حاسه اني لوحدي

[اي حد]

حاسة اني لوحدي رغم وجود اهلي حواليا امي دايما بتحكي وبترتاح مع اختي الكبيرة وبتبقى متضايقة لما بتبقى مش موجوده بحاول احسسها بوجودي بس بافشل كل مره لانها مش بتثق في رايي في اي حاجة بقيت انا كمان ماعنديش ثقة في رايي ياريت حد يقولي نصيحة تفيدني احسس امي فيها بوجودي

[zainab r]

المشاركة الأصلية بواسطة اي حد

حاسة اني لوحدي رغم وجود اهلي حواليا امي دايما بتحكي وبترتاح مع اختي الكبيرة وبتبقى متضايقة لما بتبقى مش موجوده بحاول احسسها بوجودي بس بافشل كل مره لانها مش بتثق في رايي في اي حاجة بقيت انا كمان ماعنديش ثقة في رايي ياريت حد يقولي نصيحة تفيدني احسس امي فيها بوجودي

السلام عليكم اختي الفاضله احب امسي عليكي بالخير واقولك انتي مش لوحدك اهلك جمبك وصحابك انتي يمكن حساسه شويه انتي الظاهر عليكي انك انسانه مرهفه الاحساس ده باين من كلامك انا حسيت بده وامك يمكن بتاخد برأي اختك الكبيره لانها كبيره وفاهمه الحياه احسن منك وامك اكيد حتاخد برأيك وعندها كل الثقه فيكي وبرأيك بس يمكن رأيك في بعض الاحيان مايكون صائب وماتقتنع فيه امك لاتفقدي الثقه في نفسك وبرأيك انتي شويه افرضي حضورك في البيت شاركي اهلك في نقاشاتهم وابدي أرائك في شتى المواضيع ولكي مني ارق التحايا اختك زينب

[امل حياتى]

بصى يا توتو...
اولا انتى لازم تحمدى ربنا على اهلك اللى موجودين حواليكى
مش يمكن غيرك مالوش حد!!

ثانيا ان ماما بترتاح مع اختك الكبيره ده طبيعى
لان هى الكبيره
وده مش بيحصل معاكى انتى بس
وكمان يعنى ايه بحاول احسس ماما بوجودى
تفتكرى ماما ممكن تكون مش واخده بالك منها
هى كل الحكايه انها بتثق فى اختك الكبيره
عشان هى الكبيره وهى الاكثر نضجا
وماتفكريش ان ماما مش بتحبك مثلا
مفيش ام مش بتحب بنتها
كفايه انك تكونى معاها
طب مش ممكن ماما تكون بتضايق لما انتى كمان مش بتكونى موجوده
وانتى ماتعرفيش
حاولى تقربى منها
حاولى تحكى لها على مواقف حصلت لك
وهى اكيد لما تلاقى موقف اظهرتى فيه ذكائك او عرفتى تتعاملى فى الموقف ده كويس
مش هتتردد انها تحكى لك حاجه
حاولى تكونى صداقات كتير وتكونى اجتماعيه اكتر

[اي حد]

ممكن حد يساعدني

[فراق84]

وانا رايي مع راي الاعضاء اللي ردو
حاولي مرة واتنين وتلاتة
حتى لو فشلتي
بالاخير بتتعلمي وبتصيري تعطي الراي الصحيح
لانك اكيد في يوم ماماتك تاخد رايك
ربنا يخليلك كل حبايبك
اختك فراق

[وائل المصري]

سيدتي

عندما نحصل علي ثقه الناس وحبهم من المؤكد اننا علي صواب

اذا كيف نحصل علي هذه الثقه او هذا الشعور

اولا

نحاول ان نحصل علي الثقه في النفس

ثانيا

نحاول جادين ان نقدم كل المستطاع من جهد للحصول علي ثقه الاخريين من تغيير اسلوب حياتنا قليلا

لا نستطيع ان نرضي كل الناس اعلم

لكن

يجب ان نحصل علي ثقه كل الناس واحترامهم لان احترام الناس لا يختلف عليه احد

سيدتي

من المؤكد انكي كثيرة التهريج مثلا وتحاولي ان تمزجي الجد بالهزل وهذا ما اضعف صورتكي امام الام

الام سيدتي مهما حاولت ان تحب ابن عن الاخر لن تستطيع لانها هبه من الرحمن ان تحب كل ابنائها بدرجه واحده اما ثقتها تعطيها الي من يستحق لابنائها

عندما تقوم الام او الاب بمعاقبه احد من اولاده فهذا ليس للغضب منه او عليه لكن لحبه الشديد وحرصه علي مصلحته

حاولي ان تتغيري وتحصلي علي ثقتكي بنفسكي اولا ثم ثقه الاخرين

نصيحه

لا تدعي الشيطان ان يدخل بينكي وبين اختكي او بينكي وبين امكي

سيدتي

اعتزر علي هذا الاسلوب

تقبلي تحياتي

وائل المصري

[سارقة القلوب]

صدقيني ياحبيبتي مفيش ام في الدنيا مبتحبش ولادها وكلهم عندها زي بعض بس احنا في بعض الاحيااااااااان بنعتقد كدة طيب انا اكبر واحدة في البيت وعااااادي بالعكس كل المسؤلية عليا انا بس الكبيرة يمكن تفدها اكتر وهو دة السبب ومتزعليش تعالي بس لا قدر الله لو حصلك حااااجة شوفي هتعمل اية هتجنن علشان انتي تعباااااااااانة وبعدين الامهات كلهم كدة ولا يهمك ومتعمليش حاجة غير انك ترضيها وشوفي بتحب اية واعملية لهااااا وعارفة لو انتي شاااااااااااطرة روحي وجبلها هدية

[اي حد]

اعتزر علي هذا الاسلوباستاذ وائل المصري بالعكس حضرتك افدتني جدا جزاكم الله خيرا

[اي حد]

المشاركة الأصلية بواسطة سارقة القلوب

صدقيني ياحبيبتي مفيش ام في الدنيا مبتحبش ولادها وكلهم عندها زي بعض بس احنا في بعض الاحيااااااااان بنعتقد كدة طيب انا اكبر واحدة في البيت وعااااادي بالعكس كل المسؤلية عليا انا بس الكبيرة يمكن تفدها اكتر وهو دة السبب ومتزعليش تعالي بس لا قدر الله لو حصلك حااااجة شوفي هتعمل اية هتجنن علشان انتي تعباااااااااانة وبعدين الامهات كلهم كدة ولا يهمك ومتعمليش حاجة غير انك ترضيها وشوفي بتحب اية واعملية لهااااا وعارفة لو انتي شاااااااااااطرة روحي وجبلها هدية

عندك حق والله عارفة انا بقيت احيانا باشارك بارائي وبلاقيها بتعجبها عموما يا سارقة جزاكم الله خيرا على الافادة الرائعة دي

[انا حبيبها]

اى حد


الحل الوحيد اللى يخلى مامتك تحس بوجودك هو :


ان تحسى انتى اولا بوجودك واهميتك بالبيت


فلتقومى بواجبك تجاهها وتساعديها فى شئونها واحوال البيت


وبذكرك بالمثل المصرى اللى بيقول ( مايعرفش قيمه امه الا لما يشوف مرات ابوه )


فالام معروفه بطيبتها وحنانها وعطفها على ابناءها وتضحياتها المستمره


فماذا قدمنا نحن لامهاتنا ؟؟؟؟؟؟؟؟؟؟؟؟؟؟؟؟

[مستر كاراتيه]

بصى يا ستى ..
الانسان بيظهر من مواقفه مش من اسمه او وجوده

يعنى انتى ..بس تحاولىتعملى لنفسك شخصيه بوجودك الحقيقى .. لازم تثقى فى قراراتك
لازم تثقى فى ربنا قبل نفسك

بس كفايه .. انا هنا لو احتاجتى اى حاجه تانى .. مش انا لوحدى كلنا هنا معاكى

[amirat7oby]

حيجى عليكى الدور وماما حتىتحلك أنت عارف الولاد بالنسبة للأم وللأب زى أيه زى الفاكهة كلها حلوة وبيحبوها بس النهارده موزه وبكرة تفاحة وهكذا لكن بحبوها كلها مش كده يا تفاحة ولا أنت أسمك أيه مشمشة ولا خوخه ولاعنبه كل واحد له طعم مختلف وأكيد أنت كمان طعمك بيحبوه .... خلاص ياقشطه ؟؟؟؟؟؟؟؟؟؟

[amirat7oby]

حيجى عليكى الدور وماما حترتاح لك أنت عارف الولاد بالنسبة للأم وللأب زى أيه زى الفاكهة كلها حلوة وبيحبوها بس النهارده موزه وبكرة تفاحة وهكذا لكن بيحبوها كلها مش كده يا تفاحة ولا أنت أسمك أيه مشمشة ولا خوخه ولاعنبه كل واحد له طعم مختلف وأكيد أنت كمان طعمك بيحبوه .... خلاص ياقشطه ؟؟؟؟؟؟؟؟؟؟

[R=K]

انا حالي من حالك امي بتفضل اخواني علي مع اني انا البنت الوحيدة والمفروض اكون صاحبتها وفشلت في كل المحاولات لحد ماسار عندي تبلد

[نور1900]

سلام عليكم
اولا انا عايزه اقلك اننا كلنا هنا اخواتك
وبجد يسعدني اوي انك تعتبريني صديقتك الي تحكيلها كل حاجه
ثانيا انا عيزاكي متخليش الموضوع ده يهز ثقتك في نفسك لانك حاجه واختك حاجه مفيش حد فيكو زي التاني او يغني عنه
ثالثا باه سدقيني والله اساس ان ممتك تثق فيك انها تحس انك فعلا مهتميه بيها بجد من غير متكوني منتظره حاجه يعني لو اديتلها الاهتمام والحب والرعايه الحقيقين من قلبك مش لهدف بنيه انك بتعملي كده لوجه الله ودعيتي ربنا يقربك منها هتلاقي الدنيا هتتغير خالص(يعني ادي من غير متنتظري المقابل عشان متتعبيش) وحاسبي اوعي تلوميها او تقارني بينك وبين اختك قدامها لانك كده بتعملي حاجز بينك وبينها
حاولي وجربي وقولي حصل معاكي ايه
مستنيه ردك