تقبل تحب واحده كانت بتحب أخوك >> والعكس

[قمر الزمان]

بسم الله الرحمن الرحيم
النهارده جايبالكم موضوع جديد
وأكيد باين من عنوان التوبك اللي هتكلم فيه
هوضح أكتر
يعني انتي لو حبيتي واحد كان بيحب أختك
وماحصلش بينهم تفاهم أو هي مش كنات بتحبو
أنتي تقبلي تحبيه ؟ مع العلم انو حب أختك
..................،....................
أو أنت لو حبيت واحده وبعد ماحبيتها أكتشفت
أنها كانت بتحب أخوك هترضى بيها
وتكمل معاها ولا هتسيبها
علشان مش صارحتك بالحقيقه ..،.. ؟؟
ياريت الكل يشارك ويقولي رأيو بصراحه
منتظره ردودكم

[أدهم]

ياقمر الزمان المواضيع دى بتعصر الواحد عصر حرام عليكى .. بس برافو .. هقولك حاجة أنا من حيث المبدأ الحب اللى عندى اللى هو الجواز أو قبله بخطوة .. وخطوة يعنى خطوة مش فدان
ثانيا الحب ده مش فيشة كهرباء الواحد بيحطها يشتغل الحب يخلعها يبطل
ثالثا مش من حقى أسألها فى أمور كانت قبل إتفاقنا وعهدنا ولو بساعة واحدة مادامت لاتؤثر على مستقبلنا معا ..
رابعا لو أن العلاقة من تلك العلاقات الدارجة والتى تسمى خاطفة فلا داعى للتوقف عندها كثيرا ولتستمر حياتنا ولاشئ مطلقا ممكن يحدث ..
خامسا لو أن هناك من الأمور ما يمكن أن يؤدى لقطع صلة الرحم أو إثارة أمور من شأنها تنغيص حياتنا جميعا قد يكون قرار التضحية هنا مؤلم لكنه واجب .. مالم يكون هناك بديل كالإقامة ببلد آخر لعدم التواجه ..
سادسا لى صديق خطب فتاه وكانوا على علاقة وطيدة لمدة سنتين وإنفصلا وذهب وتزوج أختها ووافقوا بلا أى مشاكل وعندهم بنوته الأن

.
أخر مرة ياقمر الزمان تعملى كده

[اميرة_الورد]

انا معتقدش اني ممكن احب واحد كانت بتحبه اختي
حتي لو حصل لازم ابعد عن الحب ده
لان مثلا لو انا و هو ارتبطنا و بعدين بدا يحن لماضيه مع اختي ساعتها ان هعمل ايه
اكيد هيحصل مشاكل بيني و بينها

[عتاب]

اهلا قمر
الموضوع جميل
بس الحب مش اختياري
مش بمزاجي هقول انا هاحب ده او لا
انما السؤال الحقيقي انا هارتبط بيه والا لا
طبعا اذا كان بيحب اختي قبل كده مش هاقدر ارتبط بيه حتى لو هي رفضته وماكنتش بتحبه
لاني لو ارتبطت بيه مش هاتحمل كلامهم سوا
هالاقي نفسي باراقب تصرفاته معاها وتصرفاتها معاه
غصب عني هعمل كده وممكن كمان لو هي كانت مياله له الموضوع يتسبب في قطع الارحام
يبقى بلاها الجوازة اللي هاتبعدني عن اقرب الناس ليا
ونفس الكلام انا قلته قبل كده لو مكنتش اختي وكانت واحدة صاحبتي
مش هاضحي بصداقتها عشان ارتبط بانسان كانت بتحبه او كان بيحبها

[قمر الزمان]

المشاركة الأصلية بواسطة أدهم

ياقمر الزمان المواضيع دى بتعصر الواحد عصر حرام عليكى .. بس برافو .. هقولك حاجة أنا من حيث المبدأ الحب اللى عندى اللى هو الجواز أو قبله بخطوة .. وخطوة يعنى خطوة مش فدان
ثانيا الحب ده مش فيشة كهرباء الواحد بيحطها يشتغل الحب يخلعها يبطل
ثالثا مش من حقى أسألها فى أمور كانت قبل إتفاقنا وعهدنا ولو بساعة واحدة مادامت لاتؤثر على مستقبلنا معا ..
رابعا لو أن العلاقة من تلك العلاقات الدارجة والتى تسمى خاطفة فلا داعى للتوقف عندها كثيرا ولتستمر حياتنا ولاشئ مطلقا ممكن يحدث ..
خامسا لو أن هناك من الأمور ما يمكن أن يؤدى لقطع صلة الرحم أو إثارة أمور من شأنها تنغيص حياتنا جميعا قد يكون قرار التضحية هنا مؤلم لكنه واجب .. مالم يكون هناك بديل كالإقامة ببلد آخر لعدم التواجه ..
سادسا لى صديق خطب فتاه وكانوا على علاقة وطيدة لمدة سنتين وإنفصلا وذهب وتزوج أختها ووافقوا بلا أى مشاكل وعندهم بنوته الأن

.
أخر مرة ياقمر الزمان تعملى كده

ميرسي اوي يا أدهم على رأيك
وبجد كلامك عجبني جداً ومقنع ميه في الميه
بس انا أفهم من كلامك انك
شايف ان الحكايه دي بتمشي عادي
يعني انت موافق عليك
يعني انت طلعت مخالف لرأيي
تسلملي يارب ويسلم مرورك الكريم يا أدهم
وخلاص انا هسمع كلامك ومش هعمل كده تاني

تحياتي ياجميل

[وائل المصري]

سيدتي

ياله من موضوع شائك لا يحدث ثوي مره في المليون

لكنه للاسف يحدث

لكن

الحب سيدتي سلطان كما يقولون اليس كذلك

من الممكن ان نحب لكن يجب ان نحب اولا بالعقل وليس بالقلب

هكذا يقول الكثير

لكن

اسمحي لي بتعديل تلك العباره جميعا يعلم ان العقل هو المتحكم في كل حركات الجسد ما عدي القلب لان القلب له تصورات اخري وبعض المعادلات التي لا نستطيع عمل اي شيء ان احب القلب مع اننا لو تمهلنا قليلا لنفكر ما كنا احببنا وخاصه هنا

هناك من قام بالارتباط بالفعل بحبيبة اخاه والله العظيم تم تطليقها مرتين ونتتظر الان حكم محكمه الاسره لانهاء الطلاق نهائيا

لا استطيع ان اكمل واعتزر علي الاطاله

وائل المصري

[امل احمد محمد]

طبعا مستحيل الواحد يحب واحد كان مع علاقه مع اختها ولا ممكن اضحى باصحابيتى طبعا

[نرجسية]

ازيك يا قمر الزمان ؟

ايه الأسئلة الجامدة دى ؟؟

الاجابة صعبة علىّ لأنى ما اتوضعش فى الموقف

بس أنا متخيلة مثلاً واحد خطب واحدة
و بعدين فسخ الخطوبة ينفع يروح يخطب أختها ؟؟!

غريبة دى علينا

و مع ذلك ممكن تحصل فى ظروف أخرى أنا مش مدركاها


كل شئ جايز

سلام يا قمر

[eshoo4ever]

يااااااااااااااااااااسلام على موضيعك الى مش ليها حل


بصى اولا


لو حتى بموت فيها


هتكم فى نفسى عارفه لو حتى اخويا فكر فيها مجرد تفكير

مش هينفع خالص


وهو العكس وحصل موضوع دل على كده


بس مواضيعك هايله ياقمر ربنا يخليكى للمنتدى

[قمر الزمان]

المشاركة الأصلية بواسطة اميرة_الورد

انا معتقدش اني ممكن احب واحد كانت بتحبه اختي
حتي لو حصل لازم ابعد عن الحب ده
لان مثلا لو انا و هو ارتبطنا و بعدين بدا يحن لماضيه مع اختي ساعتها ان هعمل ايه
اكيد هيحصل مشاكل بيني و بينها

اممممم كلامك جميل يا أميره والله
هو ده المنطق الصح
تسلميلي يارب يا حبيبتي
على مرورك الجميل ده
وربنا مايحرمني منك ابدا
تحياتي

[teto_g14]

هلا يا قمر

الموضوع جامد اوى


مينفعش طبعا

لزم هيبقى فى احساس بين اخويا والانسانه دى

[قمر الزمان]

المشاركة الأصلية بواسطة عتاب

اهلا قمر
الموضوع جميل
بس الحب مش اختياري
مش بمزاجي هقول انا هاحب ده او لا
انما السؤال الحقيقي انا هارتبط بيه والا لا
طبعا اذا كان بيحب اختي قبل كده مش هاقدر ارتبط بيه حتى لو هي رفضته وماكنتش بتحبه
لاني لو ارتبطت بيه مش هاتحمل كلامهم سوا
هالاقي نفسي باراقب تصرفاته معاها وتصرفاتها معاه
غصب عني هعمل كده وممكن كمان لو هي كانت مياله له الموضوع يتسبب في قطع الارحام
يبقى بلاها الجوازة اللي هاتبعدني عن اقرب الناس ليا
ونفس الكلام انا قلته قبل كده لو مكنتش اختي وكانت واحدة صاحبتي
مش هاضحي بصداقتها عشان ارتبط بانسان كانت بتحبه او كان بيحبها

اهلا بالقمرايه عتوبه
ايه النور ده كله بس ايه النور ده كله
كلامك ورأيك عجبني جداً ياعتوبه والله
وانا والله لو مكانك واللي انا اجوزتو مثلا
لقيت بدأ يعمل كده لأختي انو يبصلها او
مجرد انو يقف معاها بس وهو مش قاصد حاجه
انا هبقى شايفه العكس
وده بجد لو حصلي او حصل لأي واحده
ممكن يجيلها جنان رسمي
ده بالنسبالي
نورتيني ياقمر والله ونورتي التوبك كلو
والله بفرح اوي لما ألاقي ردك
تحياتي ياعسل

[قمر الزمان]

المشاركة الأصلية بواسطة وائل المصري

سيدتي
ياله من موضوع شائك لا يحدث ثوي مره في المليون
لكنه للاسف يحدث
لكن
الحب سيدتي سلطان كما يقولون اليس كذلك
من الممكن ان نحب لكن يجب ان نحب اولا بالعقل وليس بالقلب
هكذا يقول الكثير
لكن
اسمحي لي بتعديل تلك العباره جميعا يعلم ان العقل هو المتحكم في كل حركات الجسد ما عدي القلب لان القلب له تصورات اخري وبعض المعادلات التي لا نستطيع عمل اي شيء ان احب القلب مع اننا لو تمهلنا قليلا لنفكر ما كنا احببنا وخاصه هنا
هناك من قام بالارتباط بالفعل بحبيبة اخاه والله العظيم تم تطليقها مرتين ونتتظر الان حكم محكمه الاسره لانهاء الطلاق نهائيا
لا استطيع ان اكمل واعتزر علي الاطاله
وائل المصري

والله يا أ . وائل
بجد والله انت فاجاتني بحكاية الست اللي مطلقه مرتين
انا كنت شايفه ان الموضوع ده جــــــــآمد ومنتشر كتير
بس مكنتش اعرف انو بعدين لما بيتطور بيحصل كده
يعني قضايا ومحاكم والكلام ده
بجد ربنا يكون في عون كل اللي بيطلقو بسبب الموضوع ده
بس بجد المفروض يعني لو واحده حب واحده كان اخوه بيحبها
يعتبرها زي اختو او اكتر كمان
يعني المفروض مايفكرش في حكاية الإرتباط بيها
عشان مايكونش شكلوا ادام اخوه مش كويسه
يالا ربنا يكون في عون الجميل
وانا سعيده بتعليقك والله جدا ومفيش إطاله ولا حاجه والله
نورتني
تحياتي

[dodo3]

لا طبعا خلاص يبقي ولا انا ولا اختي وعلي فكرة دة مش ممكن لاني اكبر من اختي ب10 سنين ههههههه

[قمر الزمان]

المشاركة الأصلية بواسطة امل احمد محمد

طبعا مستحيل الواحد يحب واحد كان مع علاقه مع اختها ولا ممكن اضحى باصحابيتى طبعا

يسلملي مرورك ياقمر
وعجبني ردك جدا بجد
وأكيد ده بيحصل كتير اوي وانا بسمع
عنو كتير جداً والله
نورتيني ياقمر
ونورتي التوبك كلو والله
تحياتي ياجميل