توضيح......مصدومه...اسفه....القهوه.....صمتى......و رد......عمر.....لكل الناس

[نيهال]

مصدومه بكل معنى الكلمه

ابدا منين الكلام

فصمتى فسره البعض بزعل او تقصير تجاه ورد والكثير من الاصدقاء

حاحكى لكم الحكايه.....

ورد صديقتى واختى ......ومهما اختلفنا فى الراى ..مش فيه حد بيزعل من التانى مهما حصل

من كام يوم اتصلت بيا ورد وانا فى الشغل وسالتنى عن شئ فقلتلها طبعا مستحيل يحصل كده

واول ما دخلت البيت بالرغم من انى واصله بوقت متاخر
دخلت المنتدى
ويادوبك بحرك الماوس
مش قادره حتى اكتب

شوفت سوء الفهم اللى حصل من البدايه

وكنت عل يقين تام بان عمر فهم ورد غلط ومن حقى كاخت للطرفين انى اوضح النقطه دى

اول حاجه عملتها اول ما رجعت تانى يوم من عملى انى اكلم عمر وكمان ورد
وبالفعل ........

والحمد لله قدرنا نوصل لترتيب نقاط معينه
ووضحت الفكره لعمر .........

طبعا مشكله عمر لم تنتهى عند هذا الحد......

اللى عايزه اقوله
انه هناك من قال ....فيه ناس بتقول ان ورد ونيهال زعلانين

وان ورد اجبرت نيهال على الصمت

ومش ده اللى حصل يا جماعه

اقسم بالله مش ده اللى حصل

انا فعلا مشغوله بعمل خاص بيخلينى ارجع متاخر جدا الكام يوم الى فاتو

ومش اخدت بالى ان موضوع مشكله عمر وورد اتناول طرحه ومناقشته بالقهوه

ولما شوفته امبارح لقيت ان الامور بدات تهدى والناس قفلت باب الكلام فيه وبدات تتكلم عادى شويه

فقلت الحمد لله
دلو قتى مش فاضل غير مشكله عمر مع بقيه الردود
لانى بعرف ان مشكله ورد وعمر انتهت فهى لم تكن سوى سوء فهم من بدايه الامر

كتير منكم يعرفنى ويعرف انى صريحه وبتكلم بتلقائيه
ارجوكم استحملونى شويه كمان

نرجع تانى لمشكله عمر....
تسمحولى اقول حاجه
دكتور محمود حاجه كبيره جدا بنظرى وصعب اوفيه حقه
وباتستا بحترمه جدا لانه زى اخويا
اتنتم عارفين يعنى ايه الواحد يكون اخوه غايب عنه ووالده متوفى
هوه ده ابن مصر بالنسبه ليا
فيه بلاقى اخويا واختى وكل اصحابى.......

فلما اسمع انى ممكن كلامى حيضايق اخويا بحاول بكل الطرق انى اقوله باسلوب لا يكون مباشر

شوفت بموضوع عمر سوء تفاهم حصل
وازاى باتستا اتكلم.....عارفه انه طيب جدا
لكن كلامه لاول وهله تشعر انه اهانه لعضو اخر

واخيرا قرات توضيح محمد لما قاله....

يا جماعه الخير احنا اخوات

كلنا فى المنتدى مش من يوم ولا اتنين

ليه الاقى حد بيفكر بطريقه غير سويه؟.؟

ازاى تقدر تنام او تقابل ربك بصلاتك؟؟

حاجه اخيره
ارجوكم التمسوا العذر للاخر
الرسول عليه الصلاه والسلام قال فيما معناه
التمس لاخيك بضع وسبعون عذرا
اكيد يعنى الاعذار مش خلصت

اتمنى انى مش الاقى تفسير غريب لاى شئ بيحصل

مش معنى انى مش دخلت القهوه انى زعلانه من حد فيها .....ولكن لاحظوا نا بقالى فته من حتى بل مشكله عمر

مش معنى انى مش رديت وعلقت على المشكله انى زعلانه مع ورد...
مش معنى انى مش موجوده كام يوم انى زعلانه
اللى عايز يعرف يسالنى صراحه وانا مش من عادتى انى اخبى
لو مشغوله بقول
ولو زهقانه بقول

اتصدمت بجد

فلا يوجد عندى كلام تانى اقوله

لانى فعلا مصدومه من التفكير اللى وصل لاصدقائى

رسالتى الاخيره حابه انى اقولها لورد.....حبيبتى انا لم اتطرق للموضوع من جهتك لانى بعرف انه انتهى والحمد لله

فلم ولن يكون استهانه بك ابدا او بانك اجبرتينا على عدم التدخل

ارجوكى مش تزعلى منى.......

عذرا لتوضيح كلامى هكذا ....... .لكن بجد انا فعلا زعلنه من اللى حاصل

[amr_miza1]

السلام عليكم ورحمة الله وبركاته

اتمنى يكون الكل بخير

مع الاسف يا نيهال مكنتش موجود الفترة اللى فاتت ومعرفتش اتابع الموضوع او المشكلة ,
لكن على اى حال فمش هقدر انكر ان ان دى حاجة سببت لنا كلنا حزن شديد , مش بسبب المشكلة فى حد ذاتها على قدر ما المشكلة ادت بالنهاية لمشكلة اخرى
يعنى المفترض ان الأزمة تعدى وتتحل على اساس اننا بشر ومعرضين اننا نغلط

حزين جدا ان عمر أخد قرار بالرحيل رغم ان الموضوع ممكن جدا يتنهى ويتحل وترجع الامور كما كانت
" بصرف النظر عن مين أخطأ , أو مين تفهم الأمر بشكل مختلف "


بخصوص انتى وورد فمعتقدش ان اى حد ممكن يكون ليه تدخل
والتدخل بالنهاية لا طائل له لان علاقتكم الشخصية ليس من حق أحد انه يتدخل فيها
واذا تدخل فليكن بالحسنى وبكلمة طيبة

اتمنى الامور تعدى على خير وترجع الاسرة الجميلة كما كانت وأفضل

[The Myth]

ماتزعليش يا نيهال
دي ظروفك و أكيد كل الناس بتقدر الظروف اللي الواحد بيمر بيها
و أكيد محدش هايفكر و لو للحظة انك علي خلاف مع الورد
ربنا يديم صداقتكم و يقويها اكتر و اكتر

انا عندي احساس كبير ان المشكلة هاتتحل قريب جدا
ربنا يقدم اللي فيه الخير

[Lonely Doc]

اخوتى واخواتى ابناء هذا البيت

مشكلة وحدثت وفى تصورى انها مشكلة بسيطة ومن الممكن ان تحدث كثيرا نتيجة سوء الفهم او اللبس الذى قد يحدث والرد على أثره دون محاولة استيضاح ونتيجة التدخل السريع من البعض تدفعهم حميه

واقول بسيطة لانه حدث بالفعل اكبر منها بكثير وتم احتوائه وحله فى ساعات محدودة

وكان من الممكن ان تحل هذه المشكلة كمثيلاتها بهدوء لولا الانسحاب السريع لعمر وهو تحت وطأة الاحساس بالاهانة ولولا تدخل الكثيرين بحسن نية لعودة عمر فابتدات تكبر شيئا فشيئا وبدلا من ان نحتوى المشكلة احتوتنا هى وصارت الشغل الشاغل والحديث الاوحد وحظيت بنصيب الاسد من الردود فى الفترة الاخيرة

لست هنا بصدد عتاب او لوم اى احد من اطراف المشكله

ما دفعنى للرد الان هو رد عمرو ميزا الذى بالاعلى,,, لو ان هذا الرد وردودا اخر على شاكلته كانت موجودة حينها لهان الامر كثيرا ولتم وأد المشكلة وهى فى مهدها

احييك فعلا ياعمرو على هذا الرد ومرحبا بعودة ابن مميز من ابناء هذا البيت ومرحبا بالردود العاقلة المتزنة التى تسعى فعلا للاحتواء

اطراف المشكلة الحقيقيون يعدون على اصابع اليد الواحدة,, لكن من صار بداخل المشكلة الان قد لا تكفى صفحات المنتدى لحصرهم

ليس مهما الان من مع من ,, ومن ضد من

دعونا نعيد المشكلة لحجمها الاصلى

وسيكون حلها يسيرا ان شاء الله ,,, ويعود من رحل ويصفوا من غضب ويهدأ من انفعل

كلمة اخيرة لأولى الالباب :

كلنا هنا اخوة واخوات فى بيت اسمه ابن مصر ولسنا اعضاء ومشرفين فى منتدى ,,, واتمنى ان تكون مشاركتنا وردودنا على هذا الاساس


نيهال : شكلك مذعورة خالص ,,, ستعود المياه الى مجاريها ان شاء الله

تحياتى

[amr_miza1]

بالظبط د.محمود .. تفخيم المشكلة ليس لصالح الأطراف أصحاب المشكلة
وكى نصل بالموضوع لأفضل الحلول فلنقل خيرا أو فالصمت أفضل

تحيتى لك وأشكرك لنظرتك فى رأيي وشخصى المتواضع

[فارس اصيل]

جميل جدا انى كل ماادخل مكان فى المنتدى
الاقى الموضوع ده مطروح
وده طبعا من حسن اخلاق الاخوه فى المنتدى
وانا احسبهم جميعا على خير
انما من خلال تجربتى مع اى مجتمع
ان كثره النقاش سوف تزيد الامور تعقيدا

[نيهال]

المشاركة الأصلية بواسطة amr_miza1

السلام عليكم ورحمة الله وبركاته
..................

بخصوص انتى وورد فمعتقدش ان اى حد ممكن يكون ليه تدخل
والتدخل بالنهاية لا طائل له لان علاقتكم الشخصية ليس من حق أحد انه يتدخل فيها
واذا تدخل فليكن بالحسنى وبكلمة طيبة

وعليكم السلام ورحمه الله وبركاته
اتمنى يكون الجميع بخير
واتمنى ان اكون انا الاخرى بخير

يا ريت فعلا يا عمرو مش حد يتدخل بينى وبين ورد ........
او على الاقل يكون بكلمه طيبه
لا تشعل اى سوء تفاهم بيننا
اتمنى بجد الكلمه الطيبه او فليصمت من يصمت افضل بكثير من الكلام

[نيهال]

المشاركة الأصلية بواسطة The Myth

ماتزعليش يا نيهال
يا ريت الموضوع كان سهل او الحزن بايدينا نشيله

دي ظروفك و أكيد كل الناس بتقدر الظروف اللي الواحد بيمر بيها
اتمنى ده فعا

و أكيد محدش هايفكر و لو للحظة انك علي خلاف مع الورد
يا ريت لان الصوره اللى شفتها بجد مؤلمه

ربنا يديم صداقتكم و يقويها اكتر و اكتر
امين يا رب العالمين

انا عندي احساس كبير ان المشكلة هاتتحل قريب جدا
ربنا ييسر كل حال

الحمد لله على كل شئ

[نيهال]

المشاركة الأصلية بواسطة Lonely Doc

نيهال : شكلك مذعورة خالص ,,, ستعود المياه الى مجاريها ان شاء الله

تحياتى

ده انا مرعوبه يا دكتور مما وصلنى امس
مش عندى رد اقوله غير
ربنا ييسر الحال

[نيهال]

المشاركة الأصلية بواسطة فارس اصيل

جميل جدا انى كل ماادخل مكان فى المنتدى

الاقى الموضوع ده مطروح
ببدايه الامر الموضوع لم يكن مطروحا وخاصا بما حدث لعمر
ولكن توابع المشكله عليا وعلى اصدقائى بجد كانت مش لطيفه بالمره
فكان من الضرورى توضيح فكرى حتى لا اجد اى افكار غريبه قد تنتاب البعض



انما من خلال تجربتى مع اى مجتمع

ان كثره النقاش سوف تزيد الامور تعقيدا
اكيد طبعا
بس ارجع واقول كلامى توضيحى لما حدث معى بالايام السابقه
وخصوصا انى فعلا مشغوله

ربنا ييسر الحال للجميع