|
ماذا تفعل لوكنتوا مكانى؟ارجو تقرأوا حكايتى وتردوا عليا
بجد انا محتاره ومش عارفه اكمل حياتى ولا اتأقالم مع حد لانى فقدت الثقه فى كل الناس
انا هحكي ليكوا حكايتى يمكن تكون عاديه جدا بس هى صعبه عليا
انا كنت عايشه حياتى عادى يعنى مش كنت مبسوطه اوى بس احسن من دلوقتى وزى الايام دى السنه اللى فاتت لقيت واحده ست وبناتها داخلين يسلموا على والدتى واتعرفوا عليا عادى يعنى وعزمونا على حفله نجاح بنتهم واكتشفت بعيدين انهم عاوزينى لابنهم شفنا بعض واتخطبنا فى اسبوع يعنى هو كان متجوز قبل كده بس مش قعد معاها الا 3 شهور بس وقالوا انها كانت مش كويسه اتخطبنا عادى وهو سافر وحبينا بعض جدا وكنا بنحلم اننا نكون لبعض ومع بعض فى كل وقت بكل احترام بس المشكله كانت فى اهلوا اللى مختارنى كانوا مسيطرين على كل حاجه فى حياته وهو كان بيشكيلى منهم وان والده بيقول عليه كلام كتير المهم انهم كدابين وهو كان عارف كده وفى يوم نزلنا نختار اثاث بيتنا انا واهله وبرده علشان مش اكسفهم خليتهم يختاروا معايا وفى يوم حبيت اغير شويه حاجات بسيطه جدا اتصلت بوالده وقلت ليه وهنا كانت الحكايه والنهايه قالى انه مستلف من الناس علشان يكمل ثمن الحاجات دى قلت ليه ربنا يخليك ياعمى وطبعا كل واحد قعد يزعق شويه وخطيبى اقصد اللى كان خطيبى لما سألنى حكيت ليه اللى حصل هما بقا قالوا مش حصل وطلعونى كدابه قلت اواجهه اتهرب منى وخطيبى قالى روحى اتأسفى ليهم وقالى انا عارف كل حاجه بس علشان خاطرى وفجأه لقيتهم عاوزين يفسخوا الموضوع وقالوا ليه ابعت حاجاتها وفعلا حصل من غير مايقول ولا كلمه وبعتنت عمتى دى لى رساله يقولى مش تخدعى نفسك انتى مش بتحبينى انتى كدابه انتى ووالدتك وقال لبت عمتى دى كدابه وانتهى الموضوع من شهر 1 يعنى بقالى 6 شهور ومش عارفه انساه وهو اهله راحه يخطبوا ليه بعد اسبوع واحد مش عارفه ده ايه كان حب ولا ايه وهو كلامه كان كلام ولا كان صادق .
هتصدقونى لو قلت ليكوا انه وحشنى اوى ونفسى اشوفه مع انى عارفه انه دلوقتى اتجوز وعايش حياته عادى
قولوا ليا اعمل ايه مش عارفه اتعامل مع حد خالص وحاسه ان فى جرح جامد جوايا(اعمل ايه).
|
مواضيع مشابهة
السلام عليكم ورحمه الله
النمط الخطي
