المحكمة الإدارية تعيد عضوية مرتضي منصور في الزمالك

[احمد13]

- أعادت محكمة القضاء الإداري عضوية نادي الزمالك إلي مرتضي منصور مرة أخري بعدما ألغت قرار شطبها.

وعلم مراسل Yallakora.com أن الحكم جاء كما يلي " إلغاء قرار شطب عضوية مرتضي منصور وما ترتب عليه من أثار .. وتغريم جهة الإدارة بجميع مصروفات درجات التقاضي كلها".

ويعني الجزء الأخير من الحكم أن جميع مصروفات التقاضي سيتم إلزامها للمجلس القومي للرياضة ونادي الزمالك مناصفة بينهما.

ولم يتبين ما إذا كان مرتضي سيترشح في انتخابات النادي آم لا خاصة وانه قام بتحرير محضر إثبات حالة قبل غلق باب الترشح في الشهر الماضي.

[cute baby]

اظن ان رجوع مرتضى منصور تاني للزمالك خساره كبيره جدا

ويا ريت ما يرشحش نفسو لانو هيضر الزمالك مش هينفعو

مع تحياتي
وشكرا ليك يا احمد يا عظيم

[احمد13]

المشاركة الأصلية بواسطة cute baby

اظن ان رجوع مرتضى منصور تاني للزمالك خساره كبيره جدا

ويا ريت ما يرشحش نفسو لانو هيضر الزمالك مش هينفعو

مع تحياتي
وشكرا ليك يا احمد يا عظيم

شكرا ليكي يابنت البلد دي


وهنشوف مرتضي هيعمل ايش

[احمد13]

صرح المستشار مرتضى منصور رئيس نادي الزمالك الأسبق بأنه سيقيم مؤتمراً صحفياً في الثامنة من مساء الخميس القادم داخل جدران النادي بميت عقبة لتوضيح الكثير من الأمور وأيضا لتفعيل ترشيحه في انتخابات رئاسة النادي الأبيض.

وأضاف في اتصال هاتفي بإحدى البرامج الفضائية بأنه سيسعى للذهاب للنادي في أقرب وقت حتى يستطيع حل مشاكل الزمالك المتراكمة وبخاصة المشكلة الثائرة بخصوص اللاعب هاني سعيد.

وأنتقد منصور أوضاع نادي الزمالك الحالية وأتهم ممدوح عباس رئيس الزمالك الحالي وحسن صقر رئيس المجلس القومي للرياضة بأنهم السبب لما وصل به الحال في نادي الزمالك.

وقال أخر رئيس نادي منتخب للزمالك " لو لم يملك رئيس نادي الوقت للجلوس مع لاعب وحل مشاكله أو توقيع مع أخر بنفسه فما هي جدوى وجوده؟ ".

[cute baby]

هههههههههههههههه
حلوه
بس ما تقولش كده
المشكله ف الناس اللي ماسكه النادي
بس لو انتو انتخبتو ناس كويسه هتقدرو تنافسو على البطولات

مع اني اهلويه جدا
بس يا رب الزمالك يرجع تاني
نادي كبير

مع تحياتي

[midomod]

ى انا بتكلم بجد ...............(انا زملكاوى اذن انا مريض )

انا والدى عنده 62 سنة وكان خلاص هيودع فى ماتش الكاس لولا الجون اللى جابه عمرو

بس انا مش عارف انا نادى ايه دا اللى كل شوية يكون النزاع بين اطراف وهما هما نفس الاشخاص

وكل شوية وعود وصفقات ولعيبة سوبر ومفيش حاجة بتحصل

(مفيش فايدة)

[BATISTA]

انا والدى عنده 62 سنة وكان خلاص هيودع فى ماتش الكاس لولا الجون اللى جابه عمرو

بس انا مش عارف انا نادى ايه دا اللى كل شوية يكون النزاع بين اطراف وهما هما نفس الاشخاص

ربنا يخلي لك والدك ويخفف عنة بس عايز اوصلك نقطة واحدة ان الكرة فى مصر ماتستاهلش كل الى بيحصل لسبب المباراة بتنتهى من هنا الاعيبة بتحضن بعض وتضحك مع بعض ولا عزاء للجماهير



بخصوص النزاع صدقنى كل النزاع من قبل المندوة ورؤوف ومرتضى وكمال درويش ماهو الى تصفية حسابات بعيد عن مصلحة النادى يعنى المندوة بعد كل مشاكلة مع مرتضى وكمال درويش دلوقت التلاتة مع بعض زى السمن على العسل وكل واحد بيدور على منافع شخصية لكن ممدوح عباس طول عمرة بيصرف من جيبة ومش مستنى اى حاجة من حد لكن تعمل اية بقى

... ربنا يعدى فترة الانتخابات على خير ...

وبرضة احنا مش بنشجع اطراف ولا احزاب احنا بنشجع نادى الزمالك مهما حصلة



تحياتى لك واهلا بيك فى المنتدى

ونسال الله الشفا لوالدك

[cute baby]

بعد الشر ربنا يديلو طوله العمر

بس اقولك على حل حلو اوي ؟؟

سيبك من الزمالك و خليك مع الاهلي

انا بهدي النفوس مش


مع تحياتي

[BATISTA]

وكل شوية وعود وصفقات ولعيبة سوبر ومفيش حاجة بتحصل

أعتقد ممدوح عباس ماقصرش بس المشكلة فى الى عايزين يخربو النادى وكل يغنى على ليلتة

[cute baby]

انا بهدي النفوس مش اكتر

عشان فوق اتقطعت الجمله مني


نتكلم بجد بقى
انا من رأيي لو كل الزملكاويه عملو زيك و ما وقفوش جمبو
مش هيكون في زمالك اساسا

كل نادي بيمر بفتره ( عصيبه )
حلو عصيبه دي
المهم ان ف الفتره دي لازم جماهيرو يفضلو يشجعوه و يساندو

لان صح انت بتشجع ناي مش ناس بيشتغلو فيه


مع تحياتي

[midomod]

مع ثقتى الكاملة فى نادى الزمالك وفى جماهيره اللى انا واحد منهم .بالشكل دا مع وجود (حرب عصابات ) فى انتخابات نادى رياضى عريق المفروض انه نادى القرن العشرين الحقيقى الا ان انا اشك ان البطولات تقدر ترجع فى وجود الاسماء اللى احنا اتعودنا عليها ....احنا عايزين ناس جداد
ناس مش بيعملوا دعاية لنفسهم بتقليل مكانة المجالس اللى فاتت ناس بفكر جديد وبخصوص كلمة احنا بنشجع نادى مش بنشجع ناس انا بقول ان اى نادى فى العالم بيتحكم فيه مجلس واحد مكون من عدة اعضاء ورئيس وهما يعتبروا 70% من النادى والباقى جماهير ودعم الحكومة
زى دعم العيش والتموين كدا (ربنا يهديك ياللى فى بالى) بس هنعمل ايه مفيش فايدة !!!

[cute baby]

مين اللي في بالك


اعترف



و صحيح انت قاهر نفسك اوي كده ليه
دي كوره مش اكتر


اللي اقدر اقولو
ان لازم الجماهير تقف مع النادي
عشان يرجع يقف مره تانيه لانو نادي كبير ولازم يرجع و ينافس ع البطولات من تاني

بس بردو هنغلبكو

[midomod]

انا مش قاهر نفسى للزمالك لان لاشئ فى الدنيا يستحق القهر وبعدين مش بيعود عليا اى عائد مادى او معنوى ...........مجرد مشجع

وبخصوص مين اللى ربنا يهديه اكيد معروف

بس بردو مفيش فايدة اقولك حاجة انا هعملها فى التوقيع وخلاص

[cute baby]

ايه الاحباط ده

دي مش مشكله الشرق الاوسط يعني
وحتى لو كانت قدها يا سيدي اكيد في امل خليك متفائل

[midomod]

فرحانة فينا انا عارف