السلام عليكم ورحمة الله وبركاته
انا كمان في ثانوية عامة سنه تالتة علمي
بس انا بدرس في السعودية
وبصراحة انا تعبت جدا جدا 
و احنا على حظنا هيخدوا تانية وتالتة زيكم بالظبط
مش زي كل سنه بياخدوا تالتة بس من المغتربين
انا من و نا بدرس في مصر وانا بنجح بتفوق
بس لما انتقلت للدراسة السعودية حسيت بالاختلاف
وتعبت شوية عشان فيه فرق في المناهج
لكن اتعودت
طبعا عرفت من التلفزيون ان الامتحانات في مصر صعبة جدا
ربنا يوفقكم يارب وتيجيبوا احسن المجاميع وتدخلوا احسن الكليات
لو خوفكم انتم هيفضل لحد ما تستلموا النتيجة فأنا خوفي مستمر لحد ما ادخل الجامعة
ان شاء الله
لاني لسه همر باختبارات تانية في مصر مستوى رفيع وخلافه
و تنسيقنا بيكون اخر حاجة في التنسيق
يعني شدة الاعصاب هتدوم كتير قوي
وانا اعصابي مش هتتشد لانها اتحرقت اساسا 
ايام الامتحانات كانت قلق وخوف وتعب وسهر
ووقت الامتحانات كانت بتمر عليا وكأني في عالم غريب
شعور لايوصف ......كنت بضحك بهستريا من غير سبب
وكنت بحب استهبل ايامها كتير 
لحد ما خلصت الامتحانات
بقيت مستنية النتيجة على ناااااااااااااااااااااااااااااااار 
لا نوم ولا اكل ونسيان غير عادي
بنسى اكل بنسى انام بنسى اي حاجة على النار
مع ان تفكيري مش مشغول بالنتيجة
وده لان تفكيري كان متوقف اساسا
ويوم ما كنت رايحة اجيب النتيجة
كنت مرعووووووووووبة 
و
قعدت اعيط في العربية زي الاطفال 
وبابا راح موقف العربية
وبصلي وقالي بحدة
لو هتعيطي يبقى مفيش شهادة انهاردة ومش لازم نجيبها اصلا ومش لازم تعليم
مدام التعليم هيخليكي منهارة وتعبانة نفسيا
قلتله لا يا بابا خلاص مش هعيط بس انا خايفة
قالي لو جبتي 70 في الميه انا راضي لاني عارف انك تعبتي وعانيتي لوحدك من غير مساعدة من حد
ولازم تعرفي ان ده قدر وان مجموعك وكليتك ده نصيب وقدر مكتوب من قبل ما تتولدي
وقتها هديت شوية
بس تليفونات ماما كانت بتوترني لانها كانت عكس بابا 
واخدت النتيجة والحمد لله كويسة الى حد ما
مش بطالة بس الحمد لله على كل حال انا راضية 
لاني تعبت وسهرت وبذلت اللي في وسعي وربنا شاهد ان ما فيه كلمة في ورقتي غشتها
كل كلمة كتبتها كانت بفضل الله ثم بمجهودي
بعد ما اخدت النتيجة متتخيلش فرحة بابا وماما واهلي في مصر 
وانا كمان فرحانة شوية ....بس بما اني شخصية نكدية فلسه خايفة من التنسيق 
لكن طبعا منكرش اني دلوقت اكل ومرعة وقلة صنعة
باكل برااااااااااااحتي وبعوض الانيميا اللي عشتها ايام الامتحانات 
اطيب واشهى الاكلات ....لازم اسمن كده عشان الهم التقيل اللي مستنيني في مصر
وكمان بقعد عالنت كتيييييييييييييييييييييييييييييييييييييير
وبعمل شوبينج عشان اعوض ايام البهدلة ...واشتري ملابس للجامعة
وطبعا دي امتع حاجة دنيوية ممكن اعملها وهي ال shopping
اه صحيح انت بتقول النتيجة بتاعتكم يوم 15 سبعة ....معلومة جديدة اصل بنات خالتي وقرايبي اللي في ثانوي مقالوليش هيستلموا النتيجة امتى
دلوقتي عرفت
يلا بقا ادعولي اوصل مصر بالسلامة كلها تلات ايام واشاركم الفرحة والبهجة
اتفاؤلوا خير تلاقوا الخير
يااااااااااااااااااااه رغي رغي ......معلش اسفه على الاطالة
بس احب اهديلك واهدي طلبة الثانوية العامة دعاء يارب يستجاب
يارب وفق كل مجتهد وكل من تعب وسهر عشان يتعلم علم يرضيك
ووفق كل من دعالك بالتوفيق
ووفق كل الطلبة والطالبات لكل علم يرضيك
ويارب متخذلناش
احنا ملناش
غيرك يا سامع الدعاء
تقبل تحياتي
.
إشراقة المنتدى 
النمط الخطي
