فضفضه .. ساعدنى & أساعدك

[مستر كاراتيه]

المشاركة الأصلية بواسطة بنت زي القمر

مرسي ليكي اوي يا ريت تكتبهوليي بسرررعة وتشرحي انا اسفة هتعبك معايا
بس اللي معقد الموضوع ان التاني اللي خيرني هو مصري بس من بلد تانيه واتعرفنا على النت وشوفت صورته بس هو بعيد ساعة ونص عن المكان اللي انا في
يعني معرفوش كويس ولا هو يعرفني وهو قالي ان اعجب بي بكلامي
ولما قولت له كده قالي ايه الفرق بين المناطق كله في مصر وهو بصراحة مؤدب اوي وباين عليه انه معجب بيه اوي ولما خيرني معرفتش اعمل ايه

بصراحه يا بنوته .. انا تابعت مشكلتك وكان ردى فيها نفس رد مجرد شعور بالضبط .. هيا قالت نفس الكلام تماما

شكرا ليكى على وجودك هنا واتمنى انك تكونى معانا على طول

علشان احنا كمان محتاجينك لسه

..

[مستر كاراتيه]

المشاركة الأصلية بواسطة رورو11

دى فكرة روعة وانا ان شاء الله لما هحب افضفض اكيد هدخل هنا

رورو شكرا ليكى بجد

وانتى كمان بجد موضوعك بتاع البنات ده جميل جدا وانا متابعه على فكره

..

[مستر كاراتيه]

حاجه ضايقتنى امبارح .. كنت فى اسكندريه بجيب كراتين سيراميك من شقتنا هناك .. وطالع نازل اشيل الكراتين من الدور الخامس للارضى ... نازل فى مره كرتونه فلتت من على كتفى ووقعت ووقعت انا كمان على السلم ... يوووه كان موقف .. المشكله مش فى انى وقعت .. المشكله ان كان فى اتنين شباب واقفين .. ولا حد فيهم فكر يساعدنى ... ولا كأن حاجه حصلت اساسا ..

الظاهر ان إبن البلد إختفى من مصر .. ؟؟
ولا هو انا لوحدى فى الدنيا اللى فاهم غلط ولا ايه ..؟

[sleeping angel]

المشاركة الأصلية بواسطة مستر كاراتيه

حاجه ضايقتنى امبارح .. كنت فى اسكندريه بجيب كراتين سيراميك من شقتنا هناك .. وطالع نازل اشيل الكراتين من الدور الخامس للارضى ... نازل فى مره كرتونه فلتت من على كتفى ووقعت ووقعت انا كمان على السلم ... يوووه كان موقف .. المشكله مش فى انى وقعت .. المشكله ان كان فى اتنين شباب واقفين .. ولا حد فيهم فكر يساعدنى ... ولا كأن حاجه حصلت اساسا ..

الظاهر ان إبن البلد إختفى من مصر .. ؟؟
ولا هو انا لوحدى فى الدنيا اللى فاهم غلط ولا ايه ..؟

هو ممكن الشابين دول ممكن تكون حالت ذهول منهم منعتهم انهم يسعدوك بتحصل كتير معايا بس مبعرفش اعمل حاجه
او ممكن يكون برود من الشابين دول و ان ابن البلد اختفى من مصر
و يا رب اكون قدرت اني اساعدك و شكرا على الموضوع الجميل ده

و الف سلامه عليك و يا رب تكون دلوقتي بصحه جيده

[مجرد شعووور]

حاجه ضايقتنى امبارح .. كنت فى اسكندريه بجيب كراتين سيراميك من شقتنا هناك .. وطالع نازل اشيل الكراتين من الدور الخامس للارضى ... نازل فى مره كرتونه فلتت من على كتفى ووقعت ووقعت انا كمان على السلم ... يوووه كان موقف .. المشكله مش فى انى وقعت .. المشكله ان كان فى اتنين شباب واقفين .. ولا حد فيهم فكر يساعدنى ... ولا كأن حاجه حصلت اساسا ..

الظاهر ان إبن البلد إختفى من مصر .. ؟؟
ولا هو انا لوحدى فى الدنيا اللى فاهم غلط ولا ايه ..؟

ياه يامستر احمد والله وجعت قلبي
طيب انت صحتك اخبارها ايه دلوقتي ؟؟؟
كويس يعني طمنا

انا معاك ان ابن البلد اختفى في مصر خلاص
تصور لسه حاصل مع ماما موقف زيه تخيل كانت راكبة تكسي
وجايبة معاها شوال فيه رز وهي نازلة حاولت تنزل الشوال ماقدرتش
قالت للسواق معليش ممكن تنزله

قالها انا مش فاضي يامدام لو سمحتي خلصينا علشان كان زماني مشيت
بجد مابقيتش عارفة تقول ايه ؟؟؟

بس ولا تدايق ولا يهمك المهم اننا نحاول اننا احنا الي نثبت العكس
يعني احنا بقى لو عاوزين فعلا الفكرة دي تتغير عننا احنا الي لازم نثبت اننا
بنعمل باصلنا وبشهامة المصريين الجدعان بجد

وانا بجد حاسةبيك عارف الي يدايق فعلا ايه ؟؟؟
انك انت مثلا لو في الموقف ده مش هتقف ساكت اكيد هتساعد
عشان كدة الواحد بيحب الناس تعامله بالمثل

بس عشان خاطري انسى الموضوع ومش تدايق نفسك
وحاول ترتاح ومش ترهق نفسك بقى اليومين دول

وطمنا عليك
معليش لكيت لحد ماصدعتك بس الموضوع مستفز فعلا

تحياتي ليك
وربنا يسعدك ومش يجيب ليك حاجة وحشة يااخويا

[فراق84]

المشاركة الأصلية بواسطة مستر كاراتيه

حاجه ضايقتنى امبارح .. كنت فى اسكندريه بجيب كراتين سيراميك من شقتنا هناك .. وطالع نازل اشيل الكراتين من الدور الخامس للارضى ... نازل فى مره كرتونه فلتت من على كتفى ووقعت ووقعت انا كمان على السلم ... يوووه كان موقف .. المشكله مش فى انى وقعت .. المشكله ان كان فى اتنين شباب واقفين .. ولا حد فيهم فكر يساعدنى ... ولا كأن حاجه حصلت اساسا ..

الظاهر ان إبن البلد إختفى من مصر .. ؟؟
ولا هو انا لوحدى فى الدنيا اللى فاهم غلط ولا ايه ..؟

سلامتك الف سلامة
هي فعلا حاجة تدايق اكتر من الوجع اللي انت حاسس فيه
والناس اللي كدة بقت مليانة فعلا
حتى انهم ممكن يديقو لو حد ما ساعدهمش
وهما ما بيعملوش الحاجة نفسها
وزي ما قالت مجرد شعور
احنا نعمل ونساعد
واكيد الناس من نفسها هتتعلم
حتى لو نسيت الحاجة دي
مع تعاملنا معاهم هنعلمهم ابن الاصول يكون ازاي
الله يسامحهم ويهديهم
وسلامتك الف سلامة
ربنا يحميك

[مستر كاراتيه]

المشاركة الأصلية بواسطة sleeping angel

هو ممكن الشابين دول ممكن تكون حالت ذهول منهم منعتهم انهم يسعدوك بتحصل كتير معايا بس مبعرفش اعمل حاجه
او ممكن يكون برود من الشابين دول و ان ابن البلد اختفى من مصر
و يا رب اكون قدرت اني اساعدك و شكرا على الموضوع الجميل ده

و الف سلامه عليك و يا رب تكون دلوقتي بصحه جيده

انا الحمد لله كويس عايش أهو .. بتنفس

على فكره مكنتش حاله ذهول ولا حاجه .. هيا حاله لا مبالاه اصابت الشباب عموما ...

[مستر كاراتيه]

لولو

فراق

... فعلا الواحد مفروض يعمل اللى عليه ومش يستنى اى حاجه من اى حد