان تدور على حقك ووقفه ضد الحكومه علشان موضوع الغاز ده دور على المصريين يوقفوا وقفه ضد كل مواطن الاهمال والرشوه والمحسوبيات الاول علشان نتقدم لازم ده يكون نابع مننا شخصيا نرفض اننا نكون مجرد مستهلكين الحكومه من الشعب اى احد افراده تحمل نفس ثقافته وضعفه وخوفه وهاستشهد بمثل انت شخصيا قولته اذا كان رب البيت بالدف ضاربا

[محمود الحجار]

عداكى العيب والله كلامك حلو ويارب الشعب كله يبقى زيك كده بس هى المشكله عارفه المشكله ان المصرى بين نارين وانا بين نارين انى اطلب منهم كده وشايف انهم يتثقفوا ويعرفوا يطالبوا بحقوقهم ده لازم بس برده انا خايف انى اقول ان اى مصرى ابل ما هيفكر فى الديموقراطيه او الغاز او اى حاجه هيدور على اكل عيشه الاول ياكل االول بعد كده يبتدى يفكر فى الكلام ده مع ان الاتنين واحد فهمانى ؟

[Tears in Smile]

عزيزي محمود الحجار ... شكرا لتعقيبك على الردود و لكن اسمحلي أن اعقب ايضا على بعض الردود خاصة ميت العامل و نسيمة ...

عزيزي ميت العامل ...سؤالك العرب نفعونا في ايه ؟؟
الاجابة..... معظم الأسلحة المستخدمة في حرب 73 دخلت مصر عن طريق دول عربية مختلفة فأقرب مثال هى أشهر صفقة أسلحة دخلت مصر منذ بداية الحرب مع اسرائيل عن طريق 3 دول عربية هى الأردن و السعودية و سوريا
طبعا لان مصر كانت محاصرة اقتصاديا و محاصرة عسكريا فكان من الصعب جدا الحصول على الأسلحة من روسيا ببساطة شديدة ان اسرائيل عارفة كل تحركات القوى العسكرية في مصر فما كان من الشقيقة السعودية الا انها قامت بشراء اسلحة و ذخائر بهدف تعظيم قواها العسكرية داخل المملكة و تحولت السفن المحملة بالأسلحة من خليج العقبة بدلا من أن تكمل مسيرتها للسعودية تحولت الى مصر ....( العرب نفعونا في كتير )
العراق و كان وقتها من المصدرين الاوائل للنفط كل ما كان عليه الا انه اوقف تصدير النفط لأمريكا ..
ليبيا ارسلت سرب من الطائرات الحربية لمصر قبيل الحرب بأيام و دة كان من أهم اسباب ارباك العدو لانه كان على علم ان الجيش المصري لا يمتلك الا عدد محدود من الطائرات لا تكفي لضرب معظم الأهداف و كانت مفاجئة قوية ليهم وجود الكم الهائل من الطائرات ..
و السودان ارسلت تعزيزات بشرية لمصر فى وقت الحرب من جنود كخطوط دفاع خلفية و لحماية بعض المناطق فى مصر اى نعم لم تستغل لكن كان في النية للمساعدة ... دة غير المساعدات المالية من بعض الدول الاخري العربية

طبعا مش كل دة مجانا أو لوجه الله تعالى و لكن ايضا ما نقدرش نقول انه كله مصالح لان كان فى الوقت دة فى بعض الدول العربية مدانة لمصر بقوى عسكرية زي الجزائر و اليمن و ليبيا فكان من الواجب المساعدة عليهم و فعلا ساعدو .... كذلك السعودية والكويت و العراق و غيرهم من الدو ل العربية اللى ساعدت
اما من ناحية اتفاق السلام اللى تم و كامب ديفيد بالأخص اللى فعلا كانت الشق الذي هدم الجدار العربي فدي حاجة ما نقدرش نقول بعد نظر من السادات ممكن توقعات بعض الشيء و ممكن نقول برضة لحكمة يعلمها الله لكن الحرب اكيد ليها نهاية و الا ماكانش يبقى فيه اعمار و لا فيه تطوير و خلافة و مع ذلك الدول العربية هى التي تسعى الان للتطبيع صاغرة اليدين راجية العفو و الصفح من السادة اولمرت و بوش( الله يحرقهم الاتنين مع بعض )


أما بالنسبة للأخت نسيمة ..... انهى حضارة اللى بنيناها ؟؟؟
هو مافيش علاقة بين الخيانة و الحضارة لان العراق برضة فيها حضارة و سوريا فيها حضارة و هما كمان بنوها بأنفسهم ثانيا هى فين الحضارة ؟؟؟
الاهرامات دى من 7000 سنه طيب النهاردة احنا فين ؟؟؟؟
دولة تمتلك تلات مصادر للمياة على رأي هاني رمزي فى عايز حقي ( على ناصية مفيش اختها في العالم ) تربط قارتين ببعض بريا و بحريا تمتلك من القوي البشرية للعمالة فقط حوالى 30 مليون قوى عاملة تمتلك من الغاز و البترول و المواد الخام كالحديد و الفحم و المنجنيز ما لا تمتلكه دوله اخري فى العالم كله بدون مبالغة ..... تمتلك من الثروات الطبيعية كمحميات و خلافة ما لا يوجد الا فى الخيال فقط و مع ذلك شعبها يعاني من الفقر و الاذلال و تقولي حضارة ؟؟؟
انا معاكى انهم متهاونيين و مضيعين حقهم بس ان جيتي للحق ... يستاهلو .. ايوة يستاهلوا لان احنا المصريين فينا طبع سيء او غالبيتنا مش هاقولك كلنا لو في ايدنا احدى السيئتين المال أو السلطة هانفتري على بعض اخر حاجة بدليل ....ظباط الشرطة تلاقي الكتكوت منهم لسه مخلص ال 45 يوم بتوع اول سنه ليه فى الكليه و خارج يسب و يلعن فى اللى يقابله كأنه ملك الارض و من عليها .... ظابط الجيش يمشي فى الطرق السريعة ما يدفعش رسوم العبور على الطرق (الكارته ) زي اى مواطن عادي (نفسي اعرف ايه الفرق ) .... و كيل النيابة أو المستشار تلاقيه لزق الميزان و البادج على ازاز العربية و ماشي فى الشارع ( يا ارض اتهدي ما عليكي ادي ) عضو مجلس الشعب تلاقى العجرفة بعد الانتخابات مالية نظراته على الناس كأنه هو اله البشر دى و هو اضعف من انه يكون قادر على مواجهة دور انفلونزا شديد حبتين ...
سبب رجوعنا و سبب اللى وصلناله ده هو اننا مازلنا لحد النهاردة بنفخر بحضارة بناها مصريين من 7000 سنه و نسينا خالص ان احنا واجب علينا اننا نطور الحضارة دى و نعمل احنا كمان حضارة لعل و عسي يمد الله فى اجل الارض كمان 7000 سنه و ييجي ناس يقولوا اه دة كان في حضارة هنا من 7000 سنه مش من 14 الف سنه
احنا ضيعنا كتير بسبب شعارات و فرحة الاهرامات و ابو الهول و بكل بساطة انتى بتفخري بحضارة الفراعنة بس انتى مش عارفة فيه كام هرم في مصر .....؟؟؟ مش كده برضة ؟


اخرا و ليس اخيرا ..... يا جماعة لو كان الرعيه يتقون الله فى انفسه لولى الله عليهم من يتق الله فيهم ....

[محمود الحجار]

مش عايز اقول غير كلمه وحده يا ريت مصر كلها تشوف حورانا ده وردودنا على بعض وكلنا نفكر فى بلدنا مش فى نفسنا بس

[محمود الحجار]

اخر مقلاتى على مدونتى ط§ظ„ط*ط¬ط§ط±